Пүрэвийн хүү нутагтаа элэгтэй, буян, нүнжигтэй бэлтэнгүүдийн нэг юм гэх яриа хоёр мянгаад оны эхээр булганыхны дунд тархсан.

Уугуул нутаг усныхандаа барилга байшин барьж өгч гэнэ. “Чухал, чухал үйл явдлыг ивээн тэтгэжээ, овоо доо” хэмээн талархах. Заримдаа тав, арван мянган төгрөгийг баавгайтай чихэр адил уулзаж учирсан хэн нэгэнд өгч явна лээ хэмээх үг ч дуулна. УИХ-д нэр дэвшээд сурталчилгаа хийж явна гэх. Худлаагүй ээ, үнэн. “Манай нутгийн хүн” хэмээн Баян-Агт, Гурванбулагийнхан “булаацалдах” сураг ч гарсан. Аймагтаа улсын төсвийн хөрөнгө оруулалтар барих зарим барилгын гүйцэтгэгчийн эрхийг авч, мөн өөрийнхөө хөрөнгөөөр ч барихаар шавыг нь тавьж ажлаа эхэлсэн барилга байгууламжууд бий. Гэвч... Одоо харин Мэндээгийн барилгын дутуу “сэг”-нүүд гэх үг дуулдах боллоо. Энэ хүн бол “Авзага трейд” компанийх захирал, гавьяат барилгачин П.Мэндбаяр билээ.

ЦАГААН СУВАРГЫН СЭРГЭЭН БОСГОЛТЫН “СЭГ”

Монголдоо төдийгүй азийн ховор түүх соёлын өвийн нэг гэгддэг Цагаан суваргаар булганыхан бахархдаг. Түүнийг сэргээн шинэчилнэ хэмээн аймгийн Засаг даргын үйл ажиллагааны хөтөлбөрт олон жилийн өмнө орсныг нутгийн сүсэгтэн олон дуулаад ихэд баярлацгаасан. Хандив дэмжлэг үзүүлэх хөдөлгөөн ч өрнөсөн. Мэндээ гавьяат бариулах болсон дуулдав. Нэг харахад хуучин үлдэгдлийг нь буулгачихсан байлаа. Тэгээд шинээр суурилан өрж эхэлсэн.

Өнөө жил дуусах болов уу? Хойтон ч баараггүй гүйцээгээд нээлтээ хийх байх хэмээн иргэд сураг тавьж байв. Гурав, дөрвөн жил. Тав, зургаан жил өнгөрлөө. Ажил нэг л ахиж дөхдөггүй. Сүсэгтэн түмэн хүлээсээр, горьдсоор . . . Шинэчлэн сэргээсэн Цагаан суваргадаа сөгдөн мөргөөд гороолох юм сан гэсэн нэлээд настан буурлууд гавьяатынхаа хүлээлгэлтийг тэсэлгүй бурхны оронд одсон. Тэдний хоргодсон сэтгэл диваажингаас одоо ч харуулдсаар байгаа байх. Уг нь жар, далан саяын санхүүжилтээр босгох боломжтой сураг дуулдсан. Улс, аймгаас хэр хэмжээний төсөв гаргасан гэсэн. Олон түмний дэмжлэг ч бий. 2009 оны зун болсон нэгэн уулзалт цуглааны үер гэхэд 40 гаруй сая төгрөгийн хөрөнгө оруулалт, туслалцаа үзүүлэхээ зарим хувь хүн, байгууллага мэдэгдэж байв..

