утааны асуудал Үндсэний аюулгүй байдалд заналхийлээд удлаа. Гэвч Монгол улсын Аюулгүй байдлын зөвлөлийн тэргүүн, Монгол улсын Ерөнхийлөгч Ц.Элбэгдорж ард түмнийхээ эрүүл мэнд, амь насанд заналхийлээд удаж буй эл чимээгүй дайсныг хэрхэх талаар ам ангайсангүй. Уг нь гүйцэтгэх засаглал буюу Засгийн газар утааг арилгах үүрэг хүлээсэн боловч дээр дурьдсанчлан авлига, хүнд сурталын уурхай болсон гүйцэтгэх засаглалын утааны эсрэг тэмцэж буй тэмцлийн хэлбэр нь нүглийн нүдийг гурилаар хуурна гэгчийн үлгэр болоод байгаа. Хэдэн пийшин зуух тарааж, гэрийн хаалганы дулаалга сэлтхэнээр утаатай тэмцэж байгаа буй нь “Засгийн газар утааны эсрэг арга хэмжээ аваад байгаа боловч нийслэлийн салхин талд нь суурьшсан гэр хорооллын утаа дийлдэхээс өнгөрсөн” мэт дүр зураг харагдаж байгаа юм. Наанаа нандин хээтэй, цаанаа чамин хээтэй гэдэг шиг наанаа наалайнхай инээмсэглэл нүүр дүүрэн тодруулсан нөхдүүд, цаанаа утаанд зориулагдсан хөрөнгө мөнгөнөөс өөрийн хэтэвчний хэмжээнээс илүүтэй сорж байгаа ч хяналтын системийн гажиг тогтолцоотой Монгол улсад идсэнийх нь зол, идүүлснийх нь хохь болоод өнгөрдөг зуршил нэгэнт тогтчихжээ. Өнөөдөр нийслэлийн агаар ямар түвшинд хүрснийг бодит бодит мэдээлэл энэ байна.

Улаанбаатар хотын салхины дундаж хурд 1-2 м/секунд байдаг хийн урсгал хөдөлгөөн харьцангуй тогтуун бүст хамаарагддаг. Салхины чиглэлийн дээд хэсэгт байрлах дулааны цахилгаан станц, үйлдвэрийн газрууд болон дөрвөн уулын бэлээс эхлэн хотын төв хүртлээ тархан байрласан гэр хорооллын айл өрхийн галлагаанаас гарах бохирдуулагч хий нь Улаанбаатар хотын төв хэсэгт хөдөлгөөнгүй тогтож, агаарын бохирдолтыг их хэмжээгээр үүсгэдэг байна.

Нэг хүнд 343.6 килограмм хорт бодис ногдож байна

Агаарын бохирдлын гол эх үүсвэрүүд нь гэр хорооллын 177 мянган айл өрхийн хэрэглэж буй зуух (60.0%), Дулааны цахилгаан станцууд (6.0%), 182 мянган авто тээврийн хэрэгсэл (20.0%) болон 1.4 мянган бага болон дунд оврын нам даралтын халаалтын зуух (10.0%), бусад эх үүсвэр шороон зам, баригдаж буй барилга байгууламж гэх мэт эх үүсвэрээс нийслэлийн агаарын бохирдол үүсдэг гэх судалгаа бий.

Дулааны цахилгаан станцууд болон нам даралтын зуухнууд, айл өрх, аж ахуйн нэгж, байгууллагууд жилдээ 5.9 орчим сая тонн түүхий нүүрс, 237195.8 м3 мод шатааж агаарт 260.0 мянган тонн хорт бодисыг цацаж байгаа нь хотын нэг оршин суугчид 343.6 кг хорт бодис ногдож байна гэсэн үг аж.

Улаанбаатар хотын агаар дахь хүхэрлэг хий, азотын давхар ислийн хэмжээ өвлийн улиралд ихэсдэг байна. Цахилгаан станцууд болон хувийн орон сууц, гэр хорооллын халаалт, галлагаатай холбоотойгоор агаар дахь эдгээр хийн агууламж ихэсдэг. Өвлийн улиралд угаарын хий, хүхрийн давхар исэл, азотын давхар исэл зэрэг хорт бодисуудын хэмжээ зөвшөөрөгдөх хэмжээнээс даруй 10 дахин их байдаг нь нэгэнт тогтоогдчихсон билээ.

