"Ааваа, манайд Монхоо ах, Баавар ахтай ирээд явсан... Хөөрхий охин энэ үгийг хэлэх гэж ээж аавыгаа ажлаа тараад иртэл ухаанаа алдалгүй хүлээсэн байж. Харин сүүлчийн хүчээ шавхан энэ үгийг хэлээд том охин нь ухаан алдсан байна..." Одоогоос гурван жилийн өмнө П.Сумьяажав, Д.Бямбадорж нар Баянгол дүүргийн 19 дүгээр хорооны 58 дугаар байранд оршин суух иргэн "0"-гийн гэрээс 11 сая төгрөг, бусад эд зүйлийг хулгайлахын тулд тав, 14 настай хоёр охины хоолойг нь хэрчиж бага охиных нь амь насыг хөнөөсөн сэтгэл хирт хийлгэм аймшигт хэрэг гарч байсан.

Хохирогчийн аав, ээж нь "Нарантуул" худалдааны төвд худалдаа эрхэлдэг байсан бөгөөд алуурчин 17 настай Д.Сумьяажав нь хохирогчийн аав, ээжид туслан барааг нь заралцаж өгдөг байжээ. Түүний жинхэнэ нэрийг Д.Сумьяажав, харин хочийг нь Монхоо гэдэг байж. Тэрбээр хохирогчийнд таван сарын турш амьдарсан, тэдний гэр бүлийн нэг гишүүнээс ялгаагүй болсон нэгэн бөгөөд хэрэг гарах өдөр тэднийд найз гэгдэх 17 настай Бямбадоржийг дагуулан ирсэн байдаг. Гэмт этгээдүүд хэрэг үйлдэж байхдаа архи, мансууруулах бодис хэрэглээгүй байсан бөгөөд энэ хэргийг үйлдэхдээ эртнээс төлөвлөж хийсэн гэдгээ хүлээсэн байдаг. Алуурчид хохирогчийн гэрээс авсан 11 сая төгрөгийн талыг нь үрсэн байсан бөгөөд улдсэн нь тэднийг саатуулах үед, биеэс нь гарсан байдаг юм. Алуурчдын гараас азаар О охин амьд үлдэж, орой аав, ээжийгээ гэртээ иртэл нь ухаанаа алдалгүй хүлээж байсан бөгөөд тэрбээр аавдаа "Ааваа, манайд Монхоо ах, Баавар ахтай ирээд явсан..." гэдэг үгийг хэлээд ухаан алдсанаар цагдаагийнхан гэмт этгээдийг цаг алдалгүй баривчлахад нь тусалж байсан билээ. Ийн гурван жилийн өмнө гарсан аймшигт хэргийг эргэн сануулахын учир нь алуурчин П.Сумьяажав дахин хоёр гэмт хэрэг үйлдсэн байх магадлалтай байгаа агаад түүнийг Баянзүрх дүүргийн Цагдаагийн хэлтэст саатуулан шалгаж байгаа юм. Эрүүгийн хуулийн тусгай ангийн 181.2 дахь хэсэгт зааснаар сэжигтнээр татан шалгаж байгаа юм. Хэдийгээр түүний одоо холбогдсон хэргийнх нь гэм хор нь бага боловч 2009 онд үйлдсэн хүн амины хэрэг нь түүнд үүсгэсэн эрүүгийн хэргийг хүндрүүлж яллах нөхцөлийг бүрдүүлж байгаа аж.

Түүнчлэн түүнийг танхайн хэргээс гадна дээрмийн хэрэгт ч сэжиглэж байгаа юм байна. Олны сэтгэлийг хиртхийлгэсэн хэргийг үйлдсэн алуурчин П.Сумьяажав нь дээрх хэргийг үйлдэхдээ насанд хүрэээгүй байсан гэдгээрээ Монгол Улсын Өршөөлийн тухай хуульд хамрагдаж өршөөлөөр суллагдсан юм.

Тэдний үйлдсэн хэрэг Нийслэлийн давж заалдах шатны шүүх эцэслэн шийдэгдэж Өршөөлийн тухай хуульд хамрагдсан бөгөөд шүүгч Б.Батцэрэн " П.Сумъяажав, Д.Бямбадорж насанд хүрээгүй байхдаа эл хэргийг үйлдсэн. Мөн 2009 оны долоодугаар сарын 9-нд Өршөөлийн хууль батлагдахад ч 18 нас хүрээгуй байсан. Тиймээс Өршөөлийн тухай хуулийн 4.1.5-д заасны дагуу хэргийг хэрэгсэхгүй болгох шийдвэр гаргалаа" хэмээж байсан юм. Түүнчлэн Нийслэлийн давж заалдах шатны шүүхээс өмнө тэдэнд анхан шатны шүүхээс 15 учлийн жил ял оноосныг алдаатай хэмээн үзэж дахин хянаж өмнөх шийдвэрүүдийг хүчингүй болгож байсан.

