Тэгэхдээ бүр еөрөө ч мэдэлгүй гол зохион байгуулагч нарын нэг болчихжээ. Тэрбээр мөрөөрөө ажлаа хийгээд амьдрал ахуйгаа зохицуулаад явж байтал хөндлөнгөөс хүмүүс гарч ирээд л хар аяндаа архидалтанд татан оруулсаар байгаад лав л хоёр сарын нь ажлыг алэад хаясан байна. Өнгөрсөн хавар түүний том хүү их сургуулиа онц төгссөн учир тэр хүүгийнхээ төгсөлтийн баяр дээр зориуд очиж хүүдээ баяр хүргэсэн юмсанж.

Харин ингэж яваад арван жил хамт төгссөн нэг хүүхэнтэй тааралдсан байна. Тэр хоёр уулзалгүй арав шахуу жил болсон болохоор Ганбаяр эргээд тухтай уулзах болзоо тавиад, утас шөрмөсөө солилцоод салсан аж. Гэтэл хэд хоногийн дараа ангийн нь охин болох нөгөө хүүхэн утасдаж "Манай ангийн дөрвөн ч хүүхэд уулзаад байна. Чи хүрээд ирээч" хэмээн дууджээ. Тэр үед Ганбаяр хоёр бага хүүхэд болон эхнэрээ аваад зуслан руугаа явах гэж байсан ч "Олон жил уулзаагүй ангийнхан маань дуудаад байхад яаж цааргалах вэ. Аягүй бол зугтлаа гэж бодно" гэсээр байгаа газарт нь яваад очжээ.

Тэнд нээрээ л арван жилийн сургуульд нэг ангид мөр зэрэгцэн сурч байсан алдрай багын нь найзууд болох хоёр залуу бас хоёр хүүхэн инээд алдан улаа бутарч суусан байна. Удаан уулзаагүй тэд дуу алдан тэврэлдэж авсанаар тэр оройжин архиджээ. Хуучны сайхан дурсамжаар хачирлагдсан энэ удаагийн архидалт ч яахав хэдэн цагаар хэмжигдээд дууссан байна. Харин энэ архидалтын үеэр ангийнханаа эрж хайн цуглуулаад нутаг орондоо очиж нийлэх тухай ярианы сэжүүр гарч ирсэн нь нүсэр архидалтын эхлэлийг тавьжээ. Ядаж байхад яг тэр жил тэдний арав төгссөний хорин таван жилийн ой таарсан байсныг ч хэлэх үү хөөрч догдолсон бас халамцсан

тэд "Бүгдээрээ энэ завшааныг алдахгүй шүү. Ангийнхантайгаа уулзаж сайхан баярлана" хэмээн дуу нэгтэй ярилцан тохироод бүр арав арван хүнтэй холбоо барих даалгавар аван салсан байж. Ганбаяр эрүүл саруул болсон хойноо энэ явдлыг төвөгшөөн яаж шуухан сугарч үлддэг юм билээ гэж бодож байсан ч түүнтэй холбоо барих аргыг мэдээд авсан нөгөөдүүл нь өдөр шөнөгүй яаж байна юу болж байна хэмээн утасдаад салахаа байжээ.

Өөрсдийнхөө хийж амжуулсан "ажил"-ыг ч бас давхар тайлагнахаа мартсангүй. Хэдэн талаас нь утасдаж шахаж байсан учраас Ганбаяр нэг л мэдэхэд нүсэр том нийллэгийн гол зохион байгуулалтын багт өөрийн мэдэлгүй орж өмнөх ажлаа хойш тавиад ийш тийш утасдан хүн амьтан сураглаж арай гэж холбоо тогтоосон нэгэнтэйгээ уулзаж учрах тухай яриад хүн ятгаад сууж байдаг болсон байна. Ингэж их хүч тавьсаны эцэст ямар ч байсан арав төгссөний хорин таван жилийн ойг тэмдэглэх арга хэмжээний ерөнхий төсөв, оролцох хүний тоо гэх мэт зүйл тодорхой болж наадмын үеэр нутаг орондоо цуглахаар болжээ.

