Анхны харцаар дурлах шалтгаан

2012-07-24

Өсвөр насны охид, хөвгүүд анхны харцаар дурлах нь ахимаг үеийнхнээсээ хавьгүй илүү гэж үздэг.

Гэхдээ хижээлдүү насны хүмүүс ч анхны харцаар дурлах тохиолдол бий. Анхны харцаар дурлах, анхны дурлал хоёрыг ялгаж салгах хэрэгтэй. Анхны харцаар хэн ч дурлах боломжтой.

Нэг: Анхны дурлал ба темперомент
- Сангивиник темпероменттой буюу сэтгэлийн хөдөлгөөн ихтэй, гомдож баярлах нь амархан сангивиник хүмүүс анхны харцаар дурлах нь элбэг байдаг.
- Тэр дурлал нь бүтэлгүй болбол сэтгэл гутралд ч автаж болзошгүй.
- Харин дуу муутай, зожигдуу зантай хүмүүс тэр бүр анхны харцаар дурлаад байдаггүй.

Хоёр: Анхны дурлал ба мөрөөдөл
- “Ханхүү” эсвэл “гүнж”-ийн мөрөөдөлд автсан хүмүүст бодит амьдралаас хэт тасархай дурладаг.
- Тэд хэт мөрөөдөмтгий хүмүүс байдаг. Ийм хүмүүс ховсдуулсан мэт анхны харцаар шууд дурладаг. Гэвч тэрхүү дурлал нь сохор байдаг.

Гурав: Анхны хайр ба хамгийн анхны сэтгэгдэл
- Хоёр гуравхан үг солиод л бие биедээ татагддаг, тэмүүлдэг хүмүүс байдаг.
- Ийм хүмүүст тэр үлдээсэн таатай сэтгэгдэл, дотно мэдрэмжиндээ хөтлөгдөөд л дурлачихдаг. Үүнийг анхны харцаар гэж ойлгож болно.
- Хожим нөгөө хүнийх нь тийм ч таатай биш зан чанар, үйлдэл илэрч урам хугарч сэтгэл гонсойвол анхны сэтгэгдэлд автагдсан маш хүчтэй стресст орох нь бий.
- Иймд анхны сэтгэгдэлд нэг их том ач холбогдол өгсний хэрэггүй.

Дөрөв: Анхны хайр ба амьдрах орчны нөлөө
- Хүмүүс нэг газар удаан амьдран суух эсвэл ажиллахад хоорондоо гайхалтай сайн зохицдог гэнэ.
- Нэг орчинд байх нь тэднийг бие биенээ илүү сайн мэдэх, ойлгоход боломж бүрдүүлдэг аж.
- Энэ нь тохиолдлын чанартай биш учраас илүү тогтвортой, ирээдүйтэй.
- Анхны харцаар дурласан гэж үзэж болох ч үүнд огцом бус аажмаар, орчин нөлөөгөөр хүрч байна гэсэн үг.

/Хань/