Улстөрийн “цөөвөр Чоно”

2012-10-10

Монголын ардчиллын өнгөрсөн 20 жилийн түүхэнд тодрон гарч, анд нөхдөдөө ч, атаархагч дайснууддаа ч хүлээн

зөвшөөрөгдсөн толгой лидер бол М.Энхсайхан.

Харин сүүлийн хэдхэн хоногт тэрбээр дахиад л ганцаардаж эхлэв бололтой. Монгол Улс ардчиллын замаар алдаж онон замнаж яваа энэхэн цаг үед түүн шиг эрс тэс, заримдаа өөрөө л учрыг нь олдог болов уу гэмээр адармаатай авирладаг улстөрч байхгүй.

Аргагүй л “ганцаардсан цөөвөр” нэрэндээ түүн шиг тохирох, басхүү түүн шиг Монголын улстөрд, Монголын ирээдүйд үгүйлэгдэх хүчтэй лидер өөр байхгүй. Өнгөрүүлсэн түүхээс нь үзвэл 1996, 2004 онд сонгуульд АН-ыг удирдан орж, үнэмлэхүй ялалт дараалан байгуулсан маргашгүй гавьяа өөр хэнд ч биш, зөвхөн түүнд л хамаатай. Үлдэж одсон 20 жилийн түүхэнд 1996-1998 онд түүний удирдаж байсан Засгийн газар шиг амжилттай ажиллаж, түүхэн чухал өөрчлөлт, дэвшлийг хийж амжуулсан нь үзээд өгье гэсэн ч өөр байхгүй.

Тэр зоригтой, шазруун, бас хонзогногч, хэний ч үгийг сонсдоггүй бардам удирдагч. Тэр хэзээ ч багаар ажиллаж байгаагүй. Ганцаараа бүхнийг шийдэж, толгой мэдэн хэдэрлэж байгаад л хамтарчид болон бөөрлөн дайрагч дайснууддаа хашигдсаар эцсийн мөчид тун ч шазруун шийдвэр гаргаж, зүгээр л зайлж оддог. 1996 онд өөр хэн ч биш хамтран зүтгэгч анд нөхдүүд нь л тун амжилттай явсан засгийг нь унагаж дөнгөсөн. Харин тэр нэгэн үе хамтран зүтгэж явсан нөхдөө “Хөдөөгийн фракц”-аараа намнах шиг болж билээ.

2004 онд намын даргаасаа хусуулчихаад шар хорондоо УИХ-ыг яажшуухан бажгадуулж байсныг нь улстөрчид мартаагүй. Чухам тэр үеэс л М.Энхсайханы улстөрийн өшөө авалт эхэлсэн түүхтэй. Мугуйдлан зүтгэж, хэнтэй ч зөвлөлгүйгээр АН-Эх орон намын хамтарсан эвслийг тараахад журмын нөхөд нь ёстой л хадаг барьж, мөргөж гуйгаад ч шазруун занг нь эргүүлж дийлээгүй. Яг л тэр үеэс түүнийг “ганцаардсан чоно” хэмээн нэрийдэх болсон гэдэг.

Харин түүнийг улстөрч, бие хүнийх нь хувьд 180 градус эргүүлсэн үйл явдал 2005 оны Ерөнхийлөгчийн сонгуулийн үеэс эхэлж, өчигдрийг хүртэл үргэлжлэх учиртай байж. 2005 онд Ерөнхийлөгчийн сонгуулийн дүн эцэслэн сайн гараагүй байхад өрсөлдөгч Н.Энхбаярт бараг л хадаг барьж баяр хүргэсэн. Тэр цагаас хойш “Эр хоёр загал” шиг эвлэлдэн, нийлсэн нь чухам л зүү орох зайгүй байж монголчуудыг алмайруулсан билээ.

Ууланд авирвал хамт явж, шүлэг, дуу хоёр биедээ харамгүй зориулан “Эрт гарсан чихнээс сүүлд ургасан эвэр” шиг л ижилдэн, шадарлаж явсан хоёр “Э” сүүлийн хэдхэн хоногт “Улстөрд найз үгүй”-г таниулж, хоёр тийшээ харсан нь тодорхой боллоо. М.Энхсайхан хэмээх шазруун, хонзогногч энэ эрхмийг илдээ тэмтэртэл догшруулсан нь өчигдрийнх нь шадар анд, өнөөдрийн дайсан Н.Энхбаярын “Сангийн сайдад битгий санаарх” гэсэн дөрөвхөн хатуу үг байсан гэнэ.

Одоо тэр хавьтсан ойртсоноо хазаж тасчихад бэлэн “ганцаардсан цөөвөр” болсон. Ханилж яваад хазайсан Ц.Цолмонгоос эхлээд Н.Алтанхуягийн шинэчлэлийн засгийг тасар татан хаяхаар араа шүдээ ярзайлгаж байгаа. Тэр гайхалтай эдийн засагч, шалгарсан удирдагч шигээ тун ч халгаатай догшин хонзогногч, өшөө хорслоор буцалж, явдаг аргагүй л “ганцаардсан цөөвөр”. Ямартай ч тэр архираад эхэллээ. Харин тасар татаж, бусниулан хаях золиос нь юу байх бол.

Эх сурвалж:"Өглөөний Сонин"

Улстөрийн “цөөвөр Чоно”
Tweet
Bolod.mn

Сэтгэгдэл (6)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Голомт банк гэж луйврын банкийг анх Энхсайхан ерөнхий сайд байх үедээ төрийн 3 банкийг хүчээр дампууруулан суурин дээр нь байгуулсан хүн. Лу Болд гэж хулгайчийг эзэн нь болгон хулвалдаж тавиад дотно найзлан хамтарч дээрэм хийж бн. Гэвч нөгөө зальжин юм нь Энхсайхнаас урваж Элбэгдоржтой эвсэн хувь хуваалцаж анх банк дээрэмдэх гол ажлыг хийж өгсөн Энхсайхнаа эргэж харлгүй нүүр бууруулан хаяад өнөөдөр хэнээс ч зовохгүй монголын хамгийн баян хүнээр адилхан луйварчин Сү Батболд, Жэнко Баттулга, Зоригт нартай хууль бус толгой баячууд боллоо гээд хээв нэг зарлаад явж бгаа билээ

2012-10-11 | 03:10:22 | 125.213.233.34 |

Зочин
Уянгаа одоо хөгийн зангаа дахин гаргахаа болиогүй юм уу? Энхсайхны даалгавраар мөн ч олон удаа Энхбаяр даргыг муулж солиорсон доо! Яг тэр хүний ачаар УИХ-д хүртэл орчихоод ямар нүүрээрээ ахин дахин ингэж бичиж бн аа? Ямар ч хүний үнэр байхгүй Энхсайхан Уянга нар дэндүү жудаггүй аашилж болохгүй баймаар юм? УИХ-ын гишүүн хүртэл болоод ч засрахгүй, хуучин хогийн зангаа тавихгүй, энэ авгай хичнээн жил Энхсайхны дагалдсан дураараа ийш тийш нь татдаг утсан хүүхэлдэй нь болж амьдрах юм болоо? Инээдтэй амьтад юм аа

2012-10-11 | 02:47:39 | 125.213.233.34 |

Зочин
пээ ёстой нүгэл болох байлгүйдээ энхбаяр шиг сайн хандсан хүн түүнд байхгүй олдохчгүй дэг энхсайхан албан тушаалын төлөө бүүр улайрч байн ичиг ичиг харалган арчаагүй амьтан ямар ч алсын ухаан байхгүй

2012-10-11 | 02:31:22 | 125.213.233.34 |

Зочин
Толгой лидер гуай яагаад дахиад л ганцаардчихваа??? Нөгөө шазруун, адармаатай аашладаг мундаг улс төрч маань Элбэгдорж гэж ёстой хэн ч биш юу ч биш юманд зад дормжлогдоод 2 дахь намаасаа ямар ч намын харьяалалгүй болоод шууд л гудамжинд шидэгдсэн нь олон жилийн нүүр үзээд байгаа даа, хөөрхийс гэж, тэгээд их сайн өшөө хонзон авдаг зангаараа тэр мэдрэл муутай Элбэгдорж оос авахгүй яасан юм бол??? Энхсайхангуайн хамгийн гол дайсан нь яалтачгүй Элбэг гэлтэй.....

2012-10-11 | 02:26:08 | 125.213.233.34 |

Зочин
энхсайхны явалддаг авгай уянга энийг бичсэн нь бүүр тодоос тод бна үхсэнийх нь энхсайхан хүчтэй лидер гавьятай улс төрч байхав дээ чааваас харин ч өмхий санаатай хужаа гэдэг нь үргэлж л харагдаж байдаг өөдгүй амьтан ааль хэдийн хэн ч биш болоод удаж байгаа шүү дээ харин ч энхбаярыг дагаж жаахан баахан улс төржиж бүүр хамтран эвсэл болж сонгуульд ч орсон биз дээ ёстой л дотор хүн гэдгээ бүүр мэдэгдээд сангийн сайд болоогүй гээд гомдоллоод ичиж зовохгүй ярилцлага ч өгөөд байх шиг яанаа

2012-10-11 | 01:47:31 | 125.213.233.34 |

Зочин
ээ чаваас одоо тгээд уурд улс тэрээс зайлладаа хээрхий

2012-10-10 | 21:08:43 | 122.201.18.179 |