Хүний амьдрал гэдэг санаанд оромгүй зүйлээр дүүрэн байдаг гэдэгтэй уншигч та санал нийлэх буй за.

 Манай олны танил зарим бизнесмен, улс төрч хоёр ба түүнээс дээш эхнэртэй гэдэг үнэн хүдал нь үл мэдэгдэх яриа бий. Түүнчлэн өдгөө Ирландад мэдлэг боловсролоо дээшлүүлэж буй УГЖ. дуучин Ч.Бат-Эрдэнэ "Хоёр эхнэртэй байхыг хүлээн зөвшөөрдөг" хэмээн мэдэгдэж байсан удаатай.

Дуучин Т.Баясгалан, нийтийн дууны ханхүү гэгддэг С.Жавхлан нартай хамт УГЖ болсон түүнийг олон жил хамтарч дуулаад сүүлдээ нэг гэрт орсон СТА Э.Оюумаагаасаа салсны шалтгаан нь хоёр эхнэртэй байхыг дэмжиж,  битүүхэндээ мөрөөддөг байснаас нь болсон гэж фэнүүд нь үздэг юм билээ. Түүгээр ч барахгүй тэрээр дуучин төдийгүй түүндээ хотын төвд хоёр өрөө байр хүртэл худалдан авч өгсөн гэдэг. Хамтран амьдрагчийнхаа тэлээ хурга шиг хоёр талд гүйхийг тэвчээгүй Э.Оюумаа бүсгүй төрхөмдөө буцсан бололтой.

Харин УИХ-ын сонгуульд нэрээ дэвшүүлж явсан. "Сэтгэшгүй" эмнэлгийн Хүрэлбаатар гэгч эр хоёр эхнэртэй болох хуулийн төсөл боловсруулаад төрийн эрхэм түшээдээр батлуулах гээд манаргаж явсныг уншигчид маань санаж байгаа биз ээ. Ингээд олон зүйл нуршилгүйгээр нэгэн бүсгүйн яриаг та бүхэнд хүргэе.

-Ярилилага өгөхийг зөвшөөрсөнд баярлалаа. Эхлээд өөрийгөө товч танилцуулахгүй юу?

-Намайг Болороо гэдэг. Нийслэлийн нэгэн дунд сургуульд багшилдаг юм. Нэр усаа бүтнээр нь, бас яг ямар сургуульд багшилдгаа үнэн зөвөөр нь хэлчихвэл таньж мэддэг хүмүүс маань энэ ярилцлагыг олж уншаад намайг гэж мэдчих биз. Тиймээс иймэрхүү товчхон танилцуулъя, тэгэх үү?

-Тэгэлгүй яах вэ. Өөрийг чинь хоёр нөхөртэй гэж би дуулсан юм. Уучлаарай. Энэ үнэн үү?

-(Хэсэг дуугүй суун бодлогоширсноо гүнзгий санаа алдав) За байз, юу ч гэмээр юм бэ дээ. Намайг таньж мэддэг хүмүүс урьд өмнө нь энэ тухай ерөөсөө асууж байгаагүй болохоор сандарч тэвдээд л байна шүү. Чамайг шууд тэгж асуухаар бодоод үзсэн чинь нээрээ би чинь хоёрын хоёр нөхөртэй юм байна шүү дээ.

-Энийгээ жаахан тодруулаад яриач...

-Тодруулаад дэлгэрэнгүй ярина гэхээр хамаг амьдралаа нэгд нэгэнгүй дэлгэх болох нь дээ. Чамд миний хувийн амьдрал руу хэтэрхий өнгийгөөд байгаа юм шиг санагдахгүй байна уу?

-Хүсэхгүй байгаа бол яах вэ дээ. Уул нь уншигчдад сонирхолтой байж магадгүй гэж бодсон юм.

