Уншигч та бүхэнд дэлхийн улс орнууд тамхинаас хэрхэн хэрхэн татгалзаж, хүн амынхаа эрүүл мэндийн төлөө тамхидалттай эрчимтэй тэмцэж, зоригтой шийдвэр гарган, үр дүнг нь мэдэрч эхлээд байгаа тухай сонирхуулъя.

-Вьетнамын засгийн газраас албан байгууллага, сургууль, эмнэлэг, нийтийн тээврийн газарт тамхи татах, худалдахыг хориглодог. Тамхины зар сурталчилгаа явуулахыг эрс эсэргүүцдэг ба утас, интернэт, автомат хэрэгслээр тамхи зарахыг зевшөөрдөггүй.

-Ирланд улс 2004 оны гуравдугаар сараас ажлын байрандаа тамхи татахгүй байх журам анх гаргасан нь дэлхий дахинд үлгэр жишээ болсон юм. Ийм хориг гаргахын өмнө олон нийтийн барилга, байшин, эмнэлэг, эмийн сан, сургууль, банкны хүлээлгийн танхим, кино театр, ресторан, нийтийн тээврийн газар, онгоц, галттэрэг, автобусанд тамхи татахыг хориглоод байв. 2009 оны долдугаар сарын 1-нээс дэлгүүрт тамхины сурталчилгаа байрлуулах, тамхи ширхэглэн худалдаж, мөн автомат машинаар зарахыг хориглох шийдвэр гарчээ.

-Аргентиний нийслэл Буэнос-Айрест 2006 оноос олон нийтийн газар, баар, ресторанд тамхи татахыг хоригложээ. Гэхдээ тухайн баар, ресторан нь 100 ам метрээс дээш талбайтай бол тамхичдад зориулсан тусгай өрөө гаргахыг зөвшөөрдөг. Энэ улс 2011 оны зургадугаар сарын 1-нээс олон нийтийн газар тамхи татахыг бүрэн хорьсон аж.

-Австри улс тамхины хяналттай холбоотой хэд хэдэн хууль гарган хэрэгжүүлж буй. Жишээ нь бүх албан байгууллага, баар, ресторан, диско клубт тамхи татахыг албан ёсоор хориглодог. 2007 оноос галт тэргэнд болон зогсоол дээр тамхилах хориотой. Мөн 2009 оны нэгдүгээр сараас үйлчилгээ эрхлэх зөвшөөрөлтэй бүх зоогийн газар, баар, диско пабуудад 80 ам метрээс том талбайтай бол тамхи татдаг, татдаггүй тусдаа өрөө тасалгаатай байх ёстой гэсэн шаардлага тавих болсон байна.

-Оросууд тамхины эсрэг дорвитой арга хэмжээ хараахан аваагүй байгаа. Гэхдээ Төрийн ДУМ-аас олон санал санаачилга гаргаад буй. Үүнд ажлын байр, онгоцны бүхээг, галт тэрэг, нийтийн тээврийн хэрэгсэл, сургууль, эмнэлэг, соёл урлагийн болон төрийн захиргааны барилга байшингуудад тамхи татахыг хориглох санал тусгажээ. Ялангуяа ресторан, кафенуудыг тамхигүй бүс болгон зарлахаа мэдэгдэв.

-Тэгвэл өмнөд хөршийн Шанхай хотын захиргаанаас 2010 оны гуравдугаар сарын 1-нээс эмнэлэг, хүүхдийн цэцэрлэг, сургууль, номын сан, цэнгэлдэх хүрээлэнд тамхи татахыг хатуу хоригложээ. "Шанхай экспо"-г зохион байгуулах үеэр ресторануудыг албан ёсоор тамхигүй орчин болгосон ч үр дүнд хүрээгүй гэнэ. Харин 2011 оны тавдугаар сарын 1-нээс орон даяар олон нийтийн газар тамхи татахыг хориглох шийдвэр гаргасан нь тамхичдынхаа тоог хумих бодит алхам болсон юм.

