Хүн эцэг эхээ, энэ биеэ сонгож төрдөггүй учир бидэнд заяасан хувь тавилан бүр өөр, өөр байдаг. Саяд нэг тохиолдох, бусдаас өөр энэ тавилангаа сөрж амьдарч буй Ганбууш гэх эрхэм хүнтэй илэн, далангүй ярилцсанаа хүргэе. Түүний сэтгэлийн гүнд байгаа нууц бүхнийг ил гаргахыг хичээлээ.

-Таньд энэ өдрийн мэнд хүргье?

-Баярлалаа танай сайтын хамт олон болон уншигчдад бас энэ өдрийн мэнд хүргье

-Та өнөөдөр хаагуур ямар ажил амжуулав даа?

-Эмэгтэй хүн гэдэг ер нь аливаа зүйлд их бэлэн байх ёстой л доо. Ямар би л гэсэн шиг өрвийгөөд сөрвийгөөд байж байлтай биш.Тэгээд ч телевиз сонингийн сэтгүүлчид гэдэг хэзээ ч хамаагүй орж ирдэг хүмүүс. Чамаас эхлээд гэнэтийн зочин олон. Чамтай уулзахдаа ч биеэ бэлдэх хэрэгтэй шүү дээ.

-Биеэ бэлдэнэ гэхээр яах уу?

-/Инээв/ Үсчин орж, үс хумсаа янзлууллаа.Орой бас найз хүүхнийхээ төрсөн өдөрт очно. Надад хөгшин залуу гэлтгүй, их олон найз байдаг л даа. Гэхдээ хүн бүртэй найзлаад явдаг хүн биш шүү.

-Таныг хүмүүс Ганбууш гэдэг нэрээр чинь мэддэг. Жинхэнэ нэрийг чинь хэн гэдэг юм бэ?

-Жинхэнэ нэрээ хэлэхгүй ээ. Хэлмээргүй байна. Нууц

-Аав ээж болон гэр бүлээ танилцуулаач?

-Манай аав Монголдоо номер нэг арьсны эмч. Бас боломжийн амьдралтай айл. Би Төв аймгийн Сэргэлэн суманд төрсөн. Манай гэрийн буйран дээр одоо эмнэлэг ажилладаг юм билээ. Би хааяа төрсөн нутагтаа очдог. Манай дүү нар намайг цаашлуулаад төрсөн нутгийнхаа хөрсөн дээр эргэж хөрвөө гээд л дууддаг юм. Гэхдээ миний л унаж төрсөн газар юм хойно болохгүй юу байхав.

-Та эхээсээ хэдүүлээ билээ?

-Өөрийнхөө төрсөн ээжээс дөрвүүлээ. Гэхдээ хойд ээжийн хүүхэд нийлвэл есүүлээ. Би айлын ууган хүүхэд. Миний дээр нэг ах байсан тэр маань өнгөрчихсөн. Доороо найман дүүтэй. Дүү нарын хүүхдүүд нийлээд тавь гаруй болж өнөр өтгөн сайхан айл боллоо.

-Та хаанаас яаж мөнгө олдог вэ? Таныг хүмүүс биеэ үнэлж мөнгө олдог гэж ярьдаг юм билээ?

-Хүүе, би чинь бүжигчин хүн. Надад биеэ үнэлээд байгаа юм байхгүй. Бүжгээ заагаад хэдэн төгрөг олчихож байна. Оюутнууд дүнгээ авах гэж, багш нараа гуйж гар хүндрүүлэх, төрийн албаныхан ч тэр “мест”-эндээ үлдэх гэж даргатайгаа унтах асуудал байгаа гэдгийг үгүйсгэх хүн гарахгүй биз. Намайг хүмүүс биеэ үнэлж байна гэж яриад байгаа болохоос биш үнэн хэрэгтээ бүгд л биеэ үнэлж байна гэсэн үг ш дээ. Тэгж хүнд элдвээр хэлүүлдэг ч миний хувьд шударга хөдөлмөрөөрөө баруун зүүнээрээ солилцоод мөнгөө аваад явсан нь дээр ш дээ. Би тэгж бялдуучилж байгаа хүмүүсийг бодвол шууд мөнгөө хэлээд л авдагтэрүүгээрээ л ялгаатай. Тэр нь дээр шүү дээ. Одоо үед толгойгоо ч үнэлэнэ, биеэ ч үнэлэнэ.

