Уг нь улсын эмнэлэгт үнэ төлбөргүй биеэ үзүүлж, оношлуулах гэж төлдөг биш гэж үү. Улсын эмнэлэгт биеэ үзүүлэх гэж хүнд суртал, дугаарлалт гээд янз бүрийн асуудалтай тулгардгийг хүн бүр л мэдэж байгаа. Харин Эрүүл мэндийн даатгалын дэвтэртэй байж улсын эмнэлэгт давхар мөнгө төлөн үзүүлэх нь арай л хэтэрсэн зүйл баймаар.

Хэд хоногийн өмнө нуруу минь татаад бөгтөр болж орхив. Гайгүй болох байх гэж бодоод хоёр, гурван өдөр харсан ч улам өвдөх янзтай болохоор нь Гэмтэл, согог судлалын үндэсний төвд үзүүлэхээр очсон юм. Тус эмнэлэг нь улсдаа томоохонд тооцогдох тул хүмүүс хөл толгой нь мэдэгдэхгүй бужигнана. Хаана очиж хэнд үзүүлэхээ мэдэхгүй байсан болохоор хүлээн авах ажилтнаас нь “Нуруу өвдөөд байгаа юм. Хаана үзүүлэх вэ” гэж асуухад хариу дугарсангүй. Сонсоогүй юм байх гэж бодоод дахиад асуутал, нэлээд ширүүн харцаар харснаа “Гурван давхарт нуруу нугас тархины тасаг байгаа. Тэнд очоод үзүүл” гэв. Түүний хэлснээр гурван давхарт гарав. Хэн гэдэг эмчид үзүүлэхээ мэдэхгүй хэсэг зогссоноо цагаан халааттай эмэгтэйгээс учир байдлаа хэлж, хэнд үзүүлэхээ асуутал, ганц үг хэлэхгүй мөрөө хавччихаад яваад өгөв. Хэсэг зогсож, өөр хэн нэгэн гарч ирэхийг хүлээсэн боловч бүгд завгүй гүйлдэн надад хаана, хэнд үзүүлэхийг хэлээд өгөх хүн олдсонгүй. Тэгэхээр нь өрөөний үүдэнд хадсан хаягийг нь харж байгаад нэг өрөөнд яваад орчихов. Эмч бололтой ахимаг насны эмэгтэй “за яасан” гэв. Би ч учир байдлаа хэлтэл “Ийшээ суу” гээд сандал руу заав. Би ч биед минь үзлэг хийх байх гэж бодоод сандал дээр суутал, тэгсэнгүй. Эмч “Хаана чинь өвдөөд байгаа юм.

Хүнд юм өргөсөн үү” гэж асууснаа “Нурууны голд байдаг зөөлөн мөгөөрс нь бяцраад мэдрэлээ дарсан байж магадгүй. Нэг давхарт очоод 17 мянган төгрөгөөр дижитал зураг авахуулчихаад хүрээд ир. Тэгэхдээ Дижитал зураг бараг мэдэгдэхгүй л болов уу. Юу ч гэсэн авахуулчихаад ир” гэв. Нуруун дээр минь дарж үзэх нь байтугай хаана чинь өвдөөд байна гэж нурууг минь үзээгүй байж ингэж мундаг оншилсон эмчээс “Би Эрүүл мэндийн даатгалын дэвтэртэй. Үнэгүй авдаггүй юм уу” гэхэд “Үгүй ээ. Хэрвээ дижиталаар авахуулсан зураг чинь мэдэгдэхгүй бол 170 мянган төгрөгөөр нарийвчлалтай зураг авахуулсан нь дээр. Чи Эрүүл мэндийн даатгалын дэвтэртэй бол манайх 150 мянган төгрөгөөр авна” гээд жижиг цаасан Дижитал R шинжилгээ хийлгэх гэсэн юм бичиж өгсөн. Дижитал рентген зураг авдаг өрөөний үүдэнд очтол дугаарлалт маш их байв. Цаг гаруй зогслоо. Дугаарлалт яг хэвээрээ. Ерөнхийдөө нуруу нугас, толгой тархиа эмчид үзүүлэхээр ирсэн бүх хүн 17 мянган төгрөгөөр дижитал рентген зураг авахуулж байгаа бололтой юм. Аливаа хүний онош мэдэгдэхгүйг мэдсээр байж 17 мянган төгрөгийн ханштай зураг авахуул гэж буй нь хүний өвчнөөр бизнес хийж байгаа хэрэг биш гэж үү. Хүний урамд нуруун дээр минь дарж үзээд зураг авахуул гэсэн бол арай л өөр. Аль эсвэл манай эмч нар зайнаас оношлох эрдэм мэдлэгтэй болчихсон юм болов уу.

