байгаагаа удаа дараа шоуны хэлбэрээр тайлагнаж, нүглээ наминчилж байна. Ямар ч байсан эхний ээлжинд Ардчилсан намын бүлгийн дарга Д.Эрдэнэбатад дэмжлэг үзүүлэх чиглэлээр Багануурын нүүр сийг нийслэлийн иргэдэд хямдрал тай үнээр, чирэгдэлтэй өгөхөөр болсноо зарласан. Ингэхдээ тээвэрлэлтийн зардлыг төрөөс даа хаар шийдвэр гаргасныг л дэмжлэг гэж нэрлээд байгаа юм.

Төрөөс гэдэг нь таны л хөдөлмөрлөж олж байгаа мөнгөөр гэсэн үг шүү дээ. Энэ бол Н.Алтанхуяг болон Засгийн газрын зүгээс намынхаа ерөнхий нарийн бичгийн дарга асанд үзүүлж байгаа томоохон дэмжлэг байж болох талтайг эх сурвалж хэлсэн. Түүнээс биш нүүрс нийслэлд ирээд утаа үүсгэнэ үү, нийслэлчүүд угаартана уу огт хамаагүй. Тэр ч бүү хэл иргэд худалдаж авах эсэх нь ч гүйцэтгэх засаглалын тэргүүнд хамаагүй, гагц хүү татвар төлөгчдийн халааснаас энэ мөнгө гарч, зориулсан нэгний халаасанд орох нь л чухал.

Мулгуу хүн ч ойлгохоор үлгэрийг ийнхүү орон нутгийн сонгуулийн наана гаргаж байгаа нь бүр ч сонирхол татна. Харин өнөөдрийн байдлаар Ерөнхий сайд өөрийнхөө болон танхимынхаа сайд Х.Баттулгын эзэмшдэг махны бизнест дэмжлэг үзүүлж шинэчлэл хийхээр болсон нь олны сонирхлыг татахын зэрэгцээ дургүйг бас хүргэж амжлаа. Тэрчлэн хойд хөрш шатахуун, түлшний үнийг нэмэх шийдвэртээ үнэнч зогсч байхад мань эр шатахуун түлшний үнийг хязгаартай барина гэсэн мэдэгдэл хийжээ.

Тавантолгойн төсөл дээрээс хөөгдсөн орос ах нар шатахуун түлшний үнийг зүгээр ч нэг нэмээгүй гэдэг нь хэнд ч тодорхой. Яагаад гэвэл дэлхийн зах зээл дээр нефтийн үнэ тогтвортой байгаа гэж мэдээлсээр байна. Энэ талаар сүүлийн үеийн мэдээлэл цуглуулахад, зарим хэвлэлийн хуудаснаа “Шинэчлэлийн” хэмээх Засгийн газар өмнөх Засгийн газрууд хийж байгаагүй, шинэлэг ажлууд хэрэгжүүлэхийг зорьж байна.

Үүний нэг нь гол нэрийн бараа, бүтээгдэхүүний үнийг тогтворжуулах талаар Монголбанктай хамтран багц хөтөлбөр хэрэгжүүлэхээр тохир сон явдал” гэдгээ Ерөнхий сайд Н.Алтан хуяг онцолжээ. Хэнд ч сайхан сонсогдоно. Түүнчлэн энэ хөтөлбөрүүдийг хэрэгжүүлснээр инфляцид нөлөө үзүүлдэг гол нэрийн бараа, бүтээгдэх үүний жижиглэн худалдааны үнийг дунд хугацаанд тогтвортой барьж, Засгийн газар инфляцийг зөв удирдах нөхцөл бүрдүүлнэ гэсэн нь хэний ч анхаарлыг бас татна.

Зах зээлийн чөлөөт өрсөлдөөний зарчмаар үнэ тогтоогддог ч иргэдийн нуруунд дарамт үүрүүлж байгаа мах, гурилын үнийг тогтвортой байлгахыг шинэчлэлийн Засгийн газар зорьж байна хэмээн гүйцэтгэх засаглалын тэргүүний хэлсэн үг хэний ч тархин дундуур татаад авах нь мэдээжийн хэрэг. Тархин дундуур татахын учир нь иргэдэд дарамт үзүүлж байгаа гол нэрийн бүтээгдэхүүн мах нь Ерөнхий сайд Н.Алтанхуягийн “Мах маркет”, танхимынх нь сайд Х.Баттулгын “Мах импекс”-ээр дамжиж иргэдийн гар дээр очдог юм.

Тодотгож хэлэхэд, Ерөнхий сайд Үйлдвэр, хөдөө аж ахуйн сайдтайгаа нийлээд Монголын махны бизнесийн 70-80 орчим хувийг нь баздаг гэдгийг эрх биш иргэд гадарлах болов уу. Олны нүдэн дээр хонь, чоно мэт харагдах энэ хоёр эрхмийн наймаа нэг учраас нэгэндээ найр тавьж, Засгийн газартаа ажил луу лаа биз. Тэр тусмаа Үйлдвэр, хөдөө аж ахуйн сайдаар шүү. Иргэн Та “Мах маркет”, “Мах импекс”-ээр үнэ нь хадсан, чанар муутай нөөцийн мах зарагддагийг юу эс андах билээ.

