зарцуулалтын талаарх мэдээллийг УИХ-ын гишүүдэд танилцуулсан. Үүнтэй холбогдуулж гишүүд асуулт асуусан. Ингээд чуулганы хуралдааны дэлгэрэнгүйг хүргэж байна.

О.Содбилэг

-Бондын зарцуулалтыг яагаад Үндэсний аюулгүй байдлын зөвлөлд танилцуулахгүй байгаа юм бэ. УИХ-ын 52-р тогтоолын биелэлтийг Засгийн газар яаж биелүүлсэн гэж үзэж байна вэ. Концессийн ажил хийгдээд явж байсныг Засгийн газар цуцалчихаад төр хийнэ гэж ажил эхлүүлсэн. Санхүүжилтээ шийдээгүй байж яагаад ажил эхлүүлсэн юм бэ. Эргээд концесс гэдэг шинэ гоё юм нэвтрүүлнэ гээд байх юм. Энэ ажлынсанхүүжүүлтийг босгож чадахгүй бол яах вэ.

Н.Батбаяр

-“Самурай” бол 30 тэрбум иенийн бонд. Хүүг нь хоёр хувааж төлж байгаа. Үндэсний аюулгүйн зөвлөлд тайлангаа шаардсан үед нь өгч байгаа. Тэдэнд өгөхөөс татгалзсан зүйл байхгүй. 52-р тогтоолын тухайд бид ажлаа хуулийн хүрээнд явуулж байгаа. Мөн төмөр замын тухайд гэвэл төмөр замын төсөлд 450 сая ам.доллар өгсөн гэж би мэдэгдээгүй. Тийм шийдвэр ч байхгүй.

А.Гансүх

-2012 оны сонгуулийн үр дүнд байгуулагдсан шинэчлэлийн Засгийн газар байгуулагдсны дараа төмөр замын үйл ажиллагаанд шалтгалт хийсэн. Таван яамны сайд буюу Баттулга, Ганхуяг, Батбаяр, Сайханбилэг бид нар концесс өгсөн асуудлыг шалгаж үзсэн. Шалгалтын дүнд Монголын төмөр зам компанидконцессийг зээлсэн байсныг нь буцаагаад концессийг нь шилжүүлсэн.Монголын төмөр зам компани энэ ажлыг шилжүүлж авахад газар шорооны ажил 80 хувьтай явагдаж байсан учраас энэ ажлыг үргэлжлүүлээд явж байгаа. Өнөөдөр Төмөр замын хоёр хэсэгт санхүүжилт өгсөн. Эхний ээлжинд Хөгжлийн банк өөрийн эх үүсвэрээс 55 сая ам.долларыг шийдсэн. Гэхдээ үүнийгээ бүрэн авааүй байгаа. 21 сая 618 мянга 80 ам.долларыг авсан. Яагаад гэвэл гүйцэтгэлээр нь санхүүжилт хийгээд явж байгаа. Хийсэн ажлынхаа гүйцэтгэлийг Хөгжлийн банкинд өгөөд мөнгөө аваад явж байгаа. Харин хоёр дахь хэсгийн санхүүжилт бол “Чингис” бондоос. Бондын зөвлөл 400 сая ам.доллар олгоно гэж шийдсэн. Үүний эхний ээлжинд 200 сая ам.долларыг олгохыг Засгийн газрын шийдвэр гарсан. Үүний дагуу өнөөдөр 164 сая 601 мянга 749 сая ам.долларыг зарцуулаад байна. Ингээд өнөөдөр 186 сая 219 мянга 829 сая ам.долларыг санхүүжилтийг Тавантолгой Гашуун сухайт чиглэлийн төмөр замын үйл ажиллагаанд зарцуулаад байна. Энд 400 саятай холбоотой буруу ойлголтыг Батбаяр сайд буруу өгсөн. Үүний залруулга болгож мэдэгдэл гаргасан.

