Төвдийн хуанли нь сар болон түүний мөчлөгт тулгуурласан байдаг. Өөрөөр хэлбэл, Сар гадаад болон дотоод ертөнцөд хэрхэн нөлөөлж байгааг тодорхойлдог байна. Төвдийн зурхай нь үндсэн гурван системтэй. Үүнд: 12 жил, 5 махбодь, 9 тоо байдаг. 12 амьтны систем нь бидний мэдэх 12 жил, 5 махбодь нь мод, гал, шороо, төмөр, ус байдаг.

Тэдгээр махбодь нь 2 жил давтагддаг. Эдгээр систем нь нийлээд 60 жилийн цикльтэй буюу түүнийг метренг гэж нэрлэнэ. Метренг тус бүрт 12 жил 5 удаа өөр өөр махбодьтой тохиодог гэж үздэг. Тэгш жилийг эр, сондгой жилийг эмд тооцож, эр энерги нь үйл хөдөлгөөн, сарны эрч хүч, хүйтэнтэй холбогддог. Ийм жилд цаг агаар тайван тогтвортой, тайван амгалан байдаг бол эм энергийн жил нь сэтгэл санааны хувьд тогтворгүй, нарны энергитэй, дулаан байдаг гэнэ.

Дээр дурьдсан 5 махбодь нь 5 өнгийн билэгдэлтэй. Тухайлбал,

Мод-ногоон

Гал-улаан

Шороо-шар

Төмөр-цагаан

Ус-цэнхэр өнгийг билэгддэг. Төвдийн одон зурхайгаар бид төрсөн жил, махбодь, мева буюу 1-9-ийн тооны чухам аль гаригт төрснөөр өөр хоорондоо ялгардаг, өөр өөрт тохирсон хувь төөрөгтэй байдаг аж.

Ингээд 1956-2014 оны хоорондох жилийн зурхайг хүргэе.

1956 оны Гал бичин жил: Эр жил. Гал бичин жилд төрсөн хүмүүс оюуны өндөр чадамжтай, тойрон хүрээлэгчиддээ хүчтэй нөлөөлдөг. Өөрийн зорилгодоо хүрэх хангалттай эрч хүчтэй хүмүүс байдаг. Гэхдээ тэдний сонирхол амархан буурдаг, зарим тохиолдолд өөрөө чухам юу хүсч, юунд зорьж байгаагаа ч ойлгохгүй нөхцөл байдалд ордог. Гал бичин жилд төрсөн хүмүүс сайхан хувцас өмсч, үнэт эдлэл хэрэглэх дуртай. Өөрийн амьдралынхаа туршид хэнээс ч хамааралгүй ихээхэн хэмжээний эд хэрэглэл цуглуулж чаддаг.

1957 оны Гал тахиа жил: Эм жил. Энэ жилд мэндэлсэн хүмүүс хөдөлмөрч хүмүүс байдаг. Өөрийн ухамсарт амьдралынхаа туршид хийж байгаа зүйлдээ бүхий л сэтгэлээ зориулан зүтгэдэг. Гүн ухаантай, илтгэх ур чадвар сайтай, амьдралынхаа мөч бүрийг хайрлаж, аливаа зүйлийн учир шалтгааныг ажиглан таньж мэдэхийг эрмэлздэг. Өөрсөдтэйгөө адилхан хүмүүст итгэмтгий.

1958 оны Шороон нохой жил: Эр жил. Ийм махбодьтой жилд төрсөн хүмүүс ихэмсэг зантай боловч тэсч тэвчишгүй хурц ааштай. Өөрийн сэтгэлдээ төрсөн сэтгэгдлийг хэнээс ч айж эмээлгүй хэлж орхидог. Нээлттэй зантай энэ махбодид төрсөн хүмүүс аливаа зүйлийг төлөвлөн түүндээ хүрэхийг эрмэлздэг. Спортоор хичээллэх дуртай, явган алхахыг таашаадаг.

