-Өнгөрсөн сонгуулиар Баянзүрх дүүрэгт нэр дэвшсэн. Өмнөх парламентын үед баталсан Сонгуулийн тухай хуулийн дагуу нэр дэвшигчдийн хэн нь ч 28 хувийн санал аваагүй учраас дахин санал хураалт явуулахаар болсон. Өнгөрсөн тав, зургаан сар энэ сонгуулиа хүлээгээд сууж байна.

-Дахин санал хураалтын тухай хөндөж асуух зүйл их байвч хууль зөрчсөн болж таарах байх. Тэгэхээр улс төрд өрнөж байгаа үйл явдал болоод өнгөрсөн сонгуулийн талаар УИХ-ын гишүүн байсан хүний тань хувьд асуух зүйлүүд байна...

-Болох байх гэж бодож байна.

-Та Хэнтий аймгаас олон удаа УИХ-д сонгогдсон хүн. Өнгөрсөн сонгуулиар хуучин тойроггоо яагаад нэр дэвшээгүй юм бэ?

-Би энэ аймгаас гурван удаа УИХ-д сонгогдсон. Гэхдээ саяын сонгуулиар Хэнтий аймаг хоёр мандаттай болсон юм. Тиймээс Б.Бат-Эрдэнэ аварга, ангийн хүүхэд Н.Ганбямба хоёртой өрсөлдөж. суудал булаацалдаад яахав дээ гэж бодоод больсон. Тэгээд ч би өөрөө унаган Улаанбаатар хотын хүн. Төрж өсч, өдий хүртэл амьдарч ирсэн Баянзүрх дүүрэгтээ нэр дэвшиж, тэдний дуу хоолойг төрд хүргэе гэж бодсон юм. Баянзүрх дүүрэг бол захын хороолол учраас хүнд хүчир амьдралтай иргэн олон. Тиймээс энэ иргэдээ дэмжиж, тус болъё гэдэг сэтгэлээр хандсан. Харамсалтай нь намайг сонгуулийн үеэр элдвээр муулах зүйл байсан. Бүр сурталчилгааны самбар ч олдохгүй байлаа. Ингээд ямар ч хэвлэлийн баггүй бараг сурталчилгаагүй сонгуульд өрсөлдсөн гэхэд болно. Гэхдээ энэ бүхнийг зовлонд тооцож яваагүй. Сонгуульд өрсөлдөхөд энэ зэргийн зүйл байлгүй яахав гэж бодсон.

-МАН энэ удаагийн сонгуульд ялагдал хүлээлээ. Үүний шалтгааныг та юутай холбож байгаа вэ?

-Мэдээж ард түмэн сонголтоо хийсэн нь энэ шүү дээ. Магадгүй бид үлбэгэр сулбагар байсан учраас ялагдсан. Манай нам нэр дэвшигчдийг багаараа явах ёстой гэдэг хатуу зарчим барьж байлаа. Ингэвэл та нар намын нэрээр ялалт байгуулна гээд байсан. Тэгэх юм гэж явсаар байгаад нэр дэвшигчид ялагдсан даа.

-Сонгуулийн дараа намын Бага хурал болсон. Энэ нь төр эмхлэгдэх ажлыг гацаасан гэдэг шүүмжлэл бий. Ардын нам хуулийн хугацаандаа амжаагүй учраас бүлэг байгуулж чадаагүй. Энэ талаар та ямар бодолтой яваа вэ?

-УИХ-ын дотоод үйл ажиллагаанд оролцохгүй байгаа учраас энэ талаар сайн мэдэхгүй байна.

-Бага хурал дээр намаа хатуу шүүмжилсэн гишүүдийн нэг нь та гэж сонссон. Чухам юунд нь шүүмжлэлтэй хандаж байгаа вэ?

-Өнгөрсөн хугацаанд манай нам эв нэгдэлгүй байсан нь нууцгүй үнэн. Ихэнх гишүүн нь МАХН руу явчихлаа шүү дээ. Ер нь өнгөрсөн жилүүдэд манай намд муу муухай бүхэн бугшиж, дотооддоо идээ бээрэнд баригдсан. АН-ыг хар л даа. Фракциудаа ил тод зарладаг. Гэтэл манай нам гаднаасаа эвтэй юм шиг харагддаг мөртөө дотроо тийм биш. Нэгийгээ зууж, доош нь татдаг зантай. Жишээ нь "Элсний 13"-ыг байгуулсан хүмүүст одоо болтол өс санаж, намнадаг. Энэ байдал нь үргэлжилсээр байгаа. Үүнийг би сая бүр ч их мэдэрлээ. "Элсний 13"-т орсны төлөө намайг унагах гэж өнгөрсөн 2008 оны сонгуулиар яаж зүтгэцгээв дээ. Тэр сонгуулиар намайг огтхон ч дэмжээгүй шүү дээ. "Элсний 13"-т орж намаа шинэчлэхийн төлөө явснаараа би ингэж "нүдүүлж" явна. Энэ өшөө авалт хэзээ дуусах юм, бүү мэд.

