Архив ангилал

Харин үйлдвэрлэлийн осол гэдэгт зөвхөн ажлын байран дээрээ бус ажилдаа ирэх, очих замд болон албан томилолтын хугацаандаа өртсөн ослыг ч хамруулан хэлдэг юм.

Засгийн газрын 2000 оны 107-р тогтоолоор батлагдсан “Үйлдвэрлэлийн осол, хурц хордлого, мэргэжлээс шалтгаалсан өвчнийг судлан бүртгэх дүрэм”-д үйлдвэрлэлийн осолд тооцох бүх тохиолдлуудыг тусгайлан заасан байдаг аж. Үүнд, ажилтан ажлын үндсэн ба туслах байранд, эсвэл албан томилолтоор, мөн гэрээ, хэлэлцээрийн дагуу бусад газарт ажил үүргээ гүйцэтгэж байхдаа тэрчлэн ажлын байр, нэгж салбарын хооронд байнга явж ажлаа гүйцэтгэгч ажлын цагаар бүх төрлийн тээврийн хэрэгсэл, ердийн хөсгөөр буюу явган явж байгаад өртсөн ослыг тооцсон байна.

Түүнчлэн ажлын байраа орхих боломжгүй ажил үүрэг гүйцэтгэгч ажлын байрандаа амарч байх, ажил эхлэхийн өмнө болон ажил дууссаны дараа ажлын байр, багаж хэрэгслээ эмхлэн цэгцлэх, ажлын хувцсаа солих, усанд орох, ажил хүлээлцэх үед гарсан осол, ажилдаа ирэх, буцах замдаа аливаа тээврийн хэрэгслээр буюу явган явж байхдаа өртсөн осол ч хамрагддаг юм байна. Тэгэхээр ажилдаа явж байхдаа осолд өртвөл үйлдвэрлэлийн осолд тооцогдож, зохих нөхөн олговрыг хүртэх эрхтэй юм байна. Гэхдээ уг ослыг тогтоохдоо тухайн ажилтны гэр, ажлын байр хоорондын чиглэл, цаг хугацааг үндэслэдэг аж.

Үндсэн ажлаа гүйцэтгэх үедээ байгаль цаг уур, гал усны гэнэтийн аюул, цацраг идэвхит болон химийн хорт бодисын нөлөөлөл, түүнчлэн хорхой шавьж, мал амьтны халдлагад өртсөн болон гоц халдварт өвчний голомтод ажиллаж байхдаа эсрдэлд орсон зэрэг нь ч мөн үйлдвэрлэлийн осолд тооцогддог байна.
Харин дараахь нөхцөл байдал гарсан ослыг үйлдвэрлэлийн осолд тооцохгүй аж.

Тухайлбал, ажил олгогчийн шийдвэргүйгээр үндсэн үүрэгт ажлаасаа өөр ажил гүйцэтгэж байгаад осолдох, ажлын байрандаа согтууруулах ундаа, мансууруулах бодис хэрэглэснээс болон ажлын байраа орхиж явсан, аюулгүй ажиллагааны зааварчилга авсан боловч хөдөлмөрийн аюулгүй ажиллагааны горимыг ноцтой зөрчсөнөөс осолдох гэх зэрэг нь үүнд хамаарах юм байна. Түүнчлэн гэмт хэрэг үйлдэх үедээ өөрийн биедээ гэмтэл учруулах зэрэг тохиолдолдыг үйлдвэрлэлийн осолд тооцохгүй тухай заасан байдаг аж.

Үйлдвэрлэлийн ослыг тогтоох

Үйлдвэрлэлийн осол мөн эсэхийг тогтоох, бүртгэхдээ ажил олгогчоос “Үйлдвэрлэлийн ослыг судлан бүртгэх комисс”–ыг байгуулан ажиллуулах бөгөөд уг комисст ажил олгогч, ажилтны төлөөлөгчид орох журамтай. Комисс нь үйлдвэрлэлийн осол гарсан тухай мэдээ хүлээн авмагц 24 цагийн дотор ослын байдалтай танилцаж шалтгааныг судлан тогтоож, шаардлагатай тохиолдолдтөрөлжсөн улсын хяналтын байгууллагын байцаагчийн дүгнэлтийг гаргуулдаг байна.

