газраас өнгөрсөн зургадугаар сард шалгалт хийсэн. Энэ шалгалтаар Дорнодын талыг там болгоод буй тус компаниас зөрчил дутагдал илрүүлсэн авто тээврийн улсын байцаагч нарын эрхийг цуцалсан билээ. УМХЕГ-ын дарга Р.Содхүү Авто тээврийн газрын даргад албан ёсоор энэ тухайгаа мэдэгдээд байгаа юм. Авто тээврийн газар энэ шийдвэрийг хэрхэн хүлээж авсан нь тодорхойгүй байна. Харин МХЕГ-ын дарга Р.Содхүү “Энэ шийдвэртээ бат зогсоно, эргэж буцахгүй” хэмээн гэдийж буй.

Р.Содхүүгийн тэгтлээ шаралхан хэвлэлээр мэдэгдэж, хэвлэлийн төлөөлөгч нараараа дайлгаад буй мэдээ, бодит байдалтай хэр нийцэх бол. Хэдэн улсын байцаагчаараа “тахил” өргөлөө гээд Улсын мэргэжлийн хяналтын газар шударга ажиллах нь юу л бол. Ажлаа хийлээ хэмээн ажилчдынхаа улсын байцаагч байх эрхийг нь хасч байгаа УМХЕГ-ын дарга Р.Содхүү харин ч өрөөнөөсөө гарч гудамж болгонд битүү чихсэн эрүүл ахуйн шаардлага хангадаггүй хоолны газруудтайгаа ядаж тэмцэх хэрэгтэй бус уу.

Үүнээс болж ходоодны хорт хавдар,чанаргүй хоолноос болж хичнээн хүн эрүүл мэндээрээ хохироод байгаа билээ. Энэ бол тус газрынхны анхаарал тавих наад захын асуудал. Гэтэл “Петро чайна дачин тамсаг Монгол” гэдэг даварсан компанид шалгалт хийгээд замыг нь хаасан байцаагч нар яагаад буруутай гэж. Үүний төлөө уурсан хэдэн байцаагчаа хоморголон халдаг нэгэн буруу жишиг тогтоогоод байгаа бус уу. Арай УМХЕГ-ын даргад ямар нэгэн эрх ашгийн зөрчил байгаа юм биш биз. Ингэж харахаар өнгө, үнэр, үйлдэл бүрээс нь мэдрэгдэж эхэллээ.

Юутай ч тэр өмнө нь дөрвөн байцаагчийн эрхийг өнгөрсөн долдугаар сарын 29-нд цуцалсан байдаг. Одоо бас таван байцаагчийн эрхийг цуцаллаа. Уг нь УМХЕГ-ын даргын тэгтлээ хорсоод, зуугаад байх ажил хэдэн байцаагч нь бус цадигаа алдсан гадаад, дотоодын компаниуд. Хууль зөрчин үйл ажиллагаа явуулж буй олон байгууллагууд. Энд нэгэн жишээ авъя л даа. УМХЕГ-ын Хяналт шинжилгээ, үнэлгээний хэлтэс “Петро чайна дачин тамсаг Монгол” компанид хийсэн авто тээврийн улсын байцаагчдын шалгалтын дүнтэй танилцжээ. Тэгээд авто тээврийн хяналтын улсын ахлах байцаагч С.Батболд, авто тээврийн улсын байцаагч М.Батсайхан, Д.Батбаатар, Н.Баяраа, О.Пүрэв-Очир нарын байцаагч нараас зөрчил илрүүлсэн байна.

Илрүүлсэн зөрчлүүдээс нь сийрүүлбэл “”Петро чайна дачин тамсаг Монгол” компанид тавьсан актын “Тодорхойлох” хэсэгт шалгалтаар илэрсэн зөрчлийн утга зөрчигдсөн, хууль тогтоомжийн нэр зүйл хэсэг, заалтыг оновчтой тусгаагүй, тогтоох хэсэгт бичсэн тээвэрлэлтийн үйл ажиллагааг зогсоох үндэслэл нь утга найруулгын алдаатай” хэмээн онцолсон байх юм. Цааш нь үзвэл, “Хяналт шалгалт хийх ажлын удирдамжид нэр нь байхгүй Дорнод аймгийн Авто замын газрын авто тээврийн хяналтын улсын байцаагч О.Пүрэв-Очирыг шалгалтын үйл ажиллагаанд оролцуулсан. Мөн шалгалтын явцад шалгалтын тэмдэглэлийг гар бичмэлээр үйлдсэн, Төрийн хяналт шалгалтын тухай хуулийн тавдугаар зүйлийн 5.9-д заасан үндсэн мэдээллийг бүрэн тусгаагүй.

