бугшсан дутагдал доголдлыг ил тодоор илчлэн засч залруулахын төлөө ажиллана гэж амлаад байгаа. Үнэндээ эрүүл мэндийн салбар ямар байгааг захын хүнээс асуухад сайнаасаа саарыг илүү хэлнэ. Манайд ард түмнийхээ эрүүл энхийн манаанд цаг наргүй зогсч, бие сэтгэлээ энэ үйлст харамгүй зориулсан, зориулж байгаа гавьяатай олон сайхан эмч, мэргэжилтнүүд бий. Гэхдээ зах зээлийн хатуу ширүүн ааш аяг тангараг өргөсөн эмч нарыг ч өөрчилж, эзэмшсэн мэргэжлээрээ мөнгө ахиухан олох их аяны эрэлд тэднийг хөтөлж орхисон. Үүнийг нийслэлийн булан тохой бүрт шахам таарах хувийн эмнэлгүүд гэрчилнэ. Үнэндээ хувийн гэсэн тодотголтой эмнэлэг борооны дараах мөөг адил олширсон нь хөгжил дэвшил гэхээсээ эрүүл мэндийн салбарт бизнес илүүтэй цэцэглэснийг харуулна. Тоо толгойг нь анзаарвал Монголд улсын эмнэлгүүд нь эмчгүй болсон байх даа гэж бодогдмоор. Гэвч үгүй юм билээ. Харин ч эмч нар нь хувь, хувьсгалын эмнэлэгтээ зэрэг ажиллаад чадвар нь ч, амьдрал нь ч айхавтар сүрхий дээшилж буй гэнэ.

ХУВЬДАА ЭМНЭЛЭГТЭЙ ЭМЧ 40 ГАРУЙ БИЙ
Манай улсад III шатлалын гэх эмнэлэг Нэгдсэн нэг, Сайд нарын хоёр, Нэгдсэн гурав. Эх, хүүхдийн эрүүл мэндийн төв, Хавдар судлал, Халдварт гээд тоотой хэдхэн байдаг. Хүмүүс өвдөж зовохоор голдуу л улсын эмнэлэг барааддаг. Ядаж эрүүл мэндийн даатгалын дэвтрээ бариад очиход нүүр бардам гэж бодно. Өчигдөр өглөө Улсын клиникийн төв эмнэлгээр орлоо. Даваа гариг байсан болоод ч тэр үү, үүднээс нь эхлээд хүмүүс дүүрэн ачаалал ихтэй.

Давхар бүрт эмчийн өрөөний үүд болгонд урт дараалан үүсгэн хүмүүс зогсч байв. Ажиглахад ихэнхдээ 40-өөс дээш насныхан. Тус эмнэлэгт хөдөөнөөс ирж үзүүлж буй хүн 36 дугаар маягттай байх ёстой. Урьд өдөр нь дугаар авсан байхыг шаарддаг. Гэхдээ дугаар авсан л бол эмчийн бараа харна гэсэн үг биш. Өглөө эртхэн орохоор өмнүүрхэн үзүүлчих дугаар авч чадаагүй бол маргааш нь дахиж ирэх хэрэг гарна. Тиймээс урдуурхан үзүүлчихээр дугаарын төлөө хүмүүс танил талын эрэлд гарч, үүнээс нь болоод өглөөд багагүй хэрүүл үүсдэг бололтой. Энэ байдлын талаар эрхтэн дархтнаас нь тодруулчих санаатай эмнэлэг дундуур жаал явлаа. Эмнэлгийн дарга Г.Бямбадорж Эрүүл мэндийн яаман дээр хуралтай гэнэ. Жижиг дарга нар нь ч завгүй юм байх. Хайсаар дунд тушаалын гэх нэгнээс хэдэн зүйл тодрууллаа. Элдэв зүйл ярих хүсэлгүй байгааг эвтэйхэн ойлгуулсан энэ эрхэм эмнэлэг дотор хардлага сэрдлэг ихтэй, хэн хэлэв, яагаад бичүүлэв гээд эрэл хайгуул болдог хэцүү гэдгийг нуусангүй. Тиймээс нэр усыг нь албан тушаалыг нь зарлахгүй гэсэн ам шүдтэйгээр яриа өрнүүлсэн юм. Тус эмнэлэг хэзээнээсээ дарга нарын өрсөлдөөний талбар болж ирсэн. Хэн дарга болсноос хамаараад халагдах эмч нарын нэрс ч хар аяндаа тодроод гараад ирдэг гэнэ.

