барьчихаад хэрэг дээрээ дэндүү даржин үйл ажиллагаа явуулж байгаа нь сүүлийн үеийн мэдээллүүдээс эрхбиш ойлгогдож байгаа билээ. Монгол түмний төлөө хууль тогтооно гэж хууль тогтоох дээд байгууллагад суусан эрхэм гишүүн Л.Эрдэнэчимэг хатагтай өөрийнхөө компанийг “эрүүл мэндийн тэргүүлэгч компани” гэж сурталчилдаг шигээ, бодож явдаг бол бүү эндүүрээч гэж хүсэх нь цагаа олсон хүсэлт мөн юм. Түүний Монос компанийн эмийн бөөний төвүүд болон эмийн сангууд сэтгэцэд нөлөөлөх эм бэлдмэлийг худалдах, түгээх, үйлдвэрлэхийг хориглосон хууль тогтоомжийг зөрчин мансууруулах бүлгийн эм болох морфин, фенобарбитал, диазепам, валиум зэрэг эмийг худалдаалсан хэрэг хууль хяналтын байгууллагад шалгагдаж байгаа, түүнчлэн хуулийн дагуу одоогийн удирдлагын статустай нөхөрт эрүүгийн хэрэг үүсгээд байгаа энэ үед ингэж хүсэхээс өөр яах билээ.

Мэдээж хуулийн байгууллагын анхааралд орсон энэ хэрэг шат дамжлагуудын дагуу явж, нэг тийш болох нь дамжиггүй. Гол нь тус компанийн эмийн бөөний төвүүд болон эмийн сангууд өнгөрсөн хугацаанд ийм байдлаар хууль зөрчиж ирсэн тохиолдол ер нь хэчнээн бол гэдгийг тодорхойлж хэлэхэд хэцүү байна. Л.Эрдэнэчимэг хатагтайг гишүүнээр сонгогдонгуут л, үлдсэн нөхдүүдийнх нь үйл ажиллагаа задгайрч, хууль зөрчсөн хэрэг ч биш болов уу. Ерөөс мансууруулах бүлгийн эм бэлдмэлийг дур зоргоор нь, хэн дуртайд нь өгчихдөг гажиг байдалтай явж ирсэн байхыг үгүйсгэх аргагүй. Энэ бүхнийг тэгээд хуулийн байгууллага нь нягтлаж буй биз ээ.

Ер нь Л.Эрдэнэчимэг гишүүнтэй холбоотой элдэв мэдээлэл үүгээр тогтохгүй л дээ. Компани нь Монголчуудын сэтгэцийн эрүүл мэндэд ноцтой хохирол үзүүлж мэдэх үйл ажиллагаа явуулж байгаа нь нэгэнтээ ил болоод байгаа энэ цагт, эрхэм гишүүний удам судартай холбоотой анхаарал татсан мэдээллийг ч лавшруулан харахад гэмгүй болов уу. Удам судар гээд хэлэхээр бас л нөгөө хятадын эрлийз, хүрлийз гэх гээд байна уу гэх маягаар уншигч та битгий хүлээж аваарай.

Бид хаа хаанаа Монгол төр цэвэр ариун байх ёстой, Монгол төрийн эрхийг Монголчууд өөрсдөө залуурдах ёстой гэж ярьдаг ч, бодит байдал дээр харь цус холилдсон эрхмүүд төрд шургалсан жишээ цөөнгүй бий. Тэгвэл эрхэм гишүүн Л.Эрдэнэчимэгийн хувьд энэ жишээний нэгээр яригдаж байгаа юм. Түүнийг цэвэр цусны хятад хүн гэх мэдээлэл хэвлэлээр гарсан юм. Тодруулбал, өвөө нь У Фон Сан хэмээх хятад хүн байсан гэнэ. Энэ талаар хэвлэлд өгүүлсэнийг илүү дутуугүйгээр ишлэн хүргэхэд:

“…Л.Эрдэнэчимэгийн ээжийг Должинхүүгийн Цэрэндолгор гэдэг. Багш мэргэжилтэй. Ховд аймгийн Буянт сумын нутагт байдаг Хар ус нуурын хойд хөвөө Харганы худгийн Элстэй гэдэг газарт олон он жилийг өнгөрүүлсэн бууцанд 1929 оны гал нохой жилийн намрын дунд сард төржээ.

