Хятад блогчид: Баялгаас ардад хvртээе. Монголын засгийн газраас суралцъя… Өнөө өглөө нетээр хэсч байгаад хятад блогчид энэ талаар олон талын байр суурь илэрхийлсэн болохтой танилцлаа. Тэд биднээс vлгэр авч, засгийн газраа баялагаас олох ашгаа хуваарилахыг сануулж байна. Тэд биднийг сайшааж байна.

Гэхдээ энэ нь сонгуулийн ээлжит шоу юу vгvй юv, ард тvмэнд vнэхээр хэрэгтэй эсэх талаар бид бас тэд яаж мэдэхэв. Тэдний байр сууриас бичлэгийн сvvлд товчлон орчуулав.

Бээжин хvртэлх онгоцонд нэгэн бизнесмэн залуутай танилцлаа. Жан Хау бол Хятад гаралтай Канадын иргэн. Торонтогийн уул уурхайн машин техникийн vйлдвэрд ажилладаг. Виз-нээс болоод Монголд 1 сар болоод Бээжин буцаж байгаа нь энэ гэнэ. 1 сарын хугацаандаа Монголыг бас чамгvй судалж, ажлын шугамаар томоохон уул уурхайн компаниудтай уулзаад амжжээ. Бидний яриа монгол хvн, монгол улс, монголын засгийн газрын бодлого, монголын нийгэм, улс төрийн өнөөгийн байдал гээд нилээн өргөн хvрээг хамарч байлаа.

Нийгмийн халамжийн тухай, уул уурхайн баялагаас олох ашгийг ард тvмэндээ хvртээж эхлэх болсонтой холбогдуулж харин ч овоо удаан ярилцлаа. Харахад тэд энэ талаар нилээд сонирхож байгаа бололтой бөгөөд сайшааж байгаа нь илт байсан. Миний хувьд бол vнэндээ сайшаах муушаах алин болохоо мэдэхгvй л байна. 1.5 сая авах тухай ярьсан хvмvvс эргэн тойронд зөндөө. Хувьцаа тараана, мөнгө өгнө ч гэх шиг. Магадгvй олсон ашгаа хуваарилах гэж байгаа бол баярлах л байна. Гэхдээ энэ нь яг олсон ашиг уу? Эсвэл ирээдvйгээсээ зээл авах гэж байна уу? Vнэхээр бидний амьдралыг дэмжихээр бодит тусламж байх уу? Эсвэл ээлжит сонгуулийн бэлтгэл vv?

Хэрэв бэлэн мөнгө тараах гэж байгаа бол Засгийн газрын бодлогыг дэмжихгvй. Жирийн дундаж амьдралтай иргэний хувьд бол vvнийг дэмжих нь өөрийгөө ирэх хэдэн жилд илvv их сойж, нуруундаа илvv их ачаа vvрэхийн тэмдэг гэж би бодож байгаа.

Яахав нийгмийн халамжинд дургvй хэн байхав. Бvгд л сар бvрийн 21 мянга, шинэ төрсөн хvvхдийн 100 мянга, шинэ хосын 500 мянга, жирэмсэн эмэгтэйчvvдийн 26 мянга гэх мэтээр аваад л саагаад л байхыг бодно. Гэхдээ 1.5 сая бол хэрээс хэтрэнэ ээ. Нийгмийн халамжийн жижиг мөнгөнvvд жирийн ажилчин бидний цалинг цалин биш болгож, мөнгийг мөнгө биш болгож байгааг бид хамар доороо бvгд л хараад сууж байгаа.

Банкинд, тэр дундаа Хадгаламж банкинд (цалингийн карт маань Хадгаламж банкных болохоор vйлчлvvлэх шаардлага их гардаг) орохоор vргэлж л урт очертой. Тэдний 99 хувь нь бараг л гартаа ” Хvний хөгжил” -ийн гэх улаан дэвтэртэй. Би ч гэсэн энэ мөнгийг авдаггvй биш авдаг л даа. Гэхдээ авах гээд очерлох бvртээ би ичдэг. Эрvvл толгойтой, гартай, хөлтэй, амьдрах чадвартай байж нийгмийн хамгийн эмзэг давхрагын хvн шиг бусдын мөнгийг зvгээр халаасладагтаа ичдэг. Одоо энэ 1.5 сая төгрөгийн өгөөд эхлэх юм бол энэ ичмээр мөртлөө ичгvvргvй байдалд хvссэн хvсээгvй орох болно. Учир нь тэр их сонсогддог бага мөнгийг тараагаад эхлэхээр өргөн хэрэглээний барааны vнэ тэнгэрт хадаж, цалин маань хаана ч хvрэхгvй, албатай хvн шиг л халамжиндаа очерлох болно доо.

