Сексийн наймаа якузаг гадагш олноор татсан ч хар тамхины наймаа  ашиг орлого сайтай нь нотлогдсон юм.

Япончуудын сонгосон мансуурах бодис бол "Америкийн гудамжинд спийд, кранк, эсвэл мет гэдэг харин Японы гудамжинд шабу буюу "С" хэмээн нэрлэгдэх метафетамин байлаа. Тэд англиар мөс гэж нэрлэдэг хамгийн хүчтэй кристал метийг татах эсвэл тарих аргаар хэрэглэнэ. Үүнийг якуза эд баялаг болгож чадсан юм.

Зүүн Азийн метийн наймаа бол бүсийн хэмжээнд зохион байгуулалттай гэмт хэргийн нүүр царайг өөрчилж байгаа олон тэрбум доллартай холбогдсон дэлхийн хамгийн том мансууруулах бодисын зам болох нь маргаангүй. Мансууруулах бодисын хэрэглээ асар их, наймаа нь маш ашигтай учир мет Якузагийн нийт орлогын гуравны хоёрыг бүрдүүлдэг гэдэгт цагдаа нар итгэдэг. Японы гэмт бүлэглэлийн амжилтын цөм нь метийн снаймаа гэдэгт Японы мансууруулах бодисын наймааны шинжээч, жриминологч Масаюуки -Тамура эргэлздэггүй байна. 1970 оноос эхлээд ,Японы том синдиктаууд улс даяар тархахад бэлэн мөнгөний машин шиг мансууруулах бодисын .наймааны ашиг орлого нөлөөлсөн гэж тэр үздэг. Гадаадынхан Японд гэмт гаппагши оилголтонд дассан ч мет-ийг хэрэглэгчдийн тоо нь сандаргаж байлаа. 1980 оноос хойш гаргасан тоогоор Япон дахь хэрэглэгчдийн тоог 500 000 гэж гаргасан нь АНУ-ын герион хэрэглэгчдийн тоотой ойролцоо очно. Гэхдээ бусад тооцоогоор хэрэглэгчийн тоо нэг сая хүртэл хэлбэлзэнэ. 1998 онд 2.2 сая япончууд сэргээгч мансууруулах бодисыг хэрэглэдэг эсвэл хэрэглэж байсан тухай судалгаа гарч албаныхныг сандаргав.

Токиогийн нэгэн шинжээч "Япон бол дэлхийн мет-ийн нийслэл хот" гэж тодорхойлов. Японы эрдэмтэд метафетаминыг, нээсэн гэж баталдаг бөгөөд япончууд мансууруулах бодистой 50 жилийн турш байжээ. Мет бол Якузагийн бизнес. Гэмт бүлэглэл бараг Японы бүх л зах зээлийг хянадаг гэдэгт итгэдэг. Яамагучигуми ба Инагава кай зэрэгш том синпикатууд метийн үйлдвэрлэл, борлуулалтын хамтарсан сүлжээнд байдаг аж. Боссууд нь бүрэн тусгаарлагдсан мэт орчинд байж, бага тушаалын якуза, орон нутгийн бүлэглэлүүд мансууруулах бодисын наймааг гардан хийж, ашиг орлогын үндсэн эх сурвалж нь бүлэглэлийн албан байраар дамжина. Зарим якуза нэг цэгийн худалдан авалт хийх арга барилыг эрэлхийлж байв. Жишээлбэл, Канагава бүлэглэлийн өндөр албан тушаалын гишуун эмнэлгийн тоног төхөөрөмжийн албан ёсны дилер болсоны дараа тэд тариур болон зүүний хангалт хийх бололцоотой болжээ. Тэднийг илрүүлж баривчлах үед аль хэдийн 1000 тариур, зүүг тарааж амжсан байлаа.

