дамжуулан халаасалж, түгжрэл бууруулах төсвийн мөнгийг цөлмөж, хоттой хонинд орсон чоно шиг авирлаж, баг тань дотроос өтөөд удаж байгааг энэхүү бичвэрийнхээ өмнө хэлмээр байна. Ингэж зоригтой хэлэх хэд хэдэн ноцтой шалтгаан, баримт байгаа юм.

Улаанбаатар хотын хоёрхон дүүргийн замыг засах үүрэгтэй байгууллага жилийн 180 тэрбум төгрөг захиран зарцуулах эрхтэй. Тэрэнд нь хэн ч хяналт тавьдаггүй, газрын дарга нь Санхүүгийн албаны даргатайгаа нийлж, байгууллагынхаа төсвөөр “тоглодог”, зах замбараагүй зарцуулдаг, халаасаа түнтийлгэдэг. Удирдлага нь өөрийнхөө хувьцаа эзэмшдэг, үүсгэн байгуулласан компаниараа дамжуулж ажил гүйцэтгэлийн мөнгө авдаг. Үүгээр ч зогсохгүй Санхүүгийн албаны дарга нь төрсөн ахынхаа компанид байгууллагынхаа хамаг төсвийг шилжүүлдэг гэвэл та итгэх үү.

Хотын даргадаа ч захирагдахаа больсон, зам засах хэдэн бор ажилтандаа данхнаас өөр багаж “өгдөггүй” хэрнээ эрх мэдэл, албан тушаалын байдлаа урвуулан ашиглаж, нийслэлийн төсвийг цөлмөж байгаа “Улаанбаатар зам засвар, арчлалтын газар” ОНӨААТҮГ дарга Б.Галхүү, Санхүүгийн албаны дарга Н.Лхагвасүрэн нарын хууль бус үйлдлийг баримтаар хүргэе.

Улаанбаатар зам засвар, арчлалтын газар ОНӨААТҮГ-ын удирдлагын баг Д.Сумъяабазарыг Хотын даргаар томилогдоход ирсэн “өөрийнх” нь хүмүүс байдаг аж. Тодруулбал, Д.Сумъяабазар 2020 оны аравдугаар сард УИХ-ын гишүүнээсээ татгалзаж, Улаанбаатар хотын захирагч бөгөөд Нийслэлийн Засаг дарга болсон байдаг. Харин Улаанбаатар зам засвар, арчлалтын газар ОНӨААТҮГ-ын дарга Б.Галхүү, Санхүүгийн албаны дарга Н.Лхагвасүрэн нар 2020 оны арваннэгдүгээр сард томилогджээ. Өөрөөр хэлбэл, тэд Д.Сумъяабазарыг Хотын дарга болсноос хойш хэдхэн хоногийн дараа багаараа ирсэн гэсэн үг.

Бид эхний дугаартаа, “Улаанбаатар зам засвар, арчлалтын газар” ОНӨААТҮГ-ын дарга Баян-Өлзийгийн Галхүү, Санхүүгийн албаны дарга, ерөнхий нягтлан бодогч Нарангэрэлийн Лхагвасүрэнгийн хууль бус үйлдлийг танилцуулж байна.

“БАЯСГАЛАНТ ОХЬ” ХХК-ИЙН ҮҮСГЭН БАЙГУУЛАГЧ Н.БЯМБАРЕНЧИН НЬ САНХҮҮГИЙН АЛБАНЫ ДАРГА Н.ЛХАГВАСҮРЭНГИЙН ТӨРСӨН АХ

Нарангэрэлийн Лхагвасүрэнг Санхүүгийн албаны дарга болохтой зэрэгцээд “Баясгалант охь” гэх ХХК “Улаанбаатар зам засвар, арчлалтын газар” ОНӨААТҮГ-т ажил гүйцэтгэж, хэдэн зуун сая төгрөг шилжүүлэн авсныг тус газрын шилэн дансны ил мэдээллээс оллоо.

“Баясгалант охь” ХХК-ийг судалж үзвэл, Нарангэрэлийн Бямбарэнчин гэж хүн эзэмшиж иржээ. Тус компани нь “Орхон аймаг, Баян-Өндөр сум, IV баг, Хүрэнбулаг, Мобикомын байр III давхар, 302 тоот” хаяг дээр бүртгэлтэй. Бичгийн хэрэгслийн худалдаа, компьютерийн эх бэлтгэлийн үйлчилгээ, хэвлэлийн үйлчилгээ, гадаад худалдаа, барилга угсралтын чиглэлээр үйл ажиллагаа явуулдаг. Хамгийн сонин нь, тус компани нь 2022 оны гуравдугаар сарын 11-нд барилга угсралтын чиглэлээр үйл ажиллагаа явуулах зөвшөөрөл авсан. Үүнээс өмнө буюу 2012-2022 оныг хүртэл бичиг хэргийн дэлгүүр ажиллуулж, компьютерийн эх бэлтгэлийн үйлчилгээ л үзүүлэх эрхтэй байсан байгаа юм.

Тус компанийн үүсгэн байгуулагч Нарангэрэлийн Бямбаренчин нь “Улаанбаатар зам засвар, арчлалтын газар” ОНӨААТҮГ-ын Санхүүгийн албаны дарга Нарангэрэлийн Лхагвасүрэнгийн төрсөн ах ажээ. Тэрбээр өөрийн үүсгэн байгуулж, ажиллуулж байсан бичиг хэргийн дэлгүүрийн зөвшөөрөлтэй компаниа 2022 оны гуравдугаар сарын 11-нд барилга угсралтын чиглэлээр үйл ажиллагаа явуулах зөвшөөрөлтэй болгож, компаниасаа өөрийнхөө нэрийг хасуулжээ. Харин гүйцэтгэх захирлаар нь Бүрнээбаатар Лхагваа гэх хүнийг томилсон байна.

УЛААНБААТАР ЗАМ ЗАСВАР, АРЧЛАЛТЫН ГАЗРЫН САНХҮҮГИЙН АЛБАНЫ ДАРГА Н.ЛХАГВАСҮРЭН БИЧИГ ХЭРГИЙН ЗӨВШӨӨРӨЛТЭЙ ТӨРСӨН АХЫНХАА КОМПАНИАС ТҮҮХИЙ ЭД ХУДАЛДАЖ АВЧЭЭ

Хамгийн ноцтой нь, 2020 оноос хойш Улаанбаатар зам засвар, арчлалтын газар ОНӨААТҮГ-ын дарга Б.Галхүү нь Санхүүгийн албаны дарга Н.Лхагвасүрэнгийн төрсөн ах Н.Бямбаренчингийн эзэмшлийн “Баясгалант охь” ХХК-аас турба, борооны усны ган хоолой, төмөр, хайс зэргийг худалдан авч, гэрээт ажлаа гүйцэтгүүлжээ. Дахин хэлэхэд, уг ажлыг гүйцэтгэж байхдаа тус компани нь бичиг хэргийн чиглэлээр үйл ажиллагаа явуулах зөвшөөрөлтэй байсан. Өөрөөр хэлбэл, барилгын чиглэлээр үйл ажиллагаа явуулах зөвшөөрөлгүй ахынхаа компанид Н.Лхагвасүрэн байгууллагынхаа ажлыг даатгаж, эрх мэдлээ хууль бусаар ашигласан гэсэн үг. Уг хууль бус үйлдэлд тус газрын дарга Б.Галхүү гарын үсэг зурж, удаа дараагийн гүйлгээ хийснийг дор баримтаар үзүүлнэ.

Б.ГАЛХҮҮ ГАРЫН ҮСЭГ ЗУРЖ, Н.ЛХАГВАСҮРЭН ТӨРСӨН АХЫНХАА КОМПАНИЙН ДАНС РУУ 350 ОРЧИМ САЯ ТӨГРӨГ ШИЛЖҮҮЛЖЭЭ

БАРИМТ:1 “Улаанбаатар зам засвар, арчлалтын газар” ОНӨААТҮГ нь "Баясгалант охь" ХХК-иас 30 сая төгрөгөөр турбан хайс худалдан авчээ. Мөн 7.050.000 төгрөгөөр турбо худалдан авч, мөнгийг нь шилжүүлжээ. 2021 оны наймдугаар сарын 24.

МӨНГӨ ШИЛЖҮҮЛСЭН БАРИМТ

БАРИМТ:2 “Улаанбаатар зам засвар, арчлалтын газар” ОНӨААТҮГ нь "Баясгалант охь" ХХК-иас 13.2 сая төгрөгөөр борооны усны ган хоолой худалдан авчээ. 2021 оны долдугаар сарын 29.

Мөнгө шилжүүлсэн баримт

БАРИМТ:3 “Улаанбаатар зам засвар, арчлалтын газар” ОНӨААТҮГ нь "Баясгалант охь" ХХК-иас 40 сая төгрөгөөр турбан хайс авчээ. 2021 оны есдүгээр сарын 8-нд төлбөр шилжүүлсэн баримт

БАРИМТ:4 “Улаанбаатар зам засвар, арчлалтын газар” ОНӨААТҮГ нь "Баясгалант охь" ХХК-иас 7.050.000 төгрөгөөр турба авчээ. 2021 оны есдүгээр сарын 2.

БАРИМТ:5 “Улаанбаатар зам засвар, арчлалтын газар” ОНӨААТҮГ нь "Баясгалант охь" ХХК-д гэрээт ажлын төлбөр хэмээн 60.500.000 сая төгрөг шилжүүлжээ. 2021 оны арванхоёрдугаар сарын 20.

БАРИМТ:6 “Улаанбаатар зам засвар, арчлалтын газар” ОНӨААТҮГ нь "Баясгалант охь" ХХК руу материалын мөнгө хэмээн шилжүүлжээ. 2022.04.13

БАРИМТ:7 “Улаанбаатар зам засвар, арчлалтын газар” ОНӨААТҮГ нь "Баясгалант охь" ХХК руу 5.7 сая төгрөг шилжүүлжээ. 2022.04.20

БАРИМТ:8 “Улаанбаатар зам засвар, арчлалтын газар” ОНӨААТҮГ нь "Баясгалант охь" ХХК руу 19.6 сая төгрөг шилжүүлжээ. 2022.04.26

Санхүүгийн албаны дарга Н.Лхагвасүрэнгийн ахынхаа компанийн данс руу шилжүүлсэн мөнгөний баримт, хийсэн ажлын гэрээг цөөн баримтаар хүргэхэд ийм байна. Энэ бол шилэн дансны мэдээлэлд нээлттэй орсон мэдээллийн тал хэсэг нь. Ил гараагүй шилжүүлгийн баримт олон бий. Хамгийн ноцтой нь, эрх мэдэл, албан тушаалын байдлаа урвуулан ашиглаж, төрсөн ахынхаа компанитай хамтран ажиллаж, нийслэлийн төсвөөс их хэмжээний мөнгө шилжүүлж авсан Н.Лхагвасүрэнгийн уг хууль бус үйлдлийг Улаанбаатар зам засвар, арчлалтын газар ОНӨААТҮГ-ын дарга Б.Галхүү мэддэг. Үүгээр ч зогсохгүй бүх баримт, гэрээнд нь гарын үсэг зурсан байгаа нь хачирхалтай. Үүнээс үзэхэд Б.Галхүү дарга уг ажлаас “хишиг” хүртдэг байж болзошгүй хардлага бий болж байна.

Н.ЛХАГВАСҮРЭНГИЙН ЭЗЭМШЛИЙН “МОЛОР-ЭРДЭНЭ КОНСТРАКШН” ХХК УЛААНБААТАР ЗАМ ЗАСВАР, АРЧЛАЛТЫН ГАЗРААС САНХҮҮЖИЛТ АВЧЭЭ

Н.Лхагвасүрэнгийн нийслэлийн төсөвт шунасан шунал зөвхөн ахынх нь компаниар дуусахгүй. Тэр Төрийн албанд ажилд орохдоо “Молор эрдэнэ констракшн” ХХК-ийн 50 хувийг эзэмшдэг гэж мэдүүлжээ. Тодруулбал, тэрбээр уг компанийг 2018 онд Батцогтын Ренчинбат гэх хүнтэй хамтарч, үүсгэн байгуулжээ. Захирлаар нь Батцогтын Ренчинбат ажилладаг.

Ноцтой нь, Санхүүгийн албаны дарга Н.Лхагвасүрэн өөрийнхөө компаниар дамжуулж, Улаанбаатар зам засвар, арчлалтын газар ОНӨААТҮГ-аас санхүүжилт авчээ.

Улаанбаатар зам засвар, арчлалтын газар ОНӨААТҮГ хажуудаа хайрга, дайрга олборлох зөвшөөрөлтэй. Эндээс олсон орлогоо өөрсдөө зарцуулах зохицуулалттай юм байна лээ. Гэтэл Санхүүгийн албаны дарга нь өөрийнхөө компаниас 20 сая төгрөгөөр хайрга худалдаж авсан байна. Ингэхдээ бүүр байгууллагынхаа нягтлан бодогч Б.Болормаад төлбөрийг нь бэлнээр хүлээлгэн өгчээ. Өөрөөр хэлбэл, “Молор эрдэнэ констракшн” ХХК-ийн данс руу шилжүүлээгүй, хайрганы мөнгөө нягтлан бодогчоороо дамжуулж, бэлнээр авсан гэсэн үг.

Бид дараагийн цувралдаа Б.Галхүү, Н.Лхагвасүрэн нар ажилтнуудынхаа нэр дээр бэлэн гүйлгээ гаргаж, дундаас нь мөнгө шамшигдуулдаг. Өөрийн хамаарал бүхий компаниасаа өндөр үнэтэй төмөр, хайс, турба авдаг. Мөн чанар муутай түүхий эд зориудаар худалдан авч, төсвийн мөнгийг үрэн таран хийдэг гээд ноцтой баримтыг хүргэх болно.

Хотын дарга аа, хотонд тань хулгай үүрлээд уджээ. Та мэдээгүй байв уу, эсвэл мэдсэн хэрнээ халаасаа нэгтгэчихээд сууж юм уу. Таны удирдлагын албан хаагчид тань энэ мэтээр нийслэлийн төсвийг цөлмөж, салхинд хийсгэж, өөрсдийнхөө халаасыг түнтийлгэж байна. Хэн, хэзээ хариуцлага тооцох вэ.

Үргэлжлэл бий...

https://ergelt.mn/news/64/single/28432

Улаанбаатар зам засвар, арчлалтын газрын дарга Б.Галхүү, Н.Лхагвасүрэн нар нийслэлийн төсвийг цөлмөж байна, Д.Сумъяабазар дарга аа
Tweet
Bolod.mn