Жилд 578.384 тонн хүлэмжийн хий “үйлдвэрлэдэг”

Нийслэлд 177 мянга орчим айл өрх байгаа ба нийт 600 мянга орчим тонн нүүрс түлшиндээ хэрэглэж жилд дундажаар 578.384 тонн хүлэмжийн хий, 304..414 тонн нүүрстөрөгчийн исэл, 3095,7 тонн дэгдэмхий үнс хаягдаж агаар болон газрын хөрсийг бохирдуулж байдаг гэвэл та итгэх үү.

Харин автомашинаас ялгарч байгаа хийн найрлаганд этилт хар тугалга, нүүрс устөрөгч, азотын ислүүд, нүүрс устөрөгчийн дутуу ислүүд зэрэг 270 гаруй төрлийн хорт бодис байдаг нь судалгаагаар тогтоогджээ. Улсын хэмжээнд импортлогдож буй 540.0 мянга гаруй тонн шатахууны 60 орчим хувь нь зөвхөн Улаанбаатар хотод борлогдож байгаагаас ихээхэн хэмжээний хортой бодис агаарт ялгардаг тооцоо гарсан. Агаарын бохирдол үүсгэгч бас нэг эх үүсвэр нь гэр хорооллын шороон зам, баригдаж буй барилгын талбай, элс хайрганы карьер, тоосгоны үйлдвэр зэргээс үүсэж байгаа тоосонцор бөгөөд өдөрт дунджаар 131-162 метр куб-д хэлбэлзэж байгаа нь олон улсын нийтээр хүлээн зөвшөөрөгдөх хэм хэмжээнээс даруй 2-3 дахин давсан үзүүлэлт юм.

Засгийн газар үлгэрт итгэж цаасан малгай өмслөө

Засгийн газар 2012 оны 02 дугаар сарын 03-ны өдөр ээлжит бус хуралдаан зарлаж уг хурлаараа агаарын бохирдлыг бууруулах чиглэлээр хийж байгаа ажил, цаашид авах арга хэмжээний талаар хэлэлцсэн юм.

Хуралдаанаар “Цэвэр агаар” төслийн өнгөрсөн оны ажлын тайланг хэлэлцсэн юм. Энэ төсөл нь хотын гэр хорооллын 180 мянган өрхөд эрчим хүчний хэмнэлттэй бүтээгдэхүүн болох сайжруулсан зуух, гэрийн иж бүрэн дулаалга, гонх, сууц ашиглуулж, түлшний хэрэглээ, утааны бохирдлыг багасган, сэргээгдэх эрчим хүч боловсруулахад дэмжлэг үзүүлэн агаарын бохирдлыг бууруулах зорилготой юм. Өнгөрсөн онд төслөөс 12 сая гаруй ам.доллар зарцуулж, эрчим хүчний хэмнэлттэй бүтээгдэхүүн худалдан авсан иргэдэд 9 сая орчим ам.долларын санхүүгийн дэмжлэг буюу татаас үзүүлсэн байна.

Зуух, иж бүрэн дулаалга зэргийг Чингэлтэй, Сүхбаатар, Баянзүрх, Сонгинохайрхан, Баянгол, Хан-Уул дүүргийн агаарын бохирдлын нягтаршил ихтэй 50 хорооны 100 мянга гаруй өрхөд татаастай худалджээ. 2011 оны 12 дугаар сарын 31-ний байдлаар нийт 57 мянга гаруй бүтээгдэхүүн борлуулсан байна. Энэ нь манай улсад агаарын бохирдлыг бууруулах чиглэлээр хийгдсэн, хийгдэж байгаа бусад төсөл, хөтөлбөртэй харьцуулахад хамгийн олон өрхийг хамарч чадсан гэнэ.

Сайжруулсан зуухыг зөв хэрэглэж байгаа өрхийн түлшний зарцуулалт 30 хүртэл хувь, яндангаас гарах утаа 80 хүртэл, гэрийн дулаалга болон эрчим хүчний хэмнэлттэй сууц хэрэглэж байгаа өрхийн түлшний зарцуулалт 40 хүртэл хувиар буурсан гэх мэдээллийг төслийнхөн өгсөн. “Цэвэр агаар” төслийн хүрээнд одоогийн байдлаар 6,6 тэрбум төгрөг зарцуулаад байгаа аж.