Саяхан яаман дээгүүр дүүргүүдийн эрүүл мэндийн төвийн дарга нараас эхлээд 10-аас дээш жил ажилласан дарга эмч нарыг хална гэсэн яриа гарчээ. Энэ яриа үнэн эсэхийг мэдэхгүй ч хувьдаа эмнэлэгтэй эмч нараас бусад нь баахан түгшүүртэй байгаа гэнэ. Хувьдаа эмнэлэгтэй, зэрэг цол өндөртэй бол хаачих билээ гэж санаа зовох юмгүй. Сургуульд багшилж болно, хааяа дуудлагаар ирээд үзлэг хийчихнэ. Тус эмнэлэг одоогоор 760 ажиллагсадтай үүнээс 162 нь эмч, 346 сувилагч бусад нь дэмжих үйлчилгээний ажиллагсад буюу бидний нэрлэж сурснаар асрагч нар гэнэ. Хуучнаа бодох юм бол эмч, сувилагч аль аль нь чамлахааргүй өндөр цалин авдаг болсон. Тэгээд ч хувьдаа эмнэлэгтэй эмч олон болохоор төрийн цалин шүтэж хоног төөрүүлдэг нь цөөн гэнэ. Тэр ч бүү хэл орлого нь өдөртөө хэдэн зуун мянга хүрдэг эмч нар ч бий. Үүнийг буруу гэх аргагүй. Чадаж байгаа юманд арга байхгүй гэдэг биз дээ. Иймэрхүү утгатай яриа бид хоёрын дунд өрнөв. Сонирхсоноо лавшруулж асуугаад ч амжлаа.

-Танайд хувийн эмнэлэгтэй эмч хэр олон бэ. Ганц нэг нэр хэлчихвэл буруу болохгүй биз дээ. Эсвэл нууц уу?
-Нуугаад байх юм байхгүй. Хэдэн сарын өмнө яамнаас энэ талаар судалгаа авсан. Чухам улсын хэмжээнд хэд байгааг мэдэхгүй. Манай эмнэлгийн эмч нараас гэхэд 40-өөд нь хувьдаа эмнэлэгтэй гэж яригддаг. Эмнэлгийн дарга Г.Бямбадорж ч хувийн эмнэлэгтэй шүү дээ. Манай эмч нар голдуу бөөр, мэдрэлийн эмнэлэгтэй байдаг юм. Ард түмэндээ тус хүргэж байвал болохгүй ч юм алга л даа. Харин нөгөөх Ашиг сонирхлын зөрчлийн хуультайгаа хэр нийцэж байгааг мэдэхгүй юм. Одоогоор М.Оюундэлгэр, Ж.Эрдэнэцэцэг, Э.Санжаа, М.Намсрай, Б.Лхагважав, Ж.Баасанхүү гээд олон эмч хувьдаа эмнэлэгтэй. Манай эмнэлэг том болохоор яг үнэндээ хаана нь юу болж байгааг тэр бүр мэдэх боломжгүй шүү дээ.