Наадаж наргих ажил шиг амархан бүтдэг юм Монголд байхгүйг ч хэлэх үү Ганбаярын ангийн нийллэг товлосон өдөртөө, тогтсон цагтаа ямар ч саадгүй эхэлж санаж төлөвлөсөнөөс нь ч илүү нүсэр болж, хоёр өдрийн турш л толгой өөд таталгүй архидаж мах болтолоо ядарсан амьтад арай гэж салжээ. Хүүхэд насны хөгжилтэй түүхүүдээ хүүрнэн өөр шинэ шинэ түүхүүдийг зохион цагийг зугаатай өнгөрөөж чадалгүй ухаан сэхээгүй архидсаар байгаад салсан нь жаахан тиймхэн санагдаж байсан болоод ч тэр үү бараг бүтэн сар шахуу хөөрцөглөж гүйсээр хамаг ажлаа хойш тавьсаныг ч хэлэх үү Ганбаяр Том архидалтын ард гарлаа даа. Одоо ёстой ажлаас өөр юм бодохгүй ээ" гээд сууж байтал гэнэт л хөдөө гадаанаас ах дүүс нь утасдан "Ургийн баяр хийх гэж байна. Ах дүү хамаатан садангаа эрж хайхад тусал. Мөнгө төгрөг гарга" хэмээгээд салахаа байсан байна. Ургийн баяр нь анги хамт олны нийллэгийг бодоход ач холбогдол ихтэй, тэгээд ч үр хүүхэд гэр бүлийн хүрээний томоохон арга хэмжээ учраас Ганбаяр оролцохоос өөр арга байсангүй. Ингээд тэр ахиад л ажлаа хойш тавин ах дүүсээ эрж хайх, арай гэж олсон нэгнээ уулзаж учрах тухай ятгах зэргээр бас л өөрийн мэдэлгүй зохион байгуулалтын ажилд яваад оржээ.

Ганбаяр тэргүүтэнүүд Монгол орны өнцөг булан бүрээс тэмтрэн хайсны эцэст ямар ч байсан нэг угшилтай нэлээн хэдэн хүн олж авсаных намрын эхэн сарын найртай сайхан өдөр эцэг өвгөдийнхөө уугуул нутагт ураг удмаараа уулзан цэнгэх баяр ч бэсрэг наадмаар ёслол төгөлдөр эхэлсэн байна. Нэг нэгнээ таних нь байтугай бараа зүсийг нь ч хараагүй бүр сургийг нь ч сонсч байгаагүй хүмүүс тэнд олон байсан болохоор Ганбаяр энэ баярыг ихэд сайшаан иймэрхүү баярыг жилдэз хоёр удаа хийж байсан ч болохоор юм байна хэмээн олзуурхаж байсан юмсанж. Гэтэл удам судраа мэдэлцэх гэж уулзсан хүмүүс удалгүй их архидалтыг эхлүүлж баярлаж хөөрсөн сэтгэлийг нь унтраагаад хаячихжээ.

Ах дүүсээ ч бүрэн мэдэлцээгүй байж аягатай архи бариад зүтгэх нь арай л биш санагдаж байсан ч тэр олныхоо жишигийг дагаж нэг л мэдэхэд гурван өдрийг өөрийн ухаангүй шахуу өнгөрүүлсэн байж. Айл болгон нэг сая төгрөг гаргаж ураг удмаараа нийлэн найрласан болохоор гурван өдөр уугэад ч барахааргүй их архи цэлэлзэн байсан бөгөөд энэ их архийг ууж дуусгана гээд хамт үлдвэл үхэж ч мэднэ гэж айсан Ганбаяр бушуухан л зугтжээ. Ийнхүү өөрөө ч мэдэлгүй шахуу нүсэр их архидалтанд оролцож өнгөрсөн зуныг үр бүтээл муутай өнгөрүүлсэн тэрбээр "Ургийн баяр хийх нэрээр удам судраараа нийлж архидах явдал ганцхан манайхаар дууссан бол ч яахав. Гэтэл энэ явдал хаа сайгүй элбэг болжээ. Ургийн баяр хийх гэж байна гэж хэлэхэд ямар ч хүн дургүйцэхгүй. Хаа ч байсан хамаагүй мөнгө төгрөгөө гаргаад хүрээд ирнэ. Тэр үед нь ураг удмынхандаа товч толгой болж яваа хүмүүс нь олигтой юм сэдэхгүй байгаа нь учир дутагдалтай байна. Их сайндаа л бэсрэг наадам хийх юм уу өвөг дээдэстээ зориулж болсон болоогүй суварга босгоод эсвэл нэг ном гаргасан болоод л хөгшин залуугүй нийлээд архиддаг явдал ихэсч байна. Ийм байдлаар ургийн баяр хийснээс хийгээгүй нь дээр. Хамт архидах шалтаг мундсан биш" хэмээн гунигтай өгүүлж байлаа. Нээрээ ч түүний хэлдэг үнэн. Олныг хамарсан тэр тусмаа ах дүүсийг хамарсан нүсэр том архидалтууд ихсээд нэг нэгнээ чирэх явдал олширч байгаа билээ.