-Та урьд нь шоу менежер хийж байсан гэл үү?

- Бүжгийн охидуудаа хариуцаад одоо ч гэсэн шоу менежерээ хийж л байна. 500-гаад шавьтай хүн дээ би. Энэ амьдралаас мэдсэн сурсан зүйлээ дотроо хадгалаад аваад үхэлтэй биш. Хүмүүст бага ч гэсэн зүйл үлдээчих юмсан л гэж бодож явдаг юм.

-Таны амьдралаас сэдэвлэсэн кино хийгдэж байгаа гэж сонслоо?

-Тийм. 30 ангитай ашгийн бус кино л доо. Ер нь намайг таньж мэдэхгүй ч хүн гэж Монголд байхгүй боллоо. Эхний 15 анги дээр төрсөн цагаасаа өнөөдрийг хүртэл, сүүлийн 15 анги дээр мэс засалд орсноос хойших үе гээд Ганбууш гэдэг хүний амьдрал, цаг хугацааны асуудлууд бас гарч ирнэ л дээ.

-Ямар студи продакшнаар хийлгэх вэ?

-Одоохондоо киноны уран бүтээлчдийг нууцлаж байгаа. Нууц зүйл чинь цаанаа л илүү сонирхолтой байдаг шүү дээ. Хэн хийж байгаа юм бол, яаж байгаа юм бол гэсэн бодлыг хүмүүст төрүүлж гарч ирнэ. Өөр кинонууд бол тэр тоглосон, энэ тоглосон тэгсэн ингэсэн гээд бүх зүйл нь ил задгай байгаад байна. Тэр бол сонин биш байдаг. Ер нь нууц байж байгаад гаргах чинь илүү амттай, илүү сонирхолтой биз дээ. Ганбуушийн бага насанд хэн тоглосон юм бол гэх мэт. Киноны эхэнд монологийн хэсэг явдаг. Кино эхлэхэд нэг өндөр хүүхэн Энхтайваны гүүрэн дээгүүр алхаж явахад машинтай хажуугаар нь өнгөрч байгаа залуучууд “Хөөе, хаашаа явах вэ, хэдээр явах юм?” гэж асууна, бүсгүй машинд суугаад л бага нас, бүх зүйлээ бодож эхлэнгүүт үргэлжлээд кинотойгоо холбогдож байгаа юм л даа.

-Таныг эмэгтэй хүмүүстэй их муухай харьцдаг гэж ярих юм?

-Үгүй ш дээ. Би хэзээ ч эмэгтэй хүмүүстэй муухай харьцдаггүй. Энэ яриаг ямар хүн гаргасныг мэдэхгүй ч би ер нь тийм долигнуур хүн биш. Хэлэх зүйлээ шууд хэлдэг элдэв хов жив хөөцөөлдөөд байдаггүй л дээ. Манай эмэгтэйчүүдийн дунд нэг тийм яриа яваад байдаг. Би түрүүн 500 бүжигчин охидод бүжгийн хичээл заадаг гэж хэлсэн дээ. Тэр болгонтой наалинхайтаж чадахгүй.

-Эмэгтэй хүн бүр гоо сайхандаа анхаардаг. Таны хувьд?

