Хүний газар амьдарч байгаа монгол бүсгүйчүүдийн тухай ойр ойрхон хэдэн хэдэн нийтлэл уншаад нэмээд хэдэн өгүүлбэр холбох болсон учир нь явах гэж яарсан нэгэнд саад болчихьё гэсэнгүй харин хийх гэж буй алхмынхаа өмнө үүнийг нэг уншчихаад бяцхан ухаарал тээгээд *арилцгаа* гэсэн бодол агуулав. Харийн хүний өвөрт жаргал хайж одогсдын тоо жилээс жилд нэмэгдэж, нийт эзлэх жингээрээ солонгос улс нэгдүгээрт бичигдэж очсон хойноо зовж шаналж буй тухай баримттай бичиж сэтгэл эмзэглүүллээ. Миний үзэж харсанаар бол европ тивийнхэн тэр хятад, солонгос эрчүүд шиг аваад суусан эхнэрээ доромжилж зүхэж, балбаж нүдээд байх нь барагтай бол үгүй шүү. Гэхдээ энэ нь боловсрол, хүмүүжил сайтай гэж өрөөсгөл ойлгож болохгүй, балбадаг нь байж л байгаа. Хамгийн гол нь хуулиндаа баригдаад хөдөлж чадхаа боличихсон улс шүү дээ эд нар чинь.

Тэгээд гэр бүлийн ноцтой маргаан үүсвэл манайхан шиг махан гар нь хөдлөх эрхгүй болохоор духан дундуураа дутуу цохиулаад орилж байгаа ямаанаас илүү орь дуу тавьж чихний хэнгэрэг цоолж мэдэх авъяастай хүмүүс, эсвэл амиа хорлоно үгүй бол амь егүүтгэнэ. Гэр бүл салалтын эзлэх хувиариа бол европ тивийнхэн хоорондоо өрсөлдөж байгаа юм шиг өсөлттэй. Удам угсаатай, өвлөх хөрөнгөтэй хүн зиндаа таарах хүнтэйгээ л гэр бүл болно. Өөрийнхөө чадлаар өр зээл тавиад арав хорин жилийн дараа арай гэж нэг байшин сууцтай болсон нэг нь юмаа алдчихгүйн тулд юун хүнтэй суух чичрээд л суучихна, тэгж байтал нэг мэдэхэд авсны амсар хажууд нь онгойчихоод л хүлээж байна. Салалт хийж байраа алдсаны оронд өөрийг нь араар тавьдаг асуудлыг хүлээн зөвшөөрөөд явдаг олхиогүй амьтад. Ганцаардмал, хамгийн түгээмэл шинж. За тэгээд манайхны ярьдгаар бол ТМС, Техникум дүүргэж боловсрол эзэмшсэн дунд мэргэжилтэн, мэргэшилтэнгүүд нь л голдуу гадны хүмүүстэй суух юм даа. Алдах юм угаасаа бараг байхгүй тэдэнд.

Ихэнх мэргэшлийн ажилчид муугүй цалин авдаг учраас хүний амьдралд зайлшгүй шаардлагатай бүх л зүйлсээр ( хөлсөлж суух байр сав, унаа тэрэг, гэрийн иж бүрэн тоноглол машин техникүүд г.м) дутагдаж гачигдах зүйлгүй байдаг учраас хөөрхий ядуу монголчуудын хувьд бол баян эр мэт харагдана. Дунд мэргэжлийнхэн бол гэр бүлийн асуудалд арай хянуур хандах боловч нутгийнхаа айхтар хүүхэнтэй сууснаас хууль мэддэггүй, ядуу буурай орны хар, шар, бор, онигор, бүлцгэр нь хамаагүй хэнтэй ч хамаагүй гэр бүл болохыг дээрд үзнэ. Ирээдүйд хүүхэд төрүүлж өгсөн хүүхэн нь салахдаа хамаг юмыг нь хамаад явчих хууль эмэгтэйчүүдийн талд үйлчилдэг болохоор тэд ийнхүү өөрсдийнхөө хүүхнүүдээс болгоомжилно. Харийн хүүхэнтэй суугаад хүүхэдтэй болсон ч гэсэн тэр хүүхдийг нь тийм ч амархан иргэнээ болгочихдоггүй, угаасаа иргэн болох асуудал нь 16 нас хүрэхээс нааш шийдэгдэхгүй учраас ямар хүүхэн аваад суучихсан бэ гэдгээ бүрэн таних хүртэл хангалттай хугацаа байдаг.