А.Чунт

www.bolod.mn

Ургийн баяр хэмээх нэрийн доор удам судраараа нийлж архидах явдал их байна
Tweet
Bolod.mn

Сэтгэгдэл (2)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Би таван сайхан хүүтэй Казах аав байна. Би хүүхдүүдийнхээ эхнэр болох охидыг аавынхаа7-9 үе ,эхийнхээ3үе удмаа мэдэхгүй бол хөөж явуулна, тэгэх ч эрхтэй.ЕС дэхи өвөг нэгтэй минийЭЦЭГ ТАЛИЙН холдож буй хамаатнууд маань багаар бодоход 20,000 хүн байгаа байх.ДОЛООгоосТАВ дахьӨВӨӨ нэгтэй бүр ойрийн АХ ДҮҮСмаань15,000-10,000 орчим хүн байх магадтай,ЭНЭ олон хүн, хол ойр бүр хилийн чанадад тусгаарлагдаж олон зуун жил элээсэнч ҮР ХОЙЧИС нь ЭЛГЭН ТӨРӨЛ САДНАА ТАНИЖ МЭДЭЭД байдаг нь ХАМГИЙН ГАЙХАМШИГТАЙ юм..Эцэг т********аа барьж УРАГ ОВГОО үргэлжлүүлэх ЁСИЙГ ШЕЖИРЕ гэх бөгөөд КАЗАХУУДЫН хувид АЛТ ЭРДЭНЭЭС ч ИЛҮҮ НАНДИН ӨВ СОЁЛ ЮМаа.КАЗАХуудад ДАУН,АУТИЗМ.ГЕМОФИЛЯ зэрэг цус ойртолтын өвчин бараг байдаггүйн ШЕЖИРээгээ чандлан баримт********сны АЧ билээ.Би төв аймгийн нэгэн суманд төрөөд өдийг хүртэл бараг х********х болтлоо амьдарч байна.Манай сумынхан өөрийн болоод өрөөлийн адууны удам судрыг сайн мэддэг мөртлөө өөрийнх нь өвөг дээдсийг асуухаар өвөө ааваасаа ц******** огт мэдэхгүй.Гэр бүл ураг барилдах нь МАШИД ЭРГЭЛЗЭЭТЭЙ бэр хургэнийхээ нутаг ус аав ээжийн асууга******** боллоо ТӨӨРСӨН ЦУСАН ТӨРЛИЙН ЖИР ЖИРЭНЦЭРҮҮД НЭГНЭЭН ОЛООД ГЭРЛЭЭД БАЙГААМ БУСУУ..Мөн газар усаар баримжа******** нь бас буруу хүний үр удам х********аа ч нүүдэллэн тархан сууршсан байж болно шүү дэ. Манай сумынхны 80 хувь нь БОРЖИГОН болцон ХОЛИОН БАНТАН энэ нь МОНГОЛ улсын нөхөн үржихүй болон хүчирхэгжин хөгжихөд том саад АЮУЛ бусуу..

2016-07-22 | 20:04:06 | 202.179.2.118 |

Мэдээ
Гадаад мэдээ
Видео