“Монгол газар”-аар тэргүүлүүлсэн компаниудын учруулсан хохирол хэрээс хэтэрлээ

2012-06-20

Манайх шиг байгаа бүх баялгаа харийнханд бэлэглээд, байгаль орчноо сүйдсэн чигээр нь сахиад үлддэг мэдрэл

муутай ч юм шиг, мэлин хойлог ч юм шиг улс орон ер нь байдаг болов уу. Манай уул уурхайн салбарт байгаа компаниудын 80 орчим хувь нь БНХАУ-ын 100 хувийн хөрөнгө оруулалттай байдаг. Хэрвээ тэдгээр компаниудын хятад эзэд өөрсдийнхөө орны хуулиар ажилладаг бол ял эдлэж, эрүүгийн хэрэгт холбогдох ёстойгоо сайн мэднэ. Гэхдээ Монголд хууль үйлчилдэггүй гэдгийг хэнээс ч илүү мэддэг ажээ. Монголд газар нутгийг нь ухаж, сэндийчээд дээрээс нь хүн малыг нь барьж идэхийг нь идэж, зодохыг нь зодож ямар ч хуулийн хариуцлага хүлээхгүйгээр хятадууд үнэндээ л нэг даварч байна. Өнгөрсөн хугацаанд багаар бодоход уул уурхайн компаниуд МУ-ын байгаль орчинд 1,2 их наяд төгрөгийн хохирол учруулсан тоон мэдээ гарчээ. Өнгөрсөн таван жилийн хугацаанд Монгол орны байгаль орчны байдал эрс доройтож, урсч байсан голууд горхи болж, ундарч байсан горхи булагнууд шалбааг болжээ. Харин энэ хугацаанд уул уурхайн компаниуд байгаль орчныг нөхөн сэргээх нь бүү хэл төр, засгаас эргүүлээд 500 тэрбум төгрөг нэхэмжилсэн тохиолдол ч бий. Алтны компаниудын буруутай үйл ажиллагаанаас болж Туул, Орхон голын олом тасрахад хүрээд байгааг хэн хүнгүй ярьж байна.

Харин урсч байсан голын эхийг булингартуулж, халаасаа түнтийлгэсэн хэнбугай ч өнөөдөр хуулийн өмнө хариуцлага хүлээсэн нь үгүй. Орхон голыг бохирдуулсан гэх хэрэгт “Монгол газар” ХХК -ийн захирал Ц.Мянганбаярыг холбогдуулан шалгаж байгаа ч өнөөдрийг хүртэл энэ хэрэг тодорхой шийдвэрт хүрээгүй байна. Орхон голоос гадна улаанаар эргэсэн голын нэг бол яахын аргагүй улаанбаатарчууд биднийг ундаалж байгаа Туул гол юм. Туул голын эрэг орчмоор 54 компани үйл ажиллагаа явуулж байгаа бол тэдний 33 орчим нь уул уурхайн, алт элс хайрга олборлолтын компаниуд. Голын эх ундарга дээр гурван компани олборлолт явуулж, голын гольдролыг өөрчлөөд байгаа юм. Мөн Туул гол хотынхны ялгадас болон арьс ширний үйлдвэрүүдийн хорт бодисоор бохирдон хорлогдож байна. Гэтэл БОАЖЯ-наас компаниудад “Хавар боллоо. Ахиж битгий уул усанд хортой үйл ажиллагаагаа явуулаач” гэсэн аргадсан агуулгатай албан бичгийг илгээсэн гэнэ. Өнөөдрийн байдлаар гол, горхийг хэвийн хэмжээнд бохирдолгүй урсгахад ойролцоогоор 1.2 их наяд төгрөг шаардлагатай бөгөөд энэхүү нөхөн төлбөрийг компаниудаас нэхэмжилж байгаа гэнэ.

Гэхдээ компаниуд энэ нэхэмжлэлийг мэдсэн ч мэдээгүй аятай байгаа бөгөөд удахгүй сайд нь яваад өгнө дөө хэмээн доог тохуу хийсэн сурагтай. Ямартаа ч байгаль орчны асуудал хүндэрч, өнөөдрийн байдлаар 1,2 их наяд төгрөгийн хохирол бий болоод байна. Өчигдөрхөн Хадгаламж зээлийн хоршооны хохирогчдын үлдэгдэл мөнгийг төрөөс өгөхөөр боллоо. Яг үүнтэй адил хагартлаа баяжсан уул уурхайн компаниудын үгүйрүүлж сөнөөсөн газрын нөхөн төлбөрийг төрөөс гаргуулж тэнэгтэх вий дээ. Татвар төлөгчид үүний төлөө үхэн хатан ажиллаж, мөнгө төлөөгүй л байлтай.
П.Сүндэр (www.wikimon.mn)

“Монгол газар”-аар тэргүүлүүлсэн компаниудын учруулсан хохирол хэрээс хэтэрлээ
Tweet
Bolod.mn

Сэтгэгдэл (8)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
БААБАР єдрийн сонин 2005-06-03 135 дугаарт Ардчилсан нам єєд боллоо, гэгээн дурсгалыг нь хvндэтгэе! гэсэн нийтлэл бичиж энэхvv намуудын мєн чанар Ажнайн Д.Бат-эрдэнэ мэтийн олигархиудын хамгийн онцлог шинж юу вэ гэхээр нийтийн ашиг тусын тєлєє ажилладаггvй, зєвхєн єєрсдєдєє ашиг бий болгохын тєлєє явдаг. Yvгээрээ улс оронд болоод нийгэмд тун аюултай. Эцсийн бvлэгт зорилго нь тєрийн эрх мэдлийг гартаа авч, vvгээр дамжуулан єєрсдийн бизнесээ хийдэг.Сєрєг хvчин байж чадахгvй байгаагийн нэг гол шалтгаан нь олигархиуд хэдийгээр єєр єєр намын нэрээр сонгогдсон боловч тєрд гарч ирээд ашиг сонирхлоороо нэгдчихээд байна. Єєрєєр хэлбэл, парламентад сєрєг хvчний хяналтаа тавьж чадахгvй байгаа нь цаагуураа олигархиуд нэгдсэнийг баталж байна.Э. Бат-Yvл

2012-06-21 | 06:41:55 | 202.72.247.138 |

Зочин
МОНГОЛ ТУМЭН МИНЬ???? ХЭДИЙ БОЛТОЛ МАН, АН - ын ГАДНЫ ЛУЙВАРЧДЫН ГАР ХӨЛ БОЛСОН, ЭХ ОРОН, ГАЗАР ШОРОО, БАЯЛГАА ХУДАЛДСАН, АРД ТУМНЭЭ ЯДУУРЛЫН ТУЙЛД ХУРГЭСЭН, ӨӨРСДӨӨ ХАГАРТЛАА БАЯЖСАН ХУВАЛЗНУУДАД ДЭЭРЛЭХУУЛЖ, ДОРОМЖЛУУЛЖ, ЛУЙВАРДУУЛЖ, ЦУСАА СОРУУЛЖ АМЬДАРЦГААХ ЮМ БЭ???? ЭНЭ СОНГУУЛИАР ЭНЭ ХОЁР АЛУУРЧИДЫН, ХУЖААГИЙН ЭРЛИЙЗУУДЭЭР ДУУРСЭН ХОЁР НАМААС БУРМӨСӨН САЛЦГААЯ АА??? МОНГОЛ НУТАГТАА МОНГОЛ ХУН ШИГ АМЬДРАХ ЦАГ ИРСЭН ШУУ?????????????

2012-06-20 | 12:02:26 | 124.158.73.17 |

Зочин
ИХЭНХ ХУМУУС ЭНЭ СОНГУУЛИАР МАХН - МҮАН - ын ШУДАРГА ЁС ЭВСЛИЙГ Л СОНГОНО ГЭЖ ЯРИАД БАЙНА ШУУ??? ЭНХБАЯР УЛС ТӨРЧДӨӨС НЭГД ЯВЖ БАЙНА ГЭСЭН???

2012-06-20 | 11:57:18 | 124.158.73.17 |