-Зоригоо бид хоёр хамтын амьдрал зохиогоод яг 13 жил болж байна. Тэр надаас арав ах л даа. Нэг гэрт орохдоо би 23-тай, нөхөр маань 33-тай болж байлаа. Хоёр жилийн дараа том охин маань төрсөн. Зоригоо уран бүтээлч хүн болохоор сэтгэлийн хөөрөл ихтэй л дээ. Тэрэнд найз нөхөд, танил тал их бий. Охин бид хоёр эмнэлэгт гурав хоноод гарч ирснээс хойш бүтэн хоёр сар тасралтгүй архи уусан даа. Заримдаа найз нөхөд, таньдаг улсуудаа дагуулж ирээд гэрт архидна. Тэд нар нь охин бид хоёрыг эргэж байна гээд чихэр жимс, бүр хонины гуятай хүртэл ирнэ. Мэдээж бас архи. Нөхөр маань юм амсахгүй үедээ уран бүтээлээ хийгээд л хэдэн сараар ч уухгүй байж чадна. Харин нэг уухаараа хэдэн сараар ч хамаагүй уугаад л байна. Дээр нь авъяастай болохоор нь юмаа засаж янзлуулах, захиалгаар хийлгэх гэсэн улс мөнгө, архи хоёртой л ирнэ шүү дээ. Иймэрхүү байдлаар охин бид гурав 4-5 жил амьдарлаа. Агсам согтуу тавьдаггүй хүн чинь сүүлдээ намайг хэлэх хэлэхгүй үгээр хэлж, хараан зүхээд зогсохгүй хааяа гар хүрдэг боллоо. Мөн намайг алчихаад, дараа нь амиа хорлоно гэж байнга ярина. Тэр ч байтугай нэг удаа "тасарчихсан" ирээд хоолойг минь хутгаар уртаа гэгч нь зүсэж, дараа нь өөрийнхөө судсыг ханасан. Би арай гэж цусаа тогтоогоод цагдаад мэдэгдэх гэснээ охины маань аав юм байна, буруугаа ойлгож ухамсарлаад архи уухаа болино гэж бодсон ч 2-3 сар овоо хүн шиг байснаа эргээд л... (уйлав.) Хүн гэдэг амьтан чинь хажуу дахь нь болж бүтэхгүй байхаар үр хүүхдээ бодоод салах гэдэг юм билээ. Нэг өдөр манайд нөхрийн найз Отгоо гэдэг залуу ирлээ. Сэлэнгээс ирсэн тэр залуу Зоригоотой дотно үерхэж нөхөрлөөд арваад жил болж байгаа гэсэн. Тэд гал зууханд ганц хоёр шил архи уунгаа элдвийг ярилцсан. Отгоо ч бас уран бүтээлч. Нөхрийн маань найз тэр шөнө манайд хоносон юм. Тэгэхэд бид Толгойтод амьдардаг байв. Тэр хоёр хэд хоног архидаж байгаад Отгоог нутаг руугаа явахад миний уур яасан их хүрсэн гэж санана. Охин маань зургаа хүрч, нэгдүгээр ангид орлоо. Би гэр бүлтэй болохоосоо өмнө хувийн дээд сургуульд суралцан, хэл-уран зохиолын багш мэргэжил эзэмшсэн. Охиныг сургуульд ороход Зоригоо танилуудтайгаа уулзаж хөөцөлдсөний эцэст намайг одоо ажиллаж байгаа сургуульд минь багшлуулахаар болсон юм. Харин тэр өмнөхөөсөө илүү их уудаг боллоо. Эхэндээ гэртээ хэд хоног ирэлгүй архиддаг байсан бол сүүлдээ бүр хэдэн сараар ч хамаагүй алга болчихно. 

-Тэр үед Отгоо танайхаар ирдэг байсан уу?

-Үгүй ээ, ирэлгүй бутэн жил болсон. Анх танилцсанаас жилийн дараа нэг орой гэртээ охин бид хоёрыг байхад нөхрийг минь сураад Отгоо ороод ирлээ. Тэгэхэд Зоригоо нөгөө гулардгаараа гулраад хэд хоног алга болчихсон байв. Тэр залуу аав ээж хоёртойгоо Улаанбаатарт бүрмөсөн орж ирэх гэж байгаа, танай энд гайгүй үнэтэй хашаа байшин байвал мэдэж байгаарай гэж захисан. Цаг нэгэнт 23 өнгөрсөн байсан учир би түүнд гал зууханд ор засч өгөөд унтуулсан юм.  Отгоо тэр өдрөөш хойш Зоригоог байсан ч байгаагүй ч манайхаар орж гардаг, оройтвол хоноод явдаг боллоо. Охин ч аавын найз гээд түүнд их сайн. Цаадах нь ч охинд маань даалгавраа хийхэд тусална, бас янз бүрийн тоглоом зааж өгч тоглоно. Тэгээд удалгүй ээж аавтайгаа хотод нүүн орж ирээд Толгойтод хашаа байшин худалдаж авсан юм билээ. Манай хоёр гэр ганцхан буудлын зайтай болохоор Отгоо завтай үедээ гэрт ирж, ус авч өгөх юм уу мод түлээ хагалах зэргээр охин бид хоёрт тусална. Эхнэр нь салаад гадаад явчихсан, оюутан охин нь найз залуутайгаа тусдаа амьдарна. Гуравдугаар сарын долоонд манай эрэгтэй багш нар эмэгтэйчүүдээ нэг аятайхан бааранд оруулж, мартын найман тэмдэглэн, баахан дайлсан юм. Би баяр ёслолоор л хааяа жаахан дарс, шар айраг уучихдаг болохоос согтууруулах ундаа тэгж их хэрэглэдэггүй. Тэр өдөр яагаад ч юм бэ нилээн согтчихсон байлаа. Шөнө нэг цагийн үед харивал Зоригоо бас л алга. Харин Отгоо гал түлчихсэн, хоол хийчихсэн, зурагт үзээд сууж байв. Гэр дулаахан болохоор охин таатай нь аргагүй унтах аж. Нөхрийн маань найз миний дуртай чихрийн цуглуулга, нэг шил хар "Чингис", нэг шил дарс авчирчээ. Бид түүний хийсэн хоолыг идэнгээ архи, дарсаа ууж дуусгалаа. Их согтсон би уйлж унжаад амьдралаа нэг бүрчлэн ярьж орхив. Тэгээд дэлгүүрээс архи авахаар гарсан юм. Дэлгүүр явах замдаа бид хашааны буланд үнсэлцсэн санагдана. Гэртээ ороод архиныхаа талыг ууснаа л санаж байна. Өглөө сэрсэн чинь би нэгэн нүцгэн залуутай эхээс төрсөн биеэрээ нэг оронд хэвтэж байх нь тэр. Гэтэл өчигдрийн болсон явдал санаанд бүүр түүр орж эхэллээ шүү. Отгоо бид хоёр эхлээд үнсэлцсэн, дараа нь хамаг хувцсаа тайлж нэг оронд ороод нөгөө ажлыг хийсэн гээд л. Ор луу гаа харвал охин маань унтсан хэвээрээ. Энэ өдрөөс хойш Отгоо манайхаар ойр ойрхон ирж, охин бид хоёр түүнд улам татагдах болсон. Гэхдээ охин маань архичин ч гэсэн аавдаа Отгоогоос илүү хайртай. Бидний дотно харьцаа жил гаруй үргэлжлэхэд би түүнээс хүүхэдтэй болчихлоо. Зоригоо ч бидний явдалыг гадарласан бололтой, урьдынх шигээ гадуур олон хоногоор явж архидахаа болив. Жирэмсэн болохоосоо өмнө би нөхөртэйгээ ч, найзтай нь ч энгэр зөрүүлдэг байсан болохоор хэнээс нь хүүхэдтэй болсноо сайн мэдэхгүй байсан юм. Бага охиноо төрүүлчихээд харсан чинь хамар, нүд нь яг л Отгоо болохоор тэрний хүүхэд гэж мэдсэн. Харин Зоригоогийн хацрын хонхорхой, эрүүн дээрх мэнгийг дууриасан байна лээ, сонин байгаа биз. 