1959 оны Шороон гахай жил: Эм жил. Энэ жил хорвоод мэндэлсэн хүмүүс аливаа нэг асуудалд тун нухацтай ханддаг, найрсаг нөхөрсөг зан төлөвтэй, санхүүгийн байдлаа өөрөө цогцлоодог. Гэр бүл, найз нөхөддөө ээлтэй. Биеийн тамирын дасгал хөдөлгөөн хийдэггүй, үе үе хоолны дэглэм барих дуртай. Өдрийн туршид тэдний санаа бодлыг хайр дурлалын асуудал татаж, санааг нь зовоож байдаг. Аз жаргалын өнгө нь шар, саарал, алтлаг өнгө байдаг.

1960 оны Төмөр хулгана жил: Эр жил. Энэ жилд төрсөн хүмүүс 5 дах мэдрэхүйгээрээ бусадтай ойр дотно харилцааг үүсгэдэг. Мөнгөө дэмий зүйлд үрэх дуртай боловч тэд хэзээ ч санхүүгийн бэрхшээлд орохгүй. Их авьяас, үнэнч шударга зан, өөрийн хүчиндээ итгэх итгэлийг тэнгэр бурхан энэ жилд төрсөн хүмүүст заяасан байдаг. Бусдад туслах халуун сэтгэлтэй.

1961 оны Төмөр үхэр жил: Эм жил. Энэ махбодид төрсөн хүмүүс хөдөлмөрч, идэвхтэй, ухаалаг, биеийн хүч тамир тэнхээ ихтэй. Тэдний ажил ар араасаа ундарч байдаг. Найз нөхөд тойрон хүрээлэгчид нь тэднийг ихэд хүндлэн хайрладаг. Урлаг уран сайхны өндөр мэдрэмжтэй, өвчин ээрдэггүй, бусадтай дайсагналцдаггүй.

1962 оны Усан бар жил: Эр жил. Түрэмгий зантай, үнэнч шударга зан байдлыг дээдэлдэг. Мэдрэмтгий махбодитой энэ жилд төрсөн хүмүүс бэлгийн дур сонирхол ихтэй. Аялж зугаалахыг дээдэлдэг, улс төрд хүч үзэхийг эрхэмлэдэг. Олны танил болж чадвал тэд тогтвортой найдвартай нэгэн байх боловч амьдралын төлөв нь тогтворгүй, баялаг нь дүүрэн байдаг.

1963 оны Усан туулай, жил: Эм жил. Өөрийн санаа бодлоо эвлэгхэн илэрхийлж чаддаг, тэгш дүүрэн. Найз нөхөд, гэр бүлийнхэнтэйгээ эвсэг, хайрлагдан хүндлэгддэг. Амьдрал нь дээшилж, дордсон үед ч хүн чигээрээ үлдэхийг эрхэмлэдэг. Амьдралыг тэд нулимсгүй инээд хөөр баяр цэнгэлээр төсөөлдөг.

1964 оны Модон луу жил: Эр жил. Гайхалтай сайхан ярьж хэлж чаддаг боловч тэр нь амьдрал дээр биелэх нь ховор. Сэтгэлдээ байнгын айдас дагуулж явдаг, тэдэнд гайхалтай эрүүл бие махбодийг заяасан байдаг. Нийтэч зантай, олон найз нөхөдтэй, нээлттэй, шинэ зүйлийг сэдэж, урлагт шунан дурладаг.

1965 оны Модон могой жил: Эм жил. Нийтэч, ажиллаж хөдөлмөрлөх дуртай. Бусад могой жилүүдээс хамгийн их нөхөрсөг зантай. Авьяаслаг, ухаалаг, гэр бүлийнхээ сайн сайхны төлөө олон зүйлийг гаргуунд гаргаж чаддаг. Тэдэнд хэн нэгэн нь зөвлөхийг тэд хэзээ ч тэвчихгүй.

1966 оны Гал морь жил: Эр жил. Гал морин жилд төрсөн хүмүүс их азтай байдлаг боловч зарим тохиолдолд тэсэшгүй зан төрх нь тэдний амжилтанд саад тотгор үүсгэдэг. Хүмүүсийн анхаарлын төвд байх дуртай боловч энэ нь тэднийг гол маргааны бай болгох эрсдэлд хүргэдэг. Энэ махбодид төрсөн хүмүүст гэр бүл хайр дурлал, санхүү, ажлын байр байдал нь байнгын уналт, өгсөлттэй байдаг.

