Ц.Элбэгдоржийг битүүхэн айдаст автуулж байгаа нь нууц биш. Улстөрийн энэ хоёр хүчин эвсэх эсэх нь хөндлөнгийн хэн нэгэнд хамаагүй ч Ц.Элбэгдоржид бол туйлын хамааралтай болж таарна. Түүний хамгийн том айдас бол энэ байхаас хаа зайлахав. Тэгвэл эл айдас нь эцэстээ Хөшөөтийн уурхайн хэргийг босгоход хүрэв. Ерөнхийлөгчийн сонгууль хаалга тогшиж, амьсгал нь давчуухан байгаа Ц.Элбэгдорж юутай ч Хөшөөтийн уурхайд хувь эзэмшдэг У.Барсболдыг шалгуулах тухай мэдээллийг түүнд дуулгасан сурагтай. Ийнхүү Ерөнхийлөгчөөр толгойлуулсан Ховдын фракц МАХН дотор бий болов. У.Барсболдын хувьд “дээлээ нөмрөхгүй” байх бүхий л арга замыг хайн, эцэстээ Ерөнхийлөгчийн хүсэлтийг биелүүлж, түүний фракцад нэгдэхээс өөр аргагүй болжээ. Хүсэлт нь нэг талаараа тун гайгүй, ерөөсөө МАХН-ыг аль нэг улстөрийн хүчинтэй нэгдүүлэхгүй байх нь л чухал аж. Нэг талдаа амархан ажил хэдий ч хувь улстөрчийн үүднээсээ бол намаа хорлож байгаа хэрэг юм уу даа. Тиймээс Ерөнхийлөгчийн хүсэлтийг биелүүлэхийн тулд намын гишүүдээ өөрийн талд татахаас эхлээд багагүй ажил бий. Тэгэхээр юуны өмнө У.Барсболд өөрийн садан төрөл МАХН-ын нарийн бичгийн дарга П.Хангайгаар дамжуулж, энэ ажлаа хийж эхлэв.

Үнэндээ Ц.Элбэгдоржийн хүсэлтийг биелүүлэхгүй бол “дээлээ нөмрөх”-өөс өөр аргагүй юм билээ. Цухас дурдвал У.Барсболд Байгаль орчны сайд байхдаа өөрийн садан төрийн түшээтэй хамтран Хөшөөтийн уурхайд эзэн суух алхмаа тавьжээ. Улмаар 87 сая тоннын нөөцтэй орд газрыг хятадуудтай нийлэн Хонгонкийн бирж дээр 4.2 тэрбум тоннын нөөцтэй хэмээн зарлуулж, 4.8 тэрбум долларын хөрөнгө босгосон гэдэг. Гэхдээ үүний үнэлгээг танилынхаа компаниар хуурамчаар бүрдүүлж, хятадуудтай хуйвалдсан баримт нь хэвлэлээр нэг бий. Уг нь 1979 онд хуучнаар ЗХУ, манай улсын хөрөнгөөр хайгуул хийж тогтоохдоо манайх 87 сая тонн, ЗХУ 200 сая тоннын нөөцтэй хэмээн тогтоож байсан юм билээ. Нөөцийн хувьд Монголдоо айргийн тавд багтах Хөшөөтийн уурхайг хятадуудын мэдэлд 100 хувь өгчихсөн гэх мэдээлэл ч цацагдаж байсан учраас тэр яах аргагүй байдалд орсон нь үнэн. Тэр ч бүү хэл Хөшөөтийн орд газрыг стратегийн ач холдбогдолтой ордын тоонд бүртгэх ёстой ч У.Барсболд нар хувийн ашиг сонирхлын үүднээс бүртгүүлээгүй гэсэн хэрэг ч хамт сөхөгдөж магадгүй юм билээ. Тухайн үед У.Барсболд “Хөшөөтөөс хөгжил эхэлнэ” хэмээн сонин хэвлэлээр пиар цацуулж, Ховдын хязгаарт сэтгүүлчдийг хүртэл урьж байлаа. Өөрөөр хэлбэл, хятадуудтай нийлэн Хонгонкийн бирж дээрээс босгосон мөнгөөрөө ийнхүү дураараа дургиж байсан хэрэг. Энэ үед Хөшөөт дан Хятадын мэдлийнх биш болсон, манай улстай байгуулсан гэрээний дагуу “Мон Эн Ко” компани ажиллаж байгаа мэтээр ч бичүүлж байв.