-МАН сонгуульд ялагдсаныхаа хариуцлагыг удирдлагууддаа тооцож, тэднийг өөрчилсөн. Энэ нь үнэхээр хариуцлага тооцсонд тооцогдох болов уу?

-Үгүй ээ. Энэ бол хариуцлага тооцсон хэлбэр биш гэж бодож байгаа. Гэхдээ С.Батболд даргыг хэтэрхий эрт огцорчихлоо гэсэн бодолтой байгаа шүү. Ядаж орон нутгийн сонгуулийг өнгөрөөх байж дээ гэсэн бодол төрдөг.

-Таныг МАХН руу явж магадгүй х үмүүсийн нэг гэдгийг өнгөрсөн хавраас их ярьж байна. Үүнд та ямар хариулт өгөх вэ?

-Тэр үед Д.Тэрбишдагва, Ч.Улаан нарыг дагаад явчихбал болох л байсан. Гэхдээ тэгээгүй шүү дээ. Харин намайг МАХН руу явуулах сонирхолтой хүн их байна. Би өөрөө ямар ч шийдвэр гаргаагүй байхад "Арвин МАХН руу явах нь" гэцгээх юм.

-Танд тийшээ явах бодол байхгүй юм уу?

-Намайг яагаад өөр нам руу хоөгөөд байгаа юм. Намайг намын Удирдах зөвлөлд орсны дараа "Арвин МАХН руу явж байгаа" гэсэн яриа гарсан. Тэгэхээр намайг явуулах сонирхол хүмүүст их байсан байх. Миний хувьд Хэнтий аймгаас Ардын намд гурван удаа суудал авчирсны хувьд өөрийгөө энэ намд үнэ хүндтэйд тооцдог. Гэтэл намайг огтхон ч хүндлэхгүй, ингэж хандаж байна шүү дээ. Бүр намын анхан шатны гишүүдэд "Арвин МАХН руу явна" гэсэн зүйлийг зориуд тараасан байна лээ. Телевиз, сониноор ч их ярьж, бичүүлж байна даа.

-Та ингэж адлуулж байснаас МАХН руу явчихсан нь дээр юм биш үү?

-Би өөрийнхөөрөө л шийднэ дээ.

-Таныг Н.Энхбаярын хүн гэж адлаад байдаг шиг байгаа юм...

-Н.Энхбаярын хүн гэвэл олон бий шүү дээ. М.Энхболдыг хотын намын хорооны дарга болгох гээд Н.Энхбаяр дарга хөтөлж оруулж ирсэн. Т.Бадамжунайг бараг л Намбар гуайн хамаатан гэх ухааны юм яриад оруулж ирсэн. Ц.Мөнх-Оргилыг улс төрд Н.Энхбаяр дарга л хөтөлсөн. С.Батболд, С.Баяр дарга гээд бүгдийг нь тэр оруулж ирсэн шүү дээ. Харин ч би Н.Энхбаяр даргаар хөтлүүлж улс төрд ороогүй. Удам судраа дагаж энэ намд элссэн хүн. Энэ намд итгэж, үнэнч явсны хувьд үе үеийн намын дарга нараа хүндэтгэж харьцдаг байлаа.

Тэгээд ч Н.Энхбаяр даргын үед би байнгын хорооны дарга, сайд байсангүй. Намын Удирдах зөвлөлд ч багтаж яваагүй юм шүү. Тэгэхээр хүнийг ингэж хэлмэгдүүлж болохгүй ээ. Өнөөдрийг хүртэл би аль нэг фракцид орж явсангүй. Чин үнэнчээр намын төлөө хэлэх үгээ хэлсээр яваад өдий хүрлээ. Даанч ямар ч үед гишүүдэд намаас үзүүлдэг тэр дэмжлэг надад олддоггүй байсан. Бүх зүйлд өөрийн бор зүрхээрээ явж, хүнд зовлон бэрхшээлийг ганцаараа давж ирсэн. Бүх сонгуульд Арвин гэдэг хүн Ардын намын гишүүн биш юм шиг бор зүрхээрээ явдаг байсан шүү.

-МАХН-ын дарга Н.Энхбаяр ял эдэлж байна. Энэ талаарх таны байр суурь ямар байгаа вэ?