За харин доорх бичлэг бол Хятад блогчдын vзэл бодол, товчлон хvргэж байгаа минь

Блог хаяг. http://money.163.com/special/focus270/

3 сарын 31 нд Тавантолгойн нvvрсний ордны 1.5 тэрбумтай тэнцэхvйц хувьцааг 2.8 сая иргэндээ хувааж өгөх болсон шийдвэрийг Монгол улсын засгийн газар гаргалаа. Монгол шиг ийм жишээ өмнө байхад, Хятад ч ард иргэддээ хувь хvртээж болохгvй гэж vv? Ямар хэлбэрээр хэрэгжvvлэх ёстой вэ?

Vvнийг гурван хэлбэрээр хэрэгжvvлж болно. Нэгд, бэлэн мөнгө, Хоёрт, Бvх ард тvмэнд хувьцаа эзэмшvvлэх, Гуравт, Улсын Корпорациуд (2003 онд Хятадын Төрийн зөвлөлийн дэргэд Улсын өмчийг хянан шалгаж удирдах хороо байгуулагдсан. Тvvний удирдлага дор 160 аад корпораци байдаг. Энэ нь улсын өмчийн корпорациудаас бага зэрэг ялгаатай.)-аас хуваарилах мөнгийг нийгмийн халамжинд шилжvvлэх

Бэлэн мөнгө тараах хэлбэр:
Энэ хэлбэрийг Гонг Конг, Сингапур гэх мэт улсууд хэрэгжvvлж байсан туршлагатай. 3 сард Гонг Конг насанд хvрсэн иргэн бvртээ 6000 Гонг Конг доллор тараасан. Өмнө нь Гонг Конг 2008 онд санхvvгийн ашгаасаа 40 тэрбум доллор гаргаж ард иргэддээ хуваарилаж байсан. Мөн жил Сингапурын Засгийн газар “Засгийн газрын санхvvгийн ашгаас бvх ард тvмэнд хvртээх төлөвлөгөө” -г баталж, 4.3 тэрбум юанийг бvх ард тvмэнд хувааж тараасан. Макао ч 3 жил дарааллан тус бvсэд урт болон богино хугацаанд амьдарч байгаа бvх оршин суугчдад бэлэн мөнгө хуваарилаж “Хотын иргэдийн амьдралын дарамтыг хөнгөлөх” бодлого хэрэгжvvлж байсан. Дээрх улс орнуудтай харьцуулахад Хятад хvн ам их учир хvр бvрт хувь тараана гэвэл “Амд ч vгvй хамарт ч vгvй”-н vлгэр болох нь мэдээж.

Энэ талаар Чинхуа их сургуулийн эдийн засаг менежментийн сургуулийн профессор Жv Вv Сиан хэлэхдээ “Хvр бvрт хувь хvртээх асуудлын гол нь хэрэгжvvлэх хэлбэрт оршиж байна” гэж онцлоод, цааш нь “Жил бvр мөнгө хуваарилахаар баячуудад юум болохгvй ч ядууст маш том халамж болох юм.”гэж хэллээ.

Манай улсад жилийн дундаж орлого нь 1196 юань бол ядуу гэж тооцогддог. Энэ стандартаар бол нийт ядуу иргэдийн тоо 26.88 сая юм. 2010 онд томоохон улсын корпорациудын олсон цэвэр ашиг 849 тэрбум юань бөгөөд vvний 10% нь 84.9 тэрбум юм. Энэ мөнгийн ядуу иргэдэд хуваарилах юм бол хvр бvр жилд 3158 юань хvртэх боломжтой бөгөөд тэдний жилийн орлого 3 дахин нэмэгдэнэ гэсэн vг юм.