Тухайн үед “Мон Эн Ко” компани Ховд аймгийн ойн баярт 200 сая төгрөг хандивласан гээд л хөл болж байсан даа. Үнэн байдал бол “Мон Эн Ко” компани нь Хонконгт байрладаг “Монголиан Энержи Корпорэйшн” олон улсын хөрөнгө оруулалттай компанийн Монгол Улсад үйл ажиллагаа явуулах зорилгоор байгуулсан охин компани. У.Барсболд “Мон Эн Ко”-д монголчуудын төлөөлөл бий хэмээн нэгэн цагт хэлж байсан ч Удирдах зөвлөлд нь АНУ, Хонгконгийн иргэд байдаг аж. Хувьцаа эзэмшигчдийнх нь дотор монгол иргэд байдаггүй гэнэ. Эзэн нь БНХАУ-ын иргэн Лю Чэнг Лин гэгч. Энэ хүн эх газрын Хятад буюу жинхэнэ дундад үндэстэн гэнэ. Эх орондоо авлигын хэрэгт холбогдон цаазаар авахуулах ялаар шийтгүүлж, нэрээ өөрчлөн ялаас мултарсан гэж олон улсад шуугиж байсан гээд яривал тун олон асуудалтай нөхөр аж. Энэ мэтээр хэрэг сөхөгдөөд шалгагдаад эхэлбэл, маш том зүйл гарч ирэх учраас тэрбээр яах аргагүй Ц.Элбэгдоржийн үгийг чимээгүй дагахаас өөр аргагүй. Ийнхүү Хөшөөтийн уурхайн хэрэг дэгдээд ирэхээр У.Барсболд дахин танилынхаа компаниар үнэлгээ хийлгэж, Хонгонкийн бирж дээр үнэлүүлсэн 4.2 тэрбум нөөц хэд дахин багсч 301 сая тонн болсон. Бүр монголчуудын тогтоосон үнэн нөөц ч алга болсон.

Ингээд хэдэн янзаар худлаа нөөцөө тогтоолгосон Хөшөөтийн уурхайн хэрэг босч, нөөцийн хэмжээг нуун дарагдуулсан хэрэгт мөн давхар холбогдоод ирэхээр У.Барсболд би Монголын талд ашигтай байлгах үүднээс хятадуудад худлаа хэлсэн юм гэх зэргээр аргалж байсныг уншигч олон санаж байгаа байх. Ийнхүү айдастай суусан Ц.Элбэгдорж У.Барсболдыг айлгахаар шийдсэн нь нүдээ олж байгаа бололтой. Тиймээс У.Барсболд МАХН дотор үймээн дэгдээж, угшил нэгт намтайгаа Ерөнхийлөгчийн сонгуульд дөрөө харшуулахгүй байх үүднээс бүхий л арга хэмжээг авч эхлэв. Өөрийн үеэл дүү П.Хангайгаар /П.Хангай нь Монгол банкны Ерөнхийлөгч асан Л.Пүрэвдоржийн хүү юм/ дамжуулж нам дотроо нэгэн фракц байгуулаад байгаа нь Ховдын буюу Ц.Элбэгдоржид үйлчлэх фракц болчихож байгаа юм. Түүнчлэн У.Барсболд Ц.Элбэгдорж зөвхөн Хөшөөтийн хэргийг сөхөөд ч зогсохгүй, Засгийн газраас МАХН-ыг гаргах төлөвлөгөө ч боловсруулж суугаа тухай худал шуугиан дэгдээжээ. Үүний учир нь насны эцэст сайдын суудалд морилсон Н.Удвалд хаягласан бололтой юм. Нөгөө талд сайдын суудалд нам бүү хэл аминаасаа илүү хайртай нөхдүүдэд ч хаягласан нь илт. Тиймээс Н.Удвал сайд суудалтайгаа зууралдаж дараагийн Засгийн газрын нүүр үзэхийн тулд У.Барсболдын фракцад нэгдэн, намаа хэн нэгэнтэй эвсүүлэхгүй байхыг зорьж байгаа юм байх. Н.Удвалын хувьд тэтгэвэртээ суусан, ганц олдсон боломжоо алдахгүйн төлөө л явна гэдгийг цаадуул нь ч тооцоолсон хэрэг Зөвхөн Н.Удвал ч төдийгүй улстөрийн карьер нь дууссан нөхдүүд үлдсэн цөөн насаа Засгийн газрын бөөрөнд өнгөрөөчих хүсэл байлгүй л яахав.

Энэхүү бужигнааныг Ерөнхийлөгч Ц.Элбэгдорж чих тавин чагнаж суугаа. Саяхан Ховд аймгийн Засаг дарга Д.Цэвээнравдан Хөшөөтийн уурхайн талаар дэлгэрэнгүй ярилцлага өгсөн нь ч үүнтэй уялдаатай байхаас хаа зайлахав. Д.Цэвээнравдан дарга ярихдаа “Хардах эрхийн дагуу аваад үзвэл тухайн үеийн Байгаль орчны сайд асан У.Барсболд хувь эзэмшдэг гэх юм билээ. Хувь эзэмшигчид нь хувьцаагаа зараад гараад явсан ч гэж ярьдаг. “Овоо босгоогүй бол шаазгай юунд суух вэ” гэсэн үгтэй юм. Мэдээж янз бүрийн асуудал байдаг болохоор тийм яриа гарах нь тодорхой. Ер нь Хөшөөтийн уурхайд маш их будилаан бий, шалгаж тодруулах хэрэгтэй байх” хэмээн У.Барсболдод дохио өгсөн учраас түүний нам доторхи фракцаа зузаатгах ажил улам эрчимжиж байгаа аж. Мэдээжийн хэрэг тэрбээр ахин аавынд морилохыг хүсэхгүй. Мөн Д.Цэвээнравдан “Ордыг Хонгконкийн хөрөнгийн бирж дээр зараад 90 гаруй хувь нь Хятадын мэдэлд оччихсон. Вэб сайтаар нь ороод үзвэл тодорхой байгаа. Улсын төсвөөс хайгуул хийж, нөөцийг нь тогтоосон учир хуулиар Хя- тадын мэдэлд 100 хувь очих ёсгүй. Тэгэхээр өнөөдрийг хүртэл хууль зөрчсөн ажиллагаа явагдаж байгаа нь тодорхой юм. Үүнийг Хятадын мэдэлд 100 хувь өгсөн хүнийг олж тодруулах хэрэгтэй. Олоод ч юу байхав. Арга хэмжээ авах хэрэгтэй” хэмээн У.Барсболдыг жинхэнэ утгаар нь салгануулсан байх юм. Ийнхүү Ц.Элбэгдорж болон хүчнийхэн орон нутгийн удирдлагаар ч дохио өгүүлж, бүхий л чадлаараа У.Барсболдыг шахаж байгаа гэнэ. Гол нь түүний нэр нөлөөллийг МАХН дотор ашиглаж, тус намыг улстөрийн аль нэг хүчинтэй хүч хавсруулахгүй байх л үүрэгтэй юм. Энэ нь гэхдээ нэг удаагийн л ялаас мултрах арга шүү дээ. Түүнээс биш Ц.Элбэгдорж мөнхийн Ерөнхийлөгчийнхөө суудалд суугаа ч бил үү. Өөр хэн нэгэн төрийн толгойд гарч гэмээнэ үүнийг шалгах л болно. “Хэрэг мянган жил болсон ч хуучирдаггүй, хэрээ мянган жил болсон ч бууралтдаггүй” гээ биз дээ. Тэр тусмаа ийм том орд газрын хэрэг хэзээ нэгэн цагт босч л таарна. Одоохондоо л Ц.Элбэгдорж У.Барсболдыг Хөшөөтөөр барьцаалж байгаа болохоос биш Ерөнхийлөгчийн сонгуулийн дараа байдал хаашаа ч эргэж болох юм.

С.Ууганбаяр

Эх сурвалж. Үнэн.мн

Ц.Элбэгдорж У.Барсболдыг Хөшөөтөөр барьцаалж, улс төрийн зорилгодоо ашиглаж эхэлсэн үү?
Tweet
Bolod.mn

Сэтгэгдэл (14)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Ховд нилээн олон хужаамай газар даа тууний нэг н энэ хужаа Барсбклд

2013-03-11 | 13:11:41 | 49.0.190.52 |

Зочин
БАРС БОЛД.Г хийх гэж бгаад еронхийлогчийг хийгээд бгаан бишуу сонгуул,ь ч эхлэж дээ .