-Эмч нарыг үдийн өмнө үзлэгээ хийчихээд үлдсэн цагаа хувийнхаа эмнэлэг дээр өнгөрөөдөг гэдэг ортой юу?
-Зарим нэг эмч заваараа явдаг тал бий л байх. Нарийндаа тулахад эмч хүн өвчтөнийхөө төлөө зовж, эдгээхийг бодно шүү дээ. Тэд зах зээлд олны жишгийг л даган сайхан амьдрахын төлөө мэргэжлээ ашиглан эмнэлэг байгуулсан хэрэг шүү дээ. Зарим нь хэцүүгээ ярьж л байдаг юм. Зовлон байдаг л хэрэг. Зарим нэг нь хувийнхаа эрх ашгийг илүүд үзэх нь ч бий. Тэр болгоныг нэрлэх хэцүү. Өвчтөнүүд л мэдэж байгаа. Ер нь улсын эмнэлэг, хувийн эмнэлэгт зэрэг ажиллана гэж байж болохгүй. Манай хувийн эмнэлэгтэй эмч нарын заримд нь дутагдал их бий. Эмнэлгийн тоног төхөөрөмжөө өмчлөх, хувийн эмнэлэгтээ аваачихсан тохиолдол ч гардаг. Сувилагч нараа аваачиж ажиллуулах, оюутнуудаар үзлэг хийлгэх гээд юм юм л болдог гэсэн. Мөнгөний төлөө л яваад байгаа юм даа. Эмчийн мэргэжил мөнгө болсон гэдгийг үгүйсгэх аргагүй. Харин ч манай эмнэлэг бусадтай харьцуулахад гайгүй. Нэг хэсэг хүүхдүүд шүдний эмч болох гэж хошуурсан. Одоо мэс заслын эмч моодонд орсон гэнэ билээ. Энэ чинь эмч болно гэхээсээ мөнгө олох аргаа бодож байгаа хэрэг мөн биз дээ. Эмч нарын цалинг нэмэхгүй бол мөнгөний ажил хийж л таарах байх.

-Эмч нар дунджаар хэдий хэр цалин авдаг вэ. Хагалгаанд орсон эмч, сувилагчид мөнгө өгдөг жишиг тогтчихсон гэдэг?
-Янз бүр дээ. Тэгэхдээ л бололцооны шүү дээ. Чи ч гэсэн өвчнөөс минь салгалаа гээд эмчид юм өгч л байсан байлгүй. Энэ бол нууц биш зүйл. Хүнд өвчнөөс салгаад өгөхөд баярлахгүй хүн хэн байх юм бэ. Манай эмч нар авъя гэдэггүй. Өвчтөнүүд баярлаад өгдөг. Өгснийг нь л авдаг байх. Хэн ч авна. Харин шинэ сайд эрүүл мэндийн ажилтны цалингийн тодорхой хувийг даатгалаас санхүүжүүлэх боломжийг хайж байгаа гэсэн. Тэгвэл жаахан гайгүй болох байх. Эмч нарыг төрийн эмнэлэг, хувийн эмнэлэгт зэрэг ажиллаж болохгүй гэж яригдаад байна. Үүнийг зогсоохын тулд цалинг нэмэх хэрэгтэй дээ.

ОР ХҮЛЭЭЖ ХОРЬ ХОНОЖЭЭ
Элдэв өвчнөөс анагааж эдгээж буй алтан гартай эмч нарыг шүтэхээс аргагүй биз. Бөөрний тасгийн үүдэнд хэсэг хамаатнууд бололтой хүмүүс сууж байна. Ойрынх нь хүн хагалгаанд орсон гэнэ. Өвчтөний бие ямар байгааг асуухад гайгүй л гэсэн гэв. Гэхдээ тэдний хооронд болж буй яриа анхаарал татаж чимээгүйхэн зогсоод сонслоо. “Хоол хэрэггүй ээ, дугтуйд хийгээд л өгчих” гэхдээ хэдийг өгөх дээр санал зөрөлдөв. Тэгж тэгж олны жишиг дагахаар болж байна билээ. Тэднээс салаад Хэнтий аймгийн Дэлгэрхаан сумаас ирж Мэдрэлийн тасагт эмчлүүлж байгаа 50 эргэм насны Доржпалам гэх хүнтэй мэнд ус мэдэлцлээ. Тэрбээр эмчилгээ сайн байгааг магтаад “Ганц хэцүү нь тийм ч тариа олж ир гэх нь хөдөөний хүнд түвэгтэй юм. Заримд нь зүгээр хийж өгөөд байх шиг байдаг. Ер нь л танил талгүй бол ирээд хэрэггүй юм байна даа. Аймагтаа л хэвтдэг байж гэж бодогдох юм. Надад хотод танил муу, хүүхдүүд хөдөө. Ор хүлээж хорь хоносон. Эрүүл саруул улс хэвтээд баймааргүй санагдана. Гэтэл гайгүй л юм шиг улс олон байх юм. Би эмч биш яаж мэдэх вэ” гэж тэр ярьсан. Өвчнөө илааршуулах гэж өнгө өнгийн зовлон тоочсон олонтой энд таарч болох нь.

