10| Хатан хаан У Цзэтянь (Wu Zetian)

Хатан хаан У Цзэтянь бол Хятадын түүхэнд төрийн эрхийг барисан хамгийн анхны эмэгтэй хаан юм. Тэрээр МЭӨ 690 оны 10 сараас 705 оны 2-р сар хүртэл хаан ширээнд суужээ. Түүхэнд У Цзэтяньийг харгис хэрцгий, садист, сексийн гаж донтон байсан хэмээн тэмдэглэн бичсэн байдаг. Тэрээр өөрийн ард иргэдээ зэрлэгээр тамлах, цаазлан хороодог байсан төдийгүй үймээн самуун дэгдээж, эмх замбраагүй байдлыг бий болгож байсан аж. Үхэх ялтай гэмт этгээд мөн түүний өөдөөс үг сөрөн боссон хүмүүсийг үхлийн муугаар тамлан алдаг төдийгүй өөрийн зээ охин, ач хүү болон төрсөн охиноо хүртэл цаазлан алж, хүү нараа цөллөгт явуулж, жинхэнэ ямар ч хүнийг хайрлах сэтгэлгүй амьдаараа шулам болсон нэгэн байжээ.  Түүний харгислалаас дурьдвал: мянга мянган хүмүүсийг хордуулах, багалзуурдах, эрэмдэг зэрэмдэг болгох, шатаах мөн буцалж буй халуун усанд амьдаар нь чанах, хүмүүсийн хэл, чих, хамар, хөлийг тайрж авах зэрэг шийтгэл хэрэглэдэг байжээ. Тэрээр МЭӨ 705 оны 12-р сард 81 насандаа таалал төгссөн байна.

Цинь ШиХуанди бол Хятад улсын  хамгийн анхны эзэн хаан бөгөөд МЭӨ 221-210 оны хооронд үхэх хүртлээ төрийн эрхийг удирдаж байсан юм. Тэрээр паранойд (айх өвчин) гэх өвчтэй байсан ба зэрлэг, хэрцгий, садист хүн байсан хэмээн түүхэнд тэмдэглэгдэн үлдсэн байна. Түүнийг төр барьж байх хугацаанд Хятад улс хүчирхэгжиж байсан ч ард иргэд хүнд хүчир ажилд боолчлогдож, маш олон хүн амь насаа алдсан төдийгүй Хятад хэл дээр бичигдсэн бүх ном судрыг шатааж, олон зуун мэргэдийг амьдаар нь булшилсан нэгэн юм. Тэрээр ард иргэдээсээ хамгийн өндөр татварыг хураан авч, сая гаруй эрчүүд, хөгшчүүлийг 7563 км зам барих ажилд боолчлоод зогсохгүй нүүдэлчин ард түмнээс хамгаалах зорилогтой мянга мянган хүний амь насыг авч одсон Цагаан хэрмийг байгуулсан аж. Мөн өөртөө зориулан газар доорх бунхан байгуулах ажилд нийт 700,000 мянга гаруй хүнийг ажиллуулсан төдийгүй цаазлан хороосон бөгөөд бунхны газрыг чандлан нууцлахын тул 480 гаруй эрдэмтэн мэргэдийг амьдаар нь газарт булсан байна. Цинь ШиХуанди МЭӨ 210 оны 9 сард таалал төгсжээ.