Наана нь саллаа гэж үзвэл гаднаас ирсэн хүүхэн хүүхдийг нь төрүүлж өгсөн байлаа ч гэсэн хөрөнгө олж долоох магадлал угаасаа байхгүй. Манай улсад байнга оршин суух эрх авах гэж намайг хуурч суусан байна энэ хүүхэн гээд л салах өргөдөлдөө биччихнэ. Шүүх угаасаа тийм өргөдөлд баярлана. Тэгээд л бандан пад учраас, унтах ор хөнжил жаал жуул тавилга аваад л мөрөөдөж ирсэн мөрөөдлөө зүүдлээд эрлийз хүүхдээ чирээд насыг барах зурагныхаа альбомонд орно. Аа, тийм ингэхээс өмнө нөгөө нөхрөө салчихвий гэж айхдаа туршилтын гэгдэх хэдэн жилийн хугацаанд (ойролцоогоор 3 аас 5 жил байдаг) үнэнч хань, үйлийн үргүй ажилчин зөгий гэдгээ харуулж амьдрахгүй бол өмнө нь элдэв паакт гаргачихвал юун амьдрах эрх болно шүү дээ. За тэгээд хайр сэтгэл гэж томоос том асуудал байна.

Зараар, интернетээр, зуучлах байгууллагаар дамжуулж танилцаж байгаа хүмүүсийн хувьд бол энэ бол угаасаа байхгүй асуудал, байгаа гээд хэл дээ, битгий х.. за. Энд ирээд хараар амьдарч, хар бор ажил хийгээд явж байхдаа танилцаад суусан тохиолдлууд бас байна. Тэдний хувьд бол хайр сэтгэлээр суучихлаа гэж хэлбэл бас л бүрхэг асуудал, эндүүрээд байна эмэгтэйчүүд ээ. Эд чинь ганцаараа хорвоог барахгүй гэсэндээ л ийм алхам хийж байгаа бөгөөд чиний өмнөхөн нөхөртэй чинь өөр ядуу орны хэн нэгэн бүсгүй таарсан бол түүнд ийм хувь заяа бас л инээмсэглэх байсан юм гэдэгтэй бүү марга. Миний нөхөр надад хайртай, хайр сэтгэлийнхээ төлөө юу ч хийхээс буцахгүй хүн байдаг юм гээд өмөөрөөч надаас. Тэгвэл тэр нөхөртэй миний үгийг дамжуулаад үзээрэй : My love, европ давчдаад байна. Эх орон элгэн садангийнхаа дэргэд баймаар байна. Ээж, ааваа санаад байна. Эгч, ах маань ядуу амьдарч байна.

Тэдэндээ тусалмаар байна. Надтай хамт Монголд минь амьдраач, чи надад хайртай юм чинь зөвшөөрнө биз дээ ! Гээд нэг хэл дээ. Ээдээ мэдэхгүй ХАРАГДААЧ ХӨӨЕ!!! Мянгаас нэг нь л очно, за юу. Ийм байдаг учраас та нар хайр сэтгэл гэж бүү романтиклаарай. Эд нарт чинь бас биднүүстэй адилхан эх орон гэдэг ойлголт байдаг юм, эрчүүд бид нар шиг эх орноо манадаг юм. Ийм болохоор чамайг дагаад Монголд ирэхгүй. Эх орон гэдгийг эрчүүд бид арай өөрөөр төсөөлдөг болохоор эхнэр , хүүхэд, эмэгтэйчүүд та нарыгаа бид харамладаг юм, хайрладаг юм, халагладаг юм. Санаж явцгаа! 2010 оны судалгаагаар 8000 гаруй бүсгүй гадны эр дагасан тооцоог сэтгүүлч бичиж , 80 000 болсон ч хамаагүй ээ, оросоор чөтгөр лүүгээ тонилцгоо гэдгийм, 800 000 бол хэзээ ч болохгүй, би мэдэж байна, бас итгэлтэй байна. Уран бэрийн ухаант нүүдэл ихэнх монгол бүсгүйчүүдийн маань генд угаасаа суулгаатай байдаг юм даа. Монгол эрчүүдийнхээ сэтгэлд дулаацаж, зүрхэнд нь итгэдэг бүх монголжингоонууддаа эрүүл энхийг ерөөе! Өгөөмөр

mass.mn