Нам дамжигчдад улс төрийн орогнол олдохгүй бололтой

2012-06-07

МАХН-аас нэр дэвшсэн хүмүүс хэл амтайхан байна.

Дарга нь шүүх, цагдаа болж нэр дэвших эсэх нь эргэлзээтэй болсон бол С. Нарангэрэл, С. Авирмэд нарыг бүртгэх асуудал үндсэндээ будаа болов. СЕХ-ны хувьд хуулиа барьж ажиллах нь зүйн хэрэг. Энэ утгаараа төрийн албан хаагч сонгуульд нэр дэвших болбол зураан сарын өмнө үүрэгт ажлаа хүлээлгэж өгөх ёстой гэсэн сонгуулийн хуульд буй тов тодорхой заалтыг барьж ажилласан гэсэн үг. Энэ логикоор л МУИС-ын багш С. Нарангэрэл, С. Авирмэд нарыг бүртгэж аваагүй байна. Ёстой мордохын хазгай гэдэг л энэ байх.

Ядаж байхад энэ намаас нэр дэвшсэн улсуудыг сонгогчид танихаасаа танихгүй нь их байх шиг. Эрхбиш УИХ-ын гишүүн гэдэг утгаараа Ч. Улаан, Д. Тэрбишдагва нарыг танина. Сайд явснаар нь Н. Удвал, Г. Шийлэгдамба хоёрыг гадарлах учиртай. Эдийн засагч З. Дашзэвэг, хуульч Л. Цог нарыг ч олон нийт мэдэхийн хувьд мэднэ. Гэхдээ улстөрийн байр суурийн хувьд тогтворгүй, нэг намд удаан байж үзээгүй гэдэг талаасаа илүү “нүдлэгдсэн” болов уу. Ер нь үзэл бодлын хувьд төлөвшсөн хүмүүс гэхэд хэцүү л дээ. З. Дашзэвэг 1990 оны дундуур МАХН /МАН/-д ч, АН-д байсан хүн. Үзэл бодол таардаггүй юм уу, эсвэл шаардсан албан тушаал нь санаснаар нь олддоггүй байсан юм уу нэг мэдэхэд л гарчихсан давхиж явдаг байсан. Харин Н. Энхбаярыг МАХН-ыг байгуулахад уухайн тас гүйж ирээд наалдчихсан. Цаад бодол нь энэ намаас нэр дэвшвэл өөрт ашигтай байж магадгүй гэж тооцоолсон шиг байгаа юм.

Ер нь Н. Энхбаярыг дагавал хэсэгтээ л алзахгүй гэж өөдрөгөөр төсөөлсөн хүмүүсийн л нэг. Л. Цог “Ардчилсан холбоо” эвслийг төр барьж байхад буюу 1999 онд Хууль зүйн сайдын албыг хашиж үзсэн хүн. Гэвч нам нь 2000 онд сонгуульд шившигтэйгээр бараа сураггүй ялагдахад нүүр буруулчихсан юм. Жаахан жудаг муутай, эсвэл туйлбаргүй хүн. Бас болоогүй ээ, “Буянгийн” Жаргалсайханыг дагаж хэсэг манаргасан гэж байгаа. Ялангуяа 2002 оны үед Б. Жаргалсайханы өрөөнөөс салдаггүй байсан гэдэг юм билээ. Цагтаа “Эрэл”-ийн Б. Эрдэнэбатыг “бишрэн шүтэгч”, идэвхтэй фанат нь явсан МУИС-ын багш С. Авирмэд уг нь Эх орон намд л байх учиртай. Гэтэл МАХН-аас нэр дэвших гээд барсангүй. Чухам хэзээ Н. Энхбаярын цэрэг болсныг хүмүүс мэдэж амжаагүй байхад шүү.

