Сонгууль боллоо гээд миний амьдралд сайн зүйл ирэх ч юм уу найдвар алга. Миний хувьд ажлаа хийгээд нөгөө хүмүүсийн хэлдгээр мөрөөрөө л амьдарч л байна. Гэхдээ үр хүүхдийнхээ бас эх орныхоо ирээдүйд сэтгэл зовж байна. Өнөөдрийн энэ төр засагт итгэдэггүй. Нэг л их бэлэн амласан хүмүүс. Хийж байгаа зүйл нь бүгд ярьсныхаа эсрэгээр.

Цалин нэмлээ гэсэн үнэндээ махных нь үнэ 10 мянгад хүрчихлээ. Ийм л ажил хийдэг хүмүүс шүү дээ. Баруун гараараа цалин нэмээд зүүн гараараа инфляц нэрээр юмны үнээ нэмээд буцаагаад авчихдаг. Тэгээд одоо сонгууль болно гээд байдаг. Ийм хүмүүсийг сонгох хэрэг байна уу гэж сүүлийн үед бодох боллоо.

Мэдээж хүн бүр янз бүрийн л хандлагатай байгаа байх. Гэхдээ энэ сонгуулийг явууллаа гээд бидний амьдралд юу өөрчлөгдөх юм, юу нэмэгдэх юм бэ л гэдэг асуудал чухал шүү дээ. Би эрх баригчид шиг эдийн шуналтай хүн биш л дээ. Ерөөсөө сонгууль явуулж, төрд төлөөлөгчөө гаргаж байгаагийн зорилго ерөөсөө л миний хэлж байгаа зүйл. Ард түмний амьдрал сайн болох. Хэрэв үгүй гэвэл яах гэж, юуны төлөө сонгууль өгөх гэж байгаа юм бэ? Бодох хэрэгтэй. Өгөх ёстой гээд нэг үл бүтэх нөхрийг сонгочхоод араас нь дөрвөн жил хараалаа урсгаж, орилолдон гонгинох хэрэггүй л байх гэж боддог юм.

Ардчилсан нийгэмд иргэдийн оролцоог дэмжих ёстой ч манай эрх баригч нэртэй нөхдүүд битгий улс төрж гээд байгаа бас ойлгодоггүй. Харин ч улс төржих ёстой шүү дээ. Битгий улс төрж гэж байгаа нь бол үнэндээ Оюу Толгой, Таван Толгой та нарт хамаагүй шүү л гэсэн үг байх.

Зүйгээрээ бол ардчилсан төрийн эзэн нь ард түмэн учраас тэд өөрсдөө юуг яаж, хэзээ хийхээ мэдэх ёстой шүү. Ард түмний хүслээр төрийн бодлого явагдах ёстойгоос биш хэсэг нөхдүүдийн энд тэндээс цуглуулсан хөгжлийн хөтөлбөр мэт нь үнэндээ хамаагүй л дээ. Олигтойхон мэдлэг, боловсролтой хүмүүс төрд байхгүй байна шүү дээ.

Яагаад би сонгууль өгдөггүй вэ гэхээр надаас үнэн доогуур төвшний мэдлэгтэй, боловсролтой үл бүтэх нөхдүүд намайг сонгооч ээ гээд хүрээд ирэхээр чинь би яаж сонгох юм бэ? Би ямар хөл бөмбөг сонирхогчдын клубийн тэргүүнийг сонгох гэж байгаа биш. Монголын 2,7 сая хүний хувь тавилан шийдэх Монголын төрийн түшээг сонгох гэж байгаа шүү дээ. Тиймээс нухацтай, алсаа бодож сонголт хийх ёстой гэж боддог. Хүмүүсийг ч гэсэн ингэж хандаасай гэж хүсдэг. Бас одоо уриалмаар байна.

Яагаад гэвэл сонгууль гэдэг нэг нөхрийн нэрийн өмнөх дугаарыг дугуйлахаас илүү өргөн ойлголт шүү. Маргаашийн амьдрал өнөөдрийнхөөс илүү сайн болох уу? үр хүүхдийн чинь ирээдүй баталгаатай болох уу гэсэн л сонголтыг хийж байгаа. Улс төрч нэртэй хүмүүс үүнийг л хийх ёстой шүү дээ. Хэрэв хийхгүй юм бол тэднийг яах гэж сонгож байгаа юм бэ? Хэрэв үгүй гэвэл төрд гарч хулгай хийхийг нь баталгаажуулж өгч байгаагаас ялгаагүй шүү дээ.