Тэр чинь манай улсын Ерөнхий сайдынх шүү гэдгийг дахин сануулмаар байна. Эдгээр сүлжээ дэлгүүрээс чанар муутай, өндөр үнэтэй мах авч, хоол хийж байгаагаа санах тусам эрхэм Ерөнхий сайд, Үйлдвэр, хөдөө аж ахуйн сайдыгаа нэг сайн санахад илүүдэх юу байх билээ. Тэр хоёрын төлөө залбирч ч болно шүү дээ. Залбирахын учир нь цаад хоёр чинь төрөөс 87 тэрбум төгрөг гаргаж, өөрсдийнхөө махны үнийг буулгах гэж байна.

87 тэрбумынхаа 80-ыг нь өөрсдөө завшина уу, долоог нь завшина уу дүүрсэн хэрэг. Гагцхүү махны үнэ бууж байгаад л залбирах нь зүйн хэрэг биз гэж бодном. Түүнчлэн Ерөнхий сайд бараа бүтээгдэхүүний үнэ өсгөдөг үндсэн шалтгаануудыг тогтвортой барих тухай дурдсан нь харин ч сэтгэл хөдөлгөм юм билээ. Гэхдээ хүнсний бүтээгдэхүүний үнэ өсдөг үндсэн шалтгаануудыг арилгах оновчтой тогтолцоо бий болгоход голлон чиглэсэн дэд хөтөлбөрүүд хэрэгжүүлэхэд зориулж 248 тэрбум төгрөг зарцуулна гэжээ. Уг нь сайхан санаа гэдгийг хэнээр ч хэлүүлэлтгүй мэдэх байх.

Үүнээс махны нөөц бүрд үүлэхэд 87, гурилын үнэ тогтвор жуулахад 61, зоорь, агуулахыг нэмэгдүүлэх, эрчимжсэн аж ахуйг хөгжүүлэхэд 100 тэрбум төгрөгийн зээлийн шугам нээхээр Монголбанктай тохирсон гэдгээ нуусангүй. Өөрөөр хэлбэл, Ерөнхий сайд өөрийнхөө болон Х.Баттулгын эзэмшдэг компанид нийтэд нь 87 тэрбум, Үйлдвэр, хөдөө аж ахуйн сайдын эзэмшилд багагүй хувь нь байдаг гурилын үнийг тогтвортой барихад 61 тэрбум төгрөгийн зээл нээхээр болжээ. Эрх баригчид маань шууд л өөрсдийнхөө бизнест санаа тавьж эхэлж байгаа нь эндээс харагдана.

Олны нүдэн дээр таарамжгүй мэт харагддаг энэ хоёр эрхэм чухам 87 тэрбум төгрөгөө яаж хувааж авах гэж байгааг хэн мэдлээ. Тохиролцох л байх. Эрчимжсэн аж ахуйг хөгжүүлэхэд 100 тэрбум төгрөг өгч байгаа нь Үйлдвэр, хөдөө аж ахуйн сайддаа махны мөнгөн дээр битгий их дайраарай гэсэн Н.Алтанхуягийн хаялга ч байж болно шүү дээ. Шуудхан хэлэхэд, бидний татварын мөнгөөр Ерөнхий сайд Н.Алтанхуяг, Үйлдвэр, хөдөө аж ахуйн сайд Х.Баттулга нар хувийнхаа компанийг өөд нь татаж байгаа хэрэг. Бид ийм л эрх баригчидтай “шинэчлэл” хэмээн хоосон зүйлд нь хууртагдаад сууж байна.

Өнөөх “хонгио” Х.Тэмүүжингийн санаачилж бий болгосон Ашиг сонирхлын зөрчлийн тухай хууль ч яалаа. Үүнийг нь санаачилсны төлөө намын жагсаалтад гуравдугаарт бичиж, УИХ-д суулгаа биз дээ. Ингэснийх нь төлөө Хууль зүйн сайд болгоо биз дээ. Тэглээ гээд хэрэгжихгүй бол Ашиг сонирхлын зөрчлийн хууль гэж байгаад яах юм. Түүнийг баталлаа гээд УИХ, Засгийн газрын гишүүн байгаад бүр ч хэрэггүйг Х.Тэмүүжин сайдад давхар даймаар санагдана. Гэхдээ Хууль зүйн сайд саяхан ярилцлага өгөхдөө энэ тухай сайтар дурдсан. Бүр нэр цохож байгаад дурдсанд нь Хууль зүйн сайдад талархаж байна.