Готфрид Бульон нь Франксын хүлэгт баатар бөгөөд тэрээр анхны залгамайтны аян дайныг толгойлж, цэргүүдтэйгээ Барууны Христосын шашины ариун газрыг буцаан авахын тулд мянга мянган хүний цусыг урсагсан байна. 1099 онд тэр өөрийн цэргүүдтэй Иерусалимруу довтолж, хотод цөмрөн орсон даруйдаа замд тааралдсан хүн бүрийг хүйс ялгалгүй хөнөөж байжээ. Тэд ариун дагшины  сүм хийдүүдийг сөнөөж мөн цэргүүд, оршин суугчид, мусальман болон еврейчүүдийг хайр наргүй хядаж байв. Харин олзлогсод болон үхэх ялтай этгээдүүдийн гэдсийг хүүлэх эсвэл амьдаар нь шатааж алдаг байв. Мөн цэргүүдээр хүн агнуулж зугаагаа гаргадаг байсан төдийгүй олон мянган хүний толгой, хөл, гарнуудыг тасдан хотын гадна гаргаж чулууддаг байжээ. Энэхүү харгислалд 70000 мянга гаруй мусалманчууд хамрагдсан бөгөөд Готфрид 1100 оны 7 сард тахалт өвчиний улмаас таалал төгссөн байна.

Их Ирод I хаан бол Иудея улсыг үүсгэн байгуулагч юм. Тэрээр аймхай паранойд өвчтэй байсан бөгөөд хэний ч санаанд оромгүй олон харгис, хэрцгийлэлийг бий болгосон юм. Тэр Исүсийг хороохын тулд адгуус мэт авирлаж, ямар ч буруугүй хүмүүсийг хоморголон алдаг байжээ. Библи судар дээр тэмдгэлэсэнээр бол Ирод хаан нь 2 болон түүнээс дээш настай хөвгүүдийг Бэтлехемнд бүгдийг нь хороо хэмээн тушаадаг байв. Энэхүү харгислалд 10000-15000 хөвгүүд алагдсан гэж үздэг байна.  Мөн тэрээр цэргүүддээ тушаал буулган өөрийн хадам, төрсөн ах, нагац ах, эхнэр, хүүхэд болон лам хуврагуудыг алах зарлиг гаргасан ба маш олон гэм буруугүй хүмүүст үхлийн ял, гэмт хэргийг хүчээр тулгадаг байсан байна.  МЭӨ 4 онд Ирод өвчний улмаас хорвоог орхисон ба түүний хаан суудлыг залгамжилсан Ирод хааны хүү Антипасийн үед Исүс Христийг загалмайд цовдлуулан цаазалсан юм.

6|Жон хаан (King John)

1199-1216 оны 10-р сар хүртэл Английн эзэн хааны суудалд заларсан хүн бол Жон хаан юм. Түүнийг Английн түүхэнд хамгийн харгис, зэрлэг араатан, хүчирхийлэгч болон эрх тушаалд шунасан, өширхөсөн, хатуу сэтгэлтэй нэгэн байсан хэмээн бичсэн байдаг. Тэр өөрийн төрсөн эцэг, ах дүү болон эхнэрээсээ урвасан нүгэлт хаан төдийгүй дайснуудтайгаа нийлэн эхнэрийнхээ эцэг эх хамаатан садан,  төрсөн охиноо болон найзуудтай нь алс хол цөлж шийтгэжээ. Түүний өөдөөс боссон хэнийг ч өршөөх сэтгэлгүй шууд шоронд хорих, амь насыг нь хороодог байжээ. Тэрээр мөн сүм хийдүүдийн лам, хуваргууд болон хамба ламтануудыг Англиас хөөн гаргаж, улмаар Франц болон Барончуудтай дайн зарлаж,  булаан эзэлсэн газар нутгийнхаа  өстөн дайсны төрөл төрөгсдийг цаазлах эсвэл алс холын цөллөгт цөлдөг байв.  Тэрээр өөрийн дайснаа дүүжлэх, толгойг нь таслах, сохлох гээд хамгийн балмад үхлээр тарчлаан шийтгэдэг байжээ. Түүний гар мянга мянган хүний цусаар будагдасан юм. Английн нутаг дэвсгэр дээр оршиж байсан бүх Еврейчүүдийн хуаранлуу дайрч, тэдний мөнгийг булаах, хүмүүсийг нь тамлан алдаг байсан төдийгүй өөрийн хүмүүсээс ч татвар авдаг байв. Тэрээр татварыг 300 хувь хүртэл өсгөснөөр Английн мянга мянган айл өрхүүдийн амьдрал сүйрч байв. Үргэлж дайнд ялагдаж байсан түүний цэргүүд алагдаж байхад Жон хаан харин эхнэртэйгээ орондоо самуурч байсан хэмээн түүхэнд тэмдэглэгдсэн байдаг. Англи Франц улсын хувь заяаг шийдвэрлэх дайн эхлэхээс өмнө Жон хаан хэт их идэснээс болж таалал төгссөн байна.