Ч.Хүрэлбаатар

-Төсвийн тухай хуулийг 2011 оны 12 дугаар сард баталсан. Төсвийн тухай хуулийн 49.1 дээр Засгийн газар дараах зорилгоор өр үүсгэж болно гэж байгаа юм. 49.1,1 нь Засгийн газар энэ төсөл хөтөлбөрийг санхүүжүүлэх гэж байгаа. Харин 49.3 дээр өр үүсгэж бүрдүүлсэн эх үүсвэрээ зөвхөн төсөвт тусгана. Давхар төсөл арга хэмжээг санхүүжүүлэхэд зарцуулна гэсэн байгаа. Өөрөөр хэлбэл, “Чингис” бондын хөрөнгөөр санхүүжүүлж байгаа төсөл хөтөлбөр болгоныг УИХ дээр оруулж, батлуулж, төсвийн нэг бүрэлдэхүүн болгож явах учиртай ийм хууль байгаа юм. Гэтэл энэ хуулийг Засгийн газар зөрчөөд нэлээн удаан хугацаанд ажиллаа. Тэгэхээр энэ хууль бус үйлдлээ хэзээ зогсоох вэ. Бид нар ямар төсөл хэрэгжүүлснийг үнэхээр мэдэхгүй байна. Үр дүнтэй юу, үгүй юу гэдгийг мэдэхгүй байна. Тэгэхээр нийтдээ “Чингис” бондыэхөрөнгөөр ямар, ямар компаниудтай, хэдэн төгрөгийг гэрээ хийсэн баримтаа гишүүдэд тараагаад өгчих. Бид нар гэрээг нь үзээд зөв зүйлд зарцуулж байна үгүй гэдгийг ойлгоно. Тиймээс ирэх даваа гаригт бүх гэрээг бүх гишүүдэд тарааж өг. “Чингис” бондын үлдэгдэл төгрөгөөр хэд үлдсэн, доллараар хэд үлдсэнийг дансны хуулбараар авья. Тайлбар хэрэггүй, тэртээ тэргүй та нар худлаа ярина. “Чингис” бондын мөнгийг яагаад доллараар нь хадгалж болохгүй гээд байгаа юм. Нөгөө валютынхаа цэвэр нөөцийг бүгдийг нь дуусгачихаад “Чингис” бондынхоо мөнгийг зарж валютын ханшийг барих оролдлого хийж байгаа юм биш биз дээ.

Н.Батбаяр

-1,2 их наяд төгрөгийн үлдэгдэл Хөгжлийн банкны дансанд байгаа. Дансны хуулгыг хүргүүлье. “Чингис” бондын долларыг бид үе шаттайгаар Сангийн яамаар дамжуулж Монголбанкинд арилжаалсан. Мөн “Чингис” бондын талаарх гэрээг бүлгүүдэд өгье. Ер нь танай бүлэг дээр мэдээлэл хийе гэхээр авахгүй гээд байгаа шүү дээ. Тэгээд дараа нь өөр юм яриад байх юм. Бүх мэдээллээ надаас авч болно, нууж хаагаад байх зүйл алга. Харин төсвийн тухай хуулийг зөрчсөн талаар хариулт хэлэхэд өнөөдөр Монгол Улсын Засгийн газар УИХ-аас баталж өгсөн төсвийн хуулийн хүрээнд ажиллаж байгаа. Төсвийн хуулийн зөрчсөн үйлдэл нэгийг ч хийгээгүй.