ГУРВАН ЭМНЭЛЭГ ДАМЖИЖ ОНОШОО ТОГТООЛГОСОН
Хэдхэн сарын өмнө Дорнодоос ирж Клиникийн нэгдүгээр эмнэлэгт хэвтэж эмчлүүлсэн Жавзан гэж хөгшин “Би таван хүүхэдтэй. Бүгд л сурлагаар сайн байсан даа. Ядаж нэгийг нь эмч болгох минь яав” хэмээн үнэн голоосоо халаглаж байхыг сонсч билээ. Бие нь тавгүйрхээд байхад аймгийнхаа эмнэлэгт үзүүлтэл яаралтай хот яв, нарийн шинжилгээ хийлгэ гэжээ. Хэлсэн даруйд нь ирж Нэгдүгээр эмнэлгийн бөөрний тасагт шинжилгээ өгтөл өрөөсөн бөөр нь хавдартай гэсэн онош гарчээ. Нэгэнт хавдартай учир нэн даруй авахуул гэж зөвлөсөн ч юм байх. Хавдар гэсэн онош сонссон хөгшин ч сэтгэлээр унаж бушуухан буцаж нутагтаа ясаа тавих минь хэмээн зүтгэж. Гэвч хүүхдүүд нь ээжийгээ Хавдар судлалын үндэсний төвд үзүүлтэл хавдартай гэсэн бөөр нь эрүүл, харин зүрхэнд нь асуудал байна гэжээ. Эхний үзүүлсэндээ итгэл алдарсан болохоор “Улаанбаатар Сонгдо” эмнэлэгт очтол судсаар чинь гуурс гүйлгэж оношийг тань нарийн тогтооно. Энэ шинжилгээний төлбөр нь таван сая төгрөг хэмээхэд Жавзан гуай хэчнээн цааргалсан ч эхийгээ амьд явуулахын тулд хүүхдүүд нь мөнгө цуглуулж үнэтэй шинжилгээг хийлгэтэл юу болсон гээч. “Олон жилийн өмнө бамбай булчирхай авахуулсны уршиг үлдсэн байна. Үүнийгээ эмчлүүл, өөр нөлөөлөх зүйл алга” гэсэн хариу сонсоод хөгшин ч, хүүхдүүд нь ч хөл газар хүрэхгүй баярлан нутгийн зүг жолоо залсан билээ. Гурван эмнэлэг дамжин баахан зардал чирэгдэл гаргасны эцэст ийм онош сонсоод баярласан ч хэдэн хүүхдээ өр тавиулаад гээд сэтгэл жаахан гонсгор явсан. Эмнэлэг дамжиж явахад түүний улсад 35 жил ажиллаж эрүүл мэндийн даатгал төлсөн нь ямар ч хамаа байгаагүй гэнэ. Хүүхэд төрүүлэхээс өөрөөр эмнэлэгт хэвтэж байгаагүй, нэг үгээр төлсөн даатгалынхаа хариуд төрөөс нэг ч удаа тусламж авч байгаагүй хэрнээ яг тулсан үед тэр даатгал шиг хэрэггүй зүйл үгүй юм хэмээж байсан.

Улсын клиникийн төв эмнэлгээр хагас өдөр бэдрээд олж дуулсан бүхний минь цухасхан хэсэг энэ. Эмч нар хүний эрүүл мэндийг мөнгө болгох бизнест гаршиж, хос морьтой зах зээлд хурдалж буй тухай бид үргэлжлүүлэн хүргэх болно.

