АТГ-ыг донсолгосон 50, 51, 52 тоот тушаалын цаана юу нуугдана

2012-01-27

АТГ-ын даргаар томилогдсон Н.Ганболд, дэд даргаар томилогдсон Б.Хурц нар ажлаа хүлээж авснаас хойш арваад

хоногийн дараа тус газарт бүтэц, зохион байгуулалтын өөрчлөлт хийсэн. Ингэсэн нь зарим албан хаагчийг ажлаас чөлөөлснөөр ил болсноос бус тус газрын удирдлагууд өөрсдөө “Бид бүтэц, зохион байгуулалтаа ингэж өөрчиллөө” гэсэн албан ёсны мэдээллийг хийгээгүй билээ. Мэдээлэл хийхээ байг гэхэд одоо болтол юуг яаж өөрчилсөн талаараа, бүтцийн өөрчлөлтөөр хэн, хэнийг ажилд авсан талаарх мэдээллийг хав дарж, гадагш гаргахыг хориглосон шийдвэр хүчинтэй хэвээр байгааг албан хаагчдадаа онцгойлон анхааруулсан хэвээр байна.
Тус газар бүтэц, зохион байгуулалтаа хэрхэн өөрчлөв гэдэг мэдээллийг авахаар хандахад, энэ талаар мэдээлэл өгөх хүн байх нь бүү хэл хаалгаар нь ч нэвтрэх боломж олгосонгүй. Төрийн бусад байгууллагыг нээлттэй, ил тод байхыг шаарддаг энэ байгууллага шинэ удирдлагатай болсноор хамгийн хаалттай байгууллага болж хувирлаа. Н.Ганболдын тущаалаарТамгын хэлтсийн даргаар томилогдсон Ч .Өнөрбаяр “Бид хэвлэлийнхэнд мэдээлэл огт өгөхгүй байгаа юм биш. Манай байгууллагын вэб сайтыг байнга харж бай. Мэдээллийн эрх чөлөөний тухай хууль шинэчлэгдэн батлагдсантай холбоотойгоор мэдээллээ аль болох шинэчлээд явж байна” гэж сарын өмнө хэвлэлд мэдээлжээ.

Гэвч өчигдрийн байдлаар тус газрын вэб сайт руу орж үзэхэд, бүтэц, зохион байгуулалт гэсэн цэс нь хов хоосон байв. Шинэ удирдлага болох Н.Ганболд, Б.Хурц нарын намтар, түүх ч байсангүй.
Н.Ганболд дарга 2011 оны арванхоёрдугаар сарын 2-нд бүтэц, орон тоо батлах тухай 50 тоот тушаал гаргажээ. Мөн энэ өдөртөө 51, үүнээс хоёр хоногийн дараа 52 тоот тушаалд гарын үсэг зурсан байна. Ар араасаа гарсан дээрх тушаалаар АТГ-ын бүтэц, зохион байгуулалт өөрчлөгдсөнтэй холбогдуулан цөөнгүй албан хаагчийг ажлаас нь чөлөөлсөн байдаг. Тиймээс ч ар, араасаа гарч АТГ-ыг донсолгосон дээрх тушаал, шийдвэрүүд нь Авлигын эсрэг хууль, Төрийн албаны тухай хууль, Хөдөлмөрийн тухай хуулийн холбогдох заалтыг зөрчсөн гэж ажлаас чөлөөлөгдсөн албан хаагчид Төрийн албаны зөвлөлд гомдол гаргасан байна.

Авлигын эсрэг хуулийн 17.1-д АТГ-ын зохион байгуулалтын бүтэц, орон тоог УИХ батална гэж заасан байхад АТГ-ын дарга тушаал гаргаж тус газрын бүтэц, орон тоог баталсныг албан хаагчид хууль бус хэмээн үзэж буй. Мөн бүтэц, зохион байгуулалтыг УИХ батална гэсэн хуулийн заалт зөрчигдсөн байхад тэгж үзэхээс ч өөр аргагүй. Тамгын хэлтсийн шинэ дарга Ч.Өнөрбаяр бүтцийн өөрчлөлт хийсэн шалтгааныг “Өмнөх дарга нар шаардаагагүй орон тоо гаргаж, илүү хүн авсныг цөөрүүлсэн” гэж тайлбарлаж байгаа юм билээ. Тэдгээр албан хаагчийн ажлын байр нь тус газарт хадгалагдсан хэвээр. Үүнээс гадна дээрх дарга авлигын тухай мэддэггүй, ажилдаа тэнцэхгүй хүмүүсийг чөлөөлсөн гэх тайлбарыг мөн хэвлэлээр хийжээ. Гэтэл чөлөөлөгдсөн албан хаагчдын олонхи нь жил дараалан үр дүнгийн гэрээгээ А, В үзүүлэлттэй дүгнүүлсэн байх юм.
АТГ-ын шинэ удирдлагууд бүтэц, зохион байгуулалтаа өөрчилсөн тушаалаа
баталгаажуулахаар УИХ-д өргөн барьсан сураг байна. УИХ-д очоод байгаа уг хүсэлтэд АТГ- ын албан хаагчдын орон тоог ч нэмэгдүүлэхээр тусгасан гэх. Угтаа бол УИХ АТГ-ын бүтэц, зохион байгуулалт, орон тоог өөрчлөн баталсны дараа тэр өөрчлөлт нь АТГ-т хийгдэж байх ёстой аж. Гэвч тус газрын дарга нар яаран сандран бүтэц, зохион байгуулалтаа өөрчилж, цөөнгүй хүнийг ажлаас халж, чөлөөлчихөөд одоо түүнийгээ баталгаажуулахаар хөөцөлдөж байгаа нь арьсаа хамгаалах гэснийх болов уу.

