Цахим хуудсаар аялж байгаад удирдагч хүн гэж хэнийг хэлдэг болох, бусдыг удирдахын тулд ямар чадвар эзэмшсэн байх ёстойг тодорхой тайлбарлажээ. “Удирдах ухаан хүн бүрт заяасан байдаг. Өөрийгөө удирдахаас эхлээд өрх гэр, хамт олон, хамаг улсаа удирдах хүртэл. Хөгжсөн хөгжөөгүйгээрээ л ялгаатай юм. Удирдах ухаанаа авьяас, чадвар болтол нь хөгжүүлэхэд хүн өөрөө ч хичээж, хүмүүс ч түүнд тусалсаар ирсний хүчинд хүн төрөлхтөн түүхнээ мөнхөрсөн өдий төдий удирдагчийг төрүүлж, бас төрж байжээ. Удирдах ухааны өөрөө сурах бичиг нь амьдрал, хүмүүс юм. Сайн удирдагч хүн маш олон чадварыг эзэмшсэн байх хэрэгтэй.

Удирдагч нь дараах чадваруудыг эзэмших хэрэгтэй байдаг. Хүн чанар, ёс зүйтэй, ам, ажил нь зөрдөггүй, яагаад гэдгийг үргэлж мэддэг, эрх мэдэл, нөлөөгөө цагаа олж, зөв ашигладаг байх ёстой. Хүмүүстэй харилцах чадвар, бусдыг ойлгох, илэн далангүй байх, дотно найрсаг үгс, урам зориг ба санаачлагатай байх, ажил бүр ч чухал, хүмүүсийг хүндэл, хүмүүсийн нэрийг тогтоо” хэмээн томъёолсон нь энгийн мөртлөө их л чухал зан чанаруудыг багтааж. Манай улсын гол удирдагч болох Ерөнхийлөгч, УИХ-ын дарга нарт энэ зан чанараас хэд нь байгааг тоолж үзэхийг уншигчдад үлдээе. Харин Ерөнхий сайдын удирдах чанарыг жигнэж үзье. “Тун хангалттай” эсвэл “хангалтгүй” гэх зэргээр эцсийн дүн тавих арай эрт байгаа ч сануулахад илүүдэх юун.

Хамгийн наад зах нь ам, ажил хоёр нь зөрдөггүй байх гэсэн энгийн чанар эрхэм Ерөнхий сайдад байхгүй байна. Оновчтой, оновчгүй томилгоо хийж орон тоог нэмэгдүүлсэн, томилсон сайдуудтайгаа хамтран ах дүүгийн томилгоог төрийн байгууллагад хийсэн гээд сайнаасаа илүүтэй саар зүйлийг олон сонсгох болсон Ерөнхий сайд Н.Алтанхуягийг тойрсон санал, шүүмжлэл өвсөнд тавьсан түймэр шиг хурдан тархаж байна. УИХ-ын сонгуулиас хойш хийж гийгүүлсэн ажил нь гэвэл халаа, сэлгээ томилгоо. Сайн удирдагч байж чадахгүй ч сайн менежер хийж чадах байх гэсэн намын гишүүдийнх нь итгэл юу болох бол. Бүү л алдаасай. Бүр намынх нь нөхдүүд засгийн удирдлагыг түүнд атгуулахыг хүсэхгүй байсан ч сонгуульд штаб ахалж орсон намын даргаа Ерөнхий сайдаар тавихгүй бол Ардчилсан нам өөрөө “тэнэг” байдалтай харагдах байсан учраас зайлшгүй сонголт хийсэн гэдгийг журмын нөхөд нь ярилцдаг юм билээ.

Ямартаа ч цаашаа харсныг нь нааш эргүүлэх маягаар тун сайн зохион байгуулагч хийж чадсанаар Засгийн газар хэмээн том бялууг үртэс ч үлдээхгүй эв нэгдэлтэйгээр хуваарилж чадлаа. Харин одоо юу хийхийг нь ард түмэн хүлээж байна. Төрийн ордныг нээлттэй болгосон шигээ хурдан ажиллахыг л хүсч байна. Хэлсэн үг нь цаасан дээр бууснаас өөр хийж гийгүүлсэн зүйлгүй байгаа гүйцэтгэх засаглалын тэргүүний дэргэд хотын дарга ч харин шинэчлэл гэгчийг үлгэр жишээ үзүүлж байна. Ажлаа мэдэхгүй, ангайж суусан нөхдүүд Э.Бат-Үүл даргаас эмээх болж. Явган хүний зам, орц гарц, СӨХ, сургууль, цэцэрлэг, эмнэлгийн байгууллага, ундны усны эх үүсвэрийн орчимд олгосон газрын болон барилгын зөвшөөрлийг хүчингүй болгох, нийслэлийн инженерийн шугам сүлжээний байгууламж дээр хууль бусаар олгосон газрын зөвшөөрлийг хүчингүй болгох зэрэг өөрчлөлтийг яаж хийдэг вэ гэдгийг Үүл баатар харуулсаар. Оновчгүй томилгооны нэг гэгдэж байсан ШӨХТГ-ын дарга болсон О.Магнай харин шинэчилж чадна гэдгээ харуулж эхлэв. Болоо ш дээ гэж ард түмэн түүнийг үнэлж эхэллээ.

Засгийн хийж чадаагүй асуудлыг ганцхан өдрийн дотор шийдэж бүр ажилтнуудаа шалгуулахаар АТГ-т хандав. Гар утасны төлбөрөө секундийнх нь хэмжээгээр төлж, монгол үнээний гэх нэртэй “хуурай сүү” уудаг байсан амьдрал О.Магнайгийн ачаар түүх болж үлдэх нь ээ. Өмнөх Засгийн газрын бантан хутгаж хаясан шатахуун импортлогч компаниудад тавьсан 17 тэрбум төгрөгийн торгуулийн асуудлыг бас гаргаж ирлээ. Нэр нь сүртэй ч хийж гийгүүлсэн зүйлгүй байсан жижигхэн газрын үйл ажиллагааг зөв талаас нь эхэлж байгаа О.Магнайгаас суралцаач гэж хэлмээр байна, зарим нөхдөд. Энэ бүхнийг нуршаад байгаа нь идэвхгүй, сулбагар тэргүүнтэй байвал энэ улс цаашаа яаж хөгжинө дөө хэмээх ард түмний хөндүүрлэлээс үүдэлтэй. Н.Алтанхуяг Монголыг аврах уу, яах бол гэсэн хүлээлт хаа сайгүй байна. Авраач гэж хүсч байна. Шинэчлэл гэдэг үгэнд хэтэрхий “хайр зарласан” ч улс орны эдийн засаг, улстөрийн салбарт сүйдтэй шинэчилсэн ажил одоогоор мэдрэгдэхгүй байна. Улс орны амьдрал өнөөх л бахь байдгаараа салан, задгай байна.

Хэтэрхий хавтгайрсан халамжаа зоригтойхон үгүй хийж, хүмүүсийг ажилтай болгох ажлаа эхлээч. Ард түмнийг мөнгөөр хуурдаг сулбагар удирдагчтай байсны гайгаар өмнөх засгийн үед Хүний хөгжил сан гэгчээр хэчнээн тэрбум төгрөг тараасан билээ дээ. Тэр аймшигтай их мөнгөөр 400 үйлдвэр барих байсан гэсэн судалгаа гарсан байх юм. Хайран ч мөнгө. Гэтэл энэ их мөнгө ердөө импортоор орж ирсэн индүү, зурагтханаар солигдож гадныхны халаасыг түнтийлгээд дууссан гэхээр уур ч хүрэх шиг. 400 үйлдвэрт хэдэн зуун мянган хүн ажилтай болох байсан бол гэж бодохоор өөрийн эрхгүй сайн удирдагчийг хүсээд байгаа юм. Тийм удирдагчтай болбол ард түмэн нь ажилтай болж, улс маань хөгжих учиртай. Үнэхээр “Айхтар сайхан ярьдаг л хүүхэд байна. Амласнаа биелүүлээсэй” хэмээн ард түмэн залбирч суугаа нь мэдээж. Тэгэхээр үргүй зардал, үл биелэх амлалт өгөхөөсөө илүүтэй сайн удирдагч байж, шийдвэртэй хөдөлдөг гэдгээ харуулмаар байна даа, Ерөнхий сайд аа. Сайн удирдагч хүн сайхан ярьдаг байх ч бас ажлаа мэддэг байх гэдгийг нийтлэлийнхээ эхэнд жагсаачихсан болохоор их хянамгай уншаад болж өгвөл тэмдэглээд аваарай.

