Хятад улс шувууны томууны халдвар өргөжихөөс сэргийлж байна

2013-04-13

Хятадын Эрүүл мэнд, төлөвлөгөөт төрөлтийн үндэсний газраас нийтэлсэн тоо сэлтэд харуулснаар, 11-ний өдрийн 17 цаг

хүртэлх байдлаар Хятадад шувууны томууны H7N9 вирусийн халдвар авснаар оношлогдсон тохиолдол 38 хүрч, үүнээс 10 хүн нас баржээ. Шанхай, Жянсу, Аньхуй, Жэжян 4 муж хотын орон нутгийн буюу хотын зэрэглэлийн 23 тойргоос өвчний тохиолдол бүртгэгджээ. Өвчний тохиолдол тархмал байдалтай бөгөөд хүнээс хүнд халдварласан тохиолдол илрээгүй.

Эрүүл мэнд, төлөвлөгөөт төрөлтийн үндэсний газрын веб сайт 12-ны өдөр нийтэлсэн мэдэгдэлдээ, Хятадын халдварт томууны судалгааны туршилтын сүлжээнүүдэд хүнд халдварласан шувууны томууны H7N9 вирусийн бүрдүүлэгч элементийг оношлох чадвартай боллоо гэжээ. 4-р сарын 8-ны өдөр Хятадын Халдварт өвчин эмгэгээс сэргийлэх төвөөс халдварт өвчний судалгааны туршилтын тасгийн сүлжээнүүдэд хүнд халдварласан шувууны томууны H7N9 вирусийг оношлох 105 мянган ширхэг тариа бэлдмэлийг тарааж, өмнөх 50 мянгатай нийлээд нийт 160 мянган ширхэг тариа бэлдмэл тараасан бөгөөд 31 мужийн халдварт өвчний судалгааны бүх туршилтын газруудыг хамруулжээ.

H7N9 шувууны ханиад дэлгэрэхээс сэргийлэн хяналтдаа авахын тулд Шанхай, Жянсү, Жэжян, Аньхүй зэрэг газарт шувуудыг устгах арга хэмжээ авлаа. Жянсү мужийн төв Наньжин хотынхон 8-ны өдрөөс эхлэн шувууны захуудыг түр хааж, шувууны арилжааны бүх газруудыг ариутган битүүмжилсэн байна. 11-нд хижиг томууны хяналтын төвийн ажилтнууд тариачдын гэр орноор очиж, хижиг томуугоос сэргийлэх сурталчилгаа өрнүүлсэн байна. Наньжин хотын хижиг томууны хяналтын төвийн эрүүл мэндийн сурталчилгааны газрын ажилтан Хү Вэнь бао хэлэхдээ, шувуу тэжээх, борлуулах, нядлах, боловсруулах салбарын хүмүүс онц сэргийлэх хэрэгтэй гэжээ.

Тэрээр хэлэхдээ, "өнөөгийн байдлаар шувуу нядалж болохгүй. Хэрвээ тэжээвэр шувууд тамир муу, юм идэхгүй бөгөөд шүлсээ гоожуулах, гүйлгэх байдал гарвал сэрэмжтэй хандаж, өөрийн болон хөршүүдийнхээ шувуудын байдлыг сайн ажиглах хэрэгтэй" гэжээ.
Жянсү мужийн Жэньжян хот 12-ны өдрөөс эхлэн хотын нийт тэжээвэр шувууд болон гахайд хижгээс сэргийлэх тахлын шинжилгээ хийсэн байна. Жэньжян хотын амьтны хижиг тахлын хяналт сэргийлэлтийн төвийн дарга Яо Вэйминь танилцуулж хэлэхдээ, хүн болон шувуунд вирусийн нөлөөлөх хэмжээ адилгүй тул мэргэжлийн оношлгоогоор дамжуулан өвчнийг цаг тухайд нь илрүүлж болох юм гэжээ.

Шанхай хот ч холбогдох бөөний захийн шувуунуудыг нядлах буюу ариутгаж, хотын хэмжээнд амьд шувууны худалдааг түр зогсоож, өөр мужаас шувуу оруулахыг хориглоно гэж зарлалаа. Өнөөгийн байдлаар Шанхай хот замын захын зөвшөөрөлгүй шувуу наймаалдаг 119 цэгийг хаажээ. Үүнээс гадна Шанхайн үйлдвэр худалдааны салбар хотын хэмжээнд 30 гаруй болжморын захыг хяналтдаа авч, 162 өрхийг зэрлэг шувуу наймаалахаа зогсоохыг шаарджээ. Хятадын холбогдох салбарууд Н7N9 шувууны ханиадтай тэмцэх түргэн шуурхай арга хэмжээ авч байна. НҮБ-ын олон байгууллага болон олон улсын байгууллагууд Хятад улс тус томуугаас сэргийлэх түргэн шуурхай, нээлттэй, ил тод арга хэмжээ авлаа гэж үнэлж байна. НҮБ-ын хүнсний программын газрын хил дамнасан амьтаны хижгээс сэргийлэх төвийн бүс нутгийн төвийн дарга Субаш 11-ний өдөр хэлэхдээ, Хятадын засгийн газар амьд бодисын аюулгүй байдлыг хамгаалах арга хэмжээг үр ашигтай хэрэгжүүлж, Н7N9шувууны ханиадаас сэргийлж байна гэжээ.

Субхаш хэлэхдээ, амьд бодисын аюулгүй байдлын арга хэмжээнд хоёр тал хамрагдаж байна. Нэгд, вирусийн эх үүсвэр болсон газраас гадагшаа тархахаас сэргийлэх. Хоёрт, вирусийн халдвар аваагүй газарт нэвтрэхээс сэргийлэх. Засгийн газар амьд бодисын аюулгүй байдлын арга хэмжээг хэрэгжүүлэхэд чухал үүрэг гүйцэтгэж байна. Тухайлбал, Хятадын засгийн газар вирус илэрсэн 4 мужийн амьд шувууны наймааг зогсоосон бөгөөд энэ 4 муж ба хөрш зэргэлдээ муж хотуудын амьд шувууны наймааг бүрэн зогсоосон. Ийнхүү Хятадын засгийн газар амьд бодисын аюулгүйн арга хэмжээг үр ашигтай хэрэгжүүлж, Н7N9 хэлбэрийн шувууны томууны вирусийг хяналтдаа авч чадсан гэжээ.

Тэрээр цааш нь хэлэхдээ, Хятад улсын засгийн газар шувууны томууны байдлыг Олон улсын хамтын нийгэмлэгт нэн даруй шуурхай мэдээлж, шувууны томууны вирусийг хяналтдаа авахаар олон улсын байгууллагатай идэвхтэй хамтран ажиллаж байна гэжээ.

china radio