Гэтэл ... Эрч хүч авсан нь бага. Санхүүжилт дутсан юм байх гэлцэнэ. Ард олны хандивын мөнгийг хэн гувчуулчихав гэх хардалт ч ам дамжих болсон. Нутгийн зон олны хүсэн хүлээсэн Цагаан суваргын шинэчлэлийн ажил хагас дутуу “сэг” болсоор ийнхүү олон сар жилийг үдлээ. Мэндээ гавьяат аа, та энэ байтугай том барилга байгууламжийг барьдаг биш бил үү? Нутгийнхан тань таныг сурагласаар байна. “Унасан бөхөд шалтаг мундахгүй” гэдэгчлэн элдэв тайлбар хэлж булхайгаа бусад руу түлхэлгүйгээр “Хойд хормойгоо авч урд хормойгоо нөхөж” байгаад ч болов дуусгах сан даа.

ОДТОЙ БУУДЛЫН “СЭГ”

Булган хотын төв хэсэгт ханхар том хашаатай таван давхар бололтой дутуу барилга олон жил “унтлаа”. Түүнийг Мэндээгийн барилгын “сэг” гэнэ. Олон нийтийн хөдөлмөрөөр бий болгосон “мянган модны цэцэрлэг”-ээ хамгаалан барилга бариулахгүй гэсэн зарим иргэдийн эсэргүүцэл гарч уриа лоозон хадан хэрдээ л их.шуугиан болсон. Аймаг, сумын удирдлага тэдний төлөөллийг хүлээн авч орон нутгийн хөгжилд тустай, гадна дотны зочид төлөөлөгч хүлээн авах, томоохон уулзалт ярилцлага хийх боломж бий болгоно хэмээн тайлбарлан учирласны дүнд хэл ам намжсан. Тэгээд ажил эхэлсэн. Анх хурдтай, эрчтэй явж байлаа.

Тухайн үедээ олон уншигчтай байсан нэгэн сонинд нийтлүүлсэн томоохон сурвалжлагад гавьяат барилгачин П.Мэндбаяр, олон зочин хүлээн авч үйчилдэг хэд хэдэн одтой зочид буудал төрөлх аймагтаа барьж байгаа хэмээн ярьсан байсныг хэн хүнгүй л олж уншаад баярлаж байлаа. Нэг онцлог нь өөрийнхөө хөрөнгө, санхүүжилтээр сайхан үйлс хийх нь хэмээн иргэд талархаж байсан. Аймгийн 70 жилийн ойг 2008 онд хийхэд зочид төлөөлөгчдөө сүрлэг өндөр тохилог сайхан, тавлага тухтай зочид буудалд,тосон авч соёл урлагийн саруул сайхан танхимд нь хүлээн авалт, уулзалт ярилцлага зэрэг арга хэмжээ зохион байгуулна хэмээн аймгийн удирдлагуудын хүсч мөрөөдөж байсан талаар өнгөрч чухам л “Их санасан газар есөн шөнө хоосон хонов” гэгчийн үлгэр болсон. Хувийн хөрөнгийн санхүүжилттэй болохоор хэлж ярихаас өөр аргагүйдсээр өдөр хоног өнгөрөөж ирлээ.

Эхнийхээ эрчээр шамдуухан барьчихсан бол Булган хот нэгэн том сайхан барилгаар өнгө зүсээ засч, гадаад дотоодын хүндтэй зочин гийчнээ хүлээн авахад аймгийн удирдлагууд сэтгэл амар болж, Мэндээ гавьяатынхан ч зарцуулсан хөрөнгийнхөө “шарх”-ыг ажил үйлчилгээний үнэ тарифаар нөхчихөөд ашиг орлогоо арвижуулаад явж байх байв. Чоно нохой, хэрээ шувуунд хэмлүүлсэн малын араг яс, сэг зэм шиг энэ барилгаа хэзээ дуусгах бол хэмээн иргэд хүсэн хүлээсээр байна.