Н.Лхагвасүрэн

Хувь, хувьсгалыг хослуулсан эмч нарыг хол явуулах уу
Tweet
Bolod.mn

Сэтгэгдэл (17)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Удвал сайдаа таньд амжилт хүсий та бол тэмцэгч мөн. Би ардчилалыг дэмждэг 40 гарч яваа хувийн хэвшилд ажилладаг эрэгтэй хүн. Таныг тэмцээд гарч ирсэнд баяр хүргэе. Бидний хэн нь ч тань шиг зориг гаргаад тэмцээд гарч ирж чадахгүй байгаа нь үнэн шүү дээ. Эрүүл мэндийн салыбарын чанар энэ тэр олон яриа яах вэ. Ганц 103 аа л сайжруулчих. Дуудахад хурдан ирдэг. Бичиг баримтгүй ч байсан хүнийг үздэг эмчилдэг тийм л болгомоор байна. Нарын мэрэгжлийн үйлчилгээ энэ тэр яахав. Гар хөлөө зүссэн хөлдөөсөн хүмүүсийг чинь сэтгэлээсээ хүлэээж аваад шархыг нь иод спиртээр цэвэрлээд ариутгасан марьлаар боогоод өвчин намдаах эм уулгахад л болно. Бусад нь хэрэгггүй ээ. Удвал сайдаа. Хуучин нийгмээс улбаатай орос школоор явсан 2 салбар байна. Цагдаа, эмнэлэг. 2 уулаа өөрсдийгөө буруутгахгүй баримтжуулах баталгаажуулах гэсэн бүтцээр явж ирсэн салбарууд. Хүн эмчилж буй эмч хэрэг мөрдөж буй цагдаа яаж хангалттай хэмжээний мэдээлэл баримт энэ тэр цуглуулж баталгаажуулна төдий чинээ өөрсдөө дараа нь хэрэг түвэгт ороогдохгүй гэсэн бүтэц манайд байна. Хүнийг 1 номерт тавьсан бүтцийг л бий болгох хэрэг бана даа. Монголд. Бичиг баримтгүй гээд хөлөө гэмтээсэн залуу гэмтлийн эмнэлгийн гадаа зун сууж байхыг та зурагтаар харсан биздээ. Сүүлдээ хөл нь амьдаараа үнэр орсон шүүдээ. Сувилагч нь хүлээж авахгүй манай журам ийм гээд гүрийгээд л басан. Тэрний буруу гэж юу байх вэ. Хууль эрхзүйг өөрчлөх хэрэгтэй. Та үүнийг л хий тэрнээс хиймэл хөх, зүрх шилжүүлэн ёуулгах энэ тэр бидэнд хэрэг алгаа гэж.. Цэрэг цагдаа болохоор айлгаж хориод л гүйцээ. Хадгаламж зээлийн хоршооны хэргийн үед яалаа даа. Нэг л их олон бичгийн машинаар чрьсан зүйлийг машиндсан хүмүүс, сүүлдээ хөдөөнөөс цагдаа нар авчирьч шивүүлээ биз дээ. Тэгээд тэр нь мөрдөх үйл ажиллагаа юм уу.

2012-10-31 | 10:52:29 | 202.126.89.168 |

Зочин
Ондор хогжилтэй оронд эмчид узуулэх тсаг авсан л бол тэр л тсагтаа орж узуулдэг.Тэр эмч завтай сууж байсан ч тэр.Цалин бол овоо шуу дээ .Хун эрүүл явна гэдэг их чухал юм даа.Манайхан их сонин хумуус шуу. гоэх их дуртай унэтэй брэндийн хувцас авахдаа гар татахгуй атлаа.Овчний оншоо тодруулахаар хэдэн шинжилгээ хийлгэхэд л монгоо нарийлдаг.Тэр эмч ни хувидаа авчихаж байгаа юм шиг бур их харсахийг ни яанаа.Оорийгоо эрүүлжүүлэхэд гар татаж нарийлахийг юу гэж хэлбэл таарах бол. Хун эрүүл байвал монгийг олж болноо доо.Тэгээд л хэдэн эмч нарлуугаа хийсэн хийгээгүй хэргийг тулгаж хараар будахдаа бол гарамгай ард тумэн юм даа.