Должинхүүгийн Цэрэндолгор гуайн аавыг нь У Фон Сан гэдэг. У Фон Сан 1897 онд төрж, 1967 онд хорвоогийн мөнх бусыг үзүүлжээ. Энэ хүнийг хаана мэндэлж, хэзээ Монголд ирсэн талаар баримт алга. Харин Ховдын Буянт суманд ажиллаж, амьдарч иргэн Д. Должинхүүтэй ханилж, долоон хүүхэд өсгөж хүмүүжүүлсэнийг нутгийн ахмадууд дурсан ярих ажээ.

Д.Цэрэндолгор гуай саяхан өөрийн дурьдатгал номыг хүүхдүүдийнхээ дэмжлэгтэйгээр хэвлүүлжээ.

128 хуудастай энэ номоо “Буянт голоор овоглосон төрсөн нутаг минь” хэмээн нэрлэсэн байна. Энэ ном бол Цэрэндолгор гуайн аав, ээж нутаг усаа санагалзан бичсэн, үр удамдаа үүх түүхээ бичин үлдээсэн хүндэтгэлийн баримт бичиг гэдэг нь агуулгаас нь харагдана.

Гэтэл энэ номыг уншаад эхлэхтэй зэрэгцэн нэг зүйл ажиглагдаж байгаа нь Цэрэндолгор гуай ээж Должинхүүгээрээ овоглодог ажээ.

Номын эхний хуудсыг эргүүлэхэд Хайр буянаа хайрласан ачит ээж Д.Должинхүү гэж энэ сайхан буурлын зурагны доор бичсэн байна. Должинхүү гуай бол Монгол хүн юм.

Номын Ачлалт аав ээж минь хэмээх гарчигтай “Бурхан багшийн сургаалийг уншиж байхад хүн бүхэнд буян, хишиг тараасан өглөгийн домог байдаг. Бид аав ээжээс долуулаа. Бидэнд хайрласан буян хишиг нь аав ээж гэж бодогддог” хэмээн эхлэсэн байна.

Энэ бол аав ээжийнхээ өсгөн хүмүүжүүлсэн буяныг бодсон, сэтгэлээс урсан гарсан буянтай буурлын цагаахан илэрхийлэл байна.

Л.Эрдэнэчимэгийн ээж Д.Цэрэндолгор гуай цааш нь аавынхаа тухай “Алсын их өндөр сарьдаг уулын дээрээс нарны их элч, энергийн гэрлээр биднийг аав ээжид минь илгээсэн байж таараа… Бидний аав сайхан дуулдаг дуучин, жүжигчин, бүжигчин, алт мөнгөний дархан хүн байлаа. Залуудаа Улаанбаатар театрт жүжигчнээр орж, жүжгийн гол ролиудад дуулж, бүжиглэж тоглодог байлаа. Намайг арван нас хүрэхэд театрын сургуульд оруулж, оройн цагаар тоглолтынхоо үеэр тайзан дээр хөшигний ард суулгаж дагуулаад харьдаг байлаа. Бас оройн цагаар театрын дэргэдэх нугаралтын дугуйланд явуулдаг байв… Бас миний аав чөлөөт цагаараа Тасганы овооны дэргэд Гэсэр сүмийн хойд талд уран дарханы газартай байсан. Алтан эдлэл, ээмэг бөгж, авгай хүний толгойн эдлэл, үсний хавчаар урладаг байсансан..” гэж эцгийнхээ тухай дурсамжийг номондоо бичиж үлдээсэн байна. Гэтэл аавынхаа нэрийг номондоо нэг ч дурдсангүй. Цэрэндолгор гуай яагаад ээжэээрээ овоглох болсон талаар юу ч хэлсэнгүй.

Өнчин өрөөсөн, бутач хүүхэд хувь тавилангийн эрхээр аавын нэр үгүй тул ээжээрээ овоглон явах гашуун боловч хорвоогийн нэгэн төөрөг ёсон бий. Харин Цэрэндолгор гуайнх шиг элэг бүтэн долоон хүүхэд өсгөж өндийлгөсөн эхнэр нөхөр хоёр хүүхдээ эхнэрээрээ овоглох шийдвэрийг гаргажээ. Эсвэл зөвхөн Цэрэндолгор гуайн тухайд гаргачихсан ч байж болох юм. Хэзээнээс овгоо сольсон нь тодорхойгүй. Энэхүү номонд долоон хүүхэд нь долуулаа эгнэн зогссон нэг ийм зураг байна. Ирийтэл зогссон элэг бүтэн ах дүү долоогийн нэрний өмнө овгийн эхний үсэг алга. Энэ хорвоод төрүүлж, өсгөж өндийлгөсөн ачлал буянт аавынхаа нэрийг дурсахаас, нэрнийхээ өмнө тавихаасаа татгалзах хэрэг юу байна аа? Цааш нь номын хуудсыг хамтдаа эргүүлж үзэхэд бүр ч сонин зүйл ажиглагдана.