Тимурид эзэнт гүрнийг үүсгэн байгуулагч Их Тамерлан хаан бол 14-р зуунд Баруун, Төв Европ болон өмнөд Азид нөлөөгөө тогтоосон удирдагч байсан юм. Түүний дайлаар очсон газар болгоны дараа үй олон цогцоснууд овооролдсон байдаг байжээ.  Тэрээр өөрийгөө Их Эзэн Чингис хааны удам угсаанаас гаралтай хэмээн итэгдэг байсан бөгөөд түүнд ямар ч өрөвч сэтгэл байхгүйгээр барахгүй балмад харгис, хэрцгий, нэгэн байжээ. Түүний дайны хор уршиг сая сая хүмүүст болон улс орнуудад  хор хөнөөл учируулдаг байжээ. Тээрээр олзлогсдийг мянга мянгаар нь маш өндөр хадан хясаанаас үсрүүлээд зогсохгүй сайн дураар бууж өгсөн  200000 гаруй цэрэг эрс, ард иргэдийг Энэтхэгт цаазлан хороосон юм. Зарим тохиолдолд тэрээр мянга мянган хүмүүсийн амьсгааг нь аажим аажимаар боолгон үхүүлдэг байсан ба дайснуудынхаа гавалын ясаар аврага том цамхаг бариулан сэтгэл хангалуун гэгч нь хардаг байжээ. Тэрээр өөрийн харгислалаа дараах тамлалаар явуулдаг байжээ: жадлах, шатаах, амьдаар булах, толгойгийн цаазалах гэх мэт. Тамерлан хаан болон түүний цэргүүд  15-20 сая хүн алсан гэж түүхэнд тэмдэглэгдэн үлдсэн ба 1405 онд таалал төгсжээ.

Эртний Ром улсын эзэн 5 дахь Их Неро хаан нь МЭ 54-68-р зуунд амьдарч байсан ба Ромын түүхэнд хамгийн харгис Калигула хааны араас жагсдаг аж. Тэрээр өөрийн гараар нагац эгч, нууц амраг, төрсөн ээж, эхнэр болон хойд ах нараа бүгдийг нь хороосон нүгэлтэн юм. Хүмүүсийг яргалан тамлахдаа гаргуунд нэгэн байсан бөгөөд хордуулах, толгойг нь таслах, шатаах, шалзлах, жад сэлмээр сүлбэх гээд бүхий л хүнийг тарчлаан зовоосон багаж хэрэгслийг хэрэглэж, мөн хүний бэлэг эрхтнийг тайрах гаж донтон байсан байна. Ром улсад албан хүчээр гал тавьж ард иргэдээ хөнөөсөн төдийгүй мянга мянган Христос шашинтнуудыг "чөтгөр" гэж үзэн энэхүү үйлдлээ хийсэн байна. Баривчлагдсан хүмүүсийг тамлах, өлсгөлөн нохойгоор бариулах, галд шатаах, арсланг хооллох, хадаасан дээр гишгүүлэн алхуулах зэргээр амь насыг хороодог байжээ.