2012-10-30 | 22:45:42 | 114.249.48.220 |

Зочин
Лхагвасурэн гуай мини дээ та эр ни зах зээлийн эдийн засгийн талаар маруухан шиг ээ. Энэ асуудал эмч нартаа бус нийгмийн тогтолтсоондоо л байгаа юм аа.Та Хогжилтэй Амэрик, Ангил гэх мэт улсад очиод эмнэлэгт ни эмчлүүлээд уздээ. ямар толбор гач байна.хэдий хэр цалин авч байна. эмчийн хяналтад байгаад уз . Том нэртэй эмчид ни узуулэх гээд уз. тэгээд л та манай эмч нар ямар цалин аваад ямар нохтсолд ажиллаад, биднээс ямар уг дуулж байгааг нэг харицуулаад бичхийг орддоо. Эмч нар хунд овчтэй хунээ орхиод явж чадахгуй амрах тсагаа хасах бол ю ч биш байдаг ш дээ.

2012-10-30 | 22:37:15 | 114.249.48.220 |

Зочин
Хуний ходолморлох эрхрүү будуулэгээр хандсан Лхагвасурэн гэгчийг шуухэд огвол таарна. Лхагвасурэн гуай та ч гэсэн хэдэн байгууллагад ажилж байгаа ш дээ.

2012-10-30 | 22:09:48 | 114.249.48.220 |

Зочин
Хун оороо чадал ни хурч байвал 2 битгий хэл хэдэн ч газарт ажиллаж болноо. Ходолморийн хуулийар эрхийг ни олгосон шуу.Олом газар ажиллаж болно гээд али нэгийнх ни ахлийг хохироож болохгуй. цаг аа л нарийн сайн зохитсуулах хэрэгтэй.Улсийн эмнэлгийн тоног тохоромжийг бол хувидаа ашиглаж болохгуй ни мэдээж.Улсийн эмнэлэгт ажилладаг эмч нарийг оор газарт ажиллаж болохгуй гэх ни зах зээлийнхээ ундсэн зарчимтай зорчиж байна даа. Лхгвасурэн гэгч гуай мини

2012-10-30 | 22:07:48 | 114.249.48.220 |

Зочин
Муулах болохоороо харийг ч цагаан болгож чадах юм даа.Хаана тэр хагартлаа баяжсан эмч байна аа.Тороос торсон тэрбүмтний хажууд бол байдаг л нэг одрийн амжиргаатай айлууд байдаг шуу дээ.Хэтрүүлнэ гэхэд арайч баримжаагуй байна шуу.

2012-10-30 | 22:00:18 | 114.249.48.220 |

Зочин
Юн буруу байгаа юм бэ?! Зах зээлийн зарчим тани хун оортоо байгаа оюуний болоод биэйин чадавхаараа л амидарах учиртай биздээ. Тэгэхээр эмч улсийн эмнэлэгэт ажилдаг ч хувидаа эмнэлэгтэй бол тэндээ ажиллахад болохгуй юм байхгуй. Ганчан байгууллагатайгаа тохирсон улсийн эмнэлэгт ажиллавал зохих цагаараа ажиллах, хувийнхаа эмнэлэгт хувийнхаа чолоот цагаар л ажиллах ялгаа заагаа сайн бариад ажиллавал болохгуй юмгуй . Эмч нар монго авдаг л гээд байдаг ч эмч нар бидэнд монго ог гэж муу муу хэлдэггүй овчтонууд л оорсдоо чадалийнхаа хэрээр л хэдэн юм огдог байх. Рэр ни огч байгаадаад гарлагтай авч байгаа нэр л болохоо гавитай юм хэн огчих чадал чансаатай билээ дээ. нэрийн хор юм даа авахгуй бол бас гомдол

