Хятад хүүхэнтэй суусны уршигт үр дагаврын тухай түүнд өгүүлжээ. Хятад хүүхэнтэй ханилсан хүн өөрийгөө тэр эмэгтэйтэй л гэрлэсэн гэж бодвол сүрхий эндүүрэл болох аж. Тодруулбал, тэр эмэгтэйн гэр бүлийнхэнтэй бүгдтэй нь суусан мэт болдог юм байна. Та хятад бүсгүйтэй суугаад хагас жил ч өнгөрөөгүй байхад аав, ээжээс нь гадна төрөл садныхан нь хүүхэд шуухадтайгаа гэрт чинь морилоод ирнэ.

Зуун жилийн өмнө Америкийн Сан-Францискод төмөр зам засах ажилд оролцохоор нэг хятад ажилчин иржээ. Тэгээд юу болсон гээч. Одоо Калифорнид сая гаруй хятад хүн аж төрж байна. Тэд хятад хэлээ мартаагүй гэж байгаа. Ингэж байгаа нөхцөлд төмөр замаа засуулахаар хятад хүнийг урихаасаа айхгүй ямар орон байх билээ? Хятадад “нэг очноос бүхэл бүтэн тал нутгийг түймэрдэх гал дүрэлзэнэ” гэсэн үг байдаг аж.

Манайх гэж үлгэр жишээ америк айл байсан юм. Тэгтэл хятадууд гэрийг маань эзлээд авлаа. Бид шотландаас гаралтай л даа. Миний өвөг дээдэс лав л арав дахь үеэ хүртэл амьдралдаа хятад хайруулын тавагны бараа хараагүй улс. Гэтэл манайд одоо ийм таваг хоёр бий гээч. Гал тогооны өрөөний шүүгээг онгойлгоход сайн л бол гурван сэрээ, гурван хутга байгаа. Бусад нь дандаа савх. Би ч гэсэн одоо савхаар самар цөмж ч чадах болсон.

Хятадууд орон гэрийг чинь нэгэнт эзлээд авсан бол чамд хөл гишгэх ч зай үлдэхгүй. Заримдаа би өөрийнхөө ажлын өрөөний буйдан дээр унтчихдаг. Тэгэхэд хадам эцэг намайг муур шиг илчихээд, том ноосон алчуур хөл дээр хаячихна. Тэгээд заавал хөлийг минь зөөлөн цохино. Нэгэнт нэг гэр бүл л гэж байгаа болохоор аливааг “миний, чиний” гэхгүй, бүх юм бүх нийтийнх болно. Зоогийн газар идсэн хоолныхоо үнийг хувааж төлөх гэхээр авгай минь жигтэйхэн дургүйцэж “Юу гэж байгаа юм бэ, наад мөнгө чинь бид бүгдийнх” гэнэ. Гэртээ намайг аль нэг өрөөндөө ороход хадам аав, ээж хоёрын аль нэг нь юм уу хоёулаа заавал дагана. Намайг гарахаар тэд өрөөний гэрлийг унтраана.

Манай гэр их сайхан шаттай, дээр нь зузаан хивс дэвсчихсэн. Гэргий маань түүнийг гялгар цаасаар бүрчихсэн юм. Сүүлд нь ийш тийшээ харахад манай гэрийн бүх юмыг, зурагт, төгөлдөр хуурыг хүртэл гялгар цаасаар “хуччихсан” байлаа. Хятадууд аяга таваг угаадаг машин хэрэглэх нь ховор. Америкчууд бол гэр орондоо ая тухыг эрхэмлэдэг. Тэгвэл хятадуудын хувьд эд зүйлсийг гэрээ чимж, орж гарсан хүмүүст гайхуулах зориулалттай гэж үзнэ. Газар, тэнгэрийн хооронд байх юугаар ч болов хятадууд ер бусын амтлаг хоол хийчихнэ. Би хятад хоолонд дуртай, тэгэхдээ чухам юугаар хийснийг нь хэлэхгүй байвал сайн. Манай авгай, түүний ах дүү нар маш их иднэ. Тэднийг хараад хэлэх үг олддоггүй юм. Би загасанд их дуртай л даа. Харин толгойг нь идэж ер чаддаггүй юм.

Хэрэв Америкт өлсгөлөн тохиолдвол манай авгайн ах дүү нар намайг дор нь залгиж орхих байх гэж би наргиан болгодог. Хятад эхнэр чинь шөл хийж юм уу Хятадын уламжлалт эм бэлтгээд эхэлбэл хөршүүдийнхээ дуудсан цагдаа ирэхийг хүлээгээд сууж байхаас өөр аргагүй. Манай гэрт цагдаа нар гурван удаа ирсэн. Тэр болгонд химийн зэвсгийн үнэр ханхлаад гэж хөршүүд минь цагдаад хэлж, дуудлага өгсөн байсан. Хятад хүүхнүүдийн хамгийн аюултай юм нь тэдний ой тогтоомж. Ялих шалихгүй зүйлээр буруутгах, зэмлэх гэж оролдвол арван жилийн өмнө чиний үйлдсэн гэмт явдлыг тэр дор нь сануулна. Тэгвэл америк гэргийг ийн зэмлэвэл зүгээр л “миний буруу” гэнэ. Хятад эхнэр бол өлгөж аваад л хэрүүл болгож орхино.