ХҮНДТЭЙ ӨНДӨРЛӨГИЙН ДУТУУ “СЭГ”

Булган хотынхны хүндэтгэл болсон бунхант толгой дээр нэгэн сэргэр зүйл харагдах болсоор хэдэн жил өнгөрөв. Мөн л иргэд Мэндээгийн барилгын “сэг” гэлцдэг. Уг нь нэр хүндтэй, Булганчуудын бахархал болохуйц бүтээн байгуулалтын эхлэл тавьсан. Гавьяат барилгачин маань уугуул нутгийнхаа анхдагч алдартнуудын хүндэтгэлд зориулан тэрхүү бүтээн байгуулалтыг өөрийн хөрөнгөөр барьж байгуулах болсонд аймгийн удирдлагууд ч, ард иргэд ч ихэд баярласан.

Тийнхүү алдартнуудын дурсгалын хөшөөт өндөрлөгтэй болсноор төрөлх нутгийнхандаа төдийгүй монгол түмэндээ дээдлэгдсэн хүмүүсээрээ бахархан. Алдаршуулж гадаад, дотоодын зочдод сонирхуулж байх боломж булганчуудад бүрдэх юм. Шаваа тавьж нээлтээ хийхдээ ямар агуулгатай, хэчнээн өртөг зардалтай хэдий хэмжээний бүтээн байгуулалтыг сэдэж санаачилснаа дэлгэрэнгүй хэлсэн. Гол багана нь гэхэд дөрвөн давхар байшинтай дүйцэхээр өндөртэй, хүндэтгэлийн хананд нь эх орныхоо тусгаар тогтнол, эрх чөлөөний төлөө тэмцэл, энх цагийн бүтээн байгуулалт, мал аж ахуй, газар тариалан, дэд бүтэц, нийгмийн салбарынхныг түүчээлэн улсын болон хөдөлмөрийн баатар, сансрын нисгэгч, олимпийн аварга, ардын ба гавьяат цол хүртсэн, урлаг спортын од болсон анхдагч алдартнуудын нэрийг жагсаан бичсэн байна гэдгийг тайлбарласан. Тэр бүхнийг дуулсан иргэд ч талархал дэвшүүлэн баяр хүргэж байлаа.

Харин эхэлсэн нь эрчимжилгүй, хэлсэн нь хэрэгжилгүй өнөө хүрэв. “Молигодсон” гэхэд ч хаашаа юм. Булганыхан гавьяат Мэндээгийнхээ буянаар нийслэлийн Зайсан толгой дахь шиг хөшөө, өндөрлөгтэй болох өдрийг тэсч ядан хүлээсээр.

ОЛОН ЖИЛ ХҮЛЭЭЛГЭСЭН ОРДНЫ ГАЧЛАН

Аймгийн төвд улсын төсөв болон өөрийн хөрөнгөөр гавьяат барилгачин П.Мэндбаярын барьж эхэлсэн барилга бүхэн нь энэ мэтээр олон он жил дамжин “дунших” явдал гэм биш зан буюу зуршил болсон гэхэд хэн ч маргахгүй. Тэдгээрээс ашиглалтад орсон нь аймгийн спортын ордон юм. Суурийг нь анх 2007 онд тавьсан энэ барилга дөнгөж 2011 оны сүүлчээр дуусахчаан болов. Нээлтэд нь нийт сумынхаа удирдлага, тамирчдын төлөөллийг оролцуулан бөхийн барилдаан, уралдаан тэмцээн, үзүүлбэртэйгээр өргөн хэмжээнд баяртай хүлээн авцгаасан.

Энэ ордон нь олон арван хүний суудалтай, уралдаан тэмцээний том талбайтай, сургууль дасгалын өрөө тасалгаануудтай, орчин цагийн хийц загвараар барьсан байна. Эхлээд 690 сая гаруй төгрөгийн төсөвт багтах байсан гэдэг. Цаг хугацаанд нь гүйцэтгээгүйн уршгаар жил тутам материалын үнэ өсөх бүр санхүүжилт нь дутаж ахин дахин нэмж гаргасаар 1.5 тэрбум орчим төгрөгт хүрсэн бололтой. Гавьяат маань төсөвт өртгийг ингэж өсгөн нэмэлт санхүүжилт авч амташсан биш байлтай.

