Удирдагч Ким Жон Ил үүрд мөнх байх болно

2012-12-17

Солонгосын Хөдөлмөрийн Намын ерөнхий нарийн бичгийн дарга, Бүгд Найрамдах Ардчилсан Солонгос Ард Улсын Батлан хамгаалах

хорооны дарга, Солонгосын Ардын Армийн дээд командлагч аугаа их удирдагч Ким Жон Ил 2011 оны 12-р сарын 17-ны өдөр улс орныхоо ажил байдалтай танилцах замыг үргэлжлүүлж байгаад галт тэргэнд таалал төгссөн юм.

Удирдагч Ким Жон Ил насаараа эх орон, ард түмний төлөө зүтгэсэн гарамгай зүтгэлтэн байлаа. Тэрбээр социалист Солонгосыг үндэслэн байгуулагч бөгөөд хүн төрөлхтөний бие даасан үйл хэргийн замыг нээсэн Ерөнхийлөгч Ким Ил Суний дэвшүүлсэн жүчейн үзэл санаа ба цэргийн хэргийг урьтал болгох сонгүны үзэл санааг бүх талаар гүнзгийрүүлэн хөгжүүлсэн билээ.

Улс төр, эдийн засаг, соёл зэрэг нийгмийн амьдралыг бүхэлд нь хамаарсан олон зохиолыг бичин жүчейн үзэл санааг тасралтг үй хөгжүүлэн баяжуулав. Үүний ачаар жүчейн үзэл санаа хүн төрөлхтөний бие даасан үйл хэргийн туг болон улам алдарших болсон юм.

Удирдагч Ким Жон Ил империалистүүдийн нэгдсэн хүчнүүдийн зүгээс явуулж байгаа социализмын эсрэг давшилт Солонгос руу төвлөрч байсан 1990-ээд оны сүүлийн хагаст жүчейн үзэл санаанд суурилсан сонгүны үзэл санааг гүнзгийрүүлэн хөгжүүлж, сонгүны улс төрийг социализмын үндсэн улс төрийн арга болгон дэвшүүлэв.

Дэвшилт хүн төрөлхтөн ямарваа хүнд хэцүү нөхцөлд ч социализмын үйл хэргийг ялгуусан замаар урагшлуулах үзэл суртал-онолын хүчирхэг зэвсэгтэй болсон юм. Удирдагч Ким Жон Ил удирдлагын агуу их хүн байв. Тэрбээр Солонгосын түүхэнд урьд өмнө байгааг үй хөгжил цэцэглэлтийн шинэ үеийг нээсэн билээ. 1990-ээд оны дунд үед АНУ тэргүүтэй империалистүүдийн нэгдсэн хүчнүүдийн Солонгосын эсрэг явуулсан эдийн засгийн хориг арга хэмжээ, цэргийн хүчээр хяхан боомилох оролдлого мөн давхарлагдсан байгалийн гамшигаас болж Солонгос орон ноцтой саад бэрхшээлтэй тулгарсан үед сонгүны тугийг улам өндөрт өргөн социализмыг хамгаалсан удирдагч Ким Жон Ил социалист хүчирхэг гүрэн улс байгуулах шинэ үеийг нээсэн билээ. Түүний алсыг харсан бодол, идэвхтэй удирдлага дор Солонгос орон хиймэл дагуул үйлдвэрлэн харвах, цөмийн зэвсэг бүхий орон болж чадав. Удирдагч Ким Жон Ил шинэ эрины үйлдвэрлэлийн хувьсгалын галыг асаан Солонгосын бүх салбарт дэлхий нийтийг гайхуулах амжилт гаргасан билээ.

Удирдагч Ким Жон Ил Солонгосыг нэгтгэх саруул ирээдүйг нээж өгсөн юм. Зургадугаар сарын 15-ны өдрийн Умард, Өмнөдийн хамтарсан тунхаглал (2000 оны зургадугаар сар), мөн аравдугаар сарын 4-ний өдрийн тунхаглал (2007 оны аравдугаар сар)-ыг зарласнаар Солонгос үндэстний хүчээр эх орноо нэгтгэх таатай нөхцлийг бүрдүүлж өгсөн байна. Байдал яаж өөрчлөгдөхөөс хамааралгүйгээр Умард, Өмнөдийн тунхаглалыг ягштал хэрэгжүүлж, үндэстний нэгдсэн хүчээр эх орноо бие даан нэгтгэх нь өнөөдөр Солонгос үндэстний баттай эрмэлзлэл болоод байна.

Удирдагч Ким Жон Ил империализмын эсрэг бие даасан тугийг өндөрт өргөж дэлхийн бие даасан үйл хэргийг эрчимтэй явуулсан билээ. “Социализмын үйл хэргийг хамгаалан урагшлуулъя” сэдэвтэй Пёньяаны тунхаглал (1992 оны дөрөвдүгээр сар)-ыг гаргаж, дэлхийн социализмын хөдөлгөөнийг шинэ шатанд хүргэсэн бөгөөд социализм болон бие даасан байдлыг эрхэмлэж буй улс орон, ард түмний тэмцлийг идэвхтэй зоригжуулж, дэмжсэн юм. Бие даасан байдал, энх тайван, найрамдлыг Солонгосын гадаад үйл ажиллагааны үндсэн зорилго болгон тууштай дэвш үүлж, гадаад үйл ажиллагааг идэвхтэй явуулан бие даасан шинэ ертөнцийг байгуулах, дэлхийн энх тайван, тогтвортой байдлыг хамгаалахад их хувь нэмэр оруулсан билээ. Удирдагч Ким Жон Ил ард түмний халамжит эцэг байлаа.

Тэрбээр улс төр гэдэг нь зорилгын хувьд ард түмнийг халамжлах явдал гэж үзэн ард түмний аз жаргалын төлөө бүхнээ зориулав. Ард түмний амьдрал, эрүүл мэндийн төлөө их хэмжээний хөрөнгө гарган ард түмэнд зориулсан олон байшин, байгууламж босгосон юм.

Мөн ард түмний аз жаргалыг өөрийн хамгийн том хүсэл мөрөөдөл гэж үзэн түүнийг хэрэгжүүлэхийн төлөө идэвхтэй ажилласан билээ. Ард түмний аз жаргалын төлөө ажил байдалтай танилцах замыг үргэлжлүүлж байсан удирдагч Ким Жон Ил ажлын ядаргаанаас болж галт тэргэнд таалал төгсөв. Удирдагч Ким Жон Ил насаараа ард түмнийхээ төлөө өөрийн бүхнийг зориулсан агуу их хүн байлаа. Удирдагч Ким Жон Ил Солонгосын ард түмэн болон дэвшилт хүн төрөлхтөний сэтгэлд үүрд хоногших болно.

Солонгосын итгэл

Солонгосын ард түмэн Ким Жон Ун дээд командлагчийн удирдлага дор удирдагч Ким Жон Илийн үйл хэргийг үе уламжлан гялалзтал залгамжлан хэрэгжүүлэх итгэл төгс байна. Ким Жон Ун дээд командлагч нь Солонгосын ард түмний хувьд удирдагч Ким Жон Ил гэсэн үг. Тэрбээр үзэл санаа, удирдлага, дүр төрхийн хувьд удирдагч Ким Жон Илтэй яг адил байна. Улс төр, цэргийн хэрэг, эдийн засаг болон соёл зэрэг бүх салбарын олон талт мэдлэгтэй тэрбээр ялангуяа цэргийн болон хамгийн тэргүүний шинжлэх ухаан, техникийг бүрэн эзэмшсэн юм.

Бат итгэл, хатуу урам зоригтой, зохион байгуулах зүйрлэшгүй авьяастай, алс холыг нэвт хардаг Ким Жон Ун командлагч нь нэгэнт шийдвэр гаргаж эхлүүлсэн ажлыг дуусгадаг зан чанартай бөгөөд хамтран ажиллагчид болон ард түмнээ их хайрладаг юм. Удирдагч Ким Жон Илийн үйл хэргийг залгамжлан боловсронгуй болгох нь түүний амьдралын үүрэг гэж хэлж болно.

Солонгосын ард түмэн Ким Жон Ун дээд командлагчаа нэгэн үзэл санаагаар бат хүрээлж байгаа бөгөөд түүнд өөрийн хувь заяа, ирээдүйг даатгаж байна. Солонгосын ард түмэн түүнийг даган удирдагч Ким Жон Илийн таалал төгссөнөөс хойшх асар их уйтгар гунигаас зоригтой босч мянга, арван мянга дахин их хүч чадлыг гаргаж байна. Өнөөдөр удирдагч Ким Жон Илийн үйл хэргийг залгамжлан хэрэгжүүлэхийн төлөө эрчимтэй урагшилж байгаа Солонгосын ард түмний манлайд нь Ким Жон Ун дээд командлагч зогсч байна.

Солонгосын ард түмэн түүний удирдлагад үнэнч байх болно. Түүний удирдлага дор Солонгост нэгэн сэтгэлийн эв нэгдэл улам баттай болж, өөрийгөө хамгаалах хүч тасралтгүй бэхжиж, улмаар улс төр, үзэл суртлын, цэргийн хүчирхэг улсын сүр хүч улам дээшилж байна. Удирдагч Ким Жон Илийн эрхэм дээд зорилго байсан социалист хүчирхэг улсыг ойрын хугацаанд байгуулахын төлөө Солонгосын ард түмний их хөдөлгөөн түүний удирдлага дор улам эрчимтэй өрнөж байна.

Ким Жон Ун удирдагч байгаа болохоор Солонгосын хүчирхэг улс байгуулах үйл хэрэг нь заавал хэрэгжих болно. Солонгосын ард түмэн түүний удирдлага дор эх орноо нэгтгэх түүхэн үйл хэргийг заавал хэрэгжүүлэх бөгөөд бие даасан эрхийг эрхэмлэж буй дэвшилт хүн төрөлхтөний манлайд хэзээ ямагт бат зогсох болно.

Н.Мөнхжин