15-нд, Атлантын далайн эрэг дэх жижиг суурин Форталеза дахин хэвлэл мэдээллийнхний анхаарлын төвд орлоо. Гэхдээ энэ удаад мэдээллийнхний анхаарал хөл бөмбөгийн ногоон талбайгаас улс төрийн хүндэт зочдын индэрт шилжсэн юм. Бразил, ОХУ, Энэтхэг, БНХАУ, ӨАБНУ-ын удирдагчид Форталезад цуглаж, БРИКС-ийн орнуудын удирдагчдын 6 дахь уулзалт хийв.

Энэ таван улс БРИКС-ын орнуудын хөгжлийн банк байгуулж, БРИКС-ын орнуудын онцгой нөөцийн төлөвлөлт буй болсныг зарлалаа. Тус хоёр байгууллага байгуулагдсан явдал нь БРИКС-ын орнууд "БРИКС маягийн" дэлхийн банк, олон улсын валютын сангийн байгууллага болгон бүтээн байгуулж, шинээр хөгжиж буй эдийн засагтай улс орон дэлхийн индэрт улам илүү үг хэлэх эрхтэй болоход тустай болсон гэж үзэж байгаа аж. Уг банкны төв Шанхайд байгуулагдах бөгөөд олон улсын санхүүгийн байгууллага ийнхүү анх удаа төв банкаа Хятад улсад байрлуулж байгаа юм.

15-нд зохиогдсон БРИКС-ын орнуудын удирдагчдын 6 дахь уулзалтын үеэр БРИКС-ын орны сангийн сайд нар тус таван орны удирдагчдыг байлцуулан БРИКС-ын орнуудын хөгжлийн банк байгуулах гэрээнд гарын үсэг зурлаа. Хятадын Сангийн сайд Лөү Живэй Хятадын засгийн газрыг төлөөлөн гэрээнд гарын үсэг зурав. Хятад улсын дарга Ши Жиньпин илтгэлдээ Талуудын хамтын хүчин чармайлтаар, хөгжлийн банк байгуулах талаар өнөөдөр нийтлэг ойлголтонд хүрлээ. Энэ бол БРИКС-ын орнуудын хамтын ажиллагааны үйл явцад маш чухал бөгөөд алс хэтийн ач холбогдолтой үр дүн мөн. БРИКС-ын орнуудын эв нэгдэлтэй хамтарч ажиллах, хамтдаа хөгжих улс төрийн зорилтыг харуулав. БРИКС-ын орнуудын олон улсын банк санхүүгийн үйл хэрэг дэх үг хэлэх эрхийг нэмэгдүүлэхэд тустай төдийгүй хөгжиж буй улс орны ард түмэнд ашиг тус хүртээх болно.

Тус банкны төвийг Шанхайд байгуулахыг дэмжсэн та бүхэнд баярлалаа. Бид талуудтай нягт хамтран ажиллахын тулд сайтар бэлтгэл хийж, банкийг даруйхан ажиллуулж эхлэхийг баталгаажуулахад бэлэн байна" гэв.

БРИКС-ын орнуудын удирдагчид 2013 онд болсон дээд хэмжээний уулзалтын үеэр БРИКС-ын хөгжлийн банк байгуулах тухай нийтлэг ойлголтонд хүрсэн юм. Гишүүн орнуудын сангийн яам 2013 оны 8-р сараас эхлэн нийт 7 удаагийн хэлэлцээр хийж, эцсийн бүлэгт БРИКС-ын хөгжлийн банк байгуулах хэлэлцээрт санал нэгдэж чадсан юм. Уг гэрээнд голдуу, БРИКС-ын орнууд болон бусад хөгжиж буй зах зээлтэй улс, хөгжиж буй улс орны дэд бүтцийн бүтээн байгуулалт, тогтвортой хөгжлийг дэмжиж ажиллах нь банкны гол зорилт юм. Банкны анхны суурь мөнгө 100 тэрбум ам.доллар байх бөгөөд үүнийг БРИКС-ын орнууд адил тэгш гүйцэтгэх, БРИКС-ын гишүүн таван орон уг банкны үүсгэн байгуулагч бөгөөд банк байгуулагдсаны дараа шинэ гишүүн татан оролцуулах, Банкны төвийг Шанхайд байгуулах, Банкны ерөнхийлөгч БРИКС-ын орнуудаас ээлжилж сонгогдох, банкны анхны ерөнхийлөгчийг Энэтхэг улсаас дэвшүүлэх зэрэг агуулга багтжээ.
Мөн өдөр Хятадын Ардын Банкны захирал Жөү Шяочуань Хятад улсын засгийн газрыг төлөөлж, БРИКС-ын бусад гишүүн орны төлөөлөгчдийн хамт "БРИКС-ын орнуудын онцгой нөөцийн төлөвлөлтийн гэрээ"-нд гарын үсэг зурав. БРИКС-ын орнуудын онцгой нөөцийн төлөвлөлтөд, анхны шатанд 100 тэрбум ам.долларын цар хүрээ бүхий валют харилцан солилцохоор тохирч, гишүүн орнуудад хөрөнгө мөнгө гадагшлах, өр зээлийн хямрал зэрэг санхүүгийн онцгой байдалд гарах тохиолдолд хөрөнгө санхүүгийн туслалцаа олгохыг хариуцаж ажиллах юм. Хүмүүс уг байгууллагыг бас "цомхтгосон Олон улсын валютын сангийн байгууллага" гэж ч нэрлэж байна. Энэ удаагийн дээд хэмжээний уулзалтын даргалагч орон Бразилын Ерөнхийлөгч Дильма Руссефф Өнөөдөр бид БРИКС-ийн орнуудын хөгжлийн банк, яаралтай санг албан ёсоор байгууллаа. Энэ бол маш чухал алхам юм. Бүх дэлхийн хэмжээнд засан сайжруулахад энэ нь тус дэм болно. Бид бас тунхаг баталж, олон улсын болон бүс нутгийн асуудлаар хамтын ажиллагаагаа улам эрчимжүүлэхээ нотоллоо.