Б.Өнөртогтох

Н.Алтанхуяг Монголыг аврах уу
Tweet
Bolod.mn

Сэтгэгдэл (19)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
тамын тогооны үлгэр шиг хүн ажлаа эхлээгүй ч байхад битгий муул насаараа МАН -ыг хараад юу сайжрав хэдэн хөгшид гомдсоор байгаад үхлээ шүү дээ

2012-09-29 | 09:47:29 | 202.72.247.244 |

Зочин
монголыг одоо юу ч аврахаасаа өнгөрсөн нэгэнт оройтжээ

2012-09-29 | 09:43:33 | 182.160.30.107 |

Зочин
бат-гуйл салтанхуяг элбэгмал 3 зайлаа залхаж бна

2012-09-29 | 00:06:19 | 203.194.115.49 |

Зочин
зайлаачээ алтанхуяг одоо юу вэ? эхнэрээ солиж богс боорнийхоо асуудлийг шийдэж чадахгуй байж монголийг удирдан гэж яваад бхдаа яахавдээ инээдэмтэй юм.

2012-09-28 | 23:56:58 | 203.194.115.49 |

Зочин
амжилт хусиэ ардчилсан намд зоригтой байна

2012-09-28 | 21:25:03 | 49.0.153.139 |

Зочин
Шинэчилнэ гэж чухам юуг хэлээд байна аа??? Сайн ойлгогдохгүй л байна. Хүнийг хүнээр солихыг л хэлээд байх шиг байна аа даа.. Эсвэл нураах, устгахыг хэлээд байна уу? Хөнгөн гоомой хандаж байгаа популист юмнууд их л харагдаад байна даа. Ээ дээ, улс төр өө гэж... Яагаад хүн болгон эрх мэдэл рүү тэмүүлээд байна вэ?? хялбар аргаар богино хугацаанд мөнгөтэй болох арга болсийм биш үү? Монголд хүн мэргэжлээрээ ажиллаад,эсвэл хувийн аж ахуйгаа эрхлээд сайхан амьдраад явж болж байвал уг нь хүсмээргүй л юм шиг. Буруу хандлага тогтоод удаж байна доо.

2012-09-28 | 17:40:38 | 202.180.218.254 |

Зочин
Салтаанхуяг монголыг элгээр мөлхүүлнэ та нар хараарай

2012-09-28 | 16:28:07 | 124.158.66.8 |

Зочин
энэ засгийн газар Алтанхуяг дарга овоо л юм хийж эхлүүлээд бна шдээ одоо л төр засаг гэж ийм бдаг бх гэдгийг мэдэрч эхлээд бна Магнайг Алтанхуяг сайд өөрөө сонгож томилсон маш зөв хүнээ олж тависан.Хүн дөнгөж өжилаа хийж эхэлж байхад битгий доош ни хийх гэж оролд бугдээрээ тал талаас ни дэмжих л хэрэгтэй ш дээ.