МЭ 37-41 онд Ром улсын 3-р эзэн хаан байсан бөгөөд тэрээр жинхэнэ зэрлэг, садист хаан байсан төдийгүй бэлгийн гаж донтон байсан байна. Түүнийг Ром улсын хаанаар өргөмжилснөөс 3 сарын хугацаанд нэр алдарынхаа төлөө 160000 гаруй хүний амиар өргөл барьсан байна. Тэрээр 7 сарын турш хүнд өвчнөөр өвдсөний дараа оюун ухаан нь тогтворгүй болж, өөрийгөө бурхан хэмээн итгэж эхэлсэн байна.  Калигулагийн төр барих хугацаанд хууль бол тамлалын зэвсэг болон хувирсан бөгөөд хоригдлуудыг өвчин зовлон шанлалыг мэдэрч үхэх ёстой гэж үзэж харгис үйлдлүүдийг баяр бахдалтайгаар хийдэг байсан байна. Хүмүүсийг хүнд гинжээр ташуурдах, хэлийг нь таслах, арслангийн амьд өгөөш болгох мөн заанаар хүмүүсийг гишгүүл алдаг байжээ. Харгис дарангуйлал туйлдаа хүрэхэд хуйвалдагчид түүнийг хороохоор шийдсэн бөгөөд Цезарийн бие хамгаалагч Праэториан торгон цэргүүд түүнийг хороосон байна.

Аттила хаан МЭ 434-453 онд Хүннүчүүдийг удирдан Герман, Кельт, Франк, Слав, Алан, Лесгин зэрэг одоогийн Европ нарын овог аймгуудтай дайтаж, тэднийг буулган аваад улмаар түүхэндээ, дэлхийн ноён гэгдэж, хандсан зүгтээ дайлж, өрнө дахины соёл иргэншлийн өлгий гэгдэх Бага-Ази, Европ, Африкийн хойд эргийн улс үндэстнийг ирт мэс, исгэрэх сумаар буулган авч хүн ардыг боол болгож хожим нь Визант, Ром хэмээн 2 хуваагдсан хүчирхэг гүрнүүдтэй нүүр тулж, өөрсдийг нь байлдан дагуулж, аль алинаар нь алба бариулж чадсан хүн аж.  Тэнгэрийн ташуур гэгдсэн Аттила хаан Европын улс төрд багагүй нэр нөлөөтэй байв. Түүний эрхэм зорилго бол Ромын эзэнт гүрнийг сөнөөх явдал аж. Ромын ард иргэд хэн нь ч гэсэн өршөөл гуйж ирэхэд хороодог байсан бөгөөд замдаа таараалдсан бүх хүмүүсийг алж, хядаж хороодог байна. Аттила хаан өөрийн хүссэн бүсгүйтэйгээ сууж чадаагүйдээ бахардан өөрийн ханьсан дайтаж явсан 10000 мянга гаруй албат иргэдээ хороосон түүхтэй. Мөн түүнийг эмэгтэй хүний цусыг уудаг гэх яриа ч байдаг бөгөөд өөрийн төрсөн хүүхдийг идсэн мөн төрсөн ахаа алсан гэж түүхэнд тэмдэглэн бичсэн байдаг байна. Аттила хаан 453 онд цусаар ханиалган таалал төгсжээ.

Их Монгол улсын эзэн Чингис хаан нь нэгэн үеийн тэнгэрлэг баатар байсан хэмээн түүхэнд тэмдэглэгдэн үлдэн үлдсэн байдаг ч түүнийг хамгийн харгис хаан хэмээн үзэж байжээ. Чингис хаан болон түүний цэргүүд Хятадаас Каспийн далай хүртлэх өргөн уудам газар нутгийг эзлэн явахдаа 20-60 сая хүнийг алсан хэмээн олон түүх судар номд бичигдсэн байна. Тэрээр нэг доор 700,000 гаруй хүнийг алж, мөн хүмүүсийн чих болон нүдэнд мөнгөн ус цутгах зэрэг шийтгэл үйлддэг байсан байна. Чингис хаан 1227 онд таалал төгссөн юм.

http://itop.mn/home/49-eldevsonin/624--10-