Энэ эрчээрээ төслөө хэрэгжүүлбэл 3-4 жилийн дараа агаарын бохирдол бүрэн арилах боломжтой гэж байх юм. Өнгөрсөн 2-3 жилд Засгийн газар утааны асуудлыг шийдүүлэхээр тэрбум тэрбумаар нь төвсөлөж өгсөн боловч өнөөдөр утааны асуудал шийдэгдэх нь бүү хэл оршин суугчдын эрүүл мэндэд заналхийлж эхэллээ. Гэтэл утаатай тэмцэх нэрийдлээр төсвийн хөрөнгө идэж байгаа нөхдүүд энэ эрчээрээ 3-4 жилийн дараа утаа бүрмөсөн арилна хэмээн шилээ маажиж суугаа нь Засгийн газрын тэргүүнд цаасан малгай өмсүүлж бүтэн жилийн турш зуун яндан тараасан хэдий ч гарт баригдаж нүдэнд үзэгдэх ажил хийгээгүйгээ гэрчлэх мэт харагдаж байв.

Утааны өвчин буюу харанхуйн тарчлаан

Өнөөдөр Эх нялхасын эрдэм шинжилгээний төвд хэвтэж байгаа хүүхдүүдийн цөөнгүй нь утааны өвчинд нэрвэгджээ. Хорт хий бүхий утаа угаараар амьсгалж байгаа хүүхдүүд цусны хорт хавдар, тархины даралт, агаарын дутагдал, төрөлхийн тагнай цоорхой, уруул сэтэрхий, үл мэдэгдэх хавдар биенийх нь аль нэг хэсэгт овойж товойн гарсан байх нь утааны уршиг гэнэ.

27 настай цэл залуухан бүсгүй Улаанбаатарын утаа болон хүнсний аюулгүй байдлын улмаас цусны хорт хавдар гэх өвчинд шаналж хэд хоноод л химийн тариа хийлгэн, хоногоо тоолж суугаа эмгэнэлт дүр зураг эмнэлэгүүдийн ердийн үзэгдэл болох нь. Харанхуйн тарчлаанаар өвдөж шаналсан эдгээр хүүхдүүд гадаадад гарч эмчилгээ хийлгэн өвчин эмгэгээсээ салах боломжтой ч хөрөнгө мөнгөгүйн улмаас мөн л хоногтолоон суухаас өөр аргагүй байдалд оржээ.

Харин хүүхдийн гэх нэр барьж гадаадын хөрөнгө оруулагчид, ивээн тэтгэгчдийн мөнгийг хамж суудаг байгууллагууд эдгээр хүүхдүүдэд мөнгө төгрөгийн тусламж үзүүлэх нь бүү утааны өвчин буюу харанхуйн тарчлаанаар зовж байгаа хүүхдүүдийн тоог ч мэдэхгүй суугаа нь өнөөдөр монгол улсад хүний амь нас ямар түвшинд үнэлэгдэж байгаа нь тодорхой харагдаж буй.

Харанхуйн тарчлаан
Tweet
Bolod.mn

Сэтгэгдэл (1)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Утаагн арилгах амархан ш дээ. Утаагаар бизнес хийхээ больчих тэгээд л тэнгэр цэлмэчихнэ. Та нарт нэг тоо хэлье. 4-р цахилгаан станцыг шинэчлэх нэрийн дор тийм 2 станц барих мөнгийг угаажээ. Түүний үр дүнд энэ яригдаад байгаа ЭмСи ЭС компани бий болсон гэдэг. Яг үүнтэй ижлээр хотыг утааг аль хэдийн арилгах 3 дахин их мөнгө түүнд зарагдсаны шуналаас утаа арилахаа больчихжээ. Учир нь утаа байхгүй бол нөгөө бизнес дампуурна шүү дээ. Бизнесээ хэн дампууруулах юм бэ. Зам яагаад засагддаггүй вэ. Мөн л ижил. Энэ цагаан толгойтой буриад энэ бүхнийг мэддэг болов уу Түүний барилгна эрхэлсэн орлогч ХАМАР хэмээх Гантөмөр НАМЫНХАА МӨНГИЙГ ЦОХИЧИХДОГ БАЙЖ ХОТЫН МӨНГИЙГ ЦОХИХГҮЙ БАЙНА ГЭДЭГ БОЛ ДЭНДҮҮ ИНЭЭДЭМТЭЙ6 САЯХАН БАРИЛГАА НУРААХ ЖАГСААЛТААС ХАСУУЛСАН ГЭХ ХҮМҮҮС ШУНАЛТАЙГ НЬ ГАЙЫХААД Л БАЙСАН. МАН-ийнхнаас дор юм гээд байсан. Бат үүл юу бодож явдаг юм болдоо.

2013-03-10 | 20:04:26 | 203.194.114.234 |

Мэдээ
Гадаад мэдээ
Видео