Энэ долоо хоногт болж өрнөсөн ОНЦЛОХ үйл явдлуудыг BOLOD.MN сайт тоймлон хүргэж байна. Онцлох үйл явдлуудад есөн настай охин хойд эцгийнхээ гарт амиа алдсан харамсалтай хэрэг, Авилгын мөнгөө оймсондоо нуусан гэх МХЕГ-ын дарга асан Н.Баярсайхан болон холбогдох зургаан хүний шүүх хурал байв. Харин спортын ертөнцөд өрнөсөн онцлох үйл явдалд мэргэжлийн боксын IBO холбооны тамирчин Н.Төгсцогтын дэлхийн аваргын болзол хангасан тулаан зэрэг мэдээл мэдээллүүд багтлаа.

MASS.mn - ХОЁР НАСТАЙ ХҮҮ ХОЙД ЭЦГИЙНХЭЭ ГАРТ АМИА АЛДЖЭЭ

Есөн настай охин хойд эцгийнхээ гарт амиа алджээ

Өнгөрсөн амралтын өдөр буюу энэ сарын 20-ны өдөр Баянзүрх дүүргийн 23-р хорооны нутаг дэвсгэрт есөн настай охин хойд эцгийнхээ гарт амиа алдсан байж болзошгүй харамсалтай хэрэг гарсан. Охиныг амиа алдсан үед хойд эцэг нь согтуу байсан гэх ба хэргийн газраас архины шил болон олон тооны шар айрагны шилийг баримт болгон хураан авчээ.

Талийгаач охиныг задлан шинжилгээгээр нарийн гэдэс цоорсон, баруун болон зүүн талын нийт 11 хавирга хугарч бороолсон ул мөртэй, 12 хуруу гэдэс няцарсан, бүдүүн гэдэсний чацархай урагдсан зэрэг дүгнэлт гарчээ. Цагдаагийн алба хаагчид есөн настай охины үхэлд түүний хойд эцэг болох М.Баттулга гэгчийг сэжиглэн, шалгаж байгаа юм. Улмаар сэжигтэн анхны байцаалтаар хэргээ хүлээсэн хэмээн ХЗС Х.Нямбаатар мэдээлсэн.

Түүнчлэн шүүх шинжилгээний урьдчилсан дүгнэлтээр талийгаач охин гэр бүлийн хүчирхийлэлд өртөж, хэд хэдэн удаа хүнд бэртэж, улмаар амиа алдсан гэх дүгнэлт гарсан талаар албаны эх сурвалж мэдээлсэн юм. Харин талийгаач охиныг өчигдөр буюу есдүгээр сарын 25-нд ах дүү хамаатан садан нь нутаглуулж сүүлчийн замд нь үджээ.

Есөн настай охин амиа алдсан харамсалтай хэргийн улмаас “Лантуу дохио” ТББ-аас “Хүн бай” нэртэй хүүхэд хүчирхийллийн эсрэг аянг зохион байгуулсан. Аянаар хүүхдийн хүчирхийллийг таслан зогсооход иргэний, эцэг эхийн оролцоог нэмэгдүүлэх зорилгоор “ХҮЧИРХИЙЛЛИЙГ ТЭВЧДЭГГҮЙ ХҮН БАЙ” уриан дор удирдамж гаргасан юм.

Оймсондоо мөнгө нуусан МХЕГ-ын хэлтсийн даргад 2.8 жилийн хорих ял оноолоо ~ ZALUU.COM: Үндэсний тэргүүлэгч сайт

Н.Баярсайханд 2.8 жилийн ял оноолоо

Авлигын мөнгө оймсондоо нуусан дарга буюу МХЕГ-ын экспорт, импорт, хилийн хорио цээрийн хяналтын хэлтсийн дарга асан Н.Баярсайхан нарын зургаан хүний холбогдох хэргийн шүүх хурал энэ сарын 22-нд боллоо. Шүүх хуралдаанаас шүүгдэгч Н.Баярсайханыг хахууль авсан гэмт хэргийг бүлэглэн гүйцэтгэсэн гэм буруутай тооцож, нийтийн албанд томилогдох эрхийг 5 жилээр хасаж, 2.8 жилийн хорих ял оноолоо. Түүнчлэн Н.Баярсайханд оногдуулсан хорих ялыг нээлттэй хорих байгууллагад эдлүүлэхээр тогтоож, эд мөрийн баримтаар хураагдсан 831 сая төгрөгийг улсын төсөвт шилжүүлэхээр шийдвэрлэжээ.

Автомашины улсын дугаарын шинэчлэл нэрээр ямар нэгэн арга хэмжээний санхүүжилт босгох гээгүй биз? – Монгол туургатны цахим сайт

Автомашины азын дугаарыг иргэдэд олгохгүй болголоо

Автомашины шинэ сери задлахтай зэрэгцэн азын дугаарыг зарах зар цахим сүлжээнд эгнэж 10-30 сая төгрөгийн хооронд үнэлэгддэг. Ийнхүү автомашины серийн дугаараар гангарч, чамирхдаг үзэл манай улсад бизнес болтлоо хөгжсөн. Харин энэ жилээс дөрвөн оронтой тоо нь ижил буюу азын гэх тодотголтой автомашины дугаарыг шуурхай алба болон тохижилт үйлчилгээний машинуудад олгохоор боллоо.

Энэхүү арга хэмжээг Зам тээврийн хөгжлийн яам болон Авто тээврийн үндэсний төвөөс тээврийн хэрэгслийн бүртгэлийн үйл ажиллагааг ил тод, нээлттэй болгож, авилга, ашиг сонирхлын зөрчлөөс урьдчилан сэргийлэх зорилгоор тус арга хэмжээг авч, хэрэгжүүлж байгаа юм. Одооноос шинэ сери задлахаар мал эмнэлгийн шуурхай алба, түргэн тусламж, засвар, тохижилт үйлчилгээний зэрэг тусгай зориулалтын тээврийн хэрэгслүүдэд олгохоор болжээ. Харин өмнөх хугацаанд олгогдсон энэ төрлийн дугааруудыг солихгүй аж.

Н.Төгсцогт: Албан ёсоор гэрээн дээр гарын үсэг зурчлаа | iSee.mn

Н.Төгсцогт дэлхийн аваргын төлөө тулалдхаар боллоо

Мэргэжлийн боксын IBO холбооны аварга, Монгол Улсын гавьяат тамирчин Н.Төгсцогт 13 дахь тулаанаа хийлээ. Тэрбээр Барбадос улсын тамирчин Кобиа Брийдитэй тулалдаж, илүүрэхснээр ялалт байгууллаа. Үүний үр дүнд Н.Төгсцогт WBC холбооны аваргын бүсийн төлөө Гари Расселтэй дахин хүч үзэхээр болж байна.

Н.Төгсцогтын энэ удаагын өрсөлдөгч 28 настай Кобиа Брийди байсан бөгөөд тэрээр 15 удаа тулалдахдаа бүгдэд нь ялалт байгуулж байсан бол ийнхүү Н.Төгсцогтод ялагдсанаар анхны ялагдлаа хүлээж байгаа юм.

Баар, цэнгээний газруудыг тодорхойгүй хугацаагаар хаахаар боллоо

Баар, цэнгээний газруудын үйл ажиллагаа нээгдсэнээс хойш гэмт хэргийн тоо эрс өсжээ

Баар, цэнгээний газрууд 04:00 цаг хүртэл ажиллах болсноор согтуугаар болон гудамж талбайд үйлдэгдсэн гэмт хэрэг зөрчлийн дуудлага, мэдээлэл нэмэгджээ.

Цагдаагийн байгууллагад хоногт дунджаар 1000-1100 орчим дуудлага бүртгэгддэг байсан бол шөнийн цэнгээний газар, рестораны үйл ажиллагааг хэвийн горимд шилжүүлснээр хоногт 1200-1300 орчим дуудлага мэдээлэл бүртгэгдэх болжээ. Нийслэлд архи, согтууруулах ундаа худалдан борлуулдаг, түүгээр үйлчилдэг 6000 орчим цэг бий. Эдгээрийн 900 орчим нь баар, цэнгээний газар , 1200 нь паб ресторан, 4000 нь найман нэрийн хүнсний дэлгүүр байдаг ажээ.

Өлөн' маркетингийн тухай хөгжилтэй 16 пост | Ublife

KFC-ын реклам олныг бухимдуулав

Өнгөрсөн долоо хоногт сошиал хэрэглэгчдийг бухимдуулсан үйл явдал боллоо. Учир нь дэлхийд алдартай гэгддэг KFC түргэн хоолны “ӨЛӨН БАЙ” хэмээх зар сурталчилгаа иргэдээс ихээхэн шүүмжлэл сонслоо. Зарим иргэд маш сайн маркетингтай нь гайхаж магтсан бол, орчуулгыг нь шүүмжилж унтууцах хүмүүс ч их байсан юм.

Чухамдаа Be hungry гэх үг нь шинэ зүйлийг сурч мэдэх тэмүүлэлтэй бай гэх утга илэрхийлэх бөгөөд KFC-ын зүгээс рекламандаа буруу орчуулснаас ийм зүйлд хүрчээ. Ямартай ч та бүхэндээ “ӨЛӨН БАЙ” рекламын талаар сошиалд өрнөсөн хөгжилтэй постуудыг хүргэе.

Академи” хотхоны 3000 гаруй оршин суугч өлсгөлөн зарлахаа мэдэгдлээ

Академи хотхоны 3000 гаруй оршин суугчид өлсгөлөн зарлахаа мэдэгдлээ

Хан-Уул дүүргийн 15-р хороонд байрлах Академи хотхон 3000 гаруй оршин суугчтай. Гэвч иргэдийн агаарлах, амарч зугаалах талбайд “Билиг”, “Хурд” зэрэг компаниуд барилга барьснаас иргэдийн эрүүл аюулгүй орчинд амьдрах нөхцөлийг зөрчжээ. Удирдлагын академийн хойд талд байрлах нийтийн эзэмшлийн талбайд 1943 онд хийгдсэн их жанжин Сүхбаатарын нэрэмжит “Эрдэмд шамдахуй” хөшөө байрладаг. Энэ хөшөөг Нийслэлийн Засаг даргын 2008 оны 357-дугаар захирамжаар дүүргийн хамгаалалтад авсан ч их жанжны хөшөөг тулган барилгын хашаа татаж, суурийн цутгалтыг эхлүүлээд байна. Хамгийн ноцтой нь “Билиг”, “Хурд” компаниудын барилга барьж буй талбайд “Оргил” рашааны ундарга байдгийг хэвлэлүүд удаа дараа хөндөж ирсэн байдаг.

Энэ талаар Хан-Уул дүүргийн Засаг дарга ,Нийслэлийн засаг даргад дээрх газрын газар эзэмших эрхийн бичгийг хүчингүй болгох, барилгын ажлыг зогсоох хүсэлт явуулжээ. Улмаар ямар нэгэн дорвитой хариу ирэхгүйд Академи хотхоны оршин суугчид бухимдан өлсгөлөн зарлах болсон тухайгаа мэдээлсэн юм.

Цахилгааны шөнийн тариф хөнгөлөх хугацаа дууслаа

Цахилгааны шөнийн тарифыг 100 хувь хөнгөлөхөөр боллоо

Засгийн газрын 9-р сарын 23-нл болсон ээлжит хуралдаанаар аймгийн төв болон 10 мянгаас дээш хүн амтай сум, суурин газрын хэрэглэгчдийн орой, шөнийн цагт хэрэглэсэн цахилгааны тарифт үзүүлж байгаа 50 хувийн хөнгөлөлтийг 100 хувь болгон өөрчиллөө.

Орон нутгийн сонгуульд бүртгүүлсэн нэр дэвшигчдийн 310 нь бие даагч байна

Аймаг, нийслэл, сум, дүүргийн Иргэдийн төлөөлөгчдийн хурлын 2020 оны ээлжит сонгууль ирэх аравдугаар сарын 15-нд болно. СЕХ бүх аймаг, нийслэл, сум, дүүргийн сонгуулийн хороод нэр дэвшигчдээ бүртгэж дуусжээ. Улсын хэмжээнд 17100 орчим нэр дэвшигч бүртгүүлснээс 310 нь бие даан нэр дэвшигч байна. Дээрх нэр дэвшигчдийн нэрийг бичсэн саналын хуудсыг хэвлэх үйл ажиллагаа өчигдөр эхэлсэн.

Сонгуулийн тойрог бүрт ногдох мандатын тоо нь тухайн нутаг дэвсгэрийн хүн амын тоо, газар нутгийн хэмжээ, байршил зэргээс хамаараад харилцан адилгүй тогтоогддог. Нийслэлийн хувьд 23 тойрог байгаа бол аймгуудад 545 тойрог, нийтдээ 568 тойрог байгуулагдсан.

Эдгээр 568 олон мандаттай тойргоос 816 төлөөлөгч сонгогдох юм. Харин дүүргийн 152 тойрог, сумдын 1634 тойрог байгуулагдаж, сум, дүүргийн нийт 1786 олон мандаттай тойргоос 7339 төлөөлөгч сонгогдох юм.

BOLOD.MN ДОЛОО ХОНОГЫН ТОЙМ: ЦЭЦЭГ шиг охиноо үдэж, ӨЛӨН маркетинг дуулиан дэгдээсэн ДОЛОО ХОНОГ
Tweet
Bolod.mn