Д.Сумъяабазар

-“Чингис” бондын зарцуулалтын тоонууд хоорондоо зөрөөд байгаа нь үнэн ш дээ. Зам тээврийн сайдын яриад байгаа 255 сая ам.долларыг Эдийн засгийн хөгжлийн яамнаас өгсөн гэж яриад байгаа. Гэтэл Эдийн засгийн хөгжлийн сайд нь 450 сая ам.долларын санхүүжилт олгосон гээд байдаг. Энэ мэт учир нь олдохгүй, ард түмний толгойг эргүүлсэн асуудлыг болих хэрэгтэй ш дээ. Иймэрхүү зүйлээс болоод тооны зөрүү гараад байгааг хүлээн зөвшөөрөх хэрэгтэй. Гудамж төслийн талаарх нарийн задаргааг авмаар байна. Ийм замбараагүй байж болохгүй шүү дээ. Эсвэл энэ Засгийн газар 2016 онд ялахгүй гэж бодоод ийм замбараагүй байдал үүсгээд байгаа юм уу.

Н.Батбаяр

-Гудамж төслийн талаар Их хурал дээр өнгөрсөн жил хийсэн ажлаа нэг бүрчлэн танилцуулсан. Тэр материалыг та бүхэнд тарааж өгсөн. Мөн gudamjtosol.mn цахим хуудаст бүгд байгаа. Мөн төмөр замын хөрөнгө дээр 250, 450 гэж яриад байх юм. 450 гэж хаана ч байхгүй. Байхгүй зүйлийг худлаа зохиож ярьдагаа болих хэрэгтэй. Та нар шалгаад үз л дээ. Хий хоосон хардахаа болих хэрэгтэй.

Д.Хаянхярваа

-“Чингис” бондын мөнгийг юунд зарцуулах ёстой гэдэг чинь хамгийн тодорхой асуудал шүү дээ. Үндэсний аюулгүй байдлын зөвлөмжинд хүртэл тусгасан. Гэтэл өнөөдөр тэдний алийг нь ч биелүүлээгүй байна. Үндэсний аюулгүй байдлын зөвлөл үүнийг мөн хэлээд байгаа шүү дээ. Та нар Үндэсний аюулгүй байдлын зөвлөл, Их хуралд үүнийхээ талаар тайлан гаргаад өг гэхэд шаардлага хангасан тайлан гаргаж өгөх чадваргүй Засгийн газар байна. Чадах ч үгүй юм байна. Үүнд Ерөнхий сайд ч их эмзэглэж байна лээ. Түрүүнд намын бүлгийн дүгнэлтэд их эмзэглэж байсан. Үнэн үг хэлэхээр хүн их эмзэглэдэг шүү дээ. Та үнэнийг сонсч сурах хэрэгтэй. 1990 оноос хойшхи Ерөнхий сайд дотроос хамгийн худалч нь та. Мөн танай Засгийн газрын гишүүд ч ялгаагүй бүгд худалч. Тиймээс чуулганы танхимд та нарын хариулж байгаа зүйлд ард түмэн итгэхгүй. Яагаад гэвэл “Чингис” бондыг анх авч байхдаа их гоё юм ярьж байсан. Гэтэл өнөөдөр Ерөнхий сайд хэлсэн үгнийхээ төгсгөлд “Одоо бүгдээрээ толгойгоо уралдуулж бодье, хүүг нь яаж төлөх вэ, мэргэн ухаанаа олохгүй бол болохгүй нь” гэж яриад байх юм. Уг нь ухаантай Засгийн газар байсан бол эхэлж яаж төлөх вэ, хаанаас мөнгө олох уу, гэдгээ тооцсныхоо дараа хөрөнгөө зарцуулах ёстой. Та нар авчирсан хөрөнгөөрөө юм болгож чадсангүй. Тиймээс цаашид Ерөнхий сайдын мэдээлэл гэж худлаа үг сонсох явдлыг УИХ-ын дэгээс хасах хэрэгтэй. Надад асуух зүйл алга.

Н.Алтанхуяг

-Миний бэлдэж хийсэн зүйлийг Хаянхярваа гишүүн та худлаа гэж байгаа юм байна. Үүнийгээ та нотлох хэрэгтэй. Асуулт асуухгүй байгаа чинь аргагүй, үнэнд гүйцэгдэх учраас асуулт байхгүй гэсэн үг.

Д.Ангараг