Нөхөн олговор

Хэрэв үйлдвэрлэлийн осолд орсон нь тогтоогдвол Хөдөлмөрийн хуулийн 97 дугаар зүйлийн дагуу нөхөн төлбөр олгоно. Тус заалтад “Үйлдвэрлэлийн осол, хурц хордлогод өртсөн, мэргэжлээс шалтгаалсан өвчнөөр өвчилсөн ажилтан болон эдгээр шалтгаанаар нас барсан ажилтны ар гэрт учирсан хохирлыг нөхөх зорилгоор үйлдвэрлэлийн осол, мэргэжлээс шалтгаалсан өвчний даатгалд даатгуулсан эсэхийг үл харгалзан ажил олгогч нь дор дурдсан хэмжээний нөхөн төлбөр олгоно” гээд “хөдөлмөрийн чадвараа 30 хувь хүртэл алдсан ажилтанд 5 сар, 31-50 хувь алдсанд 7 сар, 51-70 хувь хүртэл алдсанд 9 сар, 71 хувиас дээш алдсанд 18 сарын цалингийн дундажтай тэнцэх хэмжээний нөхөн төлбөрийг нэг ба түүнээс дээш удаа олгоно” гэжээ. Мөн “нас барсан ажилтны ар гэрт 36, түүнээс дээш сарын цалинтай тэнцэх нөхөн төлбөрийг нэг ба түүнээс дээш удаа” олгохоор заасан байна.

Улсын болон орон нутгийн төсвөөс санхүүждэг бүх шатны байгууллага, төрийн болон орон нутгийн өмчит, тэдгээр өмчийн оролцоотой хуулийн этгээд татан буугдсан, төлбөрийн чадваргүй болж дампуурсаны улмаас хариуцагчгүй болсон тохиолдолд ажилтанд олгох нөхөн төлбөрийн асуудлыг Засгийн газар, нутгийн захиргааны байгууллага тусгайлан шийдвэрлэж болох тухай хуульчилжээ.

Н.Гантуяа

Эх сурвалж: “Моцнамэ”

Ажилдаа явж байгаад осолдох нь үйлдвэрлэлийн осол мөн
Tweet
Bolod.mn

Сэтгэгдэл (1)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Гэр хорооллынхонд БАТ-ҮҮЛийн САНАА бүтэхгүй. БАТ-ҮҮЛ чинь Аж ахуйн ажил хийж ҮЗЭЭГҮЙ гар шүү дээ. Гэр хороолол руу Дулааны шугам ТАТАЖ болноо. Гэхдээ дулааны шугамаар явж байгаа 110-150 градустай халуун усаар Байшингаа халаах уу? Тэгээд АЙЛ болгон БОЙЛОР ТАВИХ Мөнгө нь хаана байгаа юм бэ? Дээр ашиглалтын зардал сарын 200000-400000 төгрөг төлж ДИЙЛЭХ ҮҮ? Яагаад баян хүмүүс ХАУС амьдардаг вэ? ЯАГААД гэвэл ТЭД САРЫН ХАЛААЛТЫН МӨНГӨ 200000-1000000 хүртэлх төгрөгийг ТӨЛЖ чаддаг ЮМАА. Дээр БОХИРЫН МӨНГӨ, ЦЭВЭР УСНЫ МӨНГӨ, ЦАХИЛГААНЫ МӨНГӨ гээд НЭГ АЙЛ ДОР ХАЯЖ 400000-600000 ТӨГРӨГ ТӨЛӨХ хэрэгтэй болно. ГЭР ХОРООЛОЛЫНХОН ҮҮНИЙГ ТӨЛЖ ЧАДАХ ЮМ УУ? Түүний оронд ГАЗРАА 2,3 ӨРӨӨ БАЙРААР солиод сарын 100000 төгрөг Дулаан, цахилгаан, СӨХ дөө ТӨЛӨӨД явсан ГЭР ХОРООЛОЛЫНХОНД ӨЛЗИЙТЭЙ ШҮҮ. Тиймээс НААД БАС НЭГ БУУРАЛ МЯНГУУЖИНГЫНХАА ҮГЭНД БҮҮ ОРЖ СОНГООРОЙ. Наад БУУРАЛ ЧИНЬ Аж ахуйн АШИЛ ХИЙЖ ҮЗЭЭГҮЙ ГАР ШҮҮ.

2012-06-26 | 19:28:25 | 202.55.186.20 |