-Би сайн хэлж мэдэхгүй байна аа.

-Та бизнесээ хийж байгаа юу?

-Үгүй үгүй. Олон нийтийн байгууллагаа ажиллуулж байна. Хэнтий аймгийн Баян-Адарга суманд Монголын их хатдын хүндэтгэлийн ордныг байгуулсан. Тэнд Дондогдулам хатны музей байгуулж байгаа. Удахгүй ашиглалтад оруулна. Бид бөө удгануудтай холбогдож, намрын дунд сарын сайн өдөр Дондогдулам хатныг буулгасан. Дондогдулам хатан нэлээд зүйл захиж байна лээ.

-Юу захисан гэж...

-Музейд тулга хийж, гал тахихыг захисан. Үүнийг гүйцэлдүүлж байгаа. "Сэтэртэй цагаан морийг нутагт минь тавиач" гэсэн. Тэр морийг сая ижил сүргээс нь оллоо. Дондогдулам хатан өөрийнхөө унаж байсан сүйх тэргийг шинээр хийхийг хүссэн. Богдын музейд байгаа сүйх тэрэг нь түүнийх биш гэдгийг хэлсэн. Мөн Богдын бага хатан Гэнэнпил хатны хөргийг музейд залахыг хүссэн байгаа. Энэ бүхнийг гүйцэлдүүлэхээр ажиллаж байна даа. Намрын адаг сард энэ бүх ажлыг дуусгаж, гал тахихаар хичээж байна. Мөн Дондогдулам хатан Оросын хааны хатны гоёмсог булган нөмрөгийн талаар ярьж байсан шүү.

-Хатдын өргөөнд хүн их очиж байна уу?

Их очилгүй яахав. Хоёр жил дараалан хүмүүс тасрахгүй байна. Тэр бол их энерги сайтай сайхан газар болсон. Монголын их хатдын өргөөний нээлтийн үеэр хатдын дүр бууж, тэмдэг үлдээгээд явсан зэрэг дурсгалтай, сонин зүйл тэнд их бий. Түүхч хүнийхээ хувьд Монголынхоо түүх соёлыг хадгалж явах үүднээс хатдын өргөөг байгуулсан нь энэ юм аа.

Я.Мөнгөнцэцэг

Д. Арвин: Яагаад намайг МАН-аас хөөгөөд байгаа юм
Tweet
Bolod.mn

Сэтгэгдэл (5)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
АРВИН ЭМГЭН БӨӨН ӨВЧНИЙ ҮҮР БАЙХАА даа? ЭНЭНИЙ Л ЯВАЛДДАГ ГЭДГҮҮДЭЭС ӨНӨӨӨХ ДОХ БАЯР ГУАЙ? БАНЗАЛ ӨВГӨН ЯВАЛДААГҮЙ ЯНХАН БАЙХГҮЙ ГЭХЭД БАРАГ Л ХУДЛАА БОЛОХГУЙ! АН НАМЫН БУУНЫ НОХОЙ БАЯР ПЯЦДАА АН РУУГАА МАРШ! АРВИНГАА АВААД ХҮРЭЛСҮХИЙН ХОЙНООС МАРШ!! МАН-ЫГ БУЗАРЛАСАН ХУВАЛЗНУУД

2012-12-05 | 00:12:49 | 83.167.240.168 |

Зочин
ЭНЭ ЯМБИЙ АЛЦГАР АВГАЙ ЧИНЬ ЮУ ЧАЛЧИН ВЭ? МАН ИХ АД ҮЗДЭГ Л ГЭНЭ, ЗӨВХӨН ӨӨРӨӨ ГАНЦААРАА БОР ЗҮРХЭЭРЭЭ ЗҮТГЭЖ БН Л ГЭНЭ? УХААНЫ ХОМСДОЛТОЙ БАГАБАНДИЙН БООВ ХӨХӨЖ БӨГСИЙГ НЬ ДОЛООСООР БАЙГААД МЭДРЭЛ НЬ УЛАМ ДОРДОЖДЭЭ ЯНХАН АВГАЙ ЧАМАЙГ МАН ХОЛДУУЛАХ ХҮСЭЛТЭЙ БАЙГААГ ОЙЛГООД ЗАЙЛЖ ЯВААД ӨГӨӨЧ! ЗАЛУУ БОЛОВСОН ХҮЧИНҮҮДЭД БОЛОМЖ ОЛГО! МАН-Г МУУЛААД ЧИ ЮМ ОЛЖ ДОЛООХГҮЙ ЭЭ ЮУН ДУРТАЙ ИЙН???

2012-12-04 | 23:15:22 | 202.60.90.194 |

Мэдээ
Гадаад мэдээ
Видео