	• 12 дугаар сарын 12-ны өдөр “Монголын Алт” (МАК) ХХК үүсгэн байгуулагдав.
	• Төв аймгийн Заамар сумын нутаг дахь Их Галтын алтны шороон ордод анхны шороон ордын уурхай үйл ажиллагаагаа явуулж эхэллээ. • Алтны шороон ордоос МАК компанийн олборлосон анхны 01 дугаартай гулдмайг Монголбанкны Эрдэнэсийн санд тушаав. • АНУ-ын Катерпиллар корпорац Монголын уул уурхайн хувийн хэвшлийн компаниуд дотроос анх удаа МАК компанид дэлхийд нэртэй Катерпилларын тоног төхөөрөмжийг лизингээр худалдах гэрээг байгуулав. • Төв аймгийн Заамар сумын нутаг дахь Хайлаастын шороон ордод олборлолт явуулж эхлэв. • МАК компани алт олборлолтоороо улсын хэмжээнд 18-р байранд оров.
	• Төв аймгийн Заамар сумын нутаг дахь Бумбатын ордод алтны үндсэн ордын баяжуулах үйлдвэр байгуулах зорилгоор Монгол-Канадын хамтарсан “Бумбат” ХХК-ийг үүсгэн байгуулав. • МАК компанийн алтны шороон ордын хайгуулын анхны анги Төв аймгийн Заамар сумын нутагт геологи хайгуулын ажлаа эхлэв. • МАК компани алт олборлолтоороо улсын хэмжээнд 10-р байранд оров.
	• Компанийн анхны вэб хуудас ашиглалтад орж, интернетээр цацагдав. • МАК компани алт олборлолтоороо улсын хэмжээнд 5-р байранд оров.
	• МАК компанийн алтны шороон ордын 2 дахь уурхай ашиглалтад орлоо. • Монгол-Канадын хамтарсан “Бумбат” ХХК-ийн алтны үндсэн ордын баяжуулах үйлдвэр, ил уурхайн эхний ээлжийг ашиглалтад өгөх ёслол боллоо.
	• МАК-ийн геологчид Дорноговь аймгийн Даланжаргалан сумын нутаг дахь Алагтогоогийн ордыг нээн илрүүлснээр МАК-ийн нүүрсний салбарын үндэс суурь тавигдав. • Шороон ордоос олборлосон алтаа Монголбанкны хяналтын дор бие даан экспортлох анхны гэрээг АНУ-ын Жеральд Металз компанитай байгуулав. • Дорноговь аймгийн Даланжаргалан сумын нутагт орших Алагтолгойн ордод МАК-ийн нүүрсний уурхайн шавыг тавилаа. • МАК компани алтны экспортын анхны ачилтаа хийв. • Алагтогоогийн орд газраас олборлосон нүүрсний анхны ачилтыг Улаанбаатар хотын 2-р цахилгаан станцад хийв. • МАК компани алт олборлолтоороо улсын хэмжээнд 5-р байранд оров.
	• МАК компани Германы ХЕРЮЗ компанийн Хонг Конг дахь салбар руу алтны экспортын хоёрдахь ачилтаа хийв. • Дорноговь аймгийн Мандах сумын нутаг дахь Цагаан Суваргын зэс-молибдены ордын лиценз эзэмших эрхийг авав. • МАК компани алт олборлолтоороо улсын хэмжээнд 4-р байранд оров. • Алагтогоогийн орд газраас 30,000 тонн нүүрс олборлон борлуулав.
	• Алагтогоогийн нүүрсний орд газрын Элдэвийн хэсэгт нүүрсний ил уурхайн шав тавих ёслол болов. • Германы ХЕРЮЗ компанийн Хонг Конг дахь салбар болон Швейцарын ЭмКэйЭс корпорацийн Памп цэвэршүүлэх үйлдвэрүүдэд алтны экспортын ачилтыг хийв. • Ахлах геологич Л.Мөнхтогоо “Монгол Улсын Аж үйлдвэрийн гавъяат ажилтан” цол тэмдгээр шагнуулав. • МАК компани алт олборлолтоороо улсын хэмжээнд 4-р байранд оров. • Алагтогоогийн ордоос нийт 56,000 тонн нүүрс олборлов.
	• Бизнесийн салбарт чанарын төлөө үйл ажиллагаа явуулсныг үнэлэн Олон Улсын Бизнесийн Шинэ Санаачлага төвөөс МАК компанийг Францын Парис хотноо Алтан цомоор шагнаж урамшуулав. • Монгол Улсын Стандартчилал, Хэмжилзүйн Үндэсний төвөөс Элдэвийн нүүрсний MNS5042:2001 тоот Улсын стандартыг батлав. • Улаанбаатар хотоос 50-км-ийн зайд, Хан Хэнтийн Тусгай хамгаалалттай бүс нутаг болох Тэрэлжид “Динозавр” жуулчны баазыг худалдан авснаар МАК компанийн Аялал жуулчлалын салбарын үндэс суурийг тавив. • Улаанбаатар хотын хэрэглэгчдийг сайн чанарын нүүрсээр хангах зорилгоор Амгалан өртөөний дэргэд Нүүрс борлуулах хэсгийг ажиллуулж эхлэв. • МАК компани Алагтогоогийн ордоос нийт 170,000 тонн нүүрс олборлов.
	• Өмнөговь аймгийн Гурвантэс сумын нутаг дахь Нарийн Сухайтын нүүрсний орд газрын тодорхой хэсэг олборлолт, экспортын борлуулалт хийх зорилгоор Монгол-Хятадын хамтарсан "Чин Хуа-МАК-Нарийн Сухайт" ХХК-ийг Үүсгэн байгуулах гэрээ, дүрэмд гарын үсэг зурав. • Алагтогоогийн орд дахь Элдэвийн нүүрсний уурхайгаас анх удаа нүүрсний экспортын ачилтыг төмөр замаар хийв. • МАК компани Алагтогоогийн ордоос нийт 256,842 тонн нүүрс олборлов.
	• БНСУ-ын Самсунг корпорацитай Алт худалдах, худалдан авах тухай гэрээ байгуулж, Монголбанкны хяналтын дор Швейцарын Цюрих дахь UBS банк нөхцлөөр алтаа экспортод гаргав. • Монгол-Хятадын хамтарсан “Чин Хуа-МАК-Нарийн Сухайт” ХХК-ийн олборлосон анхны нүүрс Шивээхүрэнгийн боомтоор экспортод гарав. • АНУ-ын Жеральд Металз компанитай зээлийн гэрээ байгуулав. • Компанийн зөвлөх Д.Содном Монгол Улсын Ерөнхийлөгчийн зарлигаар "Гавъяат эдийн засагч" цолоор шагнуулав. • МАК-ийн геологчид Дорноговь аймгийн Даланжаргалан сумын нутаг дахь Хөх цавын шохойн чулууны ордын урьдчилсан хайгуулын ажлыг дуусгаж, шохойн чулууны баялгийг батлуулав. • Монгол Улсын Стандартчилал, Хэмжилзүйн Үндэсний төвөөс Элдэвийн нүүрсэнд Үндэсний Тохирлын Гэрчилгээ олгов. • МАК компани Алагтогоогийн ордоос нийт 222,000 тонн нүүрс олборлосон ба хамтарсан компани 430,000 тонн нүүрс экспортлов.
	• Алтны үндсэн ордын Бумбат үйлдвэрт технологийн шинэчлэл хийж, хоногт 500 тн хүдэр боловсруулах CIP гидрометаллургын технологийг ашиглалтад өгөв. • МАК компани Алагтогоогийн ордоос нийт 278,000 тонн нүүрс олборлосон ба хамтарсан компани 1,564,000 тонн нүүрс олборлон экспортлов.
	• Цагаан Суваргын ордын зэсийн хүдрийг уулын баяжуулах “Эрдэнэт” үйлдвэрт хагас үйлдвэрийн туршилтад оруулан, баяжмал үйлдвэрлэх туршилт-судалгааны ажлыг хийж гүйцэтгэв. • Германы DMT, RWE зэрэг компаниудад Нарийн Сухайт, Адуунчулууны нүүрсний дээжүүдийг илгээж, нүүрсийг брикетжүүлэх, хийжүүлэх, коксжуулах лабораторийн туршилтыг амжилттай гүйцэтгэв. • Монгол Улсын Ерөнхийлөгчийн зарлигаар МАК-ийн Ерөнхийлөгч Б.Нямтайшир Монгол Улсын “Гавъяат Уурхайчин” цолоор шагнуулав. • МАК компани Алагтогоогийн ордоос нийт 383,000 тонн нүүрс олборлосон ба хамтарсан компани 1,724,000 тонн нүүрс олборлон экспортлов.
