BOLOD.MN - Мэдээллийн нэгдсэн сан


» Үндсэн сайт / Desktop хувилбар /
Сүүлийн үеийн 100 мэдээ

Интеграцчлалд хамгийн эмзэг орнуудын нэг нь Монгол Улс

НҮБ-ын найм дахь Ерөнхий нарийн бичгийн дарга Бан Ги Мүн Монголын хэвлэл мэдээллийн хэрэгсэлд анх удаа ярилцлага өглөө. 


Түүний манлайллаас хойших дөрвөн жилд өрнө, дорнын хоёр том улс түнжин хагарснаар дэлхийн улс төр, эдийн засаг төрөл арилжсан мэт өөрчлөгдөөд  буй билээ. Энэ эгзэгтэй цаг дор олон улсын хамгийн том хамтын нийгэмлэгийг 10 жил удирдаж, даян дэлхийд энх тайван, эв нэгдэл цогцлоох үйлсийг манлайлсан энэ эрхэм “Азийн төлөөх Боао форум”-д оролцохоор Монгол Улсад хүрэлцэн ирсэн юм.

-Манай оронд анх удаа хөл тавьж буй таниас Монголын тухай асуумаар байна. Олон улсын хамтын нийгэмлэгт оруулах Монгол Улсын хувь нэмрийг та хэрхэн тодорхойлж байна вэ?

-Монголчууд өнө эртний түүх, өвөрмөц соёл, Чингис хааныг дээдлэх үзлээ өнөөг хүртэл хадгалж, үүнийгээ хөгжил дэвшилтэйгээ хослуулж буй нь гайхалтай санагддаг.

Ингээд зогсохгүй илүү хөгжил, дэвшлийг авчрахаар тэмүүлж буй нь мэдрэгддэг. Гэхдээ цаашид Монгол Улсад бүс нутаг болон дэлхийн хэмжээнд өөрийн байр суурийг уялдуулсан алсын харааг бий болгох нь чухал болов уу. Монгол Улсын одоогийн хөгжил эдийн засгийн томоохон шилжилтийн зааг дээр байна. Монгол шиг ДНБ-ий өсөлт 6.8 орчим хувиар хэмжигдэж буй улс цөөн. Цаашид хөрөнгө оруулалтыг ухаалгаар татаж, үүнийгээ дэд бүтцийн хөгжилдөө зарцуулж, энэ салбарын өрсөлдөх чадварыг сайжруулах нь зүйтэй гэж боддог. Үүний зэрэгцээ хөгжлийн чиг баримжаагаа уур амьсгалын өөрчлөлттэй уялдуулахаа ч мартаж болохгүй. Монгол Улсад уур амьсгалын өөрчлөлтөөс үүдсэн шийдэх ёстой олон асуудал байна. Үүнийгээ шийдэхээр зорьж буй нь харагддаг. Эдийн засаг, байгаль орчноос гадна нийгмийн чухал асуудлуудаа анхаарлын төвд байлгах хэрэгтэй. Тухайлбал, залуусын боловсролыг хэрхэн дэмжих, эмэгтэйчүүдийг яаж хүчирхэгжүүлэх вэ гэдэг хамгийн чухал асуулт. Энэ чиглэлд илүү хөрөнгө оруулаасай гэж хүсэж байна.

Түүнчлэн Монгол Улс олон талт хамтын ажиллагаагаа тэлэх боломжийг идэвхтэй эрэлхийлж, түншлэлээр дамжуулан эдийн засгийн өгөөж хүртэхээр зорих нь чухал. Монгол, ОХУ, БНХАУ-ын  хооронд маш сайн түншлэл бий болсон. Цаашид хөршүүдтэйгээ харилцаагаа хадгалахын сацуу бусад оронтой түншлэлээ өргөтгөхөд идэвхтэй ажиллана гэж найдаж байна.

-Монгол бол далайд гарцгүй орон. Гэхдээ аж үйлдвэрийн дөрөв дэх хувьсгал бидний энэ хаагдмал байдлыг таягдан хаях боломж олгоно гэж зарим хүн үздэг. Та энэ талаар ямар бодолтой байна вэ?

