байхгүй. Жирийн иргэн хэнбугай ч аав, ээжийг нь доромжлоод, элдвээр хэлээд байвал өрвөлвөж, өмөлзөх нь ойлгомжтой. Зах дээр, гудамжинд, ер нь хаа ч явсан аав, ээжийг нь хэл амаар доромжлоод байвал эсрэг үйлдэх үзүүлэх юу ч биш. Цөс ихтэй аавын хүү аягүй бол аав, ээжээ өмөөрөхдөө гар далайж ч мэднэ. Ийм асуудал амьдрал дээр зөндөө л тохиолддог. Тэгэхдээ миний аавыг гүтгэж, доромжлоод байгаа учраас би шүүхэд хандана, хөлөө хүрэх газар явна гэж жирийн иргэд хэвлэлийн хурал хийж, ард түмэнд түмэн булчирхайгаа тоочоод байх нь юу л бол. Амь насанд тулсан, аргагүй байдалд орсон тохиолд л эгэл ард хэвлэлийнхэнд хандахад хүрдэг.
Харин манай улстөрчдийн хүүхдүүд бяцхан хэрүүл, хэл амыг үл тэвчиж, аав нараараа түрий бариад улсын баатар, олны танил болохыг ихэд хүсдэг болжээ. Уг нь хүссэн хүсээгүй бизнес, улстөр, улс нийгмийн томчуудын хүүхдүүдийг “Элит гаралтай”, “Удам залгасан ганц хүү”, “Өв залгамлагч” энэ тэр гэж өргөмжлөөд л, чөлөөт хэвлэлүүд хангалттай бичдэг шүү дээ.
Сүүлийн үед бүр холливудынхныг папарацилдаг шиг зураг хөргөөр нь сонин, сэтгүүлээ чимдэг болчихоод байна. Үүнд нь зарим нь дургүйцдэг бол ихэнх нь дуртай нь аргагүй патиараа татуулаад зогсохгүй бүр өөрсдөө мөнгө төлж “Соронз” гэх мэт гоё ганган сэтгүүлд “хөөрхөн” зургаа нийтлүүлдэг боллоо.
Тэгвэл зарим улстөрчийн хүүхдүүдэд сэтгүүл дээрх өөрийнх нь гоё зураг хангалтгүй бололтой. Том улстөр хийхийн тулд том дайн зарлаж, том ааваа өмөөрч, өмөлзөж байгаа нэрийдлээр хэвлэлийн бай болох дур сонирхолтой болжээ. Үүнийхээ хүчинд улстөрийнхний хүрээнд илүү өөрийгөө таниулж, бас ч гэж зоригтой хүү байна шүү гэж ард түмэнд харагдахыг хүсдэг бололтой юм.
Саяхан л гэхэд эрхэм хотын дарга Э.Бат-Үүлийн хүү Б.Чулуудай НИТХ дахь МАН-ын бүлгийн дарга Д.Амарбаясгаланг аавыг минь гүтгэж, доромжилсон учраас шүүхэд өгнө гэдгээ хэвлэлээр зарлав. Дайны хажуугаар дажин гэгчээр орон нутгийн сонгуультай зэрэгцээд Б.Чулуудай улстөрждөг нь ч бас юу вэ дэ.
Ядаж байхад шүүхэд өгөхөө мэдэгдсэн өдөр нь сонгуулийн сурталчилгааны сүүлийн өдөр гэж байгаа. Магадгүй аав нь хүүгээ ингэж улстөржихийг зөвлөсөн байх л даа. Ямартай ч ааваа өмөөрсөн хүүгийн сэтгэлийг буруутгах аргагүй ч сонгуулийн сурталчилгааны сүүлийн өдөр, санал өгөхөд хоёрхон хоног дутуу байсан зэрэг цаг хугацааны хувьд уг асуудлыг цэвэр улстөрийн гаргалгаагаар тайлбарлахад хүргэж байна.
НИТХ дахь МАН-ын бүлгийн дарга Д.Амарбаясгалан сонгуульд ганц ч гэсэн санал авахын тулд аавыг нь гүтгэсэн байж болно. Гэвч Б.Чулуудай хүү тэвчээргүй, омголон зангаа нийтэд зарлах хэрэггүй л байхгүй юу. Шүүхэд өгвөл өгдөг л юм байгаа биз. Заавал хэвлэлээр зарладаг нь юу ч билээ.