Тэрбээр хэлэхдээ “Сануулж байна, Х.Баттулгад. Бүр тодруулбал “Та “Мах импекс”, “Талх чихэр”, “Милл хаус” зэрэг өөрийнхөө хувь эзэмшдэг, өөрийн компаниудад холбоотой шийдвэр гаргахгүй шүү. Тийм шийдвэр гаргах юм бол хамгийн түрүүнд асуудал тавигдана. Тэр шийдвэртэй холбоотой ашиг яригдах юм бол та хээл хахуулийн хэргээр сууна шүү” гэж Хууль зүйн сайд танхимынхаа нэгэн сайдад хаяглаж хэвлэлээр мэдэгдсэн. Х.Тэмүүжингийн мэдэгдэж байгаагаар бол Х.Баттулга шоронд суух ёстой болж байгаа нь дээрх албан ёсны шийдвэрээс шууд харагдана.

Энд хэн нэгнийг буруутгах гэсэнгүй, байгаа нөхцөл байдлыг л дурдлаа. Х.Тэмүүжин цааш нь хэлэхдээ, “Х.Баттулга сайд шиг хүн гараад ирэхээр “Милл хаус” гээд гурилын үйлдвэртэй хүн. Монголд хэдэн гурилын үйлдвэр байгаа юм. Энэ зах зээл дээр гурилын үйлдвэрийн хэмжээ нь хэд юм. 15 хувь харах байхгүй юу. 15 хувиас доош бол томилогдож болно. 50 хувь эзэмшдэг бол “Уучлаарай. Та энэ салбарт орохгүй” гэжээ. Түүний хэлснээр Монголын махны бизнесийн 70 хувь, гурилын мөн хувийг эзэмшдэг эрхмүүд уг нь хууль ёсоор сайдаар томилогдох ёсгүй юм байна.

Х.Тэмүүжингийн санаачилж бий болгосон хууль хэрэгждэг бол Ерөн хий сайд Н.Алтанхуяг, Үйлдвэр, хөдөө аж ахуйн сайд Х.Баттулга нар Засгийн газар бүү хэл УИХ-ын танхимд ч багтахгүй, торны цаана суух учиртай нь хуулиас харагдана. Харин цааш өгүүлэхдээ “Зарчим юу байна гэхээр Х.Баттулга сайд болсны хувьд өөрийнх нь компани энэ дөрвөн жил ашиггүй ажиллах ёстой гэсэн зарчмаар ажиллах ёстой” гэсэн байгаа юм.

Х.Тэмүүжингийн хувьд, Ашиг сонирхлын зөрчлийн тухай хуулиар бол “Мах импекс”, “Мах маркет”-д зориулж, төрөөс 87 тэрбум төгрөг өгч болохгүй. Тэр тусмаа Ерөнхий сайд нь танхимынхаа нэг сайдтай өөрсдөө махны наймаачин байж, улсын сангаас 87 тэрбум төгрөг авна гэдэг байж болохгүй зүйл. Хууль хэрэгждэг нь үнэн бол хоёр эрхэм сайд өдийд шоронд сууж байх ёстой. Шинэчлэл үүнээс л эхлэх ёстой болохоос биш, өөрсдийнхөө бизнесийг дэмжсэн олигархиудыг өөгшүүлж болохгүй.

Ийнхүү махныхаа бизнесийг өөд нь татаж байгаагаа баталгаажуулах замаар Ерөнхий сайд маань гол нэрийн бараа бүтээгдэхүүний үнийг тогтвортой байлгахад Засгийн газар, Монголбанк хамтран таван чиглэлээр тусгай хөтөлбөр гарган ажиллахаар болжээ. Тиймээс Монголбанкны ерөнхийлөгч Н.Золжаргалтай тохиролцож, санамж бичигт гарын үсэг зурсан. Үүнд, нефть шатахуун, мах, махан бүтээгдэхүүн, төмс хүнсний ногоо, гурил, барилгын материал гэсэн гол нэрийн барааг дурдсан байна лээ. Мах, гурилыг шүү дээ. Улаан махны хойноос улайрах нь тийм ч сайны ёр биш л байх.

С.Ууганбаяр

Эх сурвалж: "Unen.mn"

Ерөнхий сайд ард түмний татварын мөнгөөр бизнесээ тэтгэв
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Баттулга Монголчуудын хүнсийг атгадаг.Луйвардсан мах комбинат,Алтан тариа,Талх чихрийг яах ч аргагүй.Гэхдээ махыг Алтанхуягтай биш Тэрбишдагватай нийлж иддэгийг ни Монголчуудыг мэдэхгыи гэж эндүүрсэн нийтлэл байна.

2012-11-06 | 16:22:56 | 122.201.18.163 |

Зочин
За огцруулая

2012-11-06 | 12:08:35 | 202.170.94.90 |

Зочин
АН луйварчингууд 87 тэрбумыг завшиж байгаа юм байна дээрээс болоогүй ээ ерөнхий сайдын юунд зарцуулахгүй зүгээр өөрт зориулаж батлаж байгаа 50 тэрбум за хэр шудрага ардчилсан хүмүүс байна даа харцгаа

2012-11-06 | 09:31:27 | 202.131.225.254 |

Мэдээ
Гадаад мэдээ
Видео