-Интеграцчлалын хувьд Монгол Улс хамгийн эмзэг орнуудын нэг. Далайд гарцгүй, газар нутгийн багагүй хэсгийг говь эзэлдэг. Газар нутгийнхаа хэмжээгээр дэлхийд 18-д жагсдаг ч 3.2 сая хүн тархан суурьшсан. Энэ нь олон улс болон бүс нутгаас хангалттай хөрөнгө оруулалт  татах боломжийг хазаарладаг. Гэхдээ энэ сорилтуудын зэрэгцээ алт, зэс, нүүрс зэрэг байгалийн баялаг арвинтай. Энэ давуу тал нь Монгол Улсад эдийн засгийн хөгжлөө түргэтгэхэд түлхэц үзүүлэх боломжтой. Дээр өгүүлсэнчлэн Монгол Улс эдийн засгийн бололцоогоо бүрэн дүүрэн ашиглая гэвэл эхлээд дэд бүтцийн салбараа хөгжүүлэх хэрэгтэй. Дэд бүтцийн дорой байдал хөрөнгө оруулах сонирхлыг бууруулж байна. Иймд нэн тэргүүнд дэд бүтцээ ухаалгаар хөгжүүлэх нь зүйтэй.

Түүнчлэн тулгамдаж буй сорилтын нэг нь агаарын чанар. Миний бие БНСУ-ын уур амьсгал, агаарын чанарын үндэсний зөвлөлийн тэргүүний албыг хашдаг. Байгаль орчны өөрчлөлт болон аж үйлдвэрийн нөлөөгөөр агаар дахь PM 2.5 тоосонцрын хэмжээ нэмэгдэж, элс болон тоос салхиар туугдан, БНСУ зэрэг бүс нутгийн орнуудыг чиглэж байна. Иймд Монгол, БНХАУ, Өмнөд болон Хойд Солонгос, ОХУ, Япон зэрэг Зүүн хойд Азийн орнууд уур амьсгал, агаарын чанарыг сайжруулахад нягт хамтран ажиллах шаардлагатай. Өнгөрсөн онд “Зүүн хойд Азийн цэвэр агаар-түншлэл” нэртэй платформын хүрээнд эдгээр орон нэгдсэн зөвшилцөлд хүрсэнд талархдаг. Цаашид үүнд түшиглэн энэ бүсийн зургаан орон бүрэн дүүрэн хамтран ажиллана гэдэгт найдаж байна.

Ази, Номхон далайн агаарын чанарыг сайжруулах хүрээнд бүс нутгийн орнууд иж бүрэн ажиллах тухай нэгдсэн байр суурь бүхий тогтоолыг өнгөрсөн тавдугаар сарын 31-нд НҮБ-ын Ази, Номхон далайн бүсийн Эдийн засаг, нийгмийн комиссоос баталсан. Агаарын чанарыг сайжруулах чиглэлээр би энэ оны арваннэгдүгээр сарын 4, 5-нд олон улсын чуулган зохион байгуулахаар төлөвлөж буй. Монгол Улсын байгаль орчин, аялал жуулчлалын яаманд урилга хүргүүлсэн. Мөн гадаад харилцааны сайд Д.Цогтбаатартай Монгол Улс уг форумд сайдын түвшинд оролцох талаар хэлэлцсэн.

Интеграцчлалыг бэхжүүлэхэд Азийн удирдагчид илүү ихийг хийх хэрэгтэй

-Дэлхий урд өмнөхөөсөө илүү талцан хуваагдаж буй ч түншлэлээ өргөтгөсөн орнууд ашиг орлогоо нэмэгдүүлж чадаж байна. Азийн орнууд яагаад интеграцчлалд нэгдэж чадахгүй байна вэ?

-Азийн орнууд интеграцчлалын хүрээнд яагаад нэгдсэн бодлого, нэг байгууллагагүй явсаар өдий хүрэв гэж бодогдох нь зүйн хэрэг. Африк тивд гэхэд энэ тивийн 54 орныг нэгтгэсэн Африкийн холбоо гэж байгууллага бий. Арабын ертөнц 23 орныг багтаасан Арабын улсуудын холбоог байгуулсан бол Европын холбоонд 28 орон гишүүнээр элссэн. Мөн Америк тивд АНУ, Канад болон Латин Америкийн орнуудыг багтаасан байгууллага бий.