Тэгээд ч томчуулын ярианд хүүхдүүдийг оролцоход монголчууд хэзээнээсээ дургүй байдаг. Аав, ах нар нь үг сольж, бүр ам зөрж байхад хүүхэд дундуур нь ороод, хэрүүл хийгээд байвал хөндлөнгийн хүмүүст ямар ч хүмүүжилгүй хүүхэд вэ дээ гэж харагддаг.
Б.Чулуудай хүү хэдий том болж, өрх гэрийн тэргүүн болсон ч гэлээ аавынхаа ажилд, улстөрийн үйл явцад хөндлөнгөөс оролцоод байгаа нь ард түмэнд тийм ч сайхан харагдаагүй болов уу. Тэртэй тэргүй аавынх нь нэр хүнд УИХ-ын гишүүн байхаас нь илүү өсчихөөд байхад энэ зэргийн хов жив, улстөржсөн хэрүүл байх л асуудал шүү дээ.
Магадгүй Н.Энхбаярын хүү аавыгаа өмөөрч, хэвлэлийн баатар болсныхоо хүчинд Монголбанкны дэд Ерөнхийлөгч болсонтой адил нэр төр, албан тушаал горилж байгаа бол энэ асуудал өөрөө ангид зүйл юм.
Яагаад гэвэл Монгол Улсын Ерөнхийлөгчөөр хоёронтоо сонгогдож байсан аав нь улстөр, өөр бусад асуудлаас болоод хэдэн жил ч хоригдож магадгүй, эрүүл мэнд, амь нас нь хохирч болзошгүй байсан нь Э.Батшугар хүүг ам нээхээс өөр аргагүйд хүргэсэн шүү дээ. Үүний дэргэд Э.Бат-Үүлийг С.Эрдэнэ гэдэг мундаг аавынхаа нэрээр нэрлэгдсэн орон сууц, соёлын төв барих зорилго бүхий “Эрдэнийн төгөл” төсөлдөө нөлөөлөл үзүүлж байна гэх мэтээр хардаж, муулчлах нь юу ч биш.
Монгол Улсыг удирдаж буй томчууд өөрсдөө авлига, хээл хахуулийн бохир сүлжээнд нэвт орчихоод байхад ийм хардлага, сэрдлэг үргэлж л явагддаг шүү дээ. Байх л асуудал.
Ер нь бол Б.Чулуудай өөрийнхөө сайнд “Эрдэнийн төгөл” төслийг хэрэгжүүлж байгаа юм биш шүү дээ. Үүнд насаараа улстөр хийчихсэн, УИХ-ын гишүүнээр хэдэнтээ сонгогдсон аавынх нь нөлөө асар их бий. Одоо хотын дарга болчихоор газрын асуудлаас болоод хардлага, сэрдлэгэд зөндөө л өртөнө шүү дээ.
Б.Чулуудай хэлэхдээ “Сүүлийн үед миний аавын нэр хүнд рүү доромжлон дайрсан мэдээлэл хэвлэлээр цацагдаад байгаа. Энэ нь МАН-ны сонгуулийн сурталчилгаа. Д.Амарбаясгалангийн хэлээд байгаа “Эрдэнэний төгөл” гэж нэрлэгдээд байгаа хотхон бол “Сонор рекортс” компанийн бүтээн байгуулалт юм. Тус 1 га газрыг эзэмших хүсэлтээ анх би 1998 онд тухайн үеийн хотын захиргаанд тавьж байсан. Хүсэлт маань буцаагдсаар 2007 онд газар эзэмших эрхээ авсан.
Анх барилгын хог хаягдал болсон газар байсан. Тухайн үеийн Нийслэлийн Засаг дарга Ц.Батбаярын гарын үсэгтэй тус газрыг эзэмших зөвшөөрлөө авсан. “Эрдэнийн төгөл” төслийнхөө дагуу бид дуу бичлэгийн студи, кино телевизийн студи, бүжгийн студи зэргийг барьж байна. Энэ төслүүдийг анхнаасаа нууж байгаагүй. Төсөл маань одоогоор амжилттай хэрэгжээд явж байна. Хэвлэл мэдээллээр дайрч байгаа энэ зүйлийг би хувьдаа буруушааж байна. Ямар нэгэн байдлаар миний хийж байгаа ажил аавтай маань холбоогүй.
