-Энэ хавар танай хороо олон удаа жагсаал цуглаан хийж, олон байгууллага, албан тушаалтанд шаардлага хүргүүллээ. Энэ бүхний үр дүн өнөөдөр юу байна?
-Д.Нинж гэдэг хүн энэ байгууллагад байсан байгаагүй манай ажил явагдах замаараа явагдана. Өнөөдөр Монголын хувьд тулгараад байгаа амин чухал асуудал нь юу вэ гэхээр цаашдаа гадаадын бодлогоос хараат болж дотоодын үйл ажиллагааг хөгжүүлж өгөх хэрэгтэй. Түүнээс биш Засгийн газар, УИХ-ыг солих асуудлыг яриад, солиод өөдлөхгүй. Үр дүн гарахгүй гэсэн үг. Хамгийн гол нь төрийн бодлогыг бусдаас хараат бус болгох хэрэгтэй байна. Энэ хавар би улс төрийн бүх намуудтай харьцаж үзлээ. Төрийн бүх гол зангилааг атгасан албан тушаалтнуудтай харьцлаа. Харамсалтай нь манай төр засаг, улс төрийн намууд улсаа судлахаасаа илүү албан тушаал гэх мэт өөр асуудалд анхаарлаа хандуулах юм. Тиймд бид Монголыг өнөөдрийн аз туршсан байдлаас нь гаргая гэсэн талаас нь хандаж ажилладаг. Тиймд судалгаа хийж бодлого боловсруулаад хаврын улс төрийн тэмцлийн салхийг хагалсан юм. Дөрөвдүгээр сараас эхлэн бүтэн хоёр сар суулт хийлээ. Энэ суултаасаа мэдэгдэл, шаардлага гарган төрийн байгууллагуудад хүргүүлсэн. Харамсалтай нь бидний гаргасан мэдэгдэл, шаардлагад хариу өгөх тийм албан тушаалтан байдаггүй юм байна. Монголд. Хэн нэгэн сайдад нь шаардлага хүргүүлэхэд шууд Ерөнхий сайд дээрээ бариад оччихсон яах вэ гээд явж байна. Мөн МАХН-ын нэрийг бүртгэх боломжгүй болсноор тэмцлийн нэг үе өнгөрлөө.
-Та болоод танай байгууллага МАХН-ыг нэлээд түлхүү дэмжиж байсан байх шүү?
-Би МАХН гэдэг талаас нь дэмжээд байгаа юм биш. Аливаа зүйлийг шударга байлгая гэдэг үүднээс нь л дэмжиж байлаа. Уг нь энэ нам чинь 150 мянган дэмжигчтэй, түүнийх нь 80 хувь нь намынхаа нэрийг солихгүй гэж байсан. Гэтэл цөөн тооны удирдах албан тушаалтан нь дур мэдэн бүхэл бүтэн намаар, иргэдийн итгэлээр тоглочихож байгаа юм. Үүнийг хараад Монголд шударга юм байх ёстой гэдэг үүднээс ажилласан. Ер нь нам гэдэг бол нэг хүний юм уу бүлэг хүний өмч биш шүү дээ. Мөн манайх улс төрийн намуудын үйл ажиллагаанд дүгнэлт хийх ёстой байдаг. Тэр үүднээсээ мөн хандсан юм. Түүнээс биш би МАХН-ыг дэмжээгүй.
-Нэг яриа гараад байна. Д.Нинж гэдэг хүн МАХН-ыг хоёр салж улс төр өрнөх үед нь наалдсан байж, МАХН-ын түр штабын үйл ажиллагаа сулрах үед нь зайгаа барилаа гэж?
-Энэ бол цэвэр гүтгэлэг. Яахав намаа тараачихаад буцаан эмхэлж авах тал дээр тэдэнд ойлголт байдаггүй байхгүй юу. 1921 онд МАХН-ыг анх байгуулагдсан цагаас нь Оросын коммунист нам дэмжээд явчихсан байдаг. Гадныхнаар байнга юмаа хийлгэдгийн гай юм уу даа. Бэлэн юман дээр тоглож байсан хүмүүс гудамжинд гараад ирэхээрээ туршлага дутдаг юм байна. МАХН-ын буурийг сахигсад надаас зарим зөвлөгөөнүүдийг авсан нь үнэн. Түүнд