Хүний өвчин зовлонгоор бизнес хийж буй тохиолдол ганц энэ биш. Миний нэг танилын хамар нь битүүрч нүднээс нь нулимс гоожоод байхаар нь Арьс, өвчин судлалын төвд үзүүлсэн гэсэн. Тэрбээр бас л Эрүүл мэндийн даатгалын дэвтэртэй. Түүнээс оношилж, сорил тавина гэх нэрийдлээр 10 мянган төгрөг хураан авсан байгаа юм. Эмчийн өрөөнд орж ямар зовиур байгаагаа хэлэхэд “Аан, ургамлын харшил л байна” гэж хэлээд нэлээд хэдэн харшлын эм бичиж өгсөн гэсэн. Уг нь оношилж, сорил тавина гэж 10 мянган төгрөг хурааж авчихаад сорил тавьсан ч юм байхгүй нөгөө л зайнаас оношлох аргыг хэрэглэсэн байгаа юм. Уг нь бид Эрүүл мэндийн даатгалд даатгуулснаар хэвтэн эмчлүүлэх болон амбулаторын тусламж, үйлчилгээ, оношилгоо шинжилгээ, уламжлалт эмчилгээ, нөхөн сэргээх эмчилгээ, өдрөөр эмчлэх тусламж, хөнгөвчлөх эмчилгээ, зайлшгүй шаардлагатай эмийн хөнгөлөлт эдлэх эрхтэй. Гэвч бодит байдал дээр эм бичихдээ 10 мянган төгрөг, зураг авахуулах ямар ч шаардлагагүй байж тодорхой хэмжээний төлбөр төлж байгаа юм. Хүмүүс өвчин зовлон гэхээр ямар мөнгө харамлах биш дээ. Бичиж өгсөн эм, хэлсэн төлбөр тооцоог нь төлчихдөг болохоор зайнаас оношлогч нар бизнес хийх юм даа.