Сонгууль үгүй гэвэл ардчилал үгүй. Ардчилал үгүй гэвэл сайн сайхан, чөлөөт амьдрал үгүй болж шударга ёс алдагдана. Гэхдээ нэг аюул нь луйврын сонгууль явуулж, ардчилалтай мэт харагдах явдал түгээмэл боллоо. Эцсийн эцэст ардчилал гэдэг ард түмэн өөрийн хүссэнээрээ эрх баригчдаа сольж байх учиртай. Харин хаант засагтай нийгэм бол өөр бөгөөд нэг нөхөр бүх насаараа хаан ширээнд залардгийг бид мэднэ.

Би боддог юм. Сүүлийн 22 жил парламентад сонгогдсоор ирсэн олон хүн байна шүү дээ. Парламентаас өөр газар ажиллаж байгаагүйн дээр мөн ард түмнийхээ төлөө юм хийгээгүй хүмүүс л байна. Товчоор хэлвэл саарал ордонд 22 жил амьдарсан хүмүүс олон байна. Тэгээд бас тэрбумтан. Яаж хэзээ бизнес хийсэн юм бүү мэд.

Зарим тойргуудад нэг хүнийг дахин дахин сонгоод байгааг заримдаа ойлгодоггүй юм. Эсвэл тэр аймаг, тойргийнхон тэнэг үү эсвэл тэр нөхөр сайн луйвар хийгээд байна уу?

Одоо хоёрхон сарын дараа сонгууль явагдана. Тэгээд хэн гэдэг нөхрийг сонгох вэ? гэдэг асуудал гарна. Сонгуулийг сэтгэл догдлон хүлээж байгаа хүмүүс нь ард түмэн биш харин нөгөө ардчилсан, ардын гэх тодорхой намын гишүүд л догдлоод байх шиг. Сонгуульд манай нам ялбал олон хүнийг шоронд хийнэ ч гэх шиг. Бас манай нам ялбал би эрүүл мэндийн сайд болно ч гэх шиг. Хүслээ яриад байгаа юм уу, зүүдээ яриад байгаа юм уу бүү мэд. Бараг л зарим нь эхнэртээ “би сайд болно” гээд амлачихсан сууж байгаа шүү. Ийм оюуны хувьд насанд хүрээгүй сармагчин шиг нөхдийг төрд гаргачхаад юу бодож суух вэ? Тиймээс сонгууль өгөх битгий хэл явуулаад ч хэрэг байна уу гэсэн бодол сүүлийн үед төрөх болсон. Ямар хэдэн нөхрийг дураараа, хулгай хийхийг нь дэмжих хэрэг байна уу?

Харахад том биетэй, бүдүүн тарган хүмүүс. Толгой дотор нь яг л хүүхдээрээ. Нэр дэвшчихээд хүмүүстэй уулзаж байгааг нь харахаар бүр эмгэнэлтэй. Хүн бүрт таалагдах гээд аль байдгаараа хичээнэ. Ахмадууд, хүүхдүүд, залуучуудтай аль байдгаараа сайхан харьцахыг хичээх нь яг түвд лам шиг бас манж ноёд шиг. Яагаад өөрийнхөөрөө байж болдоггүй юм бол доо. Таалагдах л ёстой гээд бодчихсон хүмүүс. Тэгвэл сонгогдоно гээд гүн итгэчихсэн нөхдүүд. Төрийн хүн гэдэг чинь ард түмэндээ таалагдаж биш хүндлэгдэж сонгогдмоор.

Сүүлийн үед залуучууд нам руу хошуурч байна. Амар хялбар амьдарч, дарга болох хүсэлтэй бол эрх барьж байгаа намуудад элсэж морь нохой мэт зүтгэ. Хэр их эрх баригчдад үнэнч явж, ард түмнийхээ эсрэг гэмт хэргүүдийг хийснээр чинь чиний амжилттай байх хамаарна. Өнөөдөр залуучууд амар хялбараар баян болж, албан тушаалд гэрлийн хурдаар өгсөхийг мөрөөдөн намууд руу гүйж байна. АН-ыг ардчилалтай гэж, МАН-ыг эх оронч гэж төсөөлөн гүйцгээж байна. Харамсалтай нь тэнд луйварчид, олигархиуд л сууж байгааг ухаарахгүй ажээ. Эх орны төлөө хүн ч алга, ардчиллын төлөө хүн ч алга. Зөвхөн л ардчиллыг дээдэлдэг, эх орноо хайрладаг хүмүүсийг ашигладаг л хүмүүсийн бөөгнөрөл бий болжээ.