Японы метафетамины хэрэглээ нь Камиказе нисгэгч, цэргүүд, ажилчдад Засгийн газраас мансууруулах бодис хуваарилан тараадаг байсан дайны үеэс эхэлжээ. Япончууп гадныханд эзлэгдсэн үед ч, 1948 онд хориглох хүртэл эмчийн бичиггүй олгодог байснаараа алдаршсан юм. 1950 оны эхээр якуза Засгийн газрын мансууруулах бодис, эмийн неөцөд нэвтрэх аргаа олж, дараа нь өөрсдийн нууц лабортариудыг байгуулснаар өдөөгч бодисыг хэрэглэх далд бизнес цэцэглэж эхлэв. Төрөлх оронд нь илрүүлэх ажиллагаа эрчимжсэнээр Солонгос руу үнэр ихтэй лабортариудаа шилжүүлэв. 1970-аас 1980 оны эхэн үед якузагийн мет-ийн нийлүүлэлтийн 70 хувь нь өмнөд Солонгосоос ирж байв. Солонгост нууц байрууд тараан байрлуулснаар якузагаас санхүүжсэн орон нутгийн бүлэглэлүүд мансууруулах бодисыг их хэмжээгээр үйлдвэрлэв. Солонгосоос ирж байгаа мет-ийг "Цагаан нунтгийн цасан шуурга" гадаадаас ирж байна гэж нэгэн сонинд дурьдсан аж. 1975-1983 онд мансууруулах бодистой ^ходбоотой баривчилгаа Японд гурав дахин ихсэв. Гэрийн эзэгтэй нар, оюутнууд, таксины жолооч, гал сөнөөгч, цэргүүд тэргүүлэх гэмт этгээдүүдийн дотор байлаа.

Солонгосын хоёр дахь том хот Пусан Японы боомт хот Шиманосекигийн хооронд мансууруулах бодис зөөвөрлөдөг гол зам оршино. Худалдааны төв, хөгжиж байгаа далайн боомт Пусан бол якузагийн орогнох дуртай газар. Мөн Японы жуулчид, жижиг усан онгоц, олон мянган далайчид хөлхсөн хилээр эд зүйл хууль бусаар тээвэрлэгчдийн диваажин байв. Энэ 2 байдлыг таслан зогсоохыг Японы талаас олон удаа хүсэлт тавьсан боловч Солонгосын Засгийн газрын Японы эсрэг үзэн ч  ядах хуучин үзэл,«и авлига, хахуульд гүн идэгдсэн зэрэг нөхцөл байдлаас шалтгаалан солонгосчууд асар том урсгалыг үл тоосон ажээ. Солонгосчууд өөрсдөө мансууруулах бодист идэгдэж эхэлсэн үеэс үл тоох хандлага өөрчлөгдлөө. Эцэст нь 1988 оны олимп ойртох тусам Солонгосын хууль хяналтын байгууллагаас мет үйлдвэрлэлийн эсрэг кампанит ажил явуулан, авлигад өртсөн цагдаа нараас цэвэрлэж, олон лабортарийг гадагш гарахад хүргэв. Солонгосчууд идэвхтэй тэмцэж эхэлснээр наймаа Тайвань руу шилжиж тэндхийн гэмт бүлэг, якузагийн хоорондох холбоог бэхжүүлсэн юм.

Тайваний мэргэжил нэгт нөхдүүдэд япончуудын шаардлагад нийцсэн өндөр чанарын кристал метийг хэрхэн "чанах" талаархи сургалтыг солонгос химич тус арал дээр хүрэлцэн очиж явуулжээ. Хөлдөөсөн туна загаснаас эхлэн лаазалсан жимс, байхууны хайрцаг зэрэг бүх л юманд нуусан мет Тайваниас тонн тонноор Япон руу ирэв. Харин Тайваньд метийн хэрэглээ түгшүүрийн хэмжээнд ирэнгүүттаслан зогсоох арга хэмжээ авч эхэллээ. Энэ удаад үйлдвэрлэл эх газрын Хятад, Хойд Солонгост шилжин ирж, Японы метийн хэрэглээний гурав дахь том алхмыг хийв. 1990 оны үед их хэмжээний ачаа Япон руу ирж, үнийг огцом буулгаснаар залуучуудын дунд өргөнөөр хэрэглэх боломжийг олголоо. Нийлүүлэлт хангалттай байсан учир 1980 онд 30 мг нь 10000 иен байсан мет 1998 онд 2000 иен болтлоо буув. "1990 он хүртэл наймааг болгоомжтой хийдэг байсан. Одоо хэн ч үүнийг олж авч чадах боллоо. Якуза нар бөөний үнээр зарж эхэлсэн, бага ашиг олж хурдан эргэлдүүлэх бодлого барьж байна" гэж нэгэн мөрдөгч ярьсан байдаг.

Хятадууд бүсийн хар тамхины наймаанд орсон нь японы хувьд голлох оролцоо бий болголоо. Хятад эфидрин гарган авахад өргөн хэрэглэдэг эфедра ургамлын гол үйлдвэрлэгч "*" өгөед үүнийг метафеатмин үйлдвэрлэх органик суурь болгодог ажээ. Хятад зах нээнгүүт Хонгконг, Тайваний наймаачид эх газрын өмнөд хэсэгт ирэв. Тэнд эфедрин болон химийн идэвхжүүлэгч худалдахыг хүссэн этгээдүүд, хойрго, авлигад автсан цагдаа нар байх аж. Эх газрын Хятадад бий болсон таатай боломж гэмт хэргийн шинэ давхаргын анхаарлыг татжээ. Тэдний дунд "Мөсөн хатан" гэж алдаршсан Хонгконгийн хэрсүү бизнес эмэгтэй Ли Чау Пинг байлаа. Хямд ажлын хүч, сул зохицуулалт, хурдан өсч байгаа эдийн засгийг Ли ашиглажээ. Гуангдн ба Фужиан мужуудад дэлхийн том метийн цогцолбор болох хэд хэдэн үйлдвэрийг тэр эмэгтэй байгуулав. Хонгконг, Хятад дахь тэр эмэгтэйн ажиллагааг хянаж байсан Канадын Цагдаагийн газрын түрүүч Том Хансен "Бусад нь лабортари барьж байхад Ли үйлдвэр босгож байсан" гэж хэлж байв

. 1989-1992 онуудад Лигийн үйлдвэр 4-5 тонн мансууруулах бодис үйлдвэрлэж, Хонгконгийн наймаачид Япон, Филиппинд их хэмжээгээр борлуулжээ. Үйлдвэр болгон 15-20 ажилчдыг 16 цагийн ээлжээр ажиллуулна. Ли таван орны эрх баригчдаас бултаж дөнгөсөн төдийгүй Тайланд Бирмийн хилийн дагуу байрлан бас нэгэн метийн үйлдвэрийг байгуулснаар Тайланд болон хилийн дагуу орнуудад цагаан тахлыг эрчимтэйгээр тараажээ. Японд хурааж авсан метийн хэмжээ их, тогтоосон амжилтыг эвдсэн учир цагдаа нар өмнөд Хятадаас ирсэн ачаанаас гадна Хойд Солонгосын хилийн ойролцоох Зүүн хойд мужуудаас ирж байгаа ачааг шалгаж эхлэв. Эцэст нь ихэнх ачаа Хойд Солонгосоос ирж байгаа нь цагдаад тодорхой болж, мансууруулах бодисын наймаанд ядуу тарчиг, гадаадын улсуудыг үзэн ядах үзлээр цэнэглэгдсэн Хойд Солонгос эргэлтгүй оржээ.

Коммунист Солонгос хууль бусаар хар тамхины шинэ эх сурвалж болоод зогсохгүй уг наймааг дэмжиж байгаа нь оргон ирсэн цэргүүд, Хойд Солонгосын усан онгоцноос хураасан ачаа, хил давуулагчдын мэдүүлгээр батлагдаж байв. Хүнсний хомсдол, хатуу валютын төлөөх улайрал нь Солонгосын засгийн газрыг метийн лабортари, намуу цэцгийн тариалалтыг санхүүжүүлэхэд хүргэж, мансууруулах бодисын бизнест оруулсан байна. Хойд Солонгосын эрх баригчид дипломат нэгжүүдээ гэмт хэрэгт татан оролцуулан Элчин сайдын яамдуудаа мансууруулах бодис, бусад контрбандын эд зүйлийг тараахад ашигласан нь хамгийн муу нөлөөлөл байв.

Нэгэн судалгаагаар 1994-1999 онд арван зургаан оронд суугаа Хойд Солонгосын дипломатуудын үйлдсэн гэмт хэргийн талаар гомдол гаргаж байсныг харуулав. АНУ-ын хуурамчдоллараасэхлэн хуурамч СО, ховордсон ан амьтны эд эрхтэн зэрэг хууль бусаар хил давуулж болох бүх гэмт хэрэгт Хойд Солонгосын албан тушаалтнууд холбогджээ. Есөн орны хууль хяналтын байгууллага Хойд Солонгосын дилломатуудыг опиум, герион, кокаин, хашиш зэрэг мансууруулах бодис биедээ авч явахад нь баривчилжээ. 1999 онд мөрдөн байцаагчид үндэсний хууль ёсны хэрэщээнээс 20 дахин их буюу 50 тонн эфидринийг Хойд Солонгосын халхавчийн компани захиалсан байсныг илрүүлсэн байна.

ЭХ СУРВАЛЖ: ХОРИОТОЙ БҮС СОНИН