Хэдийгээр бид газар зүйн хувьд алслагдмал, маш чанга олон туйлт чанарыг агуулсан боловч бат нягт түншийн харилцааг байгуулахаар хичээн зүтгэж байгааг энэ бүхэн харуулж байна. Энэ нь олон улсын систем, олон улсын дэглэмийг улам сайжруулахад тустай юм" гэжээ.
БРИКС-ийн орнуудын хөгжлийн банк бол "шинэ зах зээлтэй орон"-оор гол болгосон дэлхийн анхдагч банк юм. Энэ утгаараа түүний эдийн засгийн ерөнхий хэмжээ бүх дэлхийн 21 хувийг эзэлж, бүх дэлхийн гадаад валютын нөөцийн 40 хувийг эзэмшиж байгаа БРИКС-ийн орнууд дэлхийн банк санхүүгийн хүрээнд улам идэвхтэй нөлөө үзүүлэх болно.

БРИКС-ийн орны удирдагчдын 2-р уулзалтаар, уг хоёр механизмыг байгуулж байгаа нь "урьдах хойдохыг холбож буй" Бразилын дээд хуралд онцгой ач холбогдолтой юм. Ши Жиньпин хэлсэн үгэндээ, одоогоор БРИКС-ийн орнууд хамтын ажиллагааны шинэ зураг төслөө төлөвлөх ёстой бөгөөд дэлхийн нээлттэй эдийн засгийг цогцлоон байгуулагч байх хэрэгтэй юм гэжээ.

Ши Жиньпин,"бид амжилт туршлагаа дүгнэсний үндсэн дээр, хамтын ажиллагааны шинэ зураг төслийг төлөвлөх хэрэгтэй.

Энэ зураг төсөл нь БРИКС-ийн орнуудын нягт бат, тал бүрийн түншийн харилцаа болох юм.
Энэ нь БРИКС-ийн орнуудын хамтын ажиллагааны түншийн харилцааны өвөрмөц чанарыг нэмэгдүүлэхийг биднээс шаардаж, үзэл санаагаа чөлөөлж, өөр өөрийн давуу талаа нэмэгдүүлж, эдийн засгийн хамтын ажиллагаагаа харилцан эрчимжүүлж, дэлхийн том зах зээлийг бий болгон, дэлхийн үнэ өртгийн сүлжээг төгөлдөржүүлж, дэлхийн нээлттэй эдийн засгийг цогцлоон байгуулагч болох зэргийг баримтлах хэрэгтэй" гэжээ.

2009 онд БРИКС-ийн орнуудын хамтын ажиллагаа хөгжиж удирдагчдын уулзалтын механизм болсон юм. Сүүлийн жилүүдэд, БРИКС-ийн орнуудын хамтын ажиллагаа олон улсын улс төр, олон улсын эдийн засаг, бодит хамтын ажиллагаа зэрэг гурван замаар адилхан урагшлах боломжийг бүрдүүлжээ. Ялангуяа терроризмын эсрэг, Ойрх дорнод, Афганистаны асуудал, Сири, Украйн зэрэг олон улсын болон бүс нутгийн халуун цэгийн чухал асуудлаар байр сууриа зохицуулж, хамтаар хичээн зүтгэх болсон юм.

Орон нутгийн цагаар 16-нд, БРИКС-ийн орны удирдагчид нийслэл Бразилиад Өмнөд Америкийн орнуудын холбооны удирдагчидтай яриа хэлэлцээ хийсэн байна.