гомдол байнга гардаг. Иргэдийн гомдлыг тухайн барилгын компаниуд хэрхэн барагдуулж байгаа талаар ШӨХТГ-ын Хэрэглэгчийн эрхийг хамгаалах хэлтсийн дарга Ч.Батбаатартай ярилцлаа.

Орон сууцны ам.метрийн зөрүүг сүүлийн үед нэлээд ярих боллоо. Энэ талаарх иргэдийн гомдол ч нэлээд байна. Тухайн барилгын компаниуд иргэдийн гомдлыг хэр зэрэг барагдуулж байна вэ?

-Нийслэлд одоогоор 300 орчим барилгын компани үйл ажиллагаа явуулж байна. Үүнээс 50 компанид ам.метрийн зөрүүтэй холбоотой гомдол иргэдээс ирсэн. Эдгээрээс “Тектоник” компанид 60 орчим иргэн гомдол гаргасан байна. Гомдол гаргаж буй иргэдийн 70 орчим хувийг “Тектоник” ХХК, “Тайгам-Алтай” ХХК, “МD TOP” компани эзэлж байна. Энэ гурван компани иргэдийн асуудлыг шийдэхгүй байна. Харин бусад 40 гаруй барилгын компани иргэдийн гомдлыг бүрэн барагдуулсан. Зарим нэг барилгын компани тухайн оршин суугч нь манайд хандахаас өмнө айлуудын байрны талбайг хэмжээд дутсан тохиолдолд зөрүү мөнгийг газар дээр нь олгож байна.

-“Тектоник”, “Тайгам-Алтай”, “МD TOP” гэсэн гурван компани яагаад иргэдийн гомдлыг барагдуулахгүй байна вэ?

-Энэ гурван компани 2010 онд баталсан Монгол Улсын барилгын стандартыг зөрчилтэй гэж үзэж байгаа юм. “Бид ийм үндэслэлгүй, зөрчилтэй стандартыг мөрдөхгүй. Тиймээс өөрсдийн зохих стандартыг мөрдөх ёстой” гээд хууль бусаар иргэдээс их хэмжээний мөнгө авсан. Үүнийг нь тогтоосон боловч Монгол Улсын барилгын стандарт дээр дөрөөлөөд асуудлаасаа зугтааж, иргэдийн хохирлыг барагдуулахгүй байна. Энэ гурван компаниас бусад бүх барилгын компани 2010 онд баталсан Монгол Улсын стандартыг дагаж мөрдөөд, хуулийнхаа дагуу үйл ажиллагаа явуулж байгаа.

-Энэ компаниуд иргэдэд хэчнээн төгрөгийн хохирол учруулсан бэ?

-Дээрх гурван компани нийлээд нэг тэрбум 500 сая орчим төгрөгийн хохирлыг иргэдэд учруулсан. Үүнээс “Тектоник” компанийн “Хансвилл” хороололд байр авсан 33 айл байрны “Талбай дутуу байна” гэж гомдол гаргасны дагуу шалгалт хийсэн. Шалгалтаар тухайн хороололд оршин суугч иргэдэд 620 орчим сая төгрөгийн хохирол учруулсан гэдгийг тогтоож, тус компанид иргэдийг хохиролгүй болгохыг шаардсан албан бичиг хүргүүлсэн. Албан бичгийн хариуд “Өнгөрсөн сарын 26- ны байдлаар 23 айлын 460 орчим сая төгрөгийн хохирол барагдуулсан. Үлдсэн 10 айлын хохирлыг богино хугацаанд төлж барагдуулах болно” гэсэн албан бичиг ирсэн. Гэтэл манайд иргэдээс ““Тектоник” компани бидний хохирлыг одоо хүртэл барагдуулахгүй байна” гэсэн гомдол дахин ирсэн. Үүний дагуу бид яг хэдэн айл өрх, тэр дундаа хэн хэн гэдэг иргэний хохирлыг хэдэн төгрөгөөр барагдуулсан бэ гэсэн утга бүхий албан тоотыг тус команид явуулсан. Одоогоор хариу нь ирээгүй байна.

-Тэгэхээр “Тектоник” компани иргэдийн хохирлыг барагдуулаагүй. Мөн барагдуулсан гэсэн хуурамч албан бичиг танайд явуулсан гэсэн үг үү?