“Намайг хоёрдугаар ангид орох жил Ховдод эргэн шилжиж ирээд аав ээж маань Буянт суманд суурьшин малчин болсон. Манайх чинь ам бүл олуул. Цэдэнхүү, Даваахүү , Цэрэндолгор, Далхжав, Бадамдорж, Норов, Жаргал гээд гурван охин, дөрвөн хүүтэй өнөр өтгөн айл. Аав ээж хоёр маань долоон хүүхдээ бүгдийг нь дээд сургуульд суралцуулж, дээд боловсролтой болгосон доо. Намайг их сургууль төгсөөд гэрлэж, үр хүүхэдтэй болоод ирэхэд аав ээж маань нас өндөр болсон ч гэлээ бидний үр хүүхдийг өсгөлцөж өгсөн” гэж бичжээ.

Энэ хорвоод долоон хүүхэд төрүүлж өсгөхдөө У Фон Сон хэмээх энэ хүн эцэг хүнийхээ үүргийг нэр төртэй биелүүлсэн, орчлонгийн сайхан аав нарын нэг байжээ. Хятад байна уу, Орос байна уу, холын Америкийнх байна уу, хамаагүй ээ. Энэ хорвоод эцэг хүнийхээ үүргийг гүйцэтгэсэн эрхмийн гэгээн дурсгалыг үр хүүхдүүд нь төдийгүй ажиллаж, амьдарч байсан иргэнийх нь хувьд Монгол улс ч хүндэтгэх учиртай юм. Гэхдээ үр хүүхдүүд нь, ач зэ нар нь аавынхаа нэрнээс татгалзсан энэ учир битүүлэг явдлыг сонгуультай холбон тайлбарлахаас өөр арга алга. Долоогийн долоон хүүхдийг, үр хүүхдийг нь хүртэл өсгөлцөж өгсөн сайхан буурал аавынхаа нэрийг удмын дурьтатгалынхаа номонд бичиж үлдээгээгүйг дээд тэнгэрээс харсан эцэг хүний сүнс хэчнээн их шаналж, гомдож байгаа болдоо гэхээс өөрийн эрхгүй харамсан халагламаар биш гэж үү..” хэмээн өгүүлсэн байгаа юм.

За ямартай ч Монгол төрийн нэгэн шинэхэн түшээгийн удам судартай холбоотой ийм мэдээлэл байна. Эцэст нь эрхэм түшээгээс нэгэн зүйлийг хичээнгүйлэн хүсэхэд Монголыг мансууруулах гээд байгаа Монос-ынхоо үйл ажиллагаанд анхаарахгүй бол, таныг төр түмний төлөө зүтгэж явах хойгуур, бусад нөхдүүд чинь иргэдийг хордуулаад байна шүү дээ..

Эх сурвалж: MASS.MN

Эрхэм гишүүн Л.Эрдэнэчимэгийг цэвэр цусны хятад хүн гэжээ
Tweet
Bolod.mn

Сэтгэгдэл (5)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
НЭГ ХУНД ИДЭДСЭН ОЛОН ХОЖИН ДЭЭРЭЭ ХУЖАА удрам н ИЛ БОЛЛОО ККК

2014-12-13 | 09:01:28 | 202.179.20.110 |

Зочин
НЭГ ХУНД ИДЭДСЭН ОЛОН ХОЖИН ДЭЭРЭЭ ХУЖАА удрам н ИЛ БОЛЛОО ККК

2014-12-13 | 09:01:27 | 202.179.20.110 |

Зочин
Энэ хуухэн УИХ гишүүн болохдоо ЯАГААД ХОВДООСОО гараагүй юм бэ? Сүхбаатар аймагт өрсөлдөөд Мөн ХУЖАА удамтай гэдэг цуу Тараад ялагдаж байсан гэдэг юм билээ. Яагаад ХОВДОДОО УИХ-д ӨРСӨЛДӨГГҮЙ гэдэг ХАМГИЙН ГОЛ ЗАНГИЛАА НЬ ЭНЭ ЮМ БИШ ҮҮ? Тийм л мундаг юм бол 2016 онд ХОВДЫНХОО БУЯНТ суманд УИХ-д ӨРСӨЛДӨХГҮЙ ЮУ ДАА.

2012-10-26 | 18:47:46 | 119.40.99.217 |

Зочин
ха ха шанага эрдэнэчимэг л гээд сонсоод байснаас хятад гэж сонссонгүй явжээ

2012-10-26 | 17:00:09 | 182.160.51.164 |