Тус хуулийн 5.12-д заасны дагуу дээд шатны улсын байцаагч (авто тээврийн хяналтын улсын ахлах байцаагч С.Батболд) нь улсын байцаагчдын шалгалтын үр дүнд илрүүлсэн зөрчлийг таслан зогсоох зорилгоор тухайн шалгуулагч этгээдийн үйл ажиллагааг түр зогсоосон. Гэвч улсын байцаагчийн авсан арга хэмжээг ажлын таван өдрийн дотор хянан үзэж түүнийг өөрчлөх эсэх асуудлаар шийдвэр гаргаж, шалгуулагч этгээдэд албан ёсоор бичгээр мэдэгдэх ёстой. Ийн атал гаргасан акт дээр хянасан гарын үсэг зурж, тэмдгээ дарсан гэх мэтээр улсын байцаагч нарыг буруутгах үндэслэлүүдийг жагсаажээ.

Утга найруулгын алдаатай, цаасан дээр тэмдэглэгээ хийхдээ хуулийн заалтыг дурдаагүй гэдэг шалтгаар улсын байцаагчийн эрхийг цуцлах үндэслэл нь ердөө л энэ. Харин энэ тухай мэргэжлийн хяналтын зарим хүн нэрээ нууцлахыг хүсч өөрийн байр сууриа илэрхийлсэн юм. Тэд “Энэ бол байцаагч нарт өдөр болгон тулгардаг асуудал. Шалгалт хийсэн тайлангаа гараар бичих, зарим нэг утга найруулгын алдаатай зүйл хийх үе бий. Тэглээ гээд хууль зөрчиж, эрхийг нь цуцлах шалтгаан биш. МХЕГ-ын дарга Р.Содхүү өөрийн үзэмжээр асуудлыг шийдэж авто тээврийн улсын байцаагчаар өөрийн хүмүүсээ тавих гэж байна”. Хэн, хэнийг авто тээврийн улсын байцаагч болгох тухай асуудал нь Улсын мэргэжлийн хяналтын газрынхны амнаас ам дамжин яригдаж байгаа.

Биднийг байр сууриа илэрхийллээ гээд халах энүүхэнд. Авто тээврийн байцаагчийн ажлыг хүссэн хүн хийгээд байдаггүй, тодорхой шалгууртай. Олигтой хийсэн ажилгүй мөртлөө хэдэн байцаагч нараа өөнтөглөөд байх юм. Бодлогын чанартай зүйл хийх хэрэгтэй. Саяхан Д.Оюун, М.Бямбажав, Д.Хишигжаргал, Д.Дашдулам нарын улсын байцаагчийн эрхийг цуцлах шийдвэрийг гаргасан. Эрх ашгийн зөрчилтэй хүн өөрт нь таалагдахгүй зүйл хийвэл дураараа асуудалд ханддаг” хэмээсэн юм. Үүнээс үзэхэд түүний удирдлага доор ажиллаж байгаа хүмүүс ч Р.Содхүүд сэтгэл дундуур явдаг нь эндээс харагдах биз ээ. Дээрх эх сурвалжуудын ярьсан нь үнэн бол Р.Содхүүгийн эрх мэдлээ хэтрүүлэн ажиллаж буй байдал улсын байцаагч нарыг хоморголон арга хэмжээ авахдаа хүртэл гаарсны илрэл биз.