Эр нөхрөө өөрийн санаанд нийцүүлж өөрчлөх гэх нь хятад эмэгтэйд байгалиас заяасан чанар. Чамайг өөрчлөөд тэдний сэтгэл ханахгүй, чамайг өөрийгөө ямагт зөвхөн тэдний төлөө зориулдаг амьтан болгож байж санаа нь амарна. Хятадад Колумб шиг усаар тэнэж явдаг хүн байгаагүйд нь гайхах юм байхгүй. Хэрэв чи түүний адил явахаар шийдвэл хятад авгай чинь “Чи хаачих нь вэ, хэнтэй явах гээд байна. Хөлөг онгоц дээр чинь эмэгтэй хүн бий юү. Хэдий хэр настай юм бэ? Царайлаг уу. Надаас хөөрхөн үү. Түүнтэй чи хэзээ яаж танилцсан юм бэ?” гэх мэт асуултаар булж гарна. Хариуд нь “Би хаашаа ч явахгүй” гэж л хэлэхээс өөр аргагүй.

Хүүхдээ эрх дураараа, аз жаргалтай байгаасай гэж америкчууд бодно, ийм байлгахыг ч хичээнэ. Гэтэл хятадууд удирдлагадаа байгаа хүмүүстээ хандаж байгаа юм шигээр хүүхдүүдтэйгээ харилцана. Их багаас нь төгөлдөр хуур тоглуулж, үшү, бүжгэн жүжиг оролдож, математикт шамдахыг албадна. Арваннайман нас хүрэхдээ хүүхэд нь аспирантур төгссөн, ядаж л магистрантур дүүргэсэн байх, тэгээд хөөргөн дэвэргэн, хөгжилтэй залуу насыг алгасаад шууд төлөвшиж томоожих ёстой гэж үзнэ. Гуч хүрээд тэтгэвэрт гарч, 40-тэйдээ хадан гэртээ очиход бэлэн болсон байх учиртай. Хүүхэд бүр тоглох, залуу хүн болгон цэнгэж зугаацах дуртай байдаг бол хятад айлд энэ бүхнийг хатуу хориглодог.

Хятад хүн байх ямар хэцүү болохыг би хятад эхнэртэй болмогцоо ойлгосон. Халбагаар хоол идэж болохгүй, хоёр савх барь гэнэ. Тэгвэл цагаан будаанд дуртай бол савхаар идэх гэж хэчнээн их цаг зарцуулна гээч. Хятад бичгийг нь аваад үзье. Олон зуун дүрс бичгийг нь арай гэж цээжлээд Тайваньд ирсэн чинь огт хэрэг болдоггүй. Тайванийн бичигтэй тохирдоггүй гэнэ.

Хятад авгайтай болсон хүний зорилго тоо томшгүй болно. Нэг байшинтай болсон бол хоёр дахийг нь худалдаж ав гэнэ. Хоёрдахиа авсан бол эхнийхийг нь зас гэнэ. Хүүхэд чинь их сургуулиа төгсвөл аспирантурт сургах хэрэгтэй болно. Дараа нь цалин орлого сайтай ажилд оруулна. Дансанд чинь сая юань байгаа бол дараачийн зорилго чинь хүүхэд бүрээ нэг сая юаньтай болгохын төлөө ажиллана. Хятадууд ийн нэг зорилгоос нөгөө рүү зүтгэцгээнэ. Чи амьсгаатай байгаа цагт зорилго чинь ханана гэж байхгүй...

Р.ЖАРГАЛАНТ

Эр нөхрөө санаандаа нийцүүлэн өөрчлөх нь хятад эмэгтэйн зорилго
Tweet
Bolod.mn

Сэтгэгдэл (10)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Mongol hvnd zorilgo,zvtgel,zanshil ,baihgvi zalhuu,umhii,zavaan bol baigaa.

2014-01-09 | 09:08:10 | 67.6.129.135 |

Зочин
хаха Монголчууд өөрсдөө бас хүнд гарууд байж больёо хаха нөүөө л нэг аймар их тос болсон хоолоо жилийн 4 улиралд иднэ ямар ч халуун оронд амьдарсан бай ногоортлоо иддэг шдээ хахах Монгол хүүхнүүд их бүдүүрдэг тоох ч гүй фитнесс нтр -т ч явахгүй санаа нь зовохгүй. Заавал хужаа гэлтгүй манайхан өөрсдийгөө л хичээвэл барав аж

2012-11-21 | 17:59:13 | 81.182.203.103 |

Зочин
за манай хамаатний нэг хуухэн амэрик нохортэй. тэдний амидрал нудэнд ургаад л ирлээ шуу инээд ч хурэх шиг. би бас тэр хамаатнуудийнх н нэг болж эднийд ирж бла.

2012-11-18 | 12:56:02 | 69.228.34.17 |

Зочин
Монгол хүүхэнийг хятад гээд андуураад бичцын бишуу?

2012-11-18 | 02:02:35 | 106.51.78.186 |

Зочин
ягл монголтой адилхан юм бна.тэгээд эврөпүүд суух дургуй бдаг юм

2012-11-18 | 00:28:33 | 138.188.100.228 |

Зочин
азиуд эр ни адилхан иум биш уу

2012-11-17 | 10:51:18 | 202.126.89.196 |

Зочин
хахаха естой гое байна. Нээрээ яг л ийм байдаг байxаа умxий xятадууд...Зарим юм ну ч бас манайxтай ойр байна шуу. Гэр булээрээ эзлэн турэмгийлдэг ну бол адил юмаа хахаха

2012-11-16 | 22:34:14 | 204.138.232.251 |

Зочин
бараг л монгол авгай юм бишүү

2012-11-16 | 22:26:19 | 122.201.18.130 |

Зочин
ккккк их л унэнтэй ойр зуйл бичжээ хуурхий энэ залуу

2012-11-16 | 17:28:41 | 203.194.116.68 |

Зочин
ҮХСЭНЭЭ ХИЙЖ ХУЖААТАЙ СУУГАА ВЭЭ

2012-11-16 | 16:44:02 | 192.244.210.206 |