Бvх ард тvмэнд хувьцаа эзэмшvvлэх хэлбэр:
Бэлэн мөнгө тараахтай харьцуулбал дээрх хэлбэр нь урт хугацаанд хамгийн бодитой хэрэгжих хэлбэр гэж мэргэжилтнvvд хэлж байна. Уул уурхай, банк санхvv, тамхины vйлдвэрлэл зэрэг салбарын улсын томоохон корпорациуд дээр тvшиглээд, улс иргэддээ эдгээр корпорациудын хувьцаанаас эзэмшvvлэх юм бол иргэд корпорацийн хөгжил дэвшлийн vр шимийг эдлэх боломжтой болох юм.

Хятадын Газрын тосны корпорациар жишээ авахад, 2010 оны 12 сарын 31 хvртэл, тус корпораци 183.021 тэрбум хувьцаа гаргасан. Хэрэв тvvний 10%-ийг нийт 1.3 тэрбум хvндээ тэгш хуваарилабал хvн бvр 14 хувьцаа эзэмших болно. Хэрэв А vнэт цаасны газар хувьцаа бvрийг 12 юаниар vнэлбэл, Энэ хувьцаа 168 юань болно. 2010 онд Газрын тосны корпорацийн хувьцааны ашгийг 0.76 юаниар тооцоход хvн бvр жил бvхэн хувьцаанаасаа 10 юаний ашиг хvртэх болно.

Корпорациудаас хуваарилах мөнгийг нийгмийн халамжинд шилжvvлэх хэлбэр:
Хятадын нийгмийн халамжийн систем төгөлдөр бус, нийгмийн халамжийн сангийн өрийн асуудал хvнд байгаа өнөөгийн нөхцөлд, томоохон корпорациуд ашгаа нийгмийн халамжийн vйлчилгээний салбарт хуваарилж болно.”Зарим улсын корпорациудын ашгийг нийгмийн халамжийн санд хуваарилахыг дэмжих болно” гэж Улсын өмчийн хорооны эрхлэгч Ли Сун Рун өмнө нь мэдэгдэж байсан. Зөвхөн Шанхай хотоор жишээлэхэд, хотын халамжийн сангийн өр (Хотуудад хvн амын хөгшрөлт улам бvр газар авч байгаатай холбоотойгоор нийгмийн халамжийн сангаас олгох өндөр насны тэтгэврийн хэмжээ эрчимтэй нэмэгдэж байна. Тиймээс халамжийн санд асар том өр бий болоод байгаа юм. ) жилд 10 тэрбум юаниар өгч байна. Дэлхийн банкны мэдээгээр 2001 оноос 2075 оны хооронд хятадын өндөр насны тэтгэврийн даатгалын орлого зарлагын алдагдлын хэмжээ 9.15 биллион юаньд хvрэх болно.

Блог Хаяг. http://blog.huanqiu.com/?uid-303176-action-viewspace-itemid-2037111
从蒙古全民分红到我国央企红利充实全民社保

Монгол ард тvмэндээ хувь хvртээх болсон шиг манай улсын томоохон корпорациуд иргэдэд ашиг хуваарилж нийгмийн халамжийг хангаж болно.

Монгол улсын засгийн газар иргэн бvртээ стратегийн ач холбогдол бvхий Тавантолгойн нvvрсний ордны 1.5 сая төгрөгтэй тэнцэх хувьцааг олгохоор болсон тухай өчигдөр мэдээгээр vзлээ. Vнэхээр гайхсан. Энэ тийм хэрэгжихээр дэвшилттэй хэлбэр vv? Манай улсад тvvнийг хэрэгжvvлж болох болов уу? Том корпорациуд бvх ард тvмэнд ашиг хуваарилах ёстой. Энэ бол миний байр суурь.

Нэг: Улсын vйлдвэр ард тvмний нийтийн өмч байх ёстой. Тvvний бvтээсэн баялагаас бvх ард тvмэн хvртэх ёстой.
Хоёр: Бvх ард тvмэнд хувь хvртээх нь корпорацийн удирдлагын системд нөлөөлөхгvй.
Гурав: Бvх ард тvмэнд хувь хvртээх нь корпорацийн цаашдын хөгжилд нөлөөлөхгvй.
Дөрөв: Бvх ард тvмэнд хувь хvртээх нь ” Инфиляцыг vр дvртэй барьж, дотоодын хэрэгцээг улам нэмэгдvvлэх ” болно.
Тав: Бvх ард тvмэнд хувь хvртээх нь нийгэм дэх тэгш бус хуваарилалтыг тэнцвэржvvлэхэд ашигтай.
Зургаа: Энэ нь нийгмийн зөрчлийг саармагжуулахад ашигтай.