нь тусалсан. Хурал цуглаан хийхэд нь танхимын уур амьсгалыг хэрхэн бүрдүүлдэг вэ гэх мэт жаал жуул юм зааж өгсөн. Түүнээс биш дотоод үйл ажиллагаанд нь огт оролцоогүй. Дээрээс нь нэг зүйл хэлэхэд энэ байгууллагатай хаврын тэмцэлд хамтарч орох талаар их найдаж байсан. Учир нь өнөөдөр хувь хувиа бодох аваас ангал руу унах тийм үе. Тиймд бүх улс төрийн намыг би энэ хавар нэгтгэж үзлээ. Гэтэл нөгөө нөхдүүд чинь “Би” гэдэг, нялхсын өвчнөөр өвдөөд би ганцаараа гээд явцгаачихсан. Тэднээс би биш тэд надаас зайгаа барьсан байхгүй юу.
-Тэгэхээр танай байгууллага МАХН хоёр одоо ямар харилцаатай байна. Та зайгаа барьсан нь үнэн юм биш үү?
-Ху намаас би зай бариагүй гэдгээ дахиад хэлчихье. Миний тавьсан асуудалд Ху намынхан нэлээд эмзэг хандаж байгаа.
-Тухайлбал ямар асуудалд эмзэглэж байгаа гэж?
-Эхнийх нь Монголын бүх лицензийг цуцлах тухай асуудал юм. Гэтэл үүнд өнөөгийн МАХН-ын дарга ч гэдэг юм уу, ҮШН-ын дэд дарга ч гэдэг юм уу эдгээр улсууд нэг байр суурьтай байдаг. Тэд энэ лицензүүдийг цуцлахаас айдаг. Одоогийн байдлаар 1600 орчим лиценз худалдагдсан байгаа. Энэ бүхэнд нөгөө Ерөнхийлөгч асан Н.Энхбаяр нь ч тэр, М.Энхсайхан нь ч тэр бүгд холбогдчихсон байгаа юм. Тийм учраас эдгээр хүмүүс энэ асуудлыг аль болохоор тойрч гараад Оюу толгойн 34 хувь, Таван толгойн 100 хувь гэх мэт зүйлийг яриад байна.
Түүнээс гадна улсаа эд нар удирдаж чадсангүй. Харин бид зарим хүмүүст улс төрийн хариуцлага тооцох асуудлыг ярьдаг. Гэтэл бүх асуудалд өөрсдөө орооцолдсон байдаг болохоор мөн л эмзэг хүлээж аван асуудлаас зайлсхийхийг оролддог. Өнөөгийн албан тушаалд байгаа ерөнхий сайд ч юм уу, аль эсвэл гудамжинд яваа Н.Энхбаяр, М.Энхсайхан ч байж болно. Бүгд асуудалтай. Бүгд ижил хүмүүс юм. Эцэст нь хэлэхэд миний нэр хүнд тэднийхээс дээгүүр байгаа явдал юм. Хүмүүс чинь өөрөөсөө ил үү нэр хүндтэй хүнд дургүй байдаг юм байна. Тиймээс би биш МАХН-ынхан надаас зайгаа барьсан байгаа юм даа.
-Таны бас нэг хөндсөн асуудал бол С.Зориг агсны хэрэг байх аа?
-Энэ бол жижиг асуудал. Өнөөдөр үүнийг дурдаад байх хэрэг байхгүй. Тэгээд ч энэ асуудал дээр Улсын мөрдөн байцаах газар ажлаа хийх ёстой. 13 жил хийрхлээ, одоо болоо ш дээ.
-Хамгийн сүүлд С.Зоригийн хэргийг сөхөж ярьсан хүн бол, та. Тиймд нийгэмд Нинж гэдэг хүн С.Зоригийн хэргийг илчилж магадгүй гэсэн хүлээлт үүссэн болов уу?
-С.Зоригийн хэргийн асуудалд би гудамжинд байгаа хүний хувиар биш, хамт явсан хүнийхээ хувьд юу болсныг нь баримттайгаар Улсын мөрдөн байцаах газар (УМБГ) бичиж өгсөн. Хоёрт, Улсын мөрдөн байцаах газар ажлаа хийж байгаа. Мөн долоо хоногийн өмнө нэг телевизэд яг энэ асуудлаар би хангалттай дэлгэрэнгүй ярилцлага өгсөн. Тэгэхээр үүнийг олон дахин ярих хэрэггүй байх. Түүнээс гадна мөрдөн байцаалтын үед хууль зөрчиж ямар нэгэн асуудлыг дэлгэхгүй гэж гарын үсэг зурчихсан байгаа.