-Тэгэлгүй яахав дээ. Энэ чинь их гол асуудал шүү их дэлгүүрийн хойно байрлах “ЕСО beаuty” гээд салоноор үйлчлүүлдэг. Энэ салоноор үйлчлүүлэхэд цаг хугацаа хэмнэдэг. Гол нь би энэ салоны нүүр царай болж рекламанд тоглож өгөөд үйлчилгээгээ бартераар авах гэхчилэн харилцан хамтран ажилладаг. "Гоо хатан" гээд салоноор мөн үйлчлүүлдэг.

-Та их гял цал хувцас өмсөх дуртай юм аа. Хувцасныхаа сонголтыг яаж хийдэг вэ?

-Манай олны танил хүмүүс брэнд хувцас гээд л зохисон зохиогүй хувцас их өмсөж л байна. Би өөртөө хувцас худалдаж авч ерөөсөө үзээгүй. Шавь нар гадаадаас хувцас явуулна. Дүүгийн хүүхдүүд гадаад дотоодод сурч байна. Тэд л надад хувцас явуулдаг ш дээ. Та муухай хувцаслаж явах ёсгүй гээд л бөөн юм болно ш дээ. Таньд энэ л зохино гээд би ч их гял цал эротик хувцас өмсөх дуртай. Тиймдээ ч эргэн тойрны хүмүүс мэддэг болж дээ.

-Та хүмүүсийн анхаарлын төвд үргэлж байх юм аа?

-Мэдээж, миний нүүрэн дээр үс ургасан юм шиг л хардаг ш дээ. Дагуулаад алхам бүрийг минь хардаг. Энгийн төрсөн бол хүн бүрийн анхаарлыг татаад байхгүй ш дээ. Манай найз нөхөд цуг яваа хүмүүст хүртэл эвгүй сэтгэдэл төрүүлдэг. Одоо ч тэгээд дасчихсан даа.

-Яагаад заавал Тайландыг сонгож мэс засал хийлгэсэн юм бэ?

-Заавал Тайландад хийлгэнэ. Яагаад гэвэл Тайландад энэ хагалгааг өдөр тутамд хийдэг. Тийм болохоор арай туршлагажсан байх. Тэнд би гамаа сайн бариад хоёр сар болоод ирсэн.

-Мэс засал хийлгэхэд хэдэн төгрөг шаардлагатай болсон бэ? Нууц биш бол, энэ мөнгөө яаж олов?

-Нийт 25 мянган ам.доллар хэрэгтэй болсон. Хоёр гурван хүн ивээн тэтгэсэн юм. Тэр хүмүүсийн нэрийг өөрсдийнх нь зөвшөөрлийг авсаны дараа хэлнэ гэж бодож байна. Нилээн том улс төрчид байгаа. Гэхдээ 25 мянган доллар мөнгөтэй хүнд бол машины л мөнгө байхгүй юу. Тэртээ тэргүй улс төрчид ард түмнийхээ мөнгөөр туйлж байгаа биз дээ. Ямар ч байсан маш олон шинжилгээнүүд хийлгэсэн. Элдэв өвчингүй эрүүл гэж гарсан болохоор тэрэндээ маш баяртай байгаа.

-Сав суулгах хагалгаанд амжилтай ороод ирлээ. Одоо гоо сайханы хагалгаа хийлгэнэ гэж байсан, хэзээ хагалгаагаа хийлгэх вэ?

-“Перфект” эмнэлгээр хамар, хөх хийлгэнэ. Царайг бага зэрэг янзалж өгнө гэсэн. Нүүрэндээ алтан утас гүйлгүүлж магадгүй, эсвэл арьсаа татуулах ч юм уу аль найдвартайг нь л хийлгэнэ дээ. Би Оюун эмчид итгээд хагалгаанд нүүр бардам орно гэж бодож байгаа. Одоо миний насны эмэгтэйчүүд хагалгаанд ороход яг тохиромжтой. Түүнээс хорин хэдхэн насандаа мэс засалд орж залуу насаа эвдүүлээд яах юм бэ? Би дуучин Ануг ойлгодоггүй. Үнэхээр хөөрхөн охин. Тэгээд яагаад дахин дахин хагалгаанд ороод байдгийг нь ойлгодоггүй. Хүнийг залуу нас л чимдэг шүү дээ. Залуу насандаа хагалгаа хийлгэх хэрэггүй. Та нар үүнийг мэдэхгүй. Миний насан дээр ирэхээрээ л ойлгоно. Одоо 60-тай хүн гоо сайхны хагалгаанд ороод нүүр царайгаа өөрчлөхөд ойлгох хүн ховор шүү.