Тэгээд ч хүнд юманд эргэлзэж, араас нь асуудаг боловсролыг олгож чадахгүй байна. товчоор хэлбэл боловсролын салбар хүнийг үнэнийг танин мэдэх чадваргүй болгон бэлдэж байгаа юм даа. Харанхуй байна даа шөнө шиг харанхуй байна энэ ард түмэн, энэ улс орны ирээдүй.

Нэг зүйлийг гайхдаг юм. МАН-ын гишүүд МАН- даа, АН-ын гишүүн АН-даа, МАХН-ын гишүүн МАХН-даа муу муухай, хулгайч ч нэр дэвшсэн өгөх юм бол сонгууль өгч яах юм бэ? Энэ удаагийн сонгуулиар ч МАН-ынхан МАН-даа, МАХН-ынхан МАХН-даа, АН-ынхан АН-даа өгч харин Монголын ард түмэн ирээдүй бодож шинэ сонголт хийгээсэй хэмээн бодож байна.

Миний саналаар болдог бол намуудыг хатуу гишүүнчлэлгүй болгочих хэрэгтэй. Дэмжигч л гэж байна биз. Энэ намууд чинь сүүлдээ монголчуудыг хуваагаад баллалаа Гэр бүл дотроо хүртэл аав, ээж, хүүхдээрээ өөр өөр нам дэмждэг гээд маргачихдаг. Ийм замбараагүй зүйлийг зогсоох хэрэгтэй.

Нам байх хэрэгтэй л биз. Гэхдээ ийм олон нам хэрэгтэй ч юм уу? Бодох л асуудал. Одоо сонгуулиар шинэ хүн бараг л гарч ирэхгүй. Нөгөө л хуучин хулхины нөхдүүд. Сонгуулийн хуудсан дээр яг л адилхан луйварчид, хулгайчид. Алийг нь ч сонгосон яг адилхан дампуу хүмүүс. Тэгэхээр сонгууль хийх хэрэг байна.

Ийм байж сонгууль хийнэ гээд яриад байгаа юм даа. Тэгэхээр хэн сонгууль өгөх болж байна аа. Ёстой нөгөө сонгогчгүй сонгууль л болох байх даа. Хүмүүстэй уулзаж, хэвлэл мэдээллийн хэрэгслүүдийг үзэж байхад ард түмэн сонгууль өгөхгүй гэж л байна. Үүнийг хувьдаа зөв гэж бодож байгаа.

Эрх баригчид хэвлэл мэдээллийн ингэж сайн хянаагүй байсан бол аль хэдийн эрх мэдлээсээ бууж эд хөрөнгөө хураалгаад шоронд сууж байх ёстой байсан юм. Хэвлэл мэдээллийг худалдаж аваад, мэдээллийг нь маш сайн хянаж байна. Телевизүүдийг үзээрэй, сонинуудыг уншаарай мэдрэх болно. Монголын өдөр тутмын гол сонинууд Оюу Толгойн сурталчилгаагаар дүүрэн. Телевизүүд нь эрх баригч намуудад үйлчилж мэдээллийг цензурддаг. Юун нөгөө хэвлэлийн эрх чөлөө яриад ч хэрэггүй.

Монголд бүх л зүйл буруугаар яваад байгаа юм шиг санагдах юм. Зөв юм, үнэн юм байна уу гэхээр ерөөсөө харагдахгүй нь. Магадгүй миний газар гишгэж байгаа нь л үнэн байх.

Төр нь худал, засаг нь худал, сайд нь худал, дарга нар нь худал, их сургууль худал, академи нь худал, сургууль нь худал, докторууд нь худал, профессорууд нь худал. Худал, худал, худал гээд жагсаагаад байвал дэндүү урт болно. Үнэнээр амьдрах юмсан даа.

Ийм л нэг “сонин” сонгууль дөхөж байна. Одоо байгаа нөхдүүдийг дахин сонгох гэж сонгууль явуулж байгаа юм бол сонгууль явуулах утгагүй биз дээ. Сонгуулиар миний амьдрал, монголчуудын амьдрал сайжрахгүй бол сонгууль явуулах хэрэг байна уу даа. Ямар ч байсан өнөөдөр төрд байгаа энэ нөхдүүд, сүүлийн 20 жил төр барьсан хоёр нам гарвал ямар ч сайн зүйл болохгүй. Сайн зүйл хийнэ гэж найдаад ч хэрэггүй.