Ж.Баттуул

Зууны мэдээ

Зарим эмч зайнаас оношилдог болжээ
Tweet
Bolod.mn

Сэтгэгдэл (1)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
за да одоо үеийн эмч нар ч дээ мэдэхгүй цус юм л бол тийм ийм шинжилгээ оношилгоо хийлгэ гэхийн тэрийн хийлгэх гэхээр үнэ нь дийлдэхгүй бас саяхан нэг дүү маань гэнэт нэг орой унтаж байснаа агаа гэдэс аймаар хатгаж өвдөөд байна гээд хамаг хөлс нь цуваад атийчихсан амьтан өрөөний босоод ирвээ би гэж сандарсан амьтан 103-руу утас цохьтол холбогддогүй ээ 30 мин оролдож байж арай гэж амьд хүний дуу сонсов хэвлийгээр нь хүчтэй өвдсөн хүн байна дуудлага өгье гэтэл өөдөөс баахан юм шалгааж шалгааж манайх ачаалал ихтэй байна 1:30-2 цагын дараа эмч очно гээд утсаа шидэж орхив, хүлээгээд л байлаа дүү маань болохоо байж байх шиг байнаа хөөрхий цонхийсон амьтан бөөлжөөд л за бараг 3 цагын дараа шөнийн 01 цаг орчим нөгөө 103 чинь ирвээ нэг их бохь зажилсан будмал хүүхэн орж ирээд муу дүүг минь үзсэн болж байнаа амаа ангай хэлээ гарга хоолны хордлого л аваа биз бөөлжөөд байгааг бодход энэ тэр гээд л сүртэй байнаа 5 минут хэртэй болоод эмчийн үзлэг дуусав бололтой би бичиг хийж өгөмц өөрсдөө харъяа дүүргийнхээ эмнэлэгт оч гээд нэг нарийн цаасан дээр дүүгийн нэр насыг бичээд гараад явахнээ гэнэт миний гэдэн хөдлөөд та нар аваачиж өгдөггүй юмуу ирэхийг чинь 3 цаг хүлээлээ гээд хэлээд тавьцан тэгсэн би хүнд хүнтэй явж байна гээд гараад явчдийн уур хүрээд хойноос нь гараад хартал жолоочтойгоо хоёулхнаа машиндаа явж байна лээ бодвол жолооч нь хүндээр өвдөөд мань эмч сандарсан юм байгаа биз. Би ч яахав тэр эрчиндээ грашаас тэргээ аваад дүүгээ суулгаж аваад СХД-н 14р төв гэгчид нь очвоо тэгсэн эмч нь байдаггүй ээ сувилагч нь ч юмуу асрагч нь ч юмуу нэг хүн их ууртай бас нойрмогоор байж бай манай эмч хүнд хүн үзэх гээд дээшээ гарсан гээд мань 2-г 30 мин суулгавоо ашгүй нэг юм эмч нь ирснээ дүүг маань бас л зайнаас оношлов нэг харчаад л аан хэвлийгээр нь өвдөөд байгаа юмуу хоолны хордлого эсвэл жирэмсний хордлого байж магад архи ууснуу энэ тэр гээд ядаж гэдсийг нь дарж ч үзсэнгүй бас нэг бичиг хийж өгөөд 2р төрөх ор гэдийн би ч яахав муу дүүгээ аваад л давхиж өгвөө ядаж байхад зам гулгаатай 02:45 мин 2р төрөх дээр иртэл ах нь байжий гээд дүүг маань аваад орчихвоо 15 мин дараа дүү маань уйлаад гараад ирэв яасан гэтэл жирэмсний тест үзнэ гээд тест өгөөд 00 ор гэсэн гэнэ яаж үздийн гэж асуухад нь уншихгүй юу гэсэн байдийн хятад ханзаар биччихсэн байна тэгээд ч би хүнтэй ойртож үзээгүй 17хон настай биений юм сая ирээд дууссан гэтэл нөгөө сувилагч нь загнаад бөөн юм болсын байх тэгээд эмч дээ юу гэж ч хэлсийн эмч нь харин эхо-д хараад 3р эмнэлэг орж мэс заслын эмчид үзүүл гэсэн гэнэ. Дүү маань өвдсөн гомдсондоо уйлаад л би гэдэг амьтан сандраад л буцаад 3р эмнэлэгрүү жийж өгвөө 3:30 үед 3р эмнэлэг дээр ирээд хүлээн авахаар нь ороод мэс заслын эмчид үзүүлье гэтэл сувилагч нь иргэний үнэмлэхийн харангуутаа яармаг яв мон мэс гээд эмнэлгийн харъяа хороо байна гээд эмчээ дуудаж өгсөнгүй за тэгээд бид яармагын урд дэнж дээр байдаг эмнэлэгт ирээд хүлээн авах гээд хаалгаар нь орох гэтэл цоожтой тэгсэн хэрнээ гэрэлтэй байхын баахан нүдлээ бид 2 хөлдөхнээ 20-иод мин нүдэв нэг хүн гарч ирвээ юун хүн бэ? Мэс заслын эмчид үзүүлэх гэсийн хажуу талын 2 давхар гээд хаалга хаачихлаа. Бээрч даарсан бид 2 нөгөө эмнэлэгийг чинь бараг бүтэн тойрч байж мон мэсрүү нь оров. Учраа хэллээ залуухан эмч хархүү дүүг маань хэвтүүлж байгаад тэмтэрч гарваа тэгснээ ах нь гарч бай гэдийн нэлээн удлаа тэвчээр барагдаж уур хүрсэн би яаж байна гээд асуусан чинь сувилагч нь бололтой эмэгтэй та түр хүлээж бай эмч үзлэгээ дуусаад уулзах байхаа гэв ашгүй үзлэг нь ч дуусав бололтой ороод ир гэж байна орлоо тэгсэн нөгөө эмч хархүү тэгж байнаа танай дүүд мэс заслын өвчиний шинж тэмдэг алга аа ходоод нь хямарч давхар нойр булчирхай өвдсөн байна өвчин намдаах тариа хийж өгье бас танай хүн манай харъяалал биш 3р эмнэлгийн харъяа хороо байна гэдийн уур хүрээд тэгээд яахын гэсэн харин дотрын эмчийн хяналтад эмчилгээ хийлгээ шинжилгээ өгөөрэй гээд бас нэг бичиг хийж өгөөд 14р төв яв гэдийн би биднийг 14р төв дээр ирхэд өглөөний 6:20 мин болж байв нөгөө өвчин намдаах тариандаа ч тэрүү дүүгийн маань өвдөлт намдаад ахаа харъя наана чинь нөгөө л эмч чинь байгаа одоо бас нэг тийшээ яв гэх байх гээд бид гэрлүүгээ явснаар нэгэн шөнийн адал явдал маань дууссан юм даа хөөрхий эмчид үзүүлэх үнэхээр хэцүү юм билээ.

2012-12-22 | 21:25:52 | 202.126.91.156 |

Мэдээ
Гадаад мэдээ
Видео