Монгол Улсын Ерөнхийлөгчөөр улиран сонгогдсон Цахиагийн Элбэгдорж өнөөдөр ард түмэндээ тангараг өргөнө.
Алтан соёмбот далбааныхаа өмнө зогсоод ард түмнийхээ эрх ашгийн төлөө ажиллаж, ирэх дөрвөн жилд төрүүлж өсгөсөн хүү шиг нь тэдний төлөө ажиллана гэдгээ амлах юм.

Түүхэндээ анх удаа төрийн тэргүүн нь ард түмэндээ тангараг өргөж байгаа энэ түүхэн үйл явдал Монголын нийт ард түмний өмнө нээлттэй болно гэдгээрээ онцлог.

Ёслол хүндэтгэлийн цэргийн жагсаал, УИХ-ын гишүүдийн хүндэтгэлийн чуулган бүгд Их Эзэн Чингис хааны хөшөөний дэргэд, жанжин Сүхбаатарын талбайд морин цагт хуралдаж, Ц.Элбэгдорж тангаргаа өргөх бөгөөд энэ өдрөөс эхлэн Монгол Улсын Ерөнхийлөгчийн бүрэн эрх хэрэгжих нь ээ.

Монголчуудыг ардчилалд уриалан дуудаж байсан “алтан хараацай” Ц.Элбэгдорж Монгол Улсын Ерөнхийлөгчөөр дахин сонгогдлоо.

Анхны Ардчилсан Ерөнхийлөгч Ц.Элбэгдорж юу амлаж байв

2009 онд Ц.Элбэгдорж анх удаа Ерөнхийлөгчөөр сонгогдохдоо Ерөнхийлөгчийн үүргийг шударгаар биелүүлж, ард түмэндээ үйлчлэн туслах үүргээ биелүүлэхийн төлөө үнэнчээр ажиллаж дэмжсэн сонгогчдынхоо итгэлийг дааж, дэмжээгүй нэгнийх нь итгэлийг авахын төлөө ажиллана гэдгээ амлаж байсан удаатай.

Тэрбээр, 2009 онд тангараг өргөхдөө “Шударга ёс бидэнд ус агаар мэт хэрэгтэй байна гэж миний ард түмэн надад захин захин сонгосныг би өдөр бүр санаж ажиллах болно. Авлига Монголын өрсөлдөх чадварыг унагаж байна.
Иймээс бүгдээрээ шударга ёсыг тогтоохын төлөө хамтдаа зүтгэе. Авлигатай тэмцэх, шударга ёсыг тогтоох нь амь дүйсэн ажил гэдгийг би сайн мэднэ. Ард олныхоо хүлээлт болсон энэ ариун үйл хэргийг гүйцэлдүүлэхийн төлөө ажиллаж байгаа хууль хяналтын байгууллагын ажилтан, иргэн хэнийг ч болов би Монгол Улсын Ерөнхийлөгчийн хувьд дэмжинэ ээ.

Улс оронд шударга ёс тогтооход шүүх, прокурорын байгууллага шийдвэрлэх үүрэг гүйцэтгэх ёстойг хэн хүнгүй ярьж байна. Энд шинэчлэл хэрэгтэй шүү гэж хүн бүр надад захисан. Тэр шинэтгэлийг ул суурьтай, тууштай хийх болно.
Шударга ёсыг тогтоох, ард иргэдийнхээ аж амьдралыг өөд татах, эрх эрх чөлөөг нь баталгаажуулахын төлөө анхнаас нь зүтгэсэн үйл хэргээсээ би алхам ч ухрахгүй” хэмээн тодорхой зүйлийг амласан түүнийгээ хийхээр хичээж ажилласныг нь ард түмэн харсан. Тиймдээ ч дахин итгэл үзүүлсэн хэрэг.

Тэр амласнаа биелүүлсэн үү

Авлигын сүлжээг тасдах, түүнийг ил болгоход Ерөнхийлөгчийн гүйцэтгэсэн үүрэг хангалттай байсан. Амлаж байсанчлан хууль, шүүхийн салбарын шинэчлэлийг зоригтой эхлүүлж, олон жилийн хүнд суртлыг арилгаж чаджээ. Бэлгэдлийн төдий Ерөнхийлөгч байгаагүй гэдгээ олон ч үйлдлээрээ харуулж, дэлхийд танигдсан Монголыг бий болгож чадлаа.

Эгэл иргэн, эмээ өвөө ч төрийн үйл хэрэгт санал бодлоо нэмэрлэж, өөрсдийн хөгжилд зарцуулах төсөв хөрөнгөө ард нийтээрээ хэлэлцүүлдэг шууд ардчилал, иргэний оролцоог тэрбээр ард түмэндээ өглөө. Хоёр хөршөөс гадна, гуравдагч хөршийн бодлогыг дэмжиж, уул уурхайн асар их баялагтай Монгол Улсыг дөрөвхөн жилийн хугацаанд дэлхийд бүрэн дүүрэн танилцуулж чадсан нь Ерөнхийлөгч байсан дөрвөн жилийнх нь том ололт байж.

