О.Магнай шатахууны үнийн нэмэгдлийн үеэр “хальтирч” хэлсэн нэг үг нь олны чихэнд сууж, буучихаад олиггүй үгсийг сонсох шалтгаан болоод байгаа. Томилогдсоноосоо хойш ажил, албан тушаалын хурд, хүч, сүрийг үзүүлсээр байгаад бусдыг муу зан сургачихсан байж магадгүй юм.
Учир нь О.Магнайгаас олон нийт ямар нэг зоригтой шийд хүсэмжлэх болсон нь дээрхийн илрэл аж. Сураг сонсох нээ, О.Магнайгийн “хэрчилт”-д намынхан нь ч өртчих гээд, бас цаагуураа намын харьяалалгүйгээр аалзны тор шиг хэрээстэй байдаг улс төр, бизнесийн том эрх ашиг хөндөгдөж эхэлсэн нь түүнд stop команд өгөх шалтгаан болсон гэх.

Үүл баатрын тухайд нийслэлийг ёстой л “болгож тавьж” байв. Байв гэсэн нь бас л суларч эхэлснийг тодруулж байгаа хэрэг. Гэхдээ өөрөө бус, Үүл мээрийг зохион байгуулалттайгаар, “дотроосоо” арагш нь чангаах болов. Том эрх ашгууд үүний цаана яваа гэх.

Хууль бусаар олгосон 40 газрын зөвшөөрлийг хүчингүй болгосныг Нийслэлийн газрын албанаас 2012 оны арванхоёрдугаар сарын 18-нд олон нийтэд зарласан. Яг үнэндээ энэ шийдвэрийг хүмүүс ихээхэн дэмжиж хүлээж авав. Орон сууцнуудын дундах, авто зогсоол, ШТС, за тэгээд ундны усны эх үүсвэр дээрх гээд МАН, АН-ын нөхдийн эзэмшлийн газрын зөвшөөрлийг хуйгаар нь хүчингүй болгосон. Араас нь нэг их нэхэл дагал ч гарсангүй.

Харин үүнээс тав хоногийн дараа хүчингүй болгох жагсаалтын 26-д бичигдээд байсан “Дүнжингарав” худалдааны төвийн нээлт болов. УИХ-ын дарга З.Энхболд ангийнхаа “охид”-ыг голдуу авч очсон нээлтийн арга хэмжээ АН доторх нэг томоохон хагарал эхэлж байгааг ил болгосон юм.

Хотын дарга АН-ынх, УИХ-ын дарга АН-ынх, Дүнжингаравын эзэн АН-ынх. Гэтэл Хотын дарга газрын зөвшөөрлийг нь цуцалж, үүнийг эсэргүүцэж зохион байгуулсан нээлт хэмээх арга хэмжээнд нь УИХ-ын дарга гишүүдээ дагуулан морилсон. Олон таван тайлбаргүйгээр ойлгогдох шалтгаан байгаа биз.

Гэвч хагарал, бутрал зөвхөн УИХ-ын дарга З.Энхболд, Хотын дарга Э.Бат-Үүл хоёрын дунд үргэлжлээд байгаа хэрэг бус ажээ.

Ерөнхийлөгч Ц.Элбэгдорж, УИХ-ын дарга З.Энхболд нар энэ сарын 5-ны өдөр нийслэлийн захын дүүргүүдээр явж, гэр хорооллын утаа хэр байгаатай биечлэн танилцсан талаар twitter хуудаснаа жиргэсэн байв. Чингэлтэй дүүргийн 32-ын тойрог орчимд очиж, гэр хорооллын утаатай танилцжээ.

“Хоёр жилийн өмнө Ерөнхийлөгчийн санаачилгаар Агаарын бохирдлыг бууруулах Үндэсний хороо байгуулагдсан. Гэвч нийслэлийн утаа багасаагүй, харин ч ихэсчээ” хэмээн Ерөнхийлөгч бичжээ. Өөрөөр хэлбэл, Э.Бат-Үүл ажлаа сайн хийгээгүй, харин ч муу байна гэсэнтэй агаар нэг сонсогдож байв. Ийн Э.Бат-Үүлийн эсрэг намынх нь журмын нөхөд болох Ерөнхийлөгч Ц.Элбэгдорж, УИХ-ын дарга З.Энхболд нар хүч хавсран зогсох болов. Чухамдаа Ц.Элбэгдорж, З.Энхболд нарын сонирