түүний зам мөр доройтож, ам ажил нь зөрөөд удаж байгаа. Харах дүр нь гэмгүй, хууль ярьж дүрэмдэж, салбарыг салам шинэчилнэ хэмээн шилэмдээд байгаа сайд сэнтийдээ заларснаасаа хойшхи намар, өвлийн хоёр улирлыг Энхбаярыг ангуучлах, амьсгааг нь тоолох, амнаас нь гарах хийг нь анах зэрэг гүйцэтгэх ажилд хамаг анхаарлаа хандуулаад завгүй байх хойгуур нь салбар нь шалдаа унаж шинэчлэл нэртэй сэлгээний гор гарч, иргэдийн голыг харлуулсан баримт олныг цочирдуулав.

“Дижитал” хамтлагийн ахлагч Ш.Батбаяр буюу Баавар нь хар тамхины хэргээр шалгагдаж, Цагдан хорих 461 дүгээр ангид хоригдож байхдаа түлэгдэж амь тавих дөхөв. Нөгөө Энхбаярт өтний ялаа шиг шаваад байдаг олон харгалзагч, харуул манаа хаачив. Бас хоёр нүүр гаргаж хатуурхаад хавь ойрд нь хэн ч байсангүй гэнээ. Нөгөө 10 тэрбумаар бариад байсан Монголдоо дижитал шоронгийн ид шид хаачив. Хэрэгтэн, сэжигтэн, ялтан төдийгүй энд ажиллагсдыг ч өөрцгүй гэмт хэргээс урьдчилан сэргийлэх, хоригдлын дэглэм, харуул хамгаалалтыг зохих нөхцөлд байлгахыг хуульчилсан байдаг. НҮБ-аас 1955 онд батлан гаргасан ‘’Хоригдлуудтай харьцах наад захын жишиг дүрэм’’ ч бий. ШШБЕГ нь хууль дээдлэх, хүний эрх, эрх чөлөө, хууль ёсны эрх ашгийг хүндэтгэх, ялтны эрхийг зөвхөн хуульд зааснаар хязгарлах учиртай. Энэ нь Монгол улсын Үндсэн хуулийн 16 дугаар зүйлийн нийтлэг агуулгад тусгагдсан байдаг.

Хамгийн чухал зарчим бол хүний бие, махбодийг тарчлаах буюу гутаан доромжилж яавч болохгүй. Ялтан ч бай, сэжигтэн ч бай заавал аливаа аюул эрсдлээс урьдчилан хамгаалагдсан байх шаардлагатай . Энэ нь ардчилсан, хүнлэг энэрэнгүй нийгмийн зарчим. ШШБЕГ-ын ажилтнууд зөвхөн хуульд заасан эрхийн хязгаарлалтын хүрээнд хоригдогсдод шаардлага тавих, энэ зорилгод нийцүүлэн ажиллахын тулд хамаг л мэдлэг чадвар, тэвчээрээ дайчлах хэрэг гардаг. Тэгвэл хэрэг явдлын цаана юу өрнөв гэдгийг цаг хугацааны хувьд жаахан урагшлуулаад онгичоод үзье.

Өнгөрсөн оны намар буюу 9 дүгээр сард Мааньтын чанга дэглэмтэй 415 дугаар хорих ангиас 3 хоригдол оргон зайлсан хэрэг мандсан. Мэдээж, сонор сэрэмж, сахилга хариуцлага алдсаныхаа төлөө тус хорих ангийн даргад хариуцлага тооцов. Тэр хүн бол цолоо бууруулан сахилгын шийтгэл хүлээлгэх хэргийн эзэн хэнгэрэгийн дохиур нь Ц.Очгэрэл байв. Цол буурсан хүн толгой гудгар, хариуцлагаа ухамсарлаад явах ёстой. Гэтэл харин ч толгойг нь илж, бүр урамшуулан дэмжүүлж, Цагдан хорих 461 дүгээр ангийн даргаар түүнийг томилсон байна. АН-ынхан уг нь маш сайхан үлгэр яридаг боловч ар хударгаар юу ч хийж мэдэх дамшигнууд . Арга хэмжээ авахуулаагүй хүн олдоогүй л юм байх даа гэж ам асуугаад ч нэмэргүй. Гэм биш зан гэнэт биш хууч хойно. Тэнэг хүмүүстэй тэрсэлдэх хэрэггүй гэсэн үгтэй, угаасаа. Шинэхэн даргад ШШБЕГ-ын дарга Д.Ядамдоржоор цолыг нь эргүүлэн буцаан олгосугай гэсэн шийдвэр саяхан гаргуулсан гэдэг. Харин түүнийг гэсгээх гэсэн шиг цолоо бууруулчихаад ердөө 6 сарын дараа дахин энэхүү Бааварын хэргийг мандаажээ.

Ц.Очгэрэлийг томилохын өмнө тус 461 дүгээр ангийн даргаар хурандаа Амардорж ажиллаж байсан. Удалгүй тэрбээр ШШБЕГ-ын Тогтоол гүйцэтгэх газрын даргаар дэвшээд явсан гэж байгаа. Авсан алба нь бүх шоронгуудыг захирах албан тушаал. Гэтэл тус 461 ангид удаа дараа гараад байгаа ноцтой хэргүүдийн улбаа нь мань нөхөртэй салшгүй холбоотой. Учир нь хэдхэн хоногийн өмнө Х.Тэмүүжин сайд хэвлэлээр мэдэгдэхдээ, МИАТ-ийн хэргээр шалгагдаж байгаа сэжигтнүүд хоорондоо утсаар ярьж, хэрэг хэрэг биш болох нөхцөл үүсэх нь ээ хэмээн халаглаж байсан. Гэтэл хууль зөрчсөн олон үйл явдал энэ хорих анги дээр шил шилээ даран гарах болсон нь буруутанг хаанаас ч хайх хэрэггүй ээ. Албат тарна гэж дарга тавьдаг, адуу тарна гэж азарга тавьдаг гээ биз дээ. Яагаад ийм хариуцлаггүй хүнийг дээш нь дэвшүүлэн ажиллуулах болов гээд олон асуулт хариултаа нэхэж байна. Энэ нь Х. Тэмүүжин сайдын хийж байгаа ‘’шинэчлэл’’-ийн захын загвар жишээ.

Өмнө хэд хэдэн ялтанг оргуулж асан хүнтэй шоронгийн хэм хэмжээ хариуцлагыг тухай юу ч ярих билээ. Хэдийгээр хорих байгууллагын албан тушаалтан, хоригдогсдын эрх зүйн хэм хэмжээ, тэнцвэрийн хувьд илэрхий зөрүүтэй байдаг ч энэ заагийг зөв ойлгож, амьдралд хэрэгжүүлэхэд байгууллагын удирдлагаас ихээхэн хамааралтай. Аливаа зүйл хэм хэмжээ алдагдаад эхлэхээр Бааварт тохиолдсон шиг ноцтой явдлууд давтагдсаар л байх болно. Төрийн албадлагаар хүч хэрэглэн хоригдсон хүн түүнийг бүх насаар нь хамгаалж, амь насыг нь хариуцах газарт ирүүлчихээд яагаад ингэтлээ хохирох болов гэдэг нь олны анхаарлын төвд орж, салбарын сайдад хариуцлага тооцогдох тодорхой боллоо гэх яриаг гарахад хүргээд буй.