Харин Ази тивд Азийн холбоо эсвэл үүнтэй ижил өргөн хүрээний байгууллага алга. Хэдийгээр ASEAN байгаа ч үүнд зөвхөн 10 гишүүн орон багтдаг. Иймд Азийн удирдагчид интеграцчлагдсан, нэгдсэн систем бүхий нэгдлийн талаар нухацтай бодож үзнэ гэж найдаж байна. Өмнө нь ACD буюу Asian Conference of Development, Азийн холбоо зэргийг байгуулахаар  оролдож байсан ч төдийлэн үр дүнд хүрээгүй. Энэ нь өнөө хэр ази тивд сорилт болсоор буй нь үнэн. Гэтэл манай бүс нутаг дэлхийн хэмжээний БНХАУ, Энэтхэг, Япон зэрэг том орнуудыг багтаадаг. Мөн хоорондоо ярвигтай харилцаатай Энэтхэг, Пакистан зэрэг улсууд ч бий. Иймд интеграцчлалыг бэхжүүлэхэд азийн удирдагчид илүү ихийг хийх хэрэгтэй.

-Та 2007-2016 онд дэлхийн 190 гаруй орныг зангиддаг НҮБ-ын тэргүүнээр ажилласан. Таныг албаа өгснөөс хойш дэлхийн улс төр, эдийн засаг хэрхэн өөрчлөгдөөд байна вэ?

-Дэлхий улам хуваагдмал боллоо. Үндсэрхэг, нэг талт үзэл газар авч, худалдааны протекционист бодлого хүрээгээ тэлсээр байна. Уг нь олон талт харилцаа нь дэлхийн улс орнууд эдийн засаг, нийгмийн таатай боломжийг хүртсээр ирсэн. Гэтэл зарим улс орон олон талт харилцааг байх ёстой зүйл гэж үзэхээ больж эхлээд байна. Миний бие дэлхийн удирдагчдад хандан олон улсын хамтын нийгэмлэгийн тогтвортой ирээдүйн талаар дахин нухацтай авч үзээсэй гэж хүсэж байна. Бас уриалж байна.

Том, жижиг гэлтгүй улс орнууд НҮБ-ын гэрээний үндсэн зарчмуудад суурилсан хөгжлийн зүг чигийг баримталсаар өдий хүрсэн. Улс орнуудын нэгдэлгүйгээр хамтын нийгэмлэг ахиж дэвших боломжгүйг цохон тэмдэглэмээр байна. Манай дэлхий өнгөрсөн жилүүдэд жижиг орнуудын нэгдэл гэхээсээ илүү хамтын нийгэмлэгийн түвшинд оршин тогтносоор ирсэн. Шинжлэх ухаан, технологийн хөгжлийн үр дүн, харилцаа холбооны хүчинд бид маш жижиг гараг дээр амьдарч байна. Улс орнуудын зааг ялгаа улам багаслаа. Хүн төрөлхтөн хүссэн улс руугаа чөлөөтэй аялдаг боллоо. Ихэнх улсын иргэн 160- 170 улс руу визгүй зорчиж байна. Үүний нэг тод жишээ нь, Европын холбооны 28 улсын иргэд өөр хоорондоо чөлөөтэй зорчиж байна. Өрөөр хэлбэл, бид дэлхий хэмээх нэг гэрт амьдарч байна. Тиймээс дэлхийн удирдагчид, ялангуяа, олон улсын хамтын нийгэмлэгээс хамгийн их ашиг хүртсэн, нөлөө бүхий гүрнүүдийн манлайлагчдад хандан дэлхийн хамтын нийгэмлэгийг хүндэтгэж, дэлхийн иргэн гэсэн зарчмыг баталгаажуулахыг хүсэж байна.