Шинэ хүчин, шинэ хүн гарч байж л Монголын улс төрд салхи орж, Монголын ирээдүй жаахан ч гэсэн гэрэл тусна даа. Миний ард түмнийг хайрлаж чадах удирдагч хэрэгтэй байна.

Б.Гансүх

sonin.mn

Сонгууль-Монгол хүний амьдрал
Tweet
Bolod.mn

Сэтгэгдэл (2)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
БАГАБАНИД ГЭЖ ХОГИЙ ТАНТАН ОЮУТОЛГОЙН МОНГОЛЫГ ЛУЙВАРДСАН МОНГОЛООС УРАВСАН ГЭРЭЭГ ХИЙСЭН БАЯР ЭЛБЭГДОРЖ НАРЫН БУЛХАЙГ НУУЖ ДЭМЖСЭНИЙ ШАГНАЛ ГЭЖ ЗУГЭЭР Л ТАВИН САЯЫГ АВААД СУУЖ БАЙНА ЧИ ОДОО ХАХАЖ УХЭЭГУЙ БАЙГАА Ч БАГАЛУЙВАРЧИН ЭЛБЭГЛУЙВАРЧИН БАЯРАЛУУРЧИН ТА ГУРАВ ТЭР ГАР ХӨЛӨӨ БОЛГОЖ ГЭРЭЭ ХИЙЛЭГСЭН ГУРАН ЭРЛИЙЗ ШЭЭС САЙД НАРТАЙГАА ДОЛООН УЕРЭЭ ТАРЧИЛЖ УХЭХ ТАВИЛАНТАЙ БИЛЭЭ НӨГӨӨ ШУДРАГА НЯМДОРЖ ЭНЭ ГЭРЭЭГ ХИЙЖ БАЙХАД БАС Л САЛХИНД ГАРЧ БАЙСАН БАЙХ ТА НАРЫН ДЭРГЭД ЭНХБАЯР ЯМАР Ч ГЭСЭН ЭХ ОРОН АРД ТУМНЭЭСЭЭ УРВААГУЙ ШУУ ТА НАРЫН ТӨР ТУМНЭЭСЭЭ ЦУСАЛСАН ЛУЙВАРДСАН ХУЛГАЙЛСНЫ ДЭРГЭД ЭНХБАЯР ЗУГЭЭР МӨХӨӨЛДӨС ДОЛООСОН ТӨДИЙ Л ГЭДГИЙГ АРД ТУМЭН ЯЛГАЖ ОЙЛГОЖ БАЙГАА ШУУ

2012-05-08 | 14:38:41 | 49.0.156.105 |

Зочин
Ё.ОТГОНБАЯРЫН САЙДЫН БАЛГААР МАН-ЫН ХӨТӨЛБӨР НУРЖЭЭ 2012 оны 04 сарын 30 нд МАН-ын сонгуулийн амлалтыг сөхөж үзвэл “Монгол хүний оюуны чадварыг хөгжүүлэх зорилт” хэмээх 3-р бүлэгт “ЕБС-ын бүх багшыг зөөврийн комьютертэй болгоно” гэсэн заалт бий. Амласан бол өгөх ёстой тул хариугүй бүтдэгийн даваан дээр асуудлыг гардан хариуцдаг БСШУ-ны сайд нь намынхаа амлалтаар гараа угааж орхижээ. Үйл явдлыг эхнээс нь сөхвөл Монгол-Хятадын Засгийн газрын хооронд яригдсан 300 сая долларын хөнгөлөлттэй зээл бүтэж үүнээс эрүүл мэнд, боловсролын салбарт 60 сая долларыг зарцуулахаар болсон. Эрүүл мэндийн салбар 22 тэрбумаа авчихсан тул Засгийн газар сонгуулийн амлалтаа биелүүлэх зорилгоор бүх багш нарыг зөөврийн комьютерээр хангахаар болж энэ ажлыг БСШУЯ-нд даалгажээ. Ингээд эмгэнэлт инээдмийн жүжиг эхлэх нь тэр. БСШУЯ 40 сая долларын өртөгтэй төсөлдөө “Шинэ зууны боловсрол” гэдэг гоё нэр өгч өнгөрөгч 2-р сард гүйцэтгэгчийг сонгон шалгаруулахаар зарлажээ. Уг тендерт Хятадын “ZTE”, “Haier” болон Америкийн “Интел” “Майкрософт” компаний консерциум оролцсон аж. Тендерийг хариуцан гүйцэтгэх Үнэлгээний хороог БСШУ-ны төрийн нарийн Д.Далайжаргалын тушаалаар байгуулж Сангийн яамны холбогдох албан тушаалтнууд багтжээ. Үнэлгээний хороо оролцогчдын баримт бичгийг хянаж үзэж байх зуур Д.Далайжаргал ахин тушаал гаргаж Мэдээлэл харилцаа холбооны газрын дарга Д.Бат-Эрдэнийг нэмж оруулахын хамт хорооны ааш зан гэнэт өөрчлөгдсөн гэнэ. Тендерт оролцогчидод тавьж байсан техник технологийн шалгуур үзүүлэлт өөрчлөгдөж оролцогчид нь Монгол улс даяар сүлжээтэй байх ёстой гэсэн шаардлага тавьжээ. Гэтэл уг тендер нь зөөврийн компьютер нийлүүлэх тухай л болохоос дагалдах сүлжээний талаар ахнаасаа яригдаагүй. Ингээд тэр давуу тал нь “ZTE”-д “байгаа” болж таарсан бөгөөд энэ нь бусад оролцогчдоос илүү гарах технологийн давуу тал мөн гэсэн албан ёсны дүгнэлтийг Мэдээлэл харилцаа холбооны газар гаргаж өгчээ. Гэтэл “технологийн давуу” талтай өнөө компани нь ямар ч комьютер үйлдвэрлэдэггүй болохыг Үнэлгээний хорооныхон хайхарсангүй. Салхи хаашаа эргэх нь тодорхой болж үүнийг дараа дараагийн санаанд оромгүй явдлууд баталжээ. “Haier” компани луу хаа хамаагүй иргэн, компаниас “хамтран ажиллах” санал тавьж эс зөвшөөрвөл “ZTE” ялах байх шүү гэж “эелдэгээр” сүрдүүлсэн гэнэ. Тухайлбал “Алтайтрейдинг” компаний гүйцэтгэх захирал гэж өөрийгөө танилцуулсан Жавзмаа гэгч эмэгтэй “бидэнтэй тохиролц, үгүй бол тендерт унана шүү” хэмээн шулуухан хэлжээ. Энэ компани хэний мэдлийнх болох нь бүгдэд ойлгомжтой. Тэгэхээр тендерийн будлианд “Алтайтрейдинг” шууд болон шууд бусаар оролцсон эсвэл энэ компаний нэрийг барьсан болж таарч байна. Дээр нь “тохиролцох” гэсэн хэнд ч мэдээжийн үгийг тайлбарлах хэрэггүй биз. Эцэст “ZTE” тохиролцож “Haier” тохиролцоогүй тул БСШУЯамны төрийн нарийн бичиг Д.Далайжаргал 3-р сарын сүүлээр “Шинэ зууны боловсрол” төслийн сонгон шалгаруулалтаас “Haier” компанийг хассан тухай албан тоотоор мэдэгдэж. Гэхдээ хэдхэн хоногийн өмнө нь СЯамны төрий нарийны үүргийг орлон гүйцэтгэгч, нягтлан бодох бүртгэлийн бодлогын газрын дарга С.