-Уругвайд 2006 оноос олон нийтийн газар тамхи татахыг хориглолоо. Ресторан, баар, албан газарт тамхи татсан хүмүүсийг 1100 доллараар торгох юмуу эсвэл үйл ажиллагаа явуулах эрхийг нь гурван өдөр зогсоох арга хэмжээ авдаг. Энэ орон тамхичдынхаа тоогоор дэлхийд нэлээд дээгүүрт ордог агаад 3,4 сая хүн янжууртай нөхөрлөдөг аж. Тамхинаас үүдэлтэй өвчин, хорт хавдраар тэнд жилдээ 5000 хүн хорвоог орхисоор.

-Испаниулс 2006-2010 онд олон нийтийн газруудад хэсэгчлэн тамхины хорио тогтоожээ. Албан тасалгаа, сургууль, эмнэлэг, олон нийтийн газар, нийтийн тээврийн унаа, баар, ресторануудад тамхичид хаа сайгүй утаа баагиулдаг байж. Харин 2011 оны нэгдүгээр сараас тамхийг олон нийтийн газруудад хориглолоо. Үүнд ресторан, баар, кафе багтсан ба зочид буудал, эмнэлэг, шорон, өндөр настны амралтын газар, нийтийн хүлээлгийн танхимд тамхичдад зориулсан тасалгаа гаргасан байна. Түүнчлэн хүүхэд саатуулах газар, хүүхдийн парк болон сургуулийн эргэн тойронд, эмнэлгийн орчимд янжуурын утаа суунаглуулахгүй байхыг хатуу анхааруулсан аж.

-Бельгид 2006 оны нэгдүгээр сараас ажлын байранд тамхи татахыг албан ёсоор хоригложээ. Жилийн дараа ресторан, баараас гадна халуун хоол, түргэн хоолны үйлчилгээ үзүүлдэг газруудыг тамхины утаагүй болгосон бол 2008 оны есдүгээр сараас сургууль, түүний ойр орчмыг тамхигүй бүс хэмээн зарласан байна. Засгийн газраас нь 2011 онд зөвхөн халуун хоолоор үйлчилж буй зоогийн газар, баар, ресторануудад тамхи худалдахыг хориглох шийдвэр гаргав.

-Сингапурт 2006 оноос худалдааны төв, кафе, түргэн хоолны газруудад тамхи татахыг хориглолоо. Мөн автобус, нийтийн ариун цэврийн өрөө, нийтийн усан сан, сауны газруудад тамхи татахыг зөвшөөрдөггүй. 2007 оноос зоогийн газруудыг тамхи татах тусгай өрөөтэй болгосон бол тоглоомын газрууд, оиеиин тамирын дасгалын заал, зах, метро, машины зогсоол, усан онгоцонд тамхийг хатуу хорьжээ. Мөн ажлын албан ерөө, үйлдвэр, дэлгүүр, цахилгаан шатыг янжуурын утаагүй орчин болгосон юм. Хууль зөрчсөн хүмүүсийг 200, аж ахуйн нэгжүүдийг 500 сингапур доллараар торгодог байна. 2010 онд тус улсын засгийн газраас тамхины хор уршгийг таниулсан кампаничилсан аян, онлайн хэлэлцүүлэг өрнүүлсэн нь олон нийтийн талархал дэмжлэгийг хүлээсэн билээ.

-Бразилд 18-аас дээш насныханд тамхи худалдахыг зөвшөөрдөг. Тамхийг телевиз, радиогаар сурталчлахыг хатуу хориглодог байна. Тамхины хайрцаг дээр эрүүл мэндийн зурагт сануулга наахыг анхааруулдаг аж. Олон нийтийн газар тамхи татах хориотой бөгөөд томоохон дэлгүүр, номын сангуудад тусгай зориулалтын өрөөнд тамхи татахыг зөвшөөрнө. Бразил нь Латин Америкийн орнуудаас анх удаа тамхидалттай тэмцэхээр хорио тогтоосон улс. 2009 оны наймдугаар сараас олон нийтийн газар, баар, ресторан, клуб, дэлгүүр, кино театр, банк, супермаркет, эмийн сан, эрүүл мэндийн байгууллагууд, төрийн албан байгууллагууд болон сургуульд тамхи татахыг 100 хувь хоригложээ. Мөн ажиллах, сурах орчин, номын сан, автобус, такси, зочид буудлыг тамхигүй орчин болгосон байна. Хууль зөрчсөн хүмүүст дээд тал нь 1000 орчим долларын торгууль ногдуулдаг аж. Үйлчилгээний газар, албан байгууллагууд хоёр удаа хууль зөрчсөн тохиолдолд үйл ажиллагаа явуулах эрхийг нь цуцлах хүртэл арга хэмжээ авдаг байна. Энэ хуулийг Бразилийн хүн амын 88 хувь нь дэмждэг гэнэ.

ЭХ СУРВАЛЖ: ДАЛД АМЬДРАЛ СОНИН

Дэлхийн улс орнууд тамхинаас хэрхэн татгалзсан бэ?
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
БАС НЭГ ЮМ. ЭНЭ ГУДАМЖИНД ТАМХИ ТАТАЖ БОЛОХОО БОЛИСНООС ХОЙШ ГЭР БҮЛИЙН ХҮМҮҮС БОЛОН ХҮҮХДҮҮД ДАМ ТАМХИДАЛТЫН ЗОЛИОС БОЛЖ БАЙНА Ш ДЭЭ. ААВУУД ГУДАМЖИНД ТАМХИ ТАТАЖ БОЛОХГҮЙ ГЭЭД МАШИНД ГЭРТ ТАТНА. ТЭГЭЭД Л ИЛ БАЙСАН ЮМЫГ ДАЛД БОЛГОЖ ӨГСНӨӨРӨӨ ТАМХИНЫ ЭСРЭГ АЖИЛ ХИЙГЭЭД БАЙНА ГЭЭД БАЙГАА ЮМ УУ? СУРГУУЛИЙН ОЙРОЛЦОО ТАМХИ ЗАРАХЫГ Л БОЛИУЛБАЛ БОЛОО БИЗ ДЭЭ. ЗАРАХАА БОЛИОД БУСДЫГ НЬ ЭНЭ БАТ-ҮҮЛ ГЭЖ НЭГ ТУЙЛШРАА ТУУЛАЙ ТЭНЭГТЭЭД ОВОО ЗӨВ ЮМ ХИЙЖ БАЙГАА ЮМУУ ГЭХЭЭР БҮР БУРУУ ТИЙШ НЬ ЗҮТГЭЭД ЯВЧИХ ЮМ. ДЭЭР ТЭР МАШИН ДЭЭР БАС ЯАЖ ТЭНЭГТЭВ? АВГАЙ МАВГАЙ НЬ ЗАРИМДАА ОДОО ЭНЭ ХЭСЭГТЭЭ ЗОГС МОГС ГЭЭД ХЭЛЭЭД ӨГЧИХДӨГГҮЙ ЮМ БОЛОВУУ? ТУСЛАХ ЗӨВЛӨХҮҮД ГЭЖ АЖЛАА МЭДДЭГГҮЙ ЮМНУУД НЬ ХЭЛДЭГГҮЙ ЮМ БОЛ?

2013-04-01 | 12:26:06 | 202.179.26.150 |

Зочин
автобусийн жолооч автобус дотроо тамхи татаж хэвээрээ байна

2013-03-31 | 07:37:38 | 202.21.113.141 |

Зочин
зөвхөн улаанбаатарт гэнэ үү? монгол даяар тамхины хууль хэрэгжиж байгаа шүү? битгий санаагаараа юм бичиж бай? гуйж байна.

2013-03-30 | 14:49:35 | 103.29.144.27 |

Мэдээ
Гадаад мэдээ
Видео