Энэ бол 100 хувь манай компанийн хийж байгаа үйл ажиллагаа юм. “Сонор рекортс” компани 1996 оноос эхлэн үйл ажиллагаагаа явуулж байгаа. Дуу бичлэг, шоу бизнесийн, чиглэлээр ажиллаж ирсэн. Ер нь би цаашдаа хийж байгаа ажлаа ил тод байлгана. Би нэр төрөө сэргээлгэхээр шүүхэд хандах болно. Хэвлэлээр дайрч доромжилж байхын оронд холбогдох байгууллагад нь хандан хууль дүрмийн дагуу шалгуулах хэрэгтэй. Би энэ газрыг авахдаа ямар ч хууль дүрэм зөрчөөгүй гэж хэлмээр байна. Орон сууц, соёлын төв гэсэн зориулалттайгаар баригдаж байгаа. Тус газрыг 10 жилээр эзэмших эрхтэй” хэмээж байсан.
Тэгэхээр Б.Чулуудай цаашид үйл ажиллагаагаа нээллтэй байлгана нэрийн дор улстөрийн алхамаа хийж эхлэх бололтой.
Нөгөөтэйгүүр өнгөрсөн хавар Н.Энхбаярыг баривчлахтай холбогдуулаад түүний хүү Э.Батшугар, Ерөнхий сайд асан С.Батболдын хүү Б.Баттүшиг, Ц.Нямдоржийн хүү Н.Анхбаяр нарыг нэлээд оролдож бичсэн. Хэвлэлийнхэн уралдаад л бичилцэж байлаа. Яг л улстөрд би орсонгүй, улстөр намайг татан оролцууллаа гэдэг шиг юм болсон л доо. Үүн шиг Э.Бат-Үүлийн хүү Б.Чулуудайг тэр үед бичээгүй нь хэвлэлийнхэн бидний алдаа байж. Угсаа залгамжилсан улстөрчийн хүү зэргээр бичээгүйд Б.Чулуудай багтарч үхэх гэж байсан юм биш үү. Харин энэ удаа түүний бизнесийг аавтай нь холбож тайлбарласан нь том завшаан болжээ. Өөрөө гүйж гарч ирээд л хэвлэлийн баатар болчихов.
Ер нь эд ч биш. Улстөрд хүүгээ дагуулж ирдэг улстөрч их болсон өнөө цагт монголчууд минь болгоомжтой байх хэрэгтэй болжээ. Энэ байдлаараа угсаа залгамжилсан хаан гэдэг шиг угсаа залгамжилсан улстөрчид Монголын төрд суучихаад мөд салахгүй нь бололтой шүү.

Эх сурвалж: mongolcomments

Ааваа өмөөрөхөд учир бий
Tweet
Bolod.mn

Сэтгэгдэл (5)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
за бугд л зайл шд

2013-01-27 | 22:01:21 | 202.126.89.195 |

Зочин
унэн хэлсэн бн.аав чин ийм биш бол юн сонор эрдэнийн тугул шу дэ

2012-11-22 | 14:23:14 | 122.201.18.184 |

Зочин
АН бишээ МАН гэх гэсийн. Тэхдээ бас АН арайл гайгүй хулгайч нар л даа

2012-11-22 | 12:02:45 | 202.55.180.3 |

Зочин
Зөв шдээ АН-ийн хулгайч нарыг шүүхэд өгөх хэрэгтэй

2012-11-22 | 12:02:03 | 202.55.180.3 |

Зочин
Ха ха.Хүмүүсийг бүүр нэг тэнэг гэж эд нар боддог юм шиг байгаа юм. Миний бизнэст аав хамаагүй гэж яаж хуцаж чадаж байнаа.

2012-11-22 | 11:55:04 | 122.201.18.149 |

Мэдээ
Гадаад мэдээ
Видео