2012-09-28 | 15:31:21 | 78.45.35.155 |

Зочин
МАН-ы Монгол улс баяжлаа гээд байсан яасан бэ. Одоо болохоор төрийн данс бараг улайсан гээд байх юм

2012-09-28 | 15:03:43 | 182.160.49.88 |

Зочин
ЭХ ОРОНДОО МОД ТАРИЖ МОНГОЛОО НОГООРУУЛАЦГАА

2012-09-28 | 12:53:14 | 203.194.115.166 |

Зочин
Àëòàíõóÿã áîë àðä÷èëñàí íàìûí àëäàà

2012-09-28 | 12:47:06 | 202.170.71.82 |

Зочин
Àëòàíõóÿã áîë àðä÷èëñàí íàìûí àëäàà

2012-09-28 | 12:46:42 | 202.170.71.82 |

Зочин
монголчууд л монголоо аварна

2012-09-28 | 12:21:24 | 203.194.115.64 |

Зочин
Хуний хөгжил сангаас олгох мунгийг уул ни С.Батболд сайд, Н. Алтанхуяг сайд хоёр хамт сууж байгаад Бид хамтдаа чадна гэж байгаад гаргаснийг Хуний хөгжил дэвтэр гэрчилнэ л дээ. Одоо болохоор 21000-ийн улдэгдэл бас бус юм бидэнд хамаагуй гээд байгаа ни онцгуй. Ер ни олон юман дээр алдаж байгаа ни харагдаж бна аа.

2012-09-28 | 12:14:25 | 202.126.89.160 |

Зочин
Ардийн нам байхдаа хэзээ ийм байа ым бэ харинч нийгэм эрүүлжих тийшээ хандаж бн олон хун талархаж бн ардийн намийн тэнэг тэнэг дэмжигч нар болио та нар урд ни эмийн сангаас эмээ унгуй шахуу авах ыстой байдагийг мэддэг байсанмуу одоол мэдэж бн мобикомийн тарипийг хымдруулах талаар урд ни ырж байсан уу угуй их сургуулийн тулбурийг буруулах доривтой арга хэмжээ авсан билуу гэх мэтэчлэн олон ажил хийж бн анх удаа тур засаг байдаг гэдгийг мэдэрч бн

2012-09-28 | 11:58:04 | 122.201.18.145 |

Зочин
Чи Монгол хүн биш байхаа. Өвөө эмээ нар чинь ямар буруутай гэж ингэж ядуу амьдрах ёстой юм. Залуу халуун насаа эх орныхоо бүтээн байгуулалтанд зориулсаны төлөө ийм САГСАЙДАЛД өртөх ёстой юм уу? Бүх хийсэн юмыг нурааж хаяад заримыг нь өөрсдөө хувьчлал нэрээр авч баяжсаныхаа хариуг барих л хэрэгтэй. ШУДАРГА Л БАЙЛДАА

2012-09-28 | 10:54:13 | 49.0.159.96 |

Зочин
Та нар ажил хийж бга хүнийг доош ни хийх гэж муулаад бай МАН засаг бариж байсниг бодвол маш олон сайн сайхан хуули дүрэм гарч иргэддээ чиглэсэн уым их хийж бн хужаануудаа

2012-09-28 | 10:43:05 | 202.72.247.244 |

Зочин
Юу нь Монголыг аврах эсрэгээр нь эхлээд ахмад настан, хөгжлийн бэрхшээлтэй иргэд , амжиргааны түвшнээс доош амьдралтай хүмүүсийг устгаад дараа нь хүүхдүүдтэй нийлж хөгжих юм яриад байгаа юм биш үү. Өндөр настангуудад 0 - 18насны хүүхдүүд даанч байхгүй юмдаа. Өөрөө эхнэрээ залуу хүнээр сольсон болохоор мэдэхгүй байх шиг байна. Ард түмнийхөө дунд орох л хэрэгтэй байна даа.

2012-09-28 | 10:38:47 | 49.0.159.96 |

Зочин
ЗӨВ ЗӨВ ҮНЭН БАЙНА

2012-09-28 | 10:32:03 | 103.10.22.2 |

Мэдээ
Гадаад мэдээ
Видео