Түүнчлэн Б.Батцэрэн шүүгч "Хэдийгээр жигшүүрт хэрэг үйлдсэн ч бүх хүн хуулийн өмнө тэгш эрхтэй. Өршөөлийн хуульд хамруулах боломжтой хэргийг яах ч аргагүй. Ар гэрийнхэн нь дараагийн шатны шүүхэд давж заалдах эрхтэй" хэмээн хэлж байсныг санаж байна. Хэдийгээр хэн ч чи би ялгалгүй хуулийн өмнө тэгш эрхтэй ч тэд өнөөдөр анхан шатны шүүхээс өгсөн 15 жилийн ял нь хэвээр батлагдсан бол хийсэн хэргийнхээ ялыг үүрээд шоронд байж байх байсан юм. Тэрээр өршөөлөөр суллагдах үедээ "Хохирогчийн ар гэрийнхний зүг доогтойхон мишээсэн" тухай хоёр зээгийн өвөө Д.Дашзэвэг нулимс дуслуулан ярьж байсныг санаж байна. Үнэхээр ч өнөөдөр тэр хохирогчийн ар гэрийнхэнд нэг ч мөнгө төгрөг өгөөгүй гэдэг.

Хэдийгээр 14 настай том охин нь алуурчны гараас амьд үлдсэн ч нүдний торлог бүрхүүл нь гэмтэж, улаан хоолой нь ясандаа тултал зүсүүлсэн болоод олон удаа мэс засалд орж алтан гартай эмч нарын буянаар эдгэрсэн ч гэлээ үргэлж айдас дунд амьдарч байгаа талаар хохирогчийн ар гэрийнхэн ярьж байсан юм. Арга ч үгүй биз. Охиных нь амийг хөнөөсөн алуурчин юу ч болоогүй мэт нийслэлийн гудамжаар сэлгүүцэж явахад өнөөдөр тэд айдасгүй амьдарч чадна гэж үү. Хэзээ ороод ирэх бол гэж айж хэрэг гарсан орон байраа орхиж, энд тэнд нүүдэллэн амьдарч яг л нүүдлийн шувуу шиг буй биз. Дэлхийд цаазын ялгүй орон болно гэж цээжээ дэлдэж бас түүнийгээ хэдийнэ хүлээн зөвшөөрүүлсэн ч гэлээ харин түүний араас гарах хор хохирол нь ийн гарч байна.

Өршөөлийн тухай хууль батлагдан гарч олон хүн төрийн өршөөл хайр хүртчихээд л гурав ч хонолгүй хэрэг үйлдэж эргээд л шоронгийн хаалга татаж байгаа мэдээ бараг л өдөр алгасахгүй гарч байсан билээ. Хэдийгээр хэрэгтнийг өршөөж болох ч гэлээ бас өршөөж боломгүй хэрэг хийсэн хэрэгтэнг өршөөх нь" Ишиг эврээ ургахаар эхийгээ мөргөнө" гэдэг үгтэй агаар нэгэн буй за. Өршөөлийн тухай хууль батлагдсаны дараагаар аймшигт хэрэг хийсэн алуурчид 'Та нар намайг өршөөхгүй ч Монгол Улсын, Ерөнхийлөгч намайг өршөөнө" гэж хэлээд инээж байсныг олон хүн өнөөдөр ч мартаагүй байгаа байх. Алуурчдыг өршөөнө гэдэг эргээд хэн нэгний амийг авах алуурчинг бэлтгэж байгаа хэрэг биш гэж үү. Энэ нь ч гурван жилийн өмнө аймшигт хэрэг үйлдэгч алуурчинг суллаж явуулснаас шууд харагдах биз ээ. Тиймээс төрийн хайр даахгүй бол төмөр нударгынхаа амтыг үзүүлэх хэрэгтэй юм биш үү.