2012-10-30 | 21:56:00 | 114.249.48.220 |

Зочин
зарим эмч нар улсийн эмнэлэгт ажилладаг хажуугаар хувийн эмнэлэгт ажиллуулж бна улсийн эмнэлэгт ни узууллэхээр өөрийн хувийн эмнэлэгээ хэлээд тэнд очоод үзүүлээд сорил тавиул үнэ 25000 гэх жишээний байх юм иймд хувийн эмнэлэгтээ өөрийн эмнэлэгтээ ажиллах хэрэгтэй зарим шүдний эмч нар улсийн эмнэлэгийн тоног төхөөрөмж матриалыг хувийн эмнэлэгтээ ашиглаж маш их үнэтэй эмчилгээ хийж бна тэгээд төсөв хүрэхгүй энэ тэр гээд л улсын эмнэлэгтээ сэтгэл зүрхээ гаргаж ажиллаж чадахгуй л байна нэг үгээр хатуухан хэлвэл улсын хөрөнгө завшиж бна гэсэн үг л дээ

2012-10-30 | 19:06:46 | 122.254.115.67 |

Зочин
тэгээд бас МАН-хан цалинг нь нэмэхээр зүтгэж байгаа одоо бүх хүмүүс хүүхдүүдээ багш эмч болго

2012-10-30 | 18:40:37 | 27.123.213.131 |

Зочин
Баян-олгийд хувийн эмнэлэгтэй Бейсен, Ахжархан,Лазиатбан нар ичих нуургуй сонгуульд ороод амлаа орхиод яавж бна. Бейсен нь настай хунд буруу хагалгаа хийн айсандаа хот аваад явсан гэнэ хоорхий

2012-10-30 | 18:22:59 | 27.123.214.109 |

Зочин
Ер нь улсын төсвийн 20-30 хувийг идэж байж биднээс мөнгө нэхдэг, цэцэрлэгийн хүүхддийн цагаан хорхойн шинжилгээ хийлээ гэж 2000 төг авдаг ийм эмнэлгээр яах вэ Ядууст зориулсан цөөхөн эмнэлгийг улсын мэдэлд үлдээгээд ихэнхийг нь хувьчлах хэрэгтэй. Тэртэй тэргүй мөнгө нэхдэг юм чинь үйлчилгээндээ таарсан хөлсөө аваад амьдарцгаах нь зөв байх аа

2012-10-30 | 13:42:04 | 202.170.69.228 |

Зочин
ЭМЧ НАР Ч ҮНЭХЭЭР ХЭЦҮҮ ХҮМҮҮС ШҮҮ ГЭМТЛИЙН ЭМЧ НАР ДЭЭР ОЧООД ҮЗҮҮЛЛЭЭ ТЭГСЭН ЧИНЬ ЭНД ҮЗЭХГҮЙ ХУВИЙН ЭМНЭЛЭГЭЭР ЯВ ЭНЭ ТЭР ГЭДЭГ БГАА НӨГӨӨ ГАЗАР ОЧТОЛ НӨГӨӨ ЭМЧ МААНЬ ЗА ЯАСАН ГЭНЭЭ ГЭЭД УГТАЖ АВЧ БАЙХ ЖИШЭЭТЭЙ ИЙМ БАЙЖ УЛСЫН ЭМНЭЛГИЙН АЖИЛ ЯАЖ ЯВАХ ВЭ ДЭЭ ТЭГЭЭД ХУВИЙН ЭМНЭЛЭГТЭЭ ӨӨРИЙН ДУРТАЙ ҮНЭЭ ХЭЛЭЭД Л СУУЖ БАЙХ ЮМ

2012-10-30 | 13:20:45 | 202.70.45.38 |

Зочин
Эмч нар шиг баян хүмүүс хаа байна Халдвар судлаач эмч гэхэд 2-3 газартай сарын 400,000 төгрөгийн гэрээтэй ажиллаж бна.

2012-10-30 | 11:09:59 | 124.158.107.56 |

Мэдээ
Гадаад мэдээ
Видео