Мягмардашаас “ZTE”-тэй гэрээ хийх зөвшөөрлөө авчихсан байж. Тендер аль хэдийн дээгүүрээ шийдэгдчихсэн байсан гэсэн үг. Ямар ч шалтгаангүйгээр хасагдсан “Haier” эхлээд БСШУЯ-нд гомдол гаргаж тендерийг дүгнэсэн сонгон шалгаруулалтын дүгнэх хуудсыг өгөхийг хүсчээ. “Haier” нь компьютер үйлдвэрлэдэгээс гадна “ZTE”-гээс 6 сая доллароор хямд үнийн санал өгсөн атал харин өндөр үнэ хэлсэн нь ялчихсан байдаг. БСШУЯ таг дуугай суугаад байхаар нь Сангийн яаманд хандаж. Бас л албан ёсоор хариу аваагүй боловч 40 сая долларын өртөг нь 6 саяар нэмэгдсэнийг олж мэджээ. Гайхшаа барсан “Haier” тендерийн баримт бичигт хөндлөнгийн дүгнэлт гаргаж өгөхийг Шудрага өрсөлдөөн, хэрэглэгчийн төлөө газарт хандахад 2 шинжээчийг томилж өгч. Шинжээч бүсгүйчүүд хоёрхон өдрийн дотор нарийн техникийн үзүүлэлттэй 3 боть материалыг “шургуу судалж” үзээд “ZTE” компанид технологийн давуу тал байгаа гэсэн үндэслэлийг баталж Үнэлэгээний хорооны шийдвэрийг хүчинтэй гэж “дүгнэжээ”. Эцэст нь “Haier” холбогдох хууль хяналтын байгууллагад гомдол гаргах үед нөгөө таг чиг байсан БСШУЯ-ныхан эргээд холбогдох нь тэр. Эхний удаад төрийн нарийн бичиг Д.Далайжаргал нь “гал унтраах” гэж баахан гүйжээ. Тэрээр “Haier” аргадан “ZTE”-гийн бие төлөөлөгчийг дагуулан ирж нэг өдрийн дотор хоёр ч уулзалт хийн ёс зүйгүй загнасан аж. “Тендерт танай компанийг оролцуулъя, “ZTE” танайхаас зөөврийн компьютер авна” хэмээн ятгаж “ZTE”-ийн төлөөлөгч ч үүнийг нь баталсан нь Монголд тендер ямар будлиантай явагддагийг гэрч мөн. Комьпютер нийлүүлэх тендерт компьютер үйлдвэрлэгдэггүй компанийг ялуулаад тэр нь ялагдсан компаниасаа компьютер худалдан авах юм гэнэ. Гэсэн ч “Haier” заргаасаа буцаагүй тул голлон тоглогч нь арга буюу ил гарч иржээ. Тэр нь Ё.Отгонбаяр сайд байсан бөгөөд цагтаа түнш явсан “Haier”-ийн Монгол дахь төлөөлөгчтэй бус толгой компанитай нь шууд харьцаж гарчээ. Үүнийхээ тулд албан ёсны айлчлалаа хүртэл ашиглажээ. Тэрээр 4-р сарын 11-13-ны хооронд Монголын соёлын өдрүүдийн нээлтээр Бээжинд очсон гэх боловч “Haier” компаний төв байранд урьдчилан тохиролгүйгээр давхиад орчихсон гэнэ. Монголын том сайд гэнэт ороод ирсэнд цаадуул нь учиргүй гайхаа биз. Дээр нь өрсөлдөгч болох “ZTE” компанийхан бараа болж явааг хэлэх үү. Ё.Отгонбаяр сайд шууд л тохиролцоё, өргөдлөө тат хэмээн дарамт шахалт үзүүлээд монгол төрийн нэрийг ёстой нэг шавар шавхайтай холиод хаячихаж. Тендер будлиантай болсон талаарх заргаасаа буцвал тендерийн комьютерийг “ZTE”-гийнхэн “Haier”-ээс худалдаж авъя гэсэн ч хятад захирлууд нь зөвшөөрсөнгүй. Одоо тендерийн маргаан өндөр авсаны дээр “ZTE”-д нь өгье гэсэн ч өөрсдөө компьютер үйлдвэрлэдэггүй тул юу ч байхгүй тул Ё.Отгонбаяр сайдыг намын нөхөд нь “амлалт аллаа” хэмээн зүхээд эхэлжээ. Дээрх бүх явдал сайдыг нөгөө алдарт “10 хувийг” авсан юм биш биз гэсэн хардлагыг төрүүлж байна. Тийм л биш юм бол яагаад компьютер үйлдвэрлэдэггүй, өндөр үнийн санал хэлсэн компанийг ялуулсан юм бол. Тэгээд ч “ZTE” нь улс төрчидөд хээл хахууль өгсөн хэрэгт байнга л нэр холбогдож явдаг компани. Ё.Отгонбаяр сайд Зайсанд 420.0 сая төгрөгийн байранд амьдардаг, 780 гаруй сая төгрөгийн хадгаламжтай гэсэн. Тэгвэл багш нарт зөөврийн компьютер нийлүүлэх тендерийн 46 сая долларын 10 хувь нь бараг таван тэрбум төгрөг болохыг хүүхэд ч бодоод гаргаад ирнэ дээ. Түүний байн байн Булган аймгийг тойроод байдаг их мөнгө хаанаас гарч байгаа нь ч ойлгомжтой болох шиг. Боловсролын төлөө хамаг хүч чадлаа зориулна хэмээн сайрхдаг Ё.Отгонбаяр сайд эргээд боловсролын салбараа шимэгч, хэдэн багш нарын итгэлээр тоглогч гэдгээ ийнхүү харуулжээ.

2012-05-08 | 10:20:10 | 180.149.96.210 |

Мэдээ
Гадаад мэдээ
Видео