Америкийн сансар судлалын академи НАСА-гаас ингэж мэдээлсэн. Бас шинжлэх ухаан ч харанхуй нөмрөхгүй, дэлхий сүйрэхгүй гэж баталж байгаа. Ингэхэд нар мандчихвал Оюунгэрэл эгч энэ тэр яана даа. “Дэлхий сөнөхөд хэрхэн амьд үлдэх вэ” гэдэг ном бичээд, хүмүүст шахаад байсан.

Телевизээр бас “Арванхоёрдугаар сарын 21-нд их харанхуй эхэлж, дэлхийд гурван өдөр нар мандахгүй. Лаа, шүдэнз, гар чийдэн, дулаан хувцас хунараа базаагаад, нэг газар очоод гэр бариад хэвтэцгээ” гээд ухуулаад байсан зөнч нар яана аа. Америкаас НАСА “гуай” арванхоёрдугаар сарын 21-нд янз бүрийн юм болохгүй, нарыг биднээс халхалж бүтэн гурав хоног “хорионд” байлгахаар том гариг эрхэс нарны аймагт ч байхгүй гэж хэлээд байхад манай Оюунгэрэл, Арго, Давааням эд нар, бас бус зөгнөгчид “Гурван хоног нар гарахгүй учир монгол гэр барьж, түлээ түлш, лаа шүдэнзээ базаагаарай” гээд л захиад байсан. Гэвч үгэнд нь орж бэлтгэл хийсэн хүн тун цөөхөн байх. Яагаад гэвэл цуу ярианаас илүү нүдээр харсан зүйлдээ итгэдэг ард түмэн шүү дээ, монголчууд. Өчигдөр манай сэтгүүлч Н.Лхагвасүрэн гуай “Дэлхий сүйрэхийн өмнөх өдрийн Нарантуул” сэдвээр сурвалжлага бэлтгэхээр захыг зорьсон юм.

Шуугиад байгаа шиг гэр, лаа шүдэнз тийм их гүйлгээтэй байна уу, ховордож уу, үнэ ханш нь ямар байна гэдгийг сурвалжлах гэж явсан хэрэг л дээ. Тэгсэн монгол гэр зардаг наймаачид “За, ах минь тэр ярианд итгэчихсэн яваа юм биш биз дээ” гээд шоолоод байна гэсээр хүрч ирсэн. Наймаачид лав Оюунгэрэл нарын дэгдээсэн цуу ярианд итгээгүй нь харагдаж байна. Ер нь хүмүүс энэ ярианд итгэхээсээ илүүтэй хэсэг сайхан зугаацаж л авсан байх даа. Ямар сайндаа онигоо гарах вэ дээ.
-Чи өрөө өг л дөө.
-За юу ч гэсэн 21-нийг хараатхая. Ийм онигоо гарсан байсан. Өчигдөр, уржигдар хүмүүс хэсэгтээ л иймэрхүү сэдвээр ярьж инээдэм, наргиан болцгоосон байх. Манай редакц хавиар лав иймэрхүү л байсан. Мартсанаас “Дэлхий сөнөнө” гэж сурталчилсан хүмүүсийг Хятад улсад баривчилсан гэсэн. Манайд харин зарим нэг хүмүүс юу дуртайгаа ярьж, хөгшин настай хүмүүсийн сэтгэл санааг үймүүлэх шиг боллоо. Айхгүй ч гэсэн аягүй гэгчээр гэртээ хөгшин настай ээж, аав, нялх нойтон хүүхдээ үлдээгээд ажилдаа гарах хүмүүс “Тэдний минь санаа нь зовчихно. 21-нд эртхэн ажлаа дуусгаад гэртээ харина” гэсэн төлөвлөгөөтэй байсан. Настай хүмүүс янз бүрийн юм бодож, даралт нь ихсэхээс сэргийлсэн хэрэг л дээ. Манай зурагчин Б.Ганбаяр уржигдар таксинд суужээ. Тэгсэн жолооч хархүү “Оросоос баахан лаа оруулж ирчихээд зарж чадалгүй, хэдэн жил агуулахад хураалгаастай байсан юм. Ашгүй сая хэдэн хоног зах дээр гаргатал ёстой шуураад өнгөрлөө” гэж ярьжээ. Ер нь “Нарантуул” зах дээр ойрын хэдэн өдрүүдэд лаа, шүдэнз гүйлгээ сайтай байсан нь үнэн гэнэ. Энэ нь цуу ярианд итгэсэндээ бус цаг агаар хүйтэрч байгаа болохоор гал алдахгүй, зутрахгүй гэхдээ л малчид, гэр хорооллынхон түлээ түлш, шүдэнзээ нөөцөлж байгаатай дийлэнх нь холбоотой болов уу.