-Тийм. Уржигдар манайхан “Тектоник” компанид гомдол гаргасан иргэдтэй очиж уулзсан. Тэр үед тухайн компани нэг ч иргэнд орон сууцны ам.метрийн зөрүүний мөнгийг олгоогүй, хохирлыг барагдуулаагүй гэдгийг оршин суугчид хэлж байсан.

-“Тайгам-Алтай” компани хууль зөрчиж, иргэдийг хохироогоогүй гэж үзээд танай байгууллагыг шүүхэд өгнө гэж байсан?

-Барилгын компаниуд орон сууцаа гэрээнд тусгасан ам.метрээсээ дутуу барьж, иргэдийг их хохироодог. Шүүхэд хандаж байгаа нь залилангаа нуун далдлах нэг арга хэрэгсэл. Энэ гурван компани болон барилгын бүх компани дагаж мөрдөх стандарт 2010 онд баталсныг мэдээгүй. Бидэнд албан ёсоор мэдээллэх ёстой байсан гэдэг. Барилгын стандарт баталсан тэр өдрөөс хойш 30 хоногийн дотор барилгын дагаж мөрдөх стандарт буруу байна гэж захиргааны хэргийн шүүхэд хандах эрхтэй байдаг. Гэтэл эдгээр барилгын компани гурван жилийн дараа барилгын стандартыг хүчингүй болгох гээд шүүхэд хандаж байна. Гэтэл энэ нэхэмжлэлийг нь Захиргааны хэргийн шүүх хүлээж авч байгаа нь бас хууль бус юм. Үүнээс харахад барилгын компанид хууль хэрэгжүүлэхгүй байгаа нь том нөлөө байна гэсэн үг. Бид нар гурван жилийн дараа бүх барилгын компани дагаж мөрдөх ёстой гэсэн энэ стандарт чинь ямар ч үндэслэлгүй, зөрчилтэй байна гэж захиргааны хэргийн шүүхэд хандах юм бол биднийг цааш нь түлхэнэ. Гэтэл тэр барилгын компанийн нэхэмжлэлийг хүлээж авч байгаа нь үнэхээр эрх мэдэл, танил тал эсвэл хээл хахууль нөлөөлж байна гэж бодож байна.

-Монгол Улсын барилгын стандартыг баталсныг мэдэхгүй гэдэг нэрээр энэ гурван компани өөрийн стандартыг тогтоож иргэдийг хохироож байсан гэж ойлгож болох уу?

-Орон сууц худалдан авч буй иргэд мөнгө яаж олох, хөнгөлөлтэй зээлд хэрхэн хамрагдах вэ гэдэг талаас нь боддог. Тухайн барилгын компанитай хийж байгаа гэрээг сайн судлаагүй учраас дараа нь асуудалд ордог. Байранд орж л байвал ямар хамаа байх вэ гэсэн үүднээс хандаж, талбайн хэмжээ зэргийг шалгаж үздэггүй. Иргэдийн энэ байдлыг ашиглаж барилгын компаниуд мөнгөн дээр нь тоглож байна. Монгол улсын барилгын стандарт MNS 6058 байдаг. Харин энэ гурван компани үүнийг дагаж мөрдөхгүй, өөрсдийн стандартыг дураараа тогтоодог. Өөрөөр хэлбэл, Монгол Улсын стандарт 30 метр квадрат байхад тэд 35 метр квадрат гэж тогтоогоод иргэдээс захиалга авдаг. Тэгсэн хэрнээ гэрчилгээгээ улсын стандартын дагуу 30 метр квадратаар гаргаж өгдөг. Ийм байгааг нь харахад энэ барилгын компаниуд 2010 оноос мөрдөж эхэлсэн стандартыг мэдэж байсан нь харагдаж байгаа юм.

-Иргэдийн хохирлыг барагдуулахгүй хугацаа алдаж буй энэ тохиолдолд танайхаас эдгээр компаниудад ямар арга хэмжээ авч байна вэ. Торгууль ногдуулдаг уу?