-Одоо нэг ийм асуудал гарч ирээд байгаа. Нинж С.Зоригийн хэргийн талаар баримт бүрдүүлсэн байгаа. Тэр баримтаа дэлгэж нийгэмд хүчтэй цохилт өгөхгүй “чол” хийсэн жижигхэн дуу гаргаад байх юм гэсэн?
-Би “чол” хийгээгүй. Нэлээн бодитой, нэлээд чанга дуугарсан. Тиймд энэ асуудлыг тавьсны дагуу хэргийн чухал гэрчүүдийн нэг болох Баасан лам хорлогдсон. Тэгэхээр нэмж юм гаргаж өгөх хэрэггүй болж байгаа юм. Түүнчлэн Улсын ерөнхий прокурор Д.Дорлигжав гуравдугаар сарын 21-ний өдөр үндэсний телевизэд ярилцлага өгсөн. Түүнд манай хүн тодорхой хариулт өгсөн шүү дээ. Юу гэхээр “Зоригийн хавтаст хэрэг дотроос жил бүр чухал баримтууд устдаг. Тиймд бид энэ зүйлийг гаргаж тавихад бэлэн байна. Гагцхүү энэ бүхнийг хийгээд байгаа хүмүүс чинь миний дээр сууж байна. Энэ хүмүүсийг буулгаагүй цагт би юу ч хийж чадахгүй” гэж хэлсэн байгаа. Монгол Улсын ерөнхий прокурор хүн улаан цагаан ингэж хэлсэн шүү дээ. Над шиг гудамж метрлэж явдаг юм биш. Тэр хүн ингэж хэлээд байхад би дээрээс нь юм нэмэх шаардлага байхгүй. Танай сонин ч үүнийг дэлгээд хэрэг шийдэгдэхгүй.
-С.Зоригийн хэргийг өнөө жил багагүй хөндлөө. Энэ ямар эх сурвалжаас гарч буй юм бол. Тантай холбоотой юм биш биз дээ?
-Энэ асуудалд ямар ч ойлголт алга.
-Танд тэгээд баримт нь байгаа юм бол олон нийтэд дэлгэхгүй юм уу?
-Хэрэг нэгэнт мөрдөн байцаах газарт байхад би нэмж юу хэлэх хэрэгтэй юм. Дээрээс нь ерөнхий прокурор нь хэлчихээд байхад би хэрэггүй гэдгээ хэлээ биз дээ. Энэ нөхдийг буулгаагүй цагт ямар нэгэн ажил хийх боломжгүй.
-Ямар нөхөд?
-Ямар нөхөд байгааг Д.Дорлигжаваас асуу.
-Танд үнэхээр баримт нь байгаа юм уу эсвэл шоу хийгээд байна уу?
-Надад амиа алдсан хүнээр шоу хийгээд байх ямар ч шаардлага байхгүй. Нэмж хэлэхэд манай байгууллагад асар олон хүний мэдээлэл цуглардаг юм. Тэр бүхнийг судалж үзээд, үндэслэлийг нь гаргаад олон нийтэд тийм юм байна шүү гэж мэдээлдэг. Түүнээс гадна энэ хэргийг шийдвэрлүүлэхээр би 13 жил хөөцөлдлөө. Одоо больё. Танай сонин ч энэ асуудлыг хөндөж надаас дахин хэргийн талаар асуулт тавих юм бол би хариулахгүй. Түүний оронд улс орныхоо сайн сайхан бүхнийг ярих цаг ирсэн байна.

yanaa

Д.Нинж: С.Зоригийн хэрэг юу болсныг би баримттайгаар УМБГ-т өгсөн
Tweet
Bolod.mn

Сэтгэгдэл (1)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
мэдэж байсан юм бол яагаад xэлж xамгаалаагуй юм бэ. онгорсон xойно ни би мэдэж байсан гээд xуний уxэлэр шоудаад байдаг. урд оороо ч гэсэн шуумжилээд муулаад л байдаг байсан . одоо болоxоор сайн xун болоx гээд xудалаа юм xуцаад байж гэнэ. царай ни гэж xачин мууxай юм. нуур ам ни яачиxсан юм бэ

2011-06-20 | 10:52:42 | 76.171.152.252 |

Мэдээ
Гадаад мэдээ
Видео