Бид энэ бүхнийг хүлээж байсан. Нийгэмд хүлээлт байсан учраас итгэл үзүүлэн хэлж, ярьж байгаа бүхнээ ажил хэрэг болгож, үр дүнг нь үзэх боломж олгосон. Эхчүүдийг тэр дэмжлээ. Төрийн албыг завхаруулж, хүнд сурталд автаад байсан олон салбарын бугшмал идээг шахжээ. Цалинтай, хариуцлагатай оюутан бий болгож, аав, ээжүүдэд ирдэг төлбөрийн дарамтыг багасгав.

Архи биш сүү өргөсөн анхны Ерөнхийлөгч байлаа. Төрийн тулганы галыг анх удаа бадраасан төрийн тэргүүн нь Ц.Элбэгдорж байж. Хүний эрхийг дээдлэн цаазын ялгүй Монгол Улс болгосон, Үнэт соёлын олдвор түүхийн дурсгалаа хөөцөлдөн явсаар эх оронд нь авчирсан гээд өнгөрөгч дөрвөн жил тэр амласнаа биелүүлж чаджээ.

Ц.Элбэгдоржоос ирэх дөрвөн жилд юу хүсч байна вэ

Харин энэ удаад Монголын ард түмэн дахин итгэл үзүүлсэн нь улам илүү ихийг хийж, эхлүүлсэн энэ мэт ажлаа гүйцээх итгэлийг өгсөн хэрэг. Шууд ардчилал, иргэний оролцоо хөрсөнд буусан ч хөлөө олохдоо удаан байгааг Ерөнхийлөгч ирэх дөрвөн жилд тэнцвэржүүлж чадах биз. Эхлүүлээд дуусгах бус заавал төгсгөлийг нь үзэж, уг үндсээр нь тасдаж хаях ёстой асуудал бол авлига.

Бид Ерөнхийлөгчтэйгээ хамт авлигын эсрэг тэмцсэн. Тэрбээр авлига Монголыг муухай харагдуулж байсан учраас авлигатай тэмцэх ажлыг эхлүүлж, өнөөдөр олон шат ахисан амжилт гаргасан. Харин одоо үргэлжлүүлэн “алагчлалгүй” тэмцэх ёстой гэж ард түмэн хүсч байна. Нам, танил тал найз нөхдийн найраа авлигад байх ёсгүй учраас алагчлалгүй адилхан тэмцэж, авлига, хүнд суртал гэх хорт хавдрыг ор мөргүй эмчлэх эмч нь байгаасай.

Төрсөн хүү шиг нь биш юм аа гэхэд түүнд итгэл үзүүлсэн ард түмнийхээ төлөө эхлүүлсэн ажлаа дуусгаж, эхэлж буй ажлынхаа үр дүнг үзээсэй гэж хүсч буй. Дэлхийн боловсролтой залуусыг бэлтгэхэд анхаардаг, энхрий бяцхан үрс, ээжүүдээ дэмждэг Ерөнхийлөгч байх ёстой. Архигүй Монголын эрүүл иргэний төлөө дахин дөрвөн жил зүтгээсэй гэж ард түмэн хүсч байна. Монголын маргааш өнөөдрөөс гэрэлтэй болно гэх эгэл иргэдийнхээ итгэлийг бүү алдаарай.

Б.Өнөртогтох/Монголын мэдээ/

Ц.Элбэгдоржийн хийснийг нь үнэлж, хэрэгжүүлж эхэлснээ дуусгах “даалгавар” өглөө
Tweet
Bolod.mn

Сэтгэгдэл (6)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
монголын хамгийн том ав илга лч хошигорогч шоуч элбэгээ багабанди шиг заг********майлаад эцэг нь болоод зогсохгүй бүүр улам үржүүлж дэлгэрүүлээд авил г********ын өвөө нь болох гээд үзээд байдаг нь элбэгээйин өвөрмөц ардчил******** хийдэг арга гэлүү

2013-07-10 | 15:42:25 | 186.227.192.96 |

Зочин
хошгорогчоос дутахгүй хошгордог б.өнөртогтох гэгч элбэгээ н гошногыг сайн долоож орхиж па яа яаа авиг********ыг улам үндэс угсаагий нь бэхжүүлж нуун дарагдуулах хамга********ан хаацайлах замруу нь оруулдаг гэжээн шд элбэгэ ийм л юм хийдэг ********ч байгаамдөө өөртэй нь хуйв********даж байв******** өөрийн ч нам бай өрөөлийн ч нам бай ********ыг нь хамтран цэцэглүүлж нийлж хор найруулж хамтардаг ********чидынхаа ********ыг үхэн хатан байж хамга********ж гарна даа гэс уриатай ажилж ирсэн ц********д ажилна

2013-07-10 | 15:23:53 | 94.102.57.91 |

Зочин
түй ********ын жинхэн эцэг нь болоод толгойн дээр нь гараад суучихсан энэ луухаан бас ********тай тэмцэж харагдаач сонгууль дандаа луйвардаж гардаг ******** ёрын пцда

2013-07-10 | 15:12:47 | 79.172.242.169 |

Мэдээ
Гадаад мэдээ
Видео