Тэрбээр тус газар ирж ажиллахаасаа өмнө Хөрөнгийн биржийн захирал байсан. “Анод”-ын хэрэгт БНСУ-ын нэгэн компаниас ирүүлсэн албан тоотыг хав дарж, “Зоос” банкны хувьцааг МАН-ын томчуудад бэлэглэх журмаар өгч байсан гэх баримт ч байдаг юм билээ. Энэ үйлдлүүдийг нь дээрх банкуудын хувьцаа эзэмшигчдийн болон хохирогчдын түр хорооныхон буруушаадаг бөгөөд хуулийн байгууллагаар шалгуулах гэж хүртэл үзсэн удаатай. Гэвч тэр тухайн үедээ Хөрөнгийн биржийн захирлын албан тушаалаас Улсын мэргэжлийн хяналтын ерөнхий газрын даргын албан тушаалд шилжиж чадсан түүхтэй. Тэрбээр тус газрын даргаар ирээд ч сайн нэрийг дуулгахгүй нь бололтой.

Уг нь улсын байцаагчийн эрхийг үүрэг даалгавар, албан үүргээ хангалтгүй биелүүлсэн эсвэл өөр албан тушаалд томилогдох болбол цуцлах заалт хуульд байдаг аж. Гэтэл УМХЕГ-ын дарга Р.Содхүү акт гаргахдаа буруу гаргалаа, шалгуулсан байгууллагадаа анхааруулсангүй, утга найруулгын алдаатай байна гэх мэтээр явцуурхан улсын байцаагчийн эрхийг ийн цуцалж эхэллээ. Өмнөх дарга нарын үед тус газрынхан улсын байцаагчийн орон тоо цөөхөн, хөдөө орон нутагт хүрч ажиллах хэцүү байна хэмээн гомдоллодог байсан бол Р.Содхүүгийн үед Мэргэжлийн хяналтын ерөнхий газрын байцаагч нар нь хахаж цацаад, шалгалт хийсэн байцаагч нар нь эрхээ цуцлуулаад дуусдаг жишиг тогтох нь.

Тэгэхээр удахгүй энэ байгууллагад ажиллах хүн олдохгүй нь. Ганц даргатайгаа үлдээд тус газрын ажил цааш явах уу гэдэг нь сонин. Түүнчлэн Улсын мэргэжлийн хяналтын ерөнхий газар, Авто тээврийн газрын хооронд байгуулсан гэрээний дагуу орон тооны бус улсын байцаагчийг томилдог аж. Энэ оны эхээр 13 тоот гэрээг байгуулж дээрх эрхийг нь цуцалсан байцаагч нараа томилж байжээ.

Г.Дэлгэрцэцэг

Тус мэдээллийг бусад хэвлэл мэдээллийн байгууллага хуулбарлан нийтлэхийг хориглоно.

“ӨДРИЙН СОНИН”

Эрх цуцлахдаа эрдсэн Р.Содхүү
Tweet
Bolod.mn

Сэтгэгдэл (6)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Содхүү бол жинхэнэ адгийн шаар. Амьсгаа. МАН нохойд өгдөг яс. Энэ тэнэг гараас болж МАН нэр хүнд хөсөр унаж байгаа шүү.

2012-06-08 | 11:12:04 | 122.201.18.137 |

Зочин
Содхүү бол жинхэнэ адгийн шаар. Амьсгаа. МАН нохойд өгдөг яс. Энэ тэнэг гараас болж МАН нэр хүнд хөсөр унаж байгаа шүү.

2012-06-08 | 11:11:58 | 122.201.18.144 |

Зочин
За Содхүү ч яахав одоо богино настай болсон. Үлдэж байгаа бялдууч дарга сэтэртэй юмнууд чинь аймаар шүү дээ. Хамт ирсэн хогийн новшнуудтай нь зайлуулах хэрэгтэй. Үхлийн муугаар дутуу үхээсэй. Үхэж байнаа ажилтнаа үхсэнд тооцож байгаа адгийн шаар.

2012-05-26 | 23:00:48 | 122.201.18.141 |

Зочин
Содхүү өөрөө Сэлэнгийн Баруунбүрэнгийн гаралтай хужаагийн эрлийз шүү дээ.

2011-08-28 | 12:24:40 | 202.179.24.10 |

Зочин
муу хужаагийн гар хөл!

2011-08-28 | 07:19:11 | 213.176.139.47 |

Зочин
Содхүү хэтэрхий даварч байна.Түүнийг МХЕГ-аас даруй зайлуул

2011-08-27 | 23:24:56 | 182.160.20.132 |