Нөгөө талаас нь үүнийг байгууллагынхаа бүтэд, зохион байгуулалтыг өөрсдөдөө зориулж өөрчилсөн гэж хардаж ч болохоор байна. УИХ-аас АТГ-ын албан хаагчийн орон тооны дээд хязгаар 90 байхаар баталж өгсөн байх. Хуучин удирдлагуудын үед УИХ-аас баталсан энэ орон тоогоор ажиллаж байжээ. Гэтэл шинэ удирдлагууд УИХ-д өргөн барьсан хүсэлтдээ орон тоогоо 90-ээс дээш болгож нэмэгдүүлэхээр тусгасан гэнэ. Нэмэгдүүлэх л байсан юм бол яах гэж албан хаагчдыг цомхотгож чөлөөлөв. Энэ нь бүтцийн өөрчлөлт нэртэй хууль бус халаа сэлгээг өөрсдөдөө зориулж хийснийг нь баталж байгаа хэрэг бус уу.

Ажлаас чөлөөлөгдсөн албан хаагчдын оронд Н.Ганболд, Б.Хурц хоёрын багийнхан орж ирснээр энэ нь бараг нотлогдсон доо. Тухайлбал, Тамгын хэлтсийн дарга Г.Бадарчийн оронд Үндэсний аюулгүй байдпын ажлын албаны орлогч дарга Ч.Өнөрбаяр (Б.Хурцын орлогч, өмнө нь Ерөнхийлөгч Ц.Элбэгдоржийн сонгуульд ажиллаж байсан), Гүйцэтгэх албаны даргын албан тушаалд мөн л Үндэсний аюулгүй байдлын зөвлөлд референт байсан О.Эрдэнэ (тамхины наймааны хэргээр Австрийн Вена хотод зургаан cap саатуулагдсан, Б.Хурц Үндэсний аюулгүй байдаын зөвлөлийн ажлын албаны дарга болоход тус албанд томилогдсон) нар томилогдсон. Мөн Д.Энхбат агсныг Францаас хулгайлж авчрахад гар бие оролцсон гэгддэг Д.Цоодолсэнгээ тус газрын Мөрдөн шалгах хэлтсийн дарга болжээ. Ерөнхий нягтлан бодогчоор Н.Ганболд даргын найз цагдаагийн байгууллагын ахмад ажилтан Д.Батмөнх томилогдсон гээд тоочоод байвал ашиг сонирхол нэгтэй хүмүүсийн баг бүрдсэн гэдэг нь ойлгомжтой байна.

Манай сонины өчигдрийн дугаарт Төрийн албаны зөвлөлийн дарга Д.Зүмбэрэллхам : ярилцлага өгөхдөө “Төрийн албанд багаар ажиллах гэдэг нь өөрийн талын хүмүүсийг цуглуулахыг хэлдэггүй. Байгааi хамт олныг нэг баг болгон ажиллуулахыг хэлнэ” гэж хэлсэн. Тэрээр мөн аль нэг байгууллагын төсвийн ерөнхий менежерийн албан тушаалд очих хүнийг заавал нээлттэй сонгон шалгаруулалтаар томилдог гэж ярьсан. Гэтэл АТГ-ын Тамгын хэлтсийн дарга Ч.Өнөрбаяр сонгон шалгаруулалтаар томилогдох нь бүү хэл Г.Бадарч даргыг ажлаа хүлээлгэж өгөөгүй байхад өрөөнд нь орж ирээд суучихсан гэдэг. Бусад шинээр томилогдогсод яг түүний жишгээр орж ирсэн гэнэ.
АТГ-ын удирдлага албан хаагчдадаа ямар ч мэдээллийг гадагш гаргаж болохгүй гэж онцгой анхааруулсан талаар өмнө дурдсан. Даргын 50, 51, 52 тоот тушаалын үр дүнд тус газарт хэлгүй, дүлий мэт албан хаагч олон болжээ. Уг нь бол ажил нь сайжирч, хүнд хэлж, ярих юм ихтэй л болсон баймаар.

Үнэн хэрэгтээ тэнд бүтэц, зохион байгуулалт тэгтлээ өөрчлөгдөж сүйд болсон юм байхгүй. Мөрдөн байцаах алба, Гүйцэтгэх алба, Аюулгүй байдал хяналт шалгалтын алба гэсэн тус, тусдаа нэгжийг нэгтгэн Мөрдөн шалгах хэлтэс гэж бий болгон, хэлтсийн даргаар Д.Цоодолсэнгээг томилжээ. Бусад хэлтэс, албад хуучин бүтэц, нэгжээрээ үлдсэн байна. Харин албан хаагчдаа хооронд нь гайгүй сайн хольж хутгасан гэнэ лээ. Үүнийг л бүтцийн өөрчлөлт гэхгүй юм бол өөр ямар бүтцийн өөрчлөлтийг бүтцийн өөрчлөлт гэх вэ. Муу өөрчлөхөөр сайн хольж солих нь зөв арга ч байж мэдэх юм даа.
Н.САРАН