-Үнэнийг хэлэхэд, чөлөөт худалдаанаас их гүрнүүд хамгийн их ашиг хүртсэн атлаа эдгээр улс эргээд олон талт түншлэлийг эсэргүүцэж эхэллээ. Үүнд та ямар байр суурьтай байдаг вэ?

-Дэлхийн II дайнаас хойш олон талт харилцаа тэлж, гадаад худалдаа өргөжсөнөөр чинээлэг улсууд үр өгөөжийг нь хамгийн түрүүнд хүртсэн. Гэтэл одоо олон талт харилцаа чөлөөт худалдааны үр шимээр эдийн засгаа хүчирхэгжүүлсэн орнууд эргээд үүнээс зайлсхийж, чөлөөт худалдааг үгүйсгэх боллоо. Чөлөөт худалдаа, олон талт харилцааг хадгалах нь Боао форумын Улаанбаатарын бага хурлын гол сэдэв юм.

Мөн олон улсын хамтын нийгэмлэгт Ази тив чухал үүрэгтэй. Энэ тив дэлхийн өөрчлөлт хөдөлгөөний төв цэг. Дэлхийн нийт хүн амын 60 хувь нь азид амьдарч байна. Тиймээс энэ тивийг тогтвортой хөгжилд чиглүүлснээр дэлхий нийтийг уриалан дуудах боломж бүрдэх юм. Уур амьсгалын өөрчлөлт Азийн орнуудад тулгарч буй гол бэрхшээл болсон. Монгол Улс ч уур амьсгалын өөрчлөлтөд хамгийн их өртөж буй орны нэг. Тиймээс бид цаг уурын өөрчлөлт, хүлэмжийн хийг Улаанбаатарын бага хурлаар чухалд авч үзлээ.

Эдийн засгийн гүйцэтгэлээр нь Азийн орнууд дэлхийг манлайлж буй. Цаашид ч энэ манлайллаа хадгалах төлөвтэй. Гэхдээ эдийн засгийн өсөлтийн араас хөөцөлдөхийн зэрэгцээ тэгш бус байдал бууруулахад анхаарах хэрэгтэй. Хятад, Япон, БНСУ зэрэг эдийн засгийн үсрэнгүй амжилт олсон орнууд Азид бий. Гэхдээ улсын хөгжлийг зөвхөн эдийн засгийн өсөлтөөр бус хэр олон хүний амьдралыг өөрчилснөөр нь, нийгмийн тэгш бус байдлыг хэдий чинээ буурснаар дүгнэх нь зүйтэй болов уу. Иймд орлогын тэгш бус байдал, баян, ядуугийн зааг ялгааг бууруулахад энэ бүс нутагт хийх ажил их байна. Эдийн засгийн өсөлт, тэгш бус байдлыг бууруулахад чиглэх ёстой. Нэг ч хүнийг орхиж болохгүй.

-“Азийн төлөөх Боао форум”-ын Улаанбаатарын бага хурлаар хэлэлцсэн хамтын хөгжил Монгол Улсад ямар боломж олгох вэ?

-Хамтын хөгжил нь бүх нийтэд илүү сайн сайхан, чинээлэг амьдралыг авчирна. Энэ нь 2015 онд НҮБ-аас баталсан “Тогтвортой хөгжлийн үзэл баримтлал 2030” зорилттой уялдаж буй. Өөрөөр хэлбэл, хэнийг ч ардаа үлдээхгүй гэсэн үг. Хэн, юу хийж байгаагаас үл хамааран 21 дүгээр зууны бидэнд олгож буй бүх боломжийг хүн бүр тэгш хүртэх боломжтой байх ёстой. Үүнийг хамтын хөгжил гэж хэлнэ. Монгол Улс ч хамтын хөгжлөөс үр ашиг хүртэж, хөгжил цэцэглэлтэд хүрэх боломжтой. Тиймээс Монгол болон бусад гишүүн орнууд “тогтвортой хөгжлийн үзэл баримтлал 2030”-ыг хэрэгжүүлэх хэрэгтэй. Олон улсын худалдаа, хөрөнгө оруулалт харилцан ашигтай байх, бие биеэ хүндлэх зарчимд хамтын ажиллагаа чухал гэдгийг мартаж болохгүй.