Энэ хүн Б. Эрдэнэбатыг ид “хүчирхэгжиж” байх үед яг өнөөдрийнх шигээ газар шороо яриад л пижигнүүлж явсан. Тэгсэн хэрнээ “Эрэл” компани нэлээдгүй нутагт уул уурхайн олборлолт хийж, баахан нөхөн сэргээлтийг хагас дутуу хийсэн хэл аманд өртөхөд таг дуугүй л өнгөрнө шүү дээ. Юутай ч “Ю. Цэдэнбал даргын залуу цагийг санагдуулж байна” гэдэг уран “панаал” урсгаж, хөөрхий Б. Эрдэнбатыг уургалаж явсан егзөр хөгшчүүдийн нэг. Өмгөөлөгч С. Нарангэрэлийн хувьд гэвэл Н. Энхбаярт алергитай л байсан хүний нэг. Гэвч цаг хугацаа өнгөрч, үзэл бодол нь хувирсан юм байлгүй дээ. Юутай ч дээр нэр дурдагдсан хүмүүсээс өөр нэр заагаад онцолчих хүн сонгогчдын хувьд тун ховор байгаа бололтой. “Боловсон хүчний чанар чансаа гэдэг шалгуурт нийцээгүй амбицтай хүмүүсийн хорогдох газар, том дуугарах боломж нь МАХН болжээ” гэж дүгнэж байгаагаас тэр юм болов уу даа.

Нам дамжигчдад улс төрийн орогнол олдохгүй бололтой
Tweet
Bolod.mn

Сэтгэгдэл (9)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
1990 оноос омно цэрэгт явсан бух хумуус БНМАУ ба МАХН-д унэнч байна гэж тангараг оргосон хумуус байдаг. тангарагтаа унэнч байх хэрэгтэй шуу

2012-06-07 | 21:40:51 | 202.21.106.3 |

Зочин
би МАXН өгнөө

2012-06-07 | 16:31:27 | 119.193.49.31 |

Зочин
Харин ч зөв хумуус б.на Миний өвөө насаараа МАХН гишүүн б.лаа миний Эмээ насаараа л МАХН гишүүн б.лаа би эмээ өвөө дээрээ өссөн тэдэндээ хайртай б.сан одоо МАХН саналаа өгнө ядгийн МАНАН д өгөхгүй

2012-06-07 | 16:27:36 | 101.119.15.166 |

Зочин
энхбаярын гөлөгнүүд

2012-06-07 | 15:36:36 | 202.131.231.26 |

Зочин
Харин ч ёстой боломжийн хумуус нэр дэвшсэн юм биш үү,Номтойбаяр ч гэх шиг юмнуудыг бодвол.

2012-06-07 | 12:05:56 | 202.70.46.11 |

Зочин
МОНГОЛ ТУМЭН МИНЬ ХЭДИЙ БОЛТОЛ МАН, АН - ын ГАДНЫ ЛУЙВАРЧДЫН ГАР ХӨЛ БОЛСОН, ЭХ ОРОН, ГАЗАР ШОРОО, БАЯЛГАА ХУДАЛДСАН, АРД ТУМНЭЭ ЯДУУРЛЫН ТУЙЛД ХУРГЭСЭН, ӨӨРСДӨӨ ХАГАРТЛАА БАЯЖСАН ХУВАЛЗНУУДАД ДЭЭРЛЭХУУЛЖ, ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЦГААХ ЮМ БЭ???? ЭНЭ СОНГУУЛИАР ЭНЭ ХОЁР АЛУУРЧИДЫН НАМААС БУРМӨСӨН САЛГААЯ АА МОНГОЛ НУТАГТАА МОНГОЛ ХУН ШИГ АМЬДРАХ ЦАГ ИРСЭН ШУУ

2012-06-07 | 11:09:58 | 124.158.73.17 |

Мэдээ
Гадаад мэдээ
Видео

Архив ангилал

Нам дамжигчдад улс төрийн орогнол олдохгүй бололтой

Сэтгэгдэл (9)