	• Цагаан Суваргын зэс-молибдены орд газрын баялгын үнэлгээг барууны 43-101 стандартаар хийж гүйцэтгэх гэрээг Канадын геологийн итгэмжлэгдсэн компанитай байгуулав. • МАК компани Алагтогоогийн ордоос нийт 405,000 тонн нүүрс олборлосон ба хамтарсан компани 1,451,000 тонн нүүрс олборлон экспортлов.
	• Хөх Цавын шохойн чулууны ордыг түшиглэн жилд 50,000 тонн шатаасан шохой үйлдвэрлэх үйлдвэрийг ашиглалтад өгөв. • Цагаан Суваргын зэс-молибдены төслийн урьдчилсан ТЭЗҮ-ийг боловсруулах гэрээг дэлхийд нэр хүнд бүхий инженерингийн компани Акер Кваернертай байгуулав. • Элдэвийн уурхайд нүүрсийг хуурай аргаар баяжуулах FGX-12 төхөөрөмжийг суурилуулав. • Элдэвийн нүүрсний уурхайн ажилчдын тосгон, уурхайн офис, засвар үйлчилгээний төв, нүүрс-химийн лабораторийг барьж байгуулснаар Элдэвийн уурхайн цогцолбор иж бүрэн ашиглалтад оров. • Адуунчулууны хүрэн нүүрсийг Австралийн технологиор чанаржуулан брикетлэх туршилтыг Австралийн Сидней хотод амжилттай хийж гүйцэтгэв. • Цагаан Суваргын ордын баялгыг барууны стандартаар тогтооход шаардлагатай нарийвчилсан хайгуул, өрөмдлөгийн ажлыг Канадын геологийн итгэмжлэгдсэн компанийн хяналтан дор хийж дуусгав. • Дэлхийн 61 орны засгийн газруудын төлөөлөл бүхий Европын Сэргээн босголт, хөгжлийн банктай зээлийн гэрээг байгуулав. • МАК компани Алагтогоогийн ордоос нийт 302,000 тонн нүүрс, хамтарсан компани 1,547,000 тонн нүүрс олборлов.
	• Хөх Цавын шохойн чулууны ордыг түшиглэн хоногт 2,500 тонн клинкер, жилдээ 900,000 тонн цемент үйлдвэрлэх ТЭЗҮ-ийг Тяньжингийн Цементийн Зураг төслийн хүрээлэнгээс хүлээн авав. • Өмнөговь аймгийн Гурвантэс сумын нутаг дахь Нарийн Сухайтын орд газарт МАК-ийн 100% эзэмшлийн, үндэсний хөрөнгө оруулалт бүхий нүүрсний шинэ уурхайг ашиглалтад оруулав.
	• МАК компанийн Нарийн Сухайтын уурхайд Монгол Улсын Ерөнхийлөгч Ц.Элбэгдорж, Монгол Улсын анхны ерөнхийлөгч асан П.Очирбат нар зочлов. • Монгол Улсын Ерөнхийлөгчийн зарлигаар МАК-ийн Дэд ерөнхийлөгч Д.Дашзэвэг Монгол Улсын “Гавъяат Уурхайчин” цолоор, Дэд ерөнхийлөгч Г.Цогт “Алтангадас” одонгоор тус тус шагнуулав. • МАК компани Элдэвийн болон Нарийн Сухайтын уурхайгаас нийт 1,880,000 тонн нүүрс олборлон дотоод, гадаадын зах зээлд нийлүүлснээс гадна хамтарсан компани 735,200 тонн нүүрс олборлов.

Компанийн түүх МАК
Tweet
Bolod.mn

Сэтгэгдэл (1)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
мглийн баялагийг гадагшаа зоож байгалийн баылагийг угуй хийж байгал орчинг суйтгэсний толоо гавяатаар шагнуулж оороо хагартлаа баяжсан олигхаруудад хариуцлага тооцох цаг болсон шуу

2012-12-09 | 08:43:40 | 218.37.77.213 |

Мэдээ
Гадаад мэдээ
Видео