-Та ямар хоолонд дуртай вэ?

-Би ердөө гуравхан л хоолонд дуртай. Хонины мах, үхрийн мах, адууны мах гуравт. Өвөл бол бөөн бөөн адууны махыг чанаад сармистай идэх дуртай. Харин буузыг маш гоё хийдэг. Идсэн хүн юун “Хаан бууз”, Ганбуушийн бууз “ок” гээд л иддэг. Гэрт маань ирэх зочид буузны захиалгаа өгөөд л ирдэг. Сүүлийн үед гарын буузаа хийхээ больсон. /гээд шилэн хумсруугаа заалаа/

-Чөлөөт цагаараа юу хийдэг вэ?

-Секс хийдэг. Чөлөөт цагаараа байнга секс хийдэг. /инээв/

-Гамбууш эрчүүдийг юугаараа татдаг юм бол?

-Байгаа байдлаараа. Надад элдэв маяг байдаггүй. Залуучууд надтай яриад л эхэлвэл өнгөрөө. Нэг оронд орохоос өөр аргагүй, нэг оронд орсныхоо дараа утасдаад уулзая гээд л салдаггүй. Би их секси харагддаг гэж байсан.

-Мотив хамтлагтай ямар холбоотой вэ? Таньд зориулж дуу хийсэн гэж байсан?

-Танай сайтаар дамжуулаад яг үнэнийг хэлье. Мотив хамтлагтай ямар ч холбоогүй. Харин Мотив гэж хамтлагаар нь эвгүй байдалд оруулсанд ганц нэгтэй нь л бол холбоотой байсан. Ер нь бол реппер Gee-г ч танина. Бас Нарагийн найз залуу Батушкаг ч танина.

-Ямар дотуур хувцас өмсдөг вэ?

-Нарийн артай хүүхнүүд хэлдэг дээ “бенз” гэж ярьдаг. Улаан өнгийн торон дотуур хувцастай. Би чинь өөрийгөө их “секси” хүүхэн гэж боддог. Тийм болохоор улаан өнгийн дотуур хувцаснууд л ихэвчилэн худалдаж авдаг. /инээв/

-Тэгвэл ямар эр хүнийг жинхэнэ эр хүн гэх үү?

-Эр хүн гэхээр л заавал тормолзсон алаг нүд, эсвэл хүч бяртай байх шаардлагагүй. Ухаантай, цэвэрхэн, өөртөө итгэлтэй залуучуудыг жинхэнэ эр хүн гэж хардаг. Дээр нь 18-аас дээш бүх насны эрчүүд миний сонирхолыг татдаг. Зарим эрчүүд ариун цэврийн хувьд маш бохир байна. Цэвэрч эрчүүд цаанаа л өөр сайхан харагддаг шүү дээ.

-Таны эмзэглэж явдаг зүйл?

-Эгэл биш ингэж төрсөндөө. Хүмүүс намайг ойлгохгүй байгаад. Ардчилсан нийгэм хөгжснөөр бүх юм илэн далангүй болж нийгэм хэрэндээ л өөрчлөгдөж байна. Гэвч бид ийм болж төрөе гэж төрөөгүй ш дээ.

-Зав гаргаж бидэнтэй ярилцсанд баярлалаа

-Танай сайтын хамт олонд болон нийт уншигчиддаа баярлалаа.

Э. Сарнай

www.unen.mn