Арай хэмээн дуусган тууз хайчилж үүдээ нээсэн цагаас эхлээд л муу нэр дуулж он удаан жилээр хүлээлгэсэн энэ ордны гачланг зарим хүний амнаас сонсох боллоо. Нээлтэд оролцогчид баярлаж очоод даарч жиндсээр сэтгэл дундуурхан тарцгаасан. Өвөл нь хүйтэн, зун нь дусаал гоождог. Бороо орохоор адуу мал үргэмээр дуу чимээтэй. Дотор нь өсгөгчөөр дамжуулж байгаа яриа гадаа яваа хүнд тодхон дуулддаг гээд өөлөх муулах үг байнга сонсогдоно. Сайн галлаж дулаан өгдөг ч түүнийг нь дээврээрээ ихээхэн алддагаас халаалтад сар бүр арваад сая төгрөг “залгиулдаг” хэрнээ хуучин байшиндаа зарим, ажилтан нь байрлаж ихэнх дугуйлан секцээ тэнд явуулж байна. Иргэд хүйтний улиралд спортын ордонд уралдаан тэмцээн үзэх, урлаг соёлын арга хэмжээнд оролцох болохоор яаж очно доо хэмээн зүрхшээнэ. Булганыхан нутгийн уугуул, гавьяат барилгачныхаа барьсан энэхүү шинэ барилгыг “Гаднаа гяланцаг, дотроо паланцаг” гэх болсны учир энэ.

“Авзага”-ын Мэндээгийн барилгын “сэг”-үүд
Tweet
Bolod.mn

Сэтгэгдэл (17)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
AVZAGA TEREIDIIN ZAHIRAL MENDBAYAR TANAA HUNII HODOLMORIIG UNELEJ SUR naiz nartaigaa uuj ideh bolo***** baruun zuungui tsatsdag gej yaridag yum baina bilee ajilchdiinhaa ---TSALINGAA ---tavichiaachee

2017-03-15 | 23:10:54 | 218.234.178.55 |

Зочин
Ху********с ээ худлаа битгий ********лж бай. Байранд нь амьдраад л узээгэй . Их дулаан их сайн. Ингэж амьдарч байгаа ху********с л ойлгоно. Ажил хийж бгаа ху********сээ магтаж суръяааа

2015-09-07 | 09:35:25 | 76.16.174.6 |

Зочин
энэ хүн доромжлоод байгаа хүмүүс ер нь нийгэмд юу хийж бүтээсэн хүмүүс бэ хэцүү дээ. ер нь бол монгол улсад идэвхиэй үйл ажиллагаа явуулж байгаа том жижиг 50 орчим бүртгэлтэй барилгын компани байна. тэрнээс үндэсний гэсэн тодотголтой, 100 хувь монгол хөрөнгө оруулалттай, ажилчидтай барилгын компани гарын 10 хуруунд хүрэхгүй байх. тэр дотороо чанартай нь тун ховор. барилга барьж байгаа газар нь жоохон маргаантай гэж сонсож байсанаас барьчихсан барилга нь хэзээ ч хэл ам, араасаа чанар муу гэсэн асуудал дагуулж байгаагүй юм шүү. монголчууд ийм л хүний мууг үзэх гэсэн дээшээ гарсанаа доош нь татаж тамын тогооны боолын сэтгэлгээтэй болохоороо төдийгөөс өдийг хүртэл хөгждөггүй ялзарч, мөхөж дуусаж байгаа юм даа.