Хууль эрх зүйн салбарт хийх шинэчлэл өөрчлөлт гэсэн гоё нэрийн ард орон тоо давхардсан, данхайсан бүтцүүд буй болсоор байгаагийн тод жишээ бол ШШБЕГ. Орон тоо 2-3 дахин өссөн. Хуучин ШШБЕГ-ын дарга нь 2 дэд даргатай байв. Гэтэл одоо тэргүүн дэд дарга, ахиад хоёр дэд даргатай болов. Ажлын эрх ашигт зориулагдсан бус хүнд зориулагдсан бүтэц ийнхүү буй болсоор. Одоо байгаа бүтцийг улам данхайлгаж, гурван агентлаг болгон томруулахаар тохирсон гэнэ. Шинээр ажилд орсон хүмүүс нь ямар ч мэргэжлийн бус, энд тэндэхийн эрээвэр хураавар хүмүүсийн цуглуулга болж, шорон байтугай хуулийн байгууллагад ажиллаж үзээгүй хүмүүсээр хуяглагдах нь тэрээ. Санхүү, ар тал хариуцсан дарга л гэхэд Хөвсгөл аймгийн АН-ын дарга байсан, энэ салбарын талаар зүггүй нэг нөхөр ирээд шууд л хурандаа цол авчээ. ШШБЕГ-ын дэд даргаар томилогдоод байгаа Элбэгсайхан гэж цэргийн алба ч хааж үзээгүй нөхөр Гадаадын иргэн харъяатын асуудал эрхлэх газрын дэд даргаас дэд дарга руу ‘’нисэж’’ сразу хурандаа болсон азтай эр.

Шинэчлэгч сайд Тэмүүжин салбарынхаа харъяа байгууллагуудын томилгоо, үйл ажиллагааг өдөр тутмын удирдлагаар хангаж, хяналт тавих, алдаа эндэгдлийг засан тохинуулж, сайжруулах үүрэгтэй. Хариуцсан салбар чинь хангалтгүй ажиллаж байна. Зарчим хэм хэмжээ алдагдаж, улс төржихөөс өөр өөдтэй ажил хийгдсэнгүй. Барууны стандарт ярих дуртай сайдад өөрөөс нь хариуцлага нэхэх учиртай. Баруунд бол ийм үйл явдал болоход сайд нь сайн дураараа огцордог юм билээ. Тогтоол журам хэт олдоод байна гэж дүрэмдээд байсны гор гарч эхэллээ. Таны ад үзээд байгаа тэр 360-аад тогтоол шийдвэр журамд нь хууль хэрэгжүүлэх амин судас нь байдаг бололтой юм билээ. Шинэчлэл тань ширээн дээр чинь л байна. 8 сар тасралтгүй ярилаа. Та ч их холиох юм, Д.Ядамдорж нь ч мөн амжуулах юм.

Эх сурвалж: www.aravt.mn

Дижитал шорон
Tweet
Bolod.mn

Сэтгэгдэл (6)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
ТЭМҮҮЖИН ТОНИЛ

2013-03-29 | 11:24:40 | 202.126.91.159 |

Зочин
сайд сэнтийдээ з********арснаасаа хойшхи намар, өвлийн хоёр улирлыг Энхбаярыг ангуучлах, амьсгааг нь тоолох, амнаас нь гарах хийг нь анах зэрэг гүйцэтгэх ажилд хамаг анхаарлаа хандуулаад завгүй байх хойгуур нь с********бар нь ш********даа унаж шинэчлэл нэртэй сэлгээний гор гарч, иргэдийн голыг харлуулсан баримт олныг цочирдуулав.

2013-03-28 | 16:48:08 | 175.112.1.9 |

Зочин
САЙД ажилаа хийгээчээ

2013-03-28 | 15:57:37 | 122.201.18.164 |

Зочин
энэ хэрэг маш хүнд гэмт хэрэг болоод л Тэмүүжин сайдыг зайлуулах сонирхол бүлэг хүмүүст байгаа тул зарим хүмүүсээр сор з********аад байгаа юм биш үү. хардах эрх бидэнд хадг********агдаж үлдсэн болов уу

2013-03-28 | 10:48:24 | 103.9.90.252 |

Зочин
СЭР ОД. гээд бох бас хурандаа болоод шууд л дарга болсон ни аруйн ябд******** ю********. тэгэхэд олон жил ажилласан ху********с ни авж чадаагуй байхад бодмоор л юм ТЭМҮҮЖИН сайдаа...........?????????????

2013-03-28 | 10:45:35 | 122.201.18.134 |

Зочин
Онолдохоос өөр юм мэдэхгүй ,амьдр******** дээр ш******** өөр л дө.

2013-03-28 | 10:05:33 | 202.9.47.130 |

Мэдээ
Гадаад мэдээ
Видео