-Үнэхээр Отгоогийн хуүхэд юм уу?

-Тэгэлгүй яах вэ. Түунтэй хамгийн сүүлд энгэр зөрүүлснээс хойш ний нуугүй хэлэхэд сарын мөчлөг маань зогсчихсон.

-Бага охиноо төрүүлснээс чинь хойш Отгоо, Зоригоо хоёрын харьцаанд өөрчлегт орсон уу?

-Надал л лав нэг их сүйдтэй өөрчлөгдсөн юм мэдрэгдээгүй. Харин Зоригоо гэртээ найзуудтайгаа уухаас биш хуучин шигээ олон хоногоор, хэдэн сараар үхсэн амьд нь мэдэгдэхгүй алга болох нь арай багассан. Отгоо манайхаар орж гараад л явж байдаг. Хоёулаа хамт архи уухаараа хоорондоо ёс юм шиг муудалцаад зодолдоно. Шалтгаан нь мэдээж манай бага охин. "Нараа бол миний охин. чинийх биш!" гэж хэрэлдэж зодолдохоороо өндөр, том биетэй Зоригоо намхан, жижиг биетэй Отгоогоо шоглочихдог юм. Би нөхөртэйгээ муудалцахаараа хоёр охиноо дагуулаад сольж өмсөх хувцас, заах хичээлийн материалаа аваад л Отгоогийнд оччихдог. Отгоогийн аав ээж ч бид гуравт их сайн. Ялангуяа гурван настай бага охин Нараад маань үнэхээр амь шүү.

-Нехрөэсөө салчихсан уу, өөрөө? -Бараг л хамт амьдрахгүй байгаа болохоор салчихсан гэсэн үг биз дээ. Гэхдээ албан ёсоор гэрлэлтээ цуцлуулаагүй ээ.

-Тэгвэл анхны нөхрөөсөө албан ёсоор салаагүй юм байж хоёр дахь нөхөртэйгээ амьдарч байгаа гэсэн үг үү?

-Тэгээд яадаг юм бэ, том охин маань манай нөхрийнх, харин бага охин түүний сайн найзынх. Өөрөөр хэлбэл хоёр найзын хүүхдүүдийг гаргасан.

-Одоо тэгээд аль нөхөртэйгээ амьдарч байна вэ?

-Тэр тийм чухал юм уу? Сэтгүүлчид та нар хүний хувийн амьдрал руу хэтэрхий орох юм аа. Үнэнийг хэлэхэд хэнтэй нь ч амьдрахгүй байгаа. Амьдралаа авч явж, охиддоо аав шиг аав нь байж чадахгүй байгаа Зоригоогоос салахаар шийдчихсэн. Заримдаа бид гурав Отгоогийнд очиж хэд хонодог.

-Ний нуугүй ярилцсанд баярлалаа.

Ярилцсан Я.Ирээдүй /Болсон явдал сонин/