Баянхонгор, Завхан аймаг, Налайх дүүрэгт тарвага ичээнээсээ гарчихсан байна гэж хэчнээн ч их яригдав даа. Нутагтаа байгаа малчид тарвага ичээнээсээ гарсныг хараад ийм яриа гаргасан ч юм уу, эсвэл бас л их мэдэгчид, далдыг харагчдын тараасан цуу үг ч байв уу бүү мэд, одоогоор лав холбогдох байгууллагуудаас тарвага, зурам өвлийн хүйтэнд ичээнээсээ гарсан талаар албан ёсны мэдээлэл хийгээгүй байна

Яг үнэндээ, би лав Оюунгэрэл, Арго, Давааням нараас илүү НАСА “гуай”-д итгэж байна. Мартсанаас хүмүүсийн сэтгэл санааг үймүүлж элдэв юм ярин, бичсэн номоо борлуулах арга сэдсэн “Орифлейм”-ийн Оюунгэрэлийг цагдаагаас “дуугүй байхыг” сануулсан сураг сонсогдоно билээ. Сүүлийн хэд хоног тэр чимээ, аниргүй алга болчихсон. Цагдаагаас банга хүртээсэн нь үнэн ч байж мэдэх юм. Монголд дэлхий “сүйрэх”-ийн өмнөх өдрүүдэд иймэрхүү л дүр зурагтай байлаа.

Ц.Шижир

''Орифлейм''-ийн Оюунгэрэлээс илүү Наса ''гуай''-д итгэж байна
Tweet
Bolod.mn

Сэтгэгдэл (6)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
наад ландаг чинь нэг л их худлаа үндсэрхэг үзэл ярьсан хүн байдаг. яг цагаа тулахаар өөрөө ийм хоёрын хооронд хулгайч байсан юм уу

2014-08-20 | 22:07:37 | 103.26.193.6 |

Зочин
өөрийгөө халхын том атаман гэж ярьж явдаг ландаг батцэнгэл гэж хогийн хулгайч бий. энэ хулгайчийн хочийг нь хуушуур гэдэг. яагаад хуушуур гэдэг хочтой болсон түүхийг нь би та нарт ярьж өгье. ландагийг залуу байхад нь ээж нь гэр бүлээ тэжээхийн эрхэнд хуушуур хийж зардаг байж л дээ. Тэгээд нэг өдөх савтай хуушуураа аваад гэрээс гарах гэтэл ландаг ээжийнхээ өмнө айрагны том аяга тавиад ЭНЭ АЯГЫГ ХУУШУУРААР ДҮҮРГЭ. ЭС БОЛ ЧАМАЙГ НОХОЙГООРОО УРУУЛНА гээд төрсөн эхийнхээ эсрэг өөрийнхөө тэжээдэг овчарки нохойг тавьсан гэдэгв ийм л адгийн хулгайч та бидний дунд хорвоогийн тосыг хөдөлгөөд явж байна даа хөөрхий хуушуур ландаг

2012-12-21 | 09:46:11 | 202.126.91.200 |

Зочин
Orfilameiin Oyungerel bolon busad lam boo geh met humuused eruugiin hereg uusgej tsagdan horih arga hemjee avya.ard olnii setgel sanaa ed mungu ediin zasgaarn togloj hohirol uchiruulj niigemd buruu setgel zui bii bolgson hergeer shiitgel noogduulj baihgui bol tsaashid eldev tsuu yriaa hel am taraah humuus olishirohgui geh batalgaagui tul.Deerh humuused eruugiin huuliaar hereg uusgene shalga.Edgeer nuhduudiin tsuu yriaand itgene gemt arhi mansuuruulah bodis hergelj busdiin bolon niigemiin amar amaglnag evdeh tuuntei holbootoigoor hunii ami nas eruul mend hohirson baival hariutslaga tootsoh hergtei.

2012-12-21 | 08:58:37 | 182.160.5.156 |

Мэдээ
Гадаад мэдээ
Видео