-Албан бичиг хүргүүлж, торгуул ногдуулаад ямар ч үр дүнд хүрэхгүй байна. “МD TOP” барилгын компанид иргэдээс ирсэн гомдлын хүрээнд 70 шахам албан бичиг явуулсан. “Тектоник” компанийг арван саяар торгосон. Мөн “Тайгам-Алтай” компанийг эхлээд арав, дараа нь 58 саяар торгосон. Гэтэл энэ торгуулийг шүүхэд очоод цуцлуулчихдаг. Төрийн байгууллага хэрэглэгчийнхээ эрх ашгийн төлөө хохирлыг нь барагдуудлах гээд тухайн компанид шаардлага тавьдаг. Шаардлага хүлээж авахгүй болохоор нь дараагийн арга хэмжээ болох торгууль ногдуулдаг. Гэсэн ч үүнийг нь тухайн харьяа дүүргийн шүүх нь хүчингүй болгодог. Ийм л сонин ойлгомжгүй байдал бий болчихоод байна.

-Танайхаас тухайн барилгын компанид ногдуулсан торгуулийг ямар үндэслэлээр харьяа дүүргийн шүүх хүчингүй болгоод байдаг юм бэ?

-Манай байгууллагаас тухайн гурван компанид ногдуулсан торгуулийг хүчингүй болгохдоо харьяа шүүх ямар үндэслэлээр ингэж байгаа талаараа бидэнтэй хуралдаж, зөвлөлддөггүй. Зүгээр л Захиргааны шүүхэд гаргасан Монгол Улсын стандарттай холбоотой асуудал тул хүчингүй болголоо гэдэг. Бид үүний учрыг олохгүй байна. Хуулийнхаа дагуу ЦЕГ-т хүртэл хандаж үзсэн. Тэд гэмт хэргийн шинжтэй биш гэж үзээд түдгэлзүүлдэг. Энэ гурван компанийн асуудлыг шийдэхгүй удааширч байна. Манайх торгуулиа ч авч чададгүй, иргэд нь ч хохирлоо барагдуулж чадахгүй байна.

-Иргэдийн хохирлыг барагдуулаагүй, танай байгууллагаас удаа дараа явуулсан албан бичгийн хариуг өгөөгүй. Мөн торгуулийг хүчингүй болгодог. Энэ гурван компанид цаашид ямар арга хэмжээ авах гэж байна?

-Уржигдар бид “Тектоник” компанид гомдол гаргасан иргэдтэй уулзахдаа нэг зүйлийг тохирсон. Бид иргэдийнхээ өмнөөс “Тектоник” компанийг төрийн захиргааны байгууллага, иргэний шүүхэд нэхэмжлэхээр болсон. Учир нь иргэний шүүхэд бид төлөөлөхөөр нэхэмжилж буй мөнгөн дүнгээс тэмдэгтийн хураамж гэж төлдөггүй. Энэ шүүхээр бид 100 хувь ялж, иргэдийн хохирлыг бүрэн барагдуулж, зохих хуулийн дагуу хариуцлага тооцуулах болно. Хоёрдугаар сараас хойш манайд нэг ч барилгын компанид ам.метрийн зөрүүгээр иргэдээс гомдол ирээгүй. Хүмүүсийн амьдралд хоёр, гурван метр квадрат талбай хэрэггүй. Түүнд төлсөн хэдэн сая төгрөг л иргэдийн амьдралд юу юунаас илүү чухал болоод байна.

Н. Юмсүрэн

Эх сурвалж: Монголын үнэн сонин

Ч.Батбаатар: ”Тектоник”, ”Тайгам-Алтай”, ”MD TOP” компаниуд ШӨХТГ-ыг үл тоож байна
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
“Тектоник .... энэ компаний барисан байрнаас байр аваад асууд********тай байгаа иргэдийг буртгэж байна гадна тохижилт байрний доор машин зогсоол хэзээ хийж дуусах гээд бнаа .....байрний ордэр хэзээ огох гээд байнаа захир******** гадаад явсан явчихла******** гээд 2 жил боллоо асууд********ийг хртсаар тавина шуу тоосогдуулваа дагзаа

2014-05-01 | 23:13:41 | 183.102.198.69 |

Зочин
БОЛЬЁ ОО

2014-05-01 | 16:14:19 | 103.26.194.10 |

Зочин
хуулич ажиллуулаач

2014-05-01 | 13:51:45 | 103.26.194.6 |

Мэдээ
Гадаад мэдээ
Видео