1967 оны Гал хонь жил: Эм жил. Гал хонин жилд төрсөн хүмүүс дуу хоолой уян, гадаад төрх сайтай. Түүнд тусалж байгаа хүмүүсийг үнэн сэтгэлээсээ хүндэлж хайрлан талархдаг. Тэдний амьдралын гол зорилго нь өмнөө тавьсан зорилгодоо ямар нэгэн байдлаар хүрэх. Зорилгодоо хүрч чадахгүй мөхөх үедээ хачин муухай ааш гаргаж бусдыг өөрөөсөө түлхдэг.

1968 оны Шороон бич жил: Эр жил. Нийтэч зан төрхтэй, бусдаар тойрон хүрээлүүлэх чадвар сайтай. Санаж сэдэх нь удаан боловч ам нь түргэн. Өөрийнхөө хүсэл мөрөөдлийг биелүүлэхийн төлөө тууштай тэмцдэг. Тэднийг тойрон хүрээлэгчид нь хайрлан хүндэлдэг. Эд баялаг арвинтай, биеийн эрүүл мэнд хэврэг. Эрүүл мэндээ хамгаалахын тулд байнгын дасгал хөдөлгөөн спортоор хичээлэхийг мартаж болохгүй.

1969 оны Шороон тахиа жил: Эм жил. Энэ махбодид төрсөн хүмүүс мятрашгүй гүн ухаантай, аливаад уян хатан ханддаг. Бусдаар хүндлүүлэх дуртай боловч заримдаа ядаргаатай зан төрхийг үзүүлж, өөрөө өөрийгөө ядраадаг. Нэр төр, алдар хүндэд хүрэхийг эрхэмлэж, зарим тохиолдолд найз нөхдөө гаргуунд гаргаж дайсагналцах нь бий.

1970 оны Төмөр нохой жил: Эр жил. Шийдвэртэй зан төлөвтэй, урлаг уран сайхны мэдрэмж сул дорой. Өөрийн итгэл үнэмшлийн төлөө маргалдах, түүнийгээ олон нийтийн дунд айж эмээлгүй ил гаргах дуртай. Бусад нохой жилд төрсөн хүмүүсээс ялгарах онцлог нь төмөр энергитэй нохой жилтнүүд хувийн зохион байгуулалт сайтай, логик дүн шинжилгээ хийхдээ гаргуун, аливаа зүйлийн учир шалтгааныг тодруулахад оюун ухаанаа чилээх дуртай.

1971 оны Төмөр гахай жил: Эм жил. Оюун ухаан сайтай, эр зоригтой. Эргэн тойрны хүмүүстээ хүндлэгддэг боловч үл ялих зүйлд огцом уурлаж бусдыг өөрөөсөө түлхдэг. Эмс, нийгмийн ажилтан, зохион байгуулагч, багш зэрэг зохиолч уран бүтээлч сэтгэлгээтэй ажил тохиромжтой. Гэр бүлийнхэндээ халж муу боловч өрөөл бусдад туслах халуун сэтгэлтэй

1972 оны Усан хулгана жил: Эр жил. Ухаалаг тэвчээртэй, бусдыг ятган сэнхрүүлэх авьяастай. Овсгоотой тэдний санхүүгийн байдал нь тогтворгүй байдаг.

1973 оны Усан үхэр жил: Эм жил. Хувийн зорилгодоо хүрэхийг дээдэлдэг, хөдөлмөрч, найдвартай, нэр алдарын араас хөөцөлдөж, хүндрэлтэй асуудлаас амархан гарах аргыг сүвэгчилж чаддаг. Усан үхэр жилд төрсөн хүмүүст оюу өнгө амжилт, аз жаргалыг авчирдаг.

1974 оны Модон бар жил: Эр жил. Модон бар жилтнүүд сэрэл мэдрэмж өндөртэй, амин хувиа хичээсэн зантай. Эд баялаг, алдар нэрд хүрэхийн тулд бусдыг залилж ч мэднэ. Ажиллаж хөдөлмөрлөх дуртайн адил бусадтай тэмцэлдэх дуртай. Эд баялаг алдар нэр дүүрэн дундтай. Энэ жилд төрсөн хүмүүс сайн илтгэгч, сонсогч байж чаддаг.

1975 оны модон туулай жил: Эм жил. Энэ жилд төрсөн хүмүүс эсрэг хүйсийнхнээ өөртөө татах чадвартай. Жүжиглэх, дуулах, бүжиглэх зэрэг урлагийн авьяастай. Зөөлөн, нөхөрсөг зан төрхтэй. Орчин нөхцөлдөө амархан дасан зохицож чаддаг боловч хатуужил, зарчимч зан дутагдаж зорилгоосоо няцах нь бий.

1976 оны Гал луу жил: Эр жил. Шударга зантай тэд үнэн шударга байдлын төлөө ямар ч хамаагүй үнэ цэнээр тэмцэл хийдэг. Ойр тойрныхондоо хүнлэг сэтгэлээр ханддаг. Эдгээр зан чанараараа олны хайр хүндэтгэлийг хүлээдэг. Энэ жилд төрсөн хүмүүс өндөр дээд албан тушаал хашиж, хууль тогтоодог. Тэд ихээхэн хэмжээний эд баялагтай төрсөн хувь заяатай.

1977 оны Гал могой жил: Эм жил. Төрөлхийн уур уцаартай боловч тэд үнэн хэрэгтээ эерэг зөөлөн сэтгэлтэй. Ертөнцийг өөдрөг үзлээр хардаг. Өвдөж зовох нь бага. Ойр тойрныхон нь тэднийг хүндэлдэг. Урлан бүтээх авьяастай, зохион бүтээх чадвар сайтай.

1978 оны Шороон морь жил: Эр жил. Зоригтой, нийтэч зан чанартай. Бусдаар туслуулах, бусдын зөвлөгөөг сонсох дуртай. Хичнээн мэрийх боловч нэр алдарт хүрч чаддаггүй. Бизнес төлөвлөлт, хуульч, эмнэлэг, анагаах ухаан болон судалгааны ажил хийх ур чадвар сайтай.

1979 оны Шороон хонь жил: Эм жил. Аз жаргалтай боловч хүндхэн амьдралыг туулдаг. Бодит байдалд тэд тун тэвчээртэй, шударга, хүнлэг сэтгэлтэй. Хэтэрхий мэдрэмтгий зан чанартай тэдний гол сул тал нь нүдэнд сайхан харагдах эд зүйлс хэт татагддаг.

1980 төмөр бич, эр жил: Аз жаргалаар дүүрэн гэрлэн бүрхүүлтэй тэд энэ байдлаа ч бусдад түгээдэг. Гадаад өнгө төрх сайтай, олонх нь олон чиглэлээр амжилтанд хүрэх боловч тэдгээрээс хамгийн тохиромжтой нь бизнес эрхлэх. Биеийн хөдөлмөрөөс таашаал авдаг тэдэнд шар, алтлаг өнгө амжилт бүтээлийг авчирдаг.

1981 оны Төмөр тахиа жил: Эм жил. Эд баялаг, хөгжил цэцэглэлт, хүч чадлаар дүүрэн. Аливаа зүйлийн учир шалтгааныг олж тайлахыг эрмэлзэн жижигхэн асуудалд хүртэл анхаарлаа хандуулж чаддаг. Мэдрэмтгий, аливаа асуудалд чин сэтгэлээсээ ханддаг. Логик сэтгэлгээний хөгжил сайтай.

1982 оны Усан нохой жил: Эр жил. Хүний хамгийн сайн сайхан чанаруудыг агуулж байдаг. Тухайлбал, шударга шулуун, үнэнч итгэлтэй, бусдад итгэл найдвар төрүүлдэг, нууц хадгалахдаа сайн гэх мэт. Гэвч заримдаа хувиа хичээсэн, дэндүү зөрүүд болдог. Эд мөнгөнд шунадаггүй ч үргэлж мөнгөтэй байдаг. Анх харахад дуу шуу багатай, хүйтэн хөндий хүний сэтгэгдэл төрүүлдэг. Бусдыг шүүмжлэхдээ сайн, хурц хэл амтай. Юуны төлөө тэмцэж байгаагаа мэддэг, үргэлж шударга үйлсийн төлөө явдаг. Эхэлсэн ажлаа заавал дуусгадаг, ихэнхдээ ялан дийлдэг. Сайн удирдагч, зохион байгуулагч байдаг.

1983 оны Усан гахай жил: Эм жил. Итгэл даах чадвар сайтай, бусдаар өөрийн хүссэн зүйлээ хийлгэх уран аргатай. Тогтвортой зан ааштай тэд сурлагаараа бусдаас ялгарч чаддаг. Ойр тойрныхон нь тэднийг ойлгон харилцахыг эрхэмлэх нь зүйтэй. Бусадтай хамтарч цагийг өнгөрөөх дуртай.

1984 оны Модон хулгана жил: Эр жил. Оролдлого сайтай, ухаалаг, идэвхтэй, олон зүйлийг оролдож, таньж мэдэхийг илүүд үздэг. Ойр тойрныхон нь тэдний чин сэтгэлийг үнэлж, ойлгон хүндэлдэг. Хүнсний ногоог хүнсэндээ байнга хэрэглэж, биеийн эрүүл мэндээ анхаарч байх шаардлагатай.

1985 оны Модон үхэр жил: Эм жил. Хатуу зан чанартай, заримдаа хэт зөрүүд зан гаргадаг. Гэхдээ тэдний дийлэнх нь хүнлэг, тэвчээртэй. Ихэнх нь хөгжин дэвших хувь заяатай төрсөн байдаг.

1986 оны Гал бар жил: Эр жил. Гал бар жилд төрсөн хүмүүс бусдыг удирдан зохион байгуулах, өөрийгөө илэрхийлэх чадвар сайтай. Зарим тохиолдолд тэсч тэвчимгүй зан гаргадаг нь бурхан тэнгэр тэдэнд биеийн харишгүй хүч заяасантай холбоотой гэдэг. Энэ жилд төрсөн хүмүүс өөрийн эрүүл мэнд тухайлбал, зүрх, нүд, цусны эргэлтэндээ анхаарах хэрэгтэй.

1987 оны Гал туулай жил: Эм жил. Хатуу үг дааж чаддаггүй, хурдан гомдож, уурсдаг хэт зөөлөн мэдрэг зан төлөвтэй. Ихэнх нь сайн боловсрол эзэмшиж, эд баялагт хүрч дөнгөдөг.

1988 оны Шороон луу жил: Эр жил. Шороон махбодьтой луу жилд төрсөн хүмүүс омогтой, баяр цэнгэл хөөх дуртай, амьдралын ханиа байнга сольж байдаг. Эрүүл мэнд сайтай боловч залхуу. Энэ жилд төрсөн хүмүүст шар, бор өнгө аз жаргал, амжилт авчирдаг.

1989 оны Шороон могой жил: Эм жил. Амьдралынхаа гол зорилгыг эд баялаг гэж боддог тэд энэ зорилгодоо хүрэх бүрэн чадвартай. Шороон могой жилтнүүд гадаад төрх сайтай, мэргэн, ааш омог ихтэй хүмүүс байдаг.

1990 оны Төмөр морь жил: Эр жил. Гэр бүлээ дээдэлж, хамаг бүхнээ зориулдаг, энэ махбодид төрсөн хүмүүс нэр төрд дуртай, хөгжилтэй ааш зантай. Аливаад эвлэг ханддаг учир ажил олдох нь амар хялбар. Хайр сэтгэлийн хувьд аз муутай. Сайхан хайртай учирсан бол алдахгүйг хичээх хэрэгтэй.

1991 оны Төмөр хонь жил. Эм жил. Хялбархан туньж шантардаг, зохион байгуулалт сайтай, аливаа бэрхшээлийг даван туулахдаа бусдын санаа бодлыг сонсч, зөвлөгөөг дагах дуртай. Бор, цагаан өнгийн хувцас хэрэглэл илүү тохиромжтой. Хүнсний ногоог байнгын хэрэглээгээ болгож эрүүл мэндээ анхаарахад илүүдэхгүй.

1992 оны Усан бич жил: Эр жил. Их ухаалаг, хүчтэй сэдэл, маш мэдрэмтгий зан чанартай. Тааламжгүй байдлаас өөрөө өөрийгөө хамгаалах чадвар сайтай. Эд хөрөнгө цуглуулах, баялагтай болох хувь заяатай.

1993 оны Усан тахиа жил: Эм жил. Усан тахиа жилд төрөгсөд байгалиасаа романтик сэтгэлгээтэй. Мөрөөдөх, аялах дуртай. Найз нөхөд сайтай тэд өөрөө өөртөө итгэх итгэл өндөртэй. Ийм хүмүүс хувь заяаны сорилыг хүлээн авах хүсэлтэй байдгаас гадна маргаанаас зайлсхийх чадвартай байдаг.

1994 оны Модон нохой жил: Эр жил. Модон махбодьтой нохой жилтнүүд нь байгалиасаа тогтворгүй зан ааштай, мэдрэмтгий, ой санамж сайтай, бусдын хайрыг татах гадаад төрхтэй байдаг. Аз түүнийг байнга дагалдаж явдаг. Зарим нь төрийн өндөр дээд албан тушаалыг хашина. Гэхдээ бусдад туслах, тэр дундаа хамгийн түрүүнд ойр дотныхондоо чин сэтгэлээсээ тусалж сурах хэрэгтэй. Хоол боловсруулах эрхтэнээ анхаарч байх шаардлагатай.

1995 оны Модон гахай жил: Эм жил. Энергийн модон махбодьтой гахай жилд төрөгсөд идэвхтэй, хариуцлагатай боловч заримдаа түрэмгий зан чанарыг айж ичилгүйгээр ил гаргадаг сул талтай. Тэд хамгийн найдвартай анд нөхөр эсвэл хайр сэтгэлтэй нэгэн болж бусдыг будилуулах арга заль ихтэй. Энэ жилд төрсөн хүмүүстэй харицахдаа дипломат зан харилцааг үүсгэж, тулгамдсан асуудлаа шийдвэрлэх нь зүйтэй болно.

1996 оны Гал хулгана жил: Эр жил. Гал махбодьтой хулгана жилтнүүд мэдрэмтгий, амьдралын үнэ цэнийг мэдэрдэг хүмүүс байдаг. Тэд аливаа зүйлийг тунгаан бодох дуртай, ой ухаан сайтай. Хоолныхоо хэмжээнд анхаарч, байнга дасгал хөдөлгөөн хийж идэвхтэй амьдрах хэрэгтэй.

1997 оны Гал үхэр жил: Эм жил. Гал махбодийн ачаар үхэр жилд төрөгсөд идэвхтэй, боломжийг алдахыг хүсдэггүй зан чанартай төржээ. Гэр бүлийнхээ сайн сайхны төлөө ядарч цуцахыг мэдэхгүй хөдөлмөрлөнө. Байгалиасаа удирдан зохион байгуулах авьяастай, ойр тойрныхныгоо цэнэглэж идэвхтэй амьдралд уриалан дуудах чадвартай. Энэ жилд төрсөн хүмүүст ногоон өнгө аз жаргал, амжилт авчирдаг.

1998 оны Шороон бар жил: Эр жил. Шороон бар жилтнүүд хурц ааштай, ихэмсэг зантай, тууштай, шударга. Өөрийн хүчинд дээд зэргээр итгэдэг шороон бар жилтнүүдийн дотроос уран зохиолч, агуу илтгэгчид төрдөг. Санхүү, хуулийн чиглэлд амжилт гаргадаг.

1999 оны Шороон туулай жил: Эм жил. Шороон махбодьтой туулай жилд төрсөн хүмүүсийн хамгийн гол шинж чанар нь айдас. Маш ухаалаг, яриасаг тэд шинжлэх ухааны онолуудыг хялбархан ойлгож, аливаа зүйлийн учир шалтгааныг олж чаддаг. Өөрт байгаа зүйлсээ алдахаас үнэн хэрэгтээ айдаг боловч айдсаа даван туулж чаддаггүй. Энэ жилд төрсөн хүмүүс мөрийтэй болон бооцоот тоглоомоос хол явах хэрэгтэй. Мөнгө тэний хувьд амар хялбар олдох зүйл биш гэдгийг санах хэрэгтэй.

2000 оны Төмөр луу жил: Эр жил. Энергийн төмөр махбодьтой луу жилд төрөгсөд бардам, хүч чадал сайтай. Байгалиасаа эд баялагтай байх заяатай. Өөртөө итгэлтэй боловч амьдралдаа алдаатай олон сонголт хийдэг. Олон нийтийн өмнө өөрөө өөрийгөө илэрхийлэх чадвартай тэдний санаа бодлыг өөрчлөхөд тун бэрх, зөрүүд. Амьсгалын замын эд эрхтэний эрүүл мэнддээ анхаарах хэрэгтэй.

2001 оны Төмөр могой жил: Эм жил. Энэ жилд мэндэлсэн хүмүүс хурц хэлтэй, бусдыг шүүмжлэх дуртай, тогтворгүй зан ааштай. Урлаг уран сайхны мэдрэмж авьяас сайтай. Санхүүгийн асуудалгүй амьдарна. Тэдний амьдралын гол даалгавар нь бусадтай энх тайванчаар харилцаж, хэрүүл маргаанаас зайлсхийх, эвлэрч амьдардаг.

2002 оны Усан морь жил: Эр жил. Энэ жилд төрсөн хүмүүс ухаалаг, гадаад төрх үзэмж сайтай, бусдаас хараат бус байдлыг эрхэмлэдэг. Урлан бүтээх чадвар сайтай, өөрийн гараар элдэв сонин зүйл урлан бүтээх дуртай. Бусдын чадахгүй байгаа зүйлийг хийж түүнээсээ таашаал авах, бахархах дуртай. Тэд өөрийн ухамсарт амьдралдаа уур хилэн, залиас зугатах, хагацах хэрэгтэй.

2003 оны Усан хон жил: Эм жил. Энэ махбодид төрөгсөд аялж зугаалах дуртай, их хүсэл тэмүүлэлтэй. Мөнгөө хамаагүй үрсэн ч тэднийг баялаг байнга дагадаг. Гэхдээ мөнгө хүнийг эвддэг гэдгийг санахад илүүдэхгүй. Байгалиасаа тайван, эргэцүүлэн бодох чадвар сайтай боловч тун гөжүүд зантай.

2004 оны Модон бич жил: Эр жил. Модон махбодитой бич жилтнүүд нийтэч, идэвхтэй. Хурц ухаантай, бусдыг ойлгох чадвар сайтай. Амьдралынхаа мөч бүрээс таашаал авч түүнээсээ цэнэглэгддэг. Нийгмийн олон салбарт амжилт гаргах чадвартай. Гэхдээ тэдний амжилтанд гэнэтийн сэтгэлийн гутрал буулт саад болох талтай.

2005 оны Модон тахиа жил: Эм жил. Нийтэч, бусадтай өөрийгөө харьцуулах дуртай тэдэнд эд баялаг, эрүүл мэнд харамгүй заяасан байдаг. Ойр тойрныхондоо тааламжтай уур амьсгал бүрдүүлж чаддаг, идэвхтэй. Өөрөө өөртөө байнга ажил ундрааж байдаг, аялж зугаалах дуртай, болгоомж, эмх цэгцтэй байхыг эрхэмлэдэг.

2006 оны Гал нохой жил: Эр жил. Гал махбодид төрсөн нохой жилтнүүд байгалиасаа тэвчээртэй, сэтгэл хангалуун байдаг. Тэднийг бусад хүмүүс шүүмжилсэн ч өөртөө илтгэлтэй зан чанараа хадгалж чаддаг. Улаан өнгө аз, амжилт авчирдаг тул улаан өнгийн хүнсний бүтээгдэхүүн, хувцас, эдлэл хэрэглэл хэрэглэх хэрэгтэй.

2007 оны Гал гахай жил: Эм жил. Гал махбодийн тусламжтай энэ жилд төрсөн хүмүүс зорьсон зорилгодоо хүрэхийн тулд цуцаж ядрахыг мэддэггүй. Яарч тэвдсэн үедээ ч гайхмаар тайван байж чаддаг. Бусдыг ойлгох чадвар сайтай. Гэм нь хоол унданд хэт дурладаг учир иогоор хичээллэж эрүүл мэндээ хамгаалах хэрэгтэй.

2008 оны Шороон хулгана жил: Эр жил. Эелдэг боловч өөрийн зорьсон зорилгодоо хүрэхийн тулд ямар ч зан ааш гаргаж мэдэх хүмүүс. Тэвчээртэй мэт харагдах боловч аливаад түргэн зан гаргаж, бусдыг гомдоох, өөрөөсөө түлхэх эрсдэлтэй. Найз нөхөдгүйгээр өөрийгөө төсөөлж чаддагүй учир огцом түргэн аашаа хянаж байх хэрэгтэй.

2009 оны Шороон үхэр жил: Эм жил. Энэ махбодийн гол чанар нь ихэмсэг байдал, боломж, хариуцлагаа ухамсарлах байдаг. Энэ жилд төрсөн хүмүүс их хөдөлмөрч. Зарим тохиолдолд амрах, хооллохоо мартаж орхидог сул талтай. Ойр ойрхон гэр бүл, хамтрагчаа солих эрсдэл бий.

2010 оны Төмөр бар жил: Эр жил. Төмөр энергийн махбодьтой энэ жилд төрсөн хүмүүс идэвхтэй, тэвчээртэй, зоригтой, бусадтай өрсөлдөх дуртай. Өөрийнхөө бодол санааг тууштай хамгаалдаг. Бусдын шийдвэр, зөвлөгөөг үл хайхардаг. Эргэн тойрныхоо хүмүүстэй эвсэг амьдрахын тулд бясалгал хийж бусдыг хүндэтгэн ойлгох даалгавар тэдний өмнө тавигддаг.

2011 оны Төмөр туулай жил: Эм жил. Энэ жилд төрсөн хүмүүс нээлттэй, хурц ухаантай. Аливаад суралцах дуртай, нэр алдрын хойноос хөөцөлддөг. Зорилгодоо хүрэхийн тулд өөрийн найздаа дайсан мэтээр хандаж, бусдыг өөрөөсөө түлхэх зан авир гаргадаг сул талтай.

2012 оны Усан луу жил: Эр жил. Усан энергийн махбодьтой луу жилтнүүд эрч хүч сайтай, аялж зугаалах, спортоор хичээллэх, байнгын хөдөлгөөнд байх дуртай. Найдвартай, урьдчилан таамаглах авьяас билэгтэй, нийтэч, санхүүгийн хариуцлагатай, нийгмийн идэвхтэй. Илтгэх ур чадвар сайтай байдаг.

2013 оны Усан могой жил: Эм жил. Бие даасан зан ааштай энэ жилд төрсөн хүмүүс хурдан уурладаг. Бүх зүйлийг өөрийн гараар бүтээхийг эрмэлздэг. Аялж зугаалах, улс төрөөр хөөцөлдөх дуртай. Энэ жилд төрсөн хүмүүс эд баялаг арвинтай байдаг.

2014 оны Модон морь жил: Эр жил. Энэ жилд төрөгсөд эрүүл мэнд сайтай, гадаад төрх харц булаам, амжилт араасаа дагуулж явдаг. Эмзэг, эрч хүч сайтай, шулуун зантай, гүнзгий дүн шинжилгээ хийх, төсөөлөх чадвар сайтай. Гэм нь цочромтгой, дуулгаваргүй. Өөрөө шийдвэр гаргах дуртай, бусдыг уриалан дуудагч модон морин жилтнүүдэд эд баялаг харамгүй заяасан байдаг.