2013-03-10 | 21:33:37 | 49.0.159.251 |

Зочин
энэ пнгпрспн барсбплдоор оролдоод бхийн . батболд . баярсайхан .хурэлсүх гээд л асар олон холжисон одоо тсухтаагаад монгол бхфгуй бгаа хийсэн уйлээ мэдэж бгаа гаруудийг олж шалгаач . энийг чинэ шалгатсан гээд л бичитсэн бн шд

2013-03-10 | 21:26:21 | 49.0.159.251 |

Зочин
Бэрс болон том боднуудаа нээлт-д даруулчихсан хүн одоо ямар нүүдэл хийх бол оо? сонирхолтой шатар болох байх өө. Хүний хэлснээр л бөндөгнөх л байх даа. Шунал ноён хөшөөт бэрстэйгээ эрх мэдэл морины ацан шалаанд орчихон болохоор хэцүүдэнэ дээ хөөрхий.

2013-03-10 | 18:51:23 | 203.194.115.115 |

Зочин
ХОВДЫН ХУЖАА БОГД УУЛЫГ БАС ЗАРСАН.ХАМГИЙН ТҮРҮҮН ДЭЭЛЭЭ НӨМРӨХ ХҮМҮҮСИЙН НЭГ.

2013-03-09 | 11:22:01 | 122.201.18.249 |

Зочин
Луйварчин нь худал уу, Хөшөөтийг урд зүгийн авга нартаа өгсөн нь худал уу, Горхи тэрэлж Богд уулын газрыг хуугаар нь авилгалаар өгсөн худал уу, Зайсанд одоо баригдаж байгаа Эм си эсийн гэх өндөр байшингийн газрыг Хангал Барсболд 2 зарсан нь худал уу, Аргалын үнийг 80 мянган доллар болгож ашигийн төлөө аьтан болгож, самрын нууц бизнесийг хөгжүүлсэн нь худал уу, байгаль орчны үнэлгээг ангийн найзаараа дамжуулан мөнгө хийж завааруулсан худал уу. МАХН-ыг нангиад гаралтай ах дүүс хулгайчуудаар дүүргэн улс төрийн сүүлчин хоргодох саравч болгон нэрийг нь хорлож байгаа нь худал уу. Хэрэг 1000 жил болсон хуучрахгүй хэрээ 1000 жил болсонч бууралтахгүй гэж юутай үнэн бэ 2013-03-09 09:00:57

2013-03-09 | 11:20:19 | 122.201.18.233 |

Зочин
Комунист аргаар бичсэн байна Худал хуурмагаар дүүрэн

2013-03-09 | 09:31:27 | 188.195.120.148 |

Зочин
Мөнхбат найруулаад зохион байгуулаад байна, за яахав ингэж л байг

2013-03-08 | 21:36:39 | 203.194.114.222 |

Зочин
Хэн нэг хүн хүний нэр төрийг сэвтээж чаддаггүй юм. Хүнийг нэр төрийг тэр өөрөө л сэвтээдэг юм. Чи мөн богинохон бодолтой, ахархан санаатай амьтан гэх үүдээ.

2013-03-08 | 10:53:53 | 203.194.114.44 |

Зочин
Энэ хоёр нэг нутгийн найзууд тул бие биенээ дарамталмааргүй юм. Я ахав бичиж л байг л д ээ Юунд нь эмзэглээд байгаа юм.

2013-03-08 | 10:51:48 | 203.194.114.44 |

Зочин
Болод .мн д 12 цаг гэхэд энэ нийтлэлээ авахгуй бол бид хуулийн байгууллагад гомдол гаргах болно 96650014 утсаар холбогдож тайлбар хийж болно

2013-03-08 | 09:54:16 | 202.70.46.202 |

Зочин
шал худлаа юм зохиож бичих хэрэг бна уу?хүн үнэмших уу?ууганбаяр гуай!

2013-03-08 | 00:05:11 | 31.209.228.24 |

Зочин
ЭНЭ МЭДЭЭЛЭЛ НЬ ҮНДЭСЛЭЛГҮЙ, ХҮНИЙ НЭР ТӨРД ХАЛДСАН АГУУЛГАТАЙ БАЙГАА БӨГӨӨД ЭНЭХҮҮ ХУДАЛ МЭДЭЭЛЛИЙГ ҮНЭН.МН САЙТААС ХУУЛБАРЛАН ТАВЬСНАА АВАХЫГ ТАНАЙ САЙТЭД АНХААРУУЛЖ БАЙНА.

2013-03-07 | 23:33:27 | 49.0.160.165 |

Мэдээ
Гадаад мэдээ
Видео