Б.Анар

ubtimes

Төрийн хайр даахгүй бол төмөр нударгынхаа амтыг үзүүлэх хэрэгтэй юм биш үү
Tweet
Bolod.mn

Сэтгэгдэл (7)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Kudos, A good amount of information! casino en ligne This is nicely expressed. ! casino en ligne Amazing info, Thanks. casino en ligne France Helpful data With thanks! casino en ligne Thank you! A good amount of information. casino en ligne You explained this superbly! casino en ligne With thanks, I value it. casino en ligne This is nicely put! ! casino en ligne Cheers, I appreciate it. casino en ligne Nicely put, Thanks a lot! casino en ligne France

2025-05-29 | 09:57:09 | 192.3.241.94 |

Зочин
Erunhiilugch maan aluurchidiin zagalmailsan etseg bolchihson yum bish uu heregui malnuudiig tsaazlah heregtei

2013-07-23 | 17:50:21 | 49.0.169.24 |

Зочин
энэ алуурчин дээрэмчин танхай адгууснуудийн зургийг тавьж өгөөч

2013-02-14 | 13:05:39 | 202.170.81.170 |

Зочин
тэр хохирогчийн ар гэрийнхний зүг доогтой инээдэг, миний ерөнхийлөгч намайг аварна гээд байгаа нөхдийг өөрсдийг алах юмсан.

2012-01-31 | 03:05:22 | 217.118.78.97 |

Зочин
Цусан өшөө арай ч дээ, монголчууд минь ээ! миний хүүхэд л биш бол надад ямар хамаа байх вэ гээд бодож байх хугацаа бидэнд үлдсэнгүй нь даанч харамсалтай. энэ тархи нь эргэсэн ерөнхийлөгч ямар сайхан юм сэтгэсэн гэж бодож суугаа бол доо хөөрхий... монголчуудыг эртнээс нааш гадныхан болоод дотоодынхон хатуу хууль цаазаар л барьдаг байсныг мэддэггүй л юм байх даа. цаазаар авах ялыг эргээд сэргээвэл жилд зуурдаар амиа алдах хүний тоо багасах байлгүй... манайхан зуурдаар амиа алдахыг нээг их тоохгүй үхэж л байдаг юм хөөрхий гэдэг болж дээ... гэтэл цаана чинь сум шунгинасан Афганистан, бөмбөг дэлбэрсэн Иракт жилдээ үхэж байгаа хүний тоо манайд онц ноцтой хэрцгийгээр алуулсан, хүчиндүүлээд дараа нь амиа алдсан, зодуулж болон хутгалуулж үхсэн гэх мэт зуурдаар амиа алдсан хүний тоон үзүүлэлтийн хаана нь ч хүрэхгүй байгааг судлаачид аль хэдийн гаргаад тавьчихаад байхад энэ төрийн эрх мэдэлтнүүд засгийн эрх мэдэл, асар их эд баялгийн төлөөх шуналдаа хөтлөгдөж, хээл хахууль авч баяжихыг мөрөөдөөд юун та нарын тэр үр хүүхэд, амраг садан, ах дүү аав ээжийн чинь амьд явах нь огт падгүй болчихоод байна шүү дээ хүмүүс ээ...!!! хүний амь егүүтгэсэн болон хүчингийн хэрэг хийсэн этгээдүүдийг заавал цаазаар хороож байх нь зүйтэй. бүр олны нүдэн дээр тамлан тарчилгаж хороох хэрэгтэй. та нар энэ юун солиотой юм ярив гэж гайхаж байгаа байх... монголд гарч байгаа онц ноцтой хэргүүдийн талаар та нар захын сониноос уншиж болохоор болчихсон байна шүү дээ... өнөөдөр яахав хүний хүн алуулж л байна... маргааш танайхнаас нэг хүн алуулахгүй байхыг үгүйсгэх аргагүй нөхцөлд амьдарч байгаагаа энэ утаан дунд жаахан ч гэсэн нүдээ нээгээд харчихаач... ӨРШӨӨЛИЙН ХУУЛЬ монголд огт хэрэггүй, тохирохгүй хууль... энэ хуулийн нөмөр нөөлөг, халхавчинд хичнээн их алуурчид амь хоргодож байгааг манай тархи нь эргэсэн ерөнхийлөгч даанч харах сөхөөгүй уулын өргөөндөө заларч байгаа байх даа харин энэ хуулийг бүр байхгүй болгоод оронд нь алуурчид, онц ноцтой гэмт хэрэгтнүүдийг тарчилган тамлаж цаазаар авах хууль гээч юмыг санаачилбал хэдэн зуунд гавъяа нь мөнхрөх алдартан болох байх даа.... ийн

2012-01-31 | 02:54:10 | 217.118.78.126 |

Зочин
Элбэгдоржийг ирэх сонгуулиар хэн ч сонгохгүй. Яагаад гэвэл ард түмэнтэйгээ биш алуурчидтай ах дүү болсон болохоор тэр. Ард түмэн олон уу, алуурчид олон уу гэдгээ элэгдорж тооцсонгүй алдлаа даа

2012-01-30 | 17:31:33 | 202.180.219.22 |

Зочин
үхэр монголчууд, малаасаа дор ухаантай. хөгжихгүй ээээээээ

2012-01-30 | 16:13:19 | 117.16.196.148 |