2015-07-07 | 23:43:22 | 72.46.139.244 |

Зочин
Авзага треид шиг чанартай барилгийн компани ховор шуу

2015-07-07 | 23:34:16 | 72.46.139.242 |

Зочин
ху********с ум хийдэг хунээ ********лдаг шуудээ булган аймгаас авзага дэвжээ олон сайхан бохчыыд гарч байсан олипийн аврага гээд сэтгэл сайтай з********уу шуу сонгуулд ялсан луувардуулчихсан манай аймаг сан********а сайн огсон

2014-12-02 | 08:12:01 | 202.179.23.244 |

Зочин
Тэр тэнэг Мэндбаярийг сонговол ч хэцүү л юм болно,Сонгуульд ялна гээд ********ан мөнгө цацаад тэрэндээ ********ан шатсан юм байхаа ********ийг хүмүүс мэднэ ш дээ юу гэж сонго******** дээ авилга өгч байж т******** дутуу босгосон хэдэн барилгаа л аятайхан дуусгав******** барав бишүү мэндээ гуай

2014-03-30 | 11:54:23 | 103.26.194.12 |

Зочин
Хамгийн тэнэг ямар ч хууль эрх зүйн чадамжгүй хэдэн арчаагүй юмнуудын байдаг газар ш дээ,Захир******** нь оффисийн хэдэн ажилчид нь гэж өөртэй нь таарсан хэдэн тэнэг юмнууд ажилладаг байхгүй юу Захир******** нь өрөөндөө ********тан аяганд архи уугаад өөрийгөө рекламдаад суухаас өөр юу ч мэдэхгүй,Компани нь ямар ч төлөвлөгөө маркетинг байхгүй болохоор захир******** нь хэдэн төгрөгөөр л ажлаа хүчээр явуулдаг байхгүй юу Авзага шиг нэг барилгыг 10-20 жил барьдаг компани гэж байхгүй байхаа,Үндэсний үйлдвэрлэлээ дэмжинэ гэж хэдэн ядарсан хүмүүсийг ажиллуулаад хамаг ажлаа хийлгэж байгаад х********аад хаячихна,Тэгээд бас монгол ажилчид авдаг гээд байгаа шүү

2014-03-30 | 11:50:51 | 103.26.194.3 |

Зочин
ХЭ ХЭ МАНАЙХ ЗӨВХӨН БУЛГАНЫХНЫГ АЖИЛД АВДАГ ГЭЖ ХУЦАЖ ДУРГҮЙ ХҮРГЭСЭН.НУТАГ РУУГАА ЗАЙЛАА ТЭГЭЭД УЛААНБААТАРТ ХОРГОДООД.

2013-02-25 | 15:38:37 | 122.201.18.2 |

Зочин
Авзага трейдийн гэх 2 орон сууцны барилгын суурь БЗД-ийн 16-р хорооны 72-р хотхоны хашаанд 10 гаруй жил хэвтэж, хамаг газрыг хууль бусаар авчихаад том хашаа барьж явган хүний замыг таглаж хотхоны оршин суугчдыг олон жил хохироож байна. Нийслэл энэ газрыг мэдэлдээ авахыг хүсье

2013-02-14 | 22:47:19 | 182.160.15.167 |

Зочин
рэйтэнг рэнтгээн 2 оо ялгахгуй яж ч болох вэ дээ.ххэхэхэхэ

2013-02-14 | 15:04:33 | 203.91.117.4 |

Зочин
сонгуулид ялагдчаад сонгуулийнхаа мэнэжэрт ,,алив чиний таний рэнтгээн /рэйтэнг/ их байна гээд байсан алив тэр рэнтгээн чини гээд уурлаад 7 хоног архи уусан гэсэн кккккккк

2013-02-14 | 15:03:01 | 203.91.117.4 |

Зочин
Булганыхан будлиантай гэдэг үг л толгойд орж ирж байна даа. Мэндбаяр гэдэг нөхөр ямар дүүрчихсэн толгойтой амьтан бэ? ичих нүүрэндээ илэг наана гэдэг л болсон амьтан байна даа.

2013-02-14 | 14:13:14 | 202.179.31.242 |

Мэдээ
Гадаад мэдээ
Видео