Г.Байгал

Интеграцчлалд хамгийн эмзэг орнуудын нэг нь Монгол Улс
Бусад мэдээ ▼

1
02-27
У.Хүрэлсүх: Монголд давраад байгаа гурван зүйл бол улс төр, уул уурхай, банкны систем

2
02-27
Бид хэтэрхий цөөхүүлээ

3
02-27
Сарьсан багваахай 200 гаруй төрлийн вирус тээдгээс 18 нь хүнд халдварладаг

4
02-27
БНСУ-ын аялал жуулчлалын “C-3”, транзит “В-2” визтэй Монгол иргэдийн анхааралд

5
02-27
Спирт, архины үйлдвэрүүдийн түүхий эдийг ариутгалын бодис руу шилжүүлнэ

6
02-27
Ө.Энхтүвшин: Ерөнхийлөгчийг БНХАУ-аас ирсний дараа 14 хоног тусгаарлана

7
02-27
Гадаад эмч нарын мэдээллээс

8
02-27
БНСУ дахь Монголын ЭСЯ-наас мэдээлж байна

9
02-27
Ерөнхийлөгч Х.Баттулга айлчлалынхаа хүрээнд Ши Жиньпин, Ли Көцян нартай цаг үеийн асуудлаар ярилцана

10
02-27
Баар, цэнгээний газрыг хууль зөрчиж ажиллуулвал 5 сая хүртэл төгрөгөөр торгоно

11
02-27
Худалдааны дайнаас давсан нөхцөл байдал

12
02-27
Коронавируст (Ковид-19) халдварын нөхцөл байдлын талаарх мэдээлэл

13
02-27
Шинэ төрлийн коронавирус Антарктидаас бусад бүх тивд тархлаа

14
02-27
Өөр улсаар дамжин коронавирусийн голомттой нутгаас Монгол Улсад ирэх тохиодол нэмэгджээ

15
02-27
Япон улс коронавирусын халдварыг 15 минутын дотор тодорхойлох боломжтой технологи боловсруулжээ

16
02-27
Улсын онцгой комиссоос гаргасан ШИЙДВЭРҮҮД

17
02-27
БНХАУ-д коронавирусний халдварын 433 шинэ тохиолдол бүртгэгджээ

18
02-27
The Hu хамтлагийн "Оддын дайн" киноны видео тоглоомд зориулан бүтээсэн клип цацагдлаа

19
02-27
Х.Хатанбаатар: Цагаан сараар баян тарганаа гайхуулах монголчуудын дон нь хулгайч нарт өгөөш болж байна

20
02-27
Дуучин Adele хүнд өвчин туссан уу?

21
02-27
Токиогийн Олимпыг аюулгүй зохион байгуулахад бэлтгэнэ

22
02-27
Ромд чонын сүү хөхөж өссөн хааных гэх бунхныг нээлээ

23
02-27
Зохиолч Д.Нацагдорж, гэргий Д.Пагмадулам нарыг тагнуулын ажилд ашигласан уу?

24
02-27
Монголчуудаа, эзэн хичээвэл заяа хичээнэ гэдэг дээ

25
02-27
Ерөнхийлөгч Х.Баттулга БНХАУ-д айлчилж, коронавирусын асуудлаар туршлага судлана

26
02-27
Танилц: Нийслэлийн Засаг даргын гаргасан захирамж

27
02-27
Нийтийн тээвэр өглөөний 06:00-10:00, оройны 17:00-21:00 цагуудад үйлчилнэ

28
02-27
Эх орноосоо дайжсан экс ерөнхийлөгч

29
02-26
Одоо монгол хүний саруул ухаанд найдах л үлдэв

30
02-26
Өш санасан чоно гурван жил өөрийгөө хуягладаг

31
02-26
СЭРЭМЖЛҮҮЛЭГ: Зам тээврийн ослоор 28 настай залуу нас баржээ

32
02-26
С.Амарсайхан: Баар, караоке, саун, фитнес, амралтын газруудыг хаана!

33
02-26
(COVID-19)-ын эрсдлээс урьдчилан сэргийлэх цогц арга хэмжээнд шаардагдах нэмэлт төсвийг баталлаа

34
02-26
Бид эрсдэл тээж Эx opoнлyyгаа бyцaxгүй

35
02-26
Боловсорч дууссаны 9 шинж буюу хүн байхын учир

36
02-26
Солонгосын Христийн сүмийнхэн ЗГ-ынхаа эсрэг жагсаж байна

37
02-26
Монголын төр биш Ц.Элбэгдорж Жастин Каплаг "өршөөсөн" юм

38
02-26
Ерөнхий сайд У.Хүрэлсүх: Одоо хаана, хорино, шийтгэх арга хэмжээ рүү орно

39
02-26
Эмийн урьдал Remdesivir (Ремдесивир) буюу шинэ коронавирусийн эсрэг БНХАУ-д эхлүүлж буй эмнэлзүйн туршилт

40
02-26
Монгол Улс бэлтгэл хангах цаг ирлээ

41
02-26
Засгийн газрын хуралдаанаас хөдөлгөөн хязгаарлах шийдвэрийг сунгаж, Японы нислэгийг 14 хоногоор цуцалжээ

42
02-26
Итали дахь ЭСЯ-наас монгол иргэддээ анхааруулж байна

43
02-24
Коронавирус ба сарьсан багваахай

44
02-24
Д.Нацагдорж: “Норов-7”, “Банзи-12”, “Мана-4” зэрэг танг ууж байхад биеийг тэтгэж, элдэв халдварт өвчин, ханиад зэргээс сэргийлдэг

45
02-24
Ерөнхий сайд БНСУ-тай хийж буй нислэгүүдэд яаралтай арга хэмжээ авах чиглэл өгчээ

46
02-24
Орон орны цагаан сар: Индонезийн цагаан сарын “УУЦ” нь тахианы мах

47
02-24
Цагаан сарын зоог, идээ, шүүсний ёс бэлгэдэл

48
02-24
Монгол орныг даасан бурхан ОЧИРВААНЬ

49
02-24
У.Хүрэлсүх: Ямар их ХАРИУЦЛАГАТАЙ ард түмэн болохоо энэ цагаан сараар ХАРУУЛЦГААЯ

50
02-24
Хулгайн замаар зорчиж эрсдэлд орсон тохиолдолд дуудлага өгсөн иргэнээс бүх зардлыг гаргуулна

51
02-24
Шинийн нэгний өдөр цээрлэх зүйлс

52
02-24
Х.Баттулга: Монголын уудам нутагт эрүүл энх, элэг бүтэн амьдрал өнөд оршиг

53
02-22
Битүүний болон шинийн нэгний өдөр цээрлэх зүйлс

54
02-22
Цагдаа, цэргийн бие бүрэлдэхүүн өндөржүүлсэн бэлэн байдалд шилжив

55
02-22
Солонгосоос Монгол руу 5 дахин бага шимтгэлтэй гадаад гуйвуулга хийдэг боллоо

56
02-22
Гол, мөрний мөсөн дээгүүр зорчихгүй байхыг анхааруулж байна

57
02-22
Нийслэлд битүүнээс шинийн гуравныг дуустал нийтийн тээвэр үйлчлэхгүй

58
02-22
Гол, мөрний мөсөн дээгүүр зорчихгүй байхыг анхааруулж байна

59
02-22
Ямар хосууд илүү таарамжтай вэ

60
02-22
Японы Кумамото хотод 20 настай сувилагч эмэгтэйгээс коронавирус илэрчээ

61
02-22
Хулгана жилийн СУУДЛЫН ЗАСАЛ ба ЗҮГ МӨР гаргах...

62
02-22
Түймэр мэт л тархаж буй Корона вирусээс хайртай хүмүүсээ хамгаалья!

63
02-22
УИХ-ын дарга АНУ-д айлчлахаар төлөвлөжээ

64
02-22
Хүн төрөлхтнийг мөхөөж чадах шумбагч онгоцууд

65
02-22
ОХУ Хятадаас хүнсний бүтээгдэхүүн оруулахыг хориглолоо

66
02-22
Эх орондоо буцах хүсэлт гаргасан БНХАУ-ын 54 иргэнийг явууллаа

67
02-22
Хөөрөг зөрүүлэн мэндлэх ёс

68
02-22
Ирландын гэмт хэрэгтэн 55 сая еврогийн үнэтэй хөрөнгөө алджээ

69
02-22
Хятадад эдгэрсэн өвчтөнүүдээс коронавирус дахин илэрсэн нь тодорхой болжээ

70
02-22
Шинэ коронавирусийн 3,000 оношлуурыг өнөөдөр хүлээн авна

71
02-22
Хотоос гарах, орох хөдөлгөөнийг ням гаригт хаана

72
02-22
БНСУ-д коронавирусний халдварын 142 шинэ тохиолдол илэрчээ

73
02-22
Монгол хэл 1600 жилийн настай

74
02-22
Аяга кофены ард А.Энхманлай, АТГ-ын хэлтсийн дарга Х.Хашбаатар нар юу тохиров?

75
02-22
Таван өнгийн хадагний билэгдэл

76
02-22
Цагаан сарын түүх

77
02-22
Гахай жилийн онцлох 10 үйл явдал

78
02-22
В.Путин: Надад аугаа Орос орон хэрэгтэй

79
02-22
​Жулиан Ассанж: Трамп нэг болзолтойгоор намайг өршөөнө гэж амлаж байсан

80
02-21
XVII жарны “Хотол төгс” хэмээх төмөр хулгана жилийн шинийн нэгний өглөө зүг, мөр гаргах зурхай

81
02-21
“Хүндэтгэлийн аян-2020”-ийн урамшууллын эзэд тодорлоо

82
02-21
WSJ5 Victoria's Secret-ийн 55 хувийг 1,1 тэрбум доллараар зарна

83
02-21
Нийслэлийн ойгоос энэ онд 5100 шоо м мод бэлтгэнэ

84
02-21
Дотоод хэргийн их сургуулийн сонсогчдыг бэлэн байдалд шилжүүлэв

85
02-21
Урт цагаан үйлчилгээний төвийн үйл ажиллагааг өнөөдрөөс бүрэн зогсооно

86
02-21
2021 оноос Оросын сурагчид хиймэл оюун ухаан судална

87
02-21
Приус машиныг өндөрлөхийн ач тус болон хохирол?

88
02-21
365 мянган тонн сайжруулсан шахмал түлш үйлдвэрлэжээ

89
02-21
Талийгаачийн амь насыг Хууль зүйн сайд Ц.Нямдоржоос нэхлээ

90
02-21
“Rio Tinto” компани арбитрын шүүхэд ханджээ

91
02-21
Нийтийн тээврийн паркийг 100 хувь шинэчлэхээр төсөвт суулгажээ

92
02-21
Британид амиа алдсан цагаачдын хэрэгт Вьетнамын долоон иргэнийг буруутгажээ

93
02-21
Үндэсний шигшээ баг 23 спортын төрөлтэй болов

94
02-21
Хубэй мужид коронавирусээр халдварласны улмаас нас барсан хүний тоо 2144 болжээ

95
02-21
Трампын айлчлалд бэлтгэн ядуусын хорооллоо ханаар тусгаарлав

96
02-21
БНСУ-аас ирэх 100 монгол иргэнийг тусгаарлах тухай мэдээллийг үгүйсгэлээ

97
02-21
Тавантолгойн ордын хөрөнгө оруулалтын гэрээ “хорлон сүйтгэх ажиллагаа” байсан уу?

98
02-21
280 сая төгрөгийн хохирол учруулсан 13 зөрчлийг илрүүлжээ

99
02-21
Тэтгэврийн зээлийг тэглэж, зээлгүй иргэдэд "Эрдэнэс бонд" эзэмшүүлэх гэрээнд гарын үсэг зурлаа

100
02-21
Салхитын мөнгөний ордтой холбоотой хэргийн шүүх хурал хойшилжээ