Блог Хаяг. http://sp.ycwb.com/2011-04/06/content_3400196.htm
中国也应每年向全国人民分红

Хятад ч жил бvр бvх ард тvмэндээ хувь хvртээх хэрэгтэй.
“Лvо жvнь”
Энэ жил Гонг Конг 18 наснаас дээш нийт хvн амдаа 6000 юань бэлнээр тараасан бол Монгол улс хvн бvртээ 1.5 сая төгрөг хуваарилах гэж байна. Харин Хятад яах бол? Хятадын улсын корпорациуд ч жил бvр ард тvмэнд хувь хvртээх хэрэгтэй.
Хятадад улсын гэх статустай маш олон корпорациуд бий. Улсынх гэдэг нь улсын өмчлөлд буюу бvх ард тvмний мэдэлд байна гэсэн vг. Тэдний бий болгосон баялаг ч бvх ард тvмнийх байх учиртай. Тийм ч учраас тэд бvх ард тvмэнд хувь хvртээх ёстой.
Манай улсад газрын доорх баялаг бvгд уулсын эзэмшилд байдаг. Гэвч цөөн хэдэн улсын томоохон монопол корпорациуд уул уурхайн баялагийн олборлох эрхийг дураар эзэмшиж, асар их ашиг олох мөртлөө бvс нутгийн ард иргэдийг алтан дээр суусан гуйлгачин шиг амьдруулж байна. Тухайлбал: Шинжиан, Өвөр монгол, Сычуань, Чунчин гээд улсын баруун бvсийн газрын тос, нvvрс, байгалийн хийн баялагийг улсын хөгжил сайтай зvvн бvс рvv татаж эсвэл гадаад руу экспортолдог. Тэндээс олох ашиг том албан тушаалтнууд болон улсын корпорациудын халаасанд л урсан ордог. Уг нь баруун бvсийн ард тvмэнд энэ ашгаас хvртээж, амьдрал ахуйг нь дээшлvvлэх ёстой.
Санхvv эдийн засгийн яамны мэдээгээр бол, Бvх улсын улсын корпорациуд 2010 онд 1.9 биллион (мянган тэрбум) юаний ашиг олсон бөгөөд энэ нь өнгөрсөн оноос 37.9 %-аар илvv vзvvлэлт юм. Улсын корпорациуд ашгийнхаа 10 хувийг иргэн бvрт хувааж өгье гэж тооцвол хvн бvр 1500 гаруй юань хvртэж болно гэсэн vг.
Социолизмын, нийгмийн төвлөрсөн хvчний давуу талыг ашиглаж бvх иргэнд хувь хvртээж болно гэж бодож байна.

全民分红可让民众分享垄断利益，不会重蹈俄罗斯私有化覆辙
让民众分享垄断利益，专家提议学习蒙古全民分红
Оросын алдааг давтчихалгvй мөртлөө Монголоос суралцаж
Хэт төвлөрсөн ашиг орлогоос Бvх ардад тэгш хvртээе.

Монгол улс улсын өмчлөл дэх нvvрсний ордны хувьцаанаас иргэн бvртээ хуваарилах болсон нь баялагаас олох ашгийг нийгэмд тэгш хуваарилах тухай халуун сэдэв рvv Хятадын ард тvмнийг дахин хуйлрууллаа. Монголоос vлгэр дуурайл авч ард иргэддээ хувь хvртээхийг мэргэжилтнvvд ч сануулах боллоо.

За гэх мэтээр блогчид өөрсдийн санаа бодлыг солилцож, Монголыг жинхэнэ халуун сэдэв болгон ярилцаж байна. Гэхдээ тэд биднийг олсон ашгаа хувааж байна гэж бодож байх шиг байна. Миний ойлгож байгаагаар манай эрх баригчид бидэнд ирээдvйгээсээ зээлэн авч л өгөх гээд байгаа биз дээ. Мэдэхгvй юм даа. Мэддэг хvн байвал мэддэггvй бусаддаа хэлж өгмөөр……

Энхтайваны Эрдэнэсувд
greentara.miniih.com
Шанхай хот.

“Монгол+Тавантолгой+Хувьцаа” – Хятадын блогчдын халуун сэдэв болж байна
Tweet
Bolod.mn