Үдээс өмнөх хуралдаанаар Нийгмийн Ардчилал Монголын Эмэгтэйчүүдийн Холбоо гэх нэрээ Социал Демократ Монголын эмэгтэйчүүдийн холбоо болгож өөрчилсөн бол үдээс хойшхи хуралдаанаар холбооны удирдлагыг сонгох асуудлыг хэлэлцсэн юм.
МАН-ын дарга, Монгол Улсын Ерөнхий Сайд Л.Оюун-Эрдэнэ СДЭХ-ны Тэргүүнд УИХ-ын гишүүн, Монгол Улсын сайд, Боомтын Сэргэлтийн Үндэсний Хорооны Дарга Х.Булгантуяаг нэр дэвшүүлсэн ба харин өмнөх Ерөнхийлөгч, УИХ-ын гишүүн Д.Сарангэрэлийг заалнаас нэр дэвшүүлсэн ч тэрээр нэрээ татаж буйгаа зарлав.
Улмаар Социал Демократ Монголын Эмэгтэйчүүдийн Холбооны Ерөнхийлөгчөөр Х.Булгантуяа 94.59 хувийн саналаар сонгогдлоо.
Хүрэлбаатар овогтой Булгантуяа нь 1981 онд Архангай аймагт төрсөн.
1998 онд Монгол-Туркийн хамтарсан дунд сургууль, 2000 онд МУИС-ийн Математикийн сургууль, 2006 онд Дундад Хятадын шинжлэх ухааны их сургууль, 2008 онд АНУ-ын Ейлийн их сургуулийг тус тус төгссөн. Эдийн засагч мэргэжилтэй. Хөгжлийн эдийн засаг, олон улсын эдийн засгийн ухааны магистр. Англи, хятад, япон хэлний мэдлэгтэй.
2006-2007 онд “Паладин Ресурс” ХХК-д зөвлөх,
2008-2010 онд Дэлхийн банкны “Төрийн санхүүгийн удирдлагыг сайжруулах” төсөлд зөвлөх, удирдагч,
2010-2011 онд “Оюутолгой” ХХК-ийн төслийн менежер, бизнес стратегийн ахлах зөвлөх,
2012-2013 онд “Петровис” ХК-ийн Бизнес хөгжлийн хэлтсийн дарга,
2013 оноос 2016 онд МАН-ын нарийн бичгийн дарга,
2016-2020 онд Сангийн Дэд Сайдаар ажиллаж байв.
2020 оноос УИХ-ын гишүүн, 2023 оны 1-р сараас Монгол Улсын сайд, Боомтын Сэргэлтийн Үндэсний Хорооны Даргаар ажиллаж байна.
Д.Дандархүү
https://www.sonin.mn/news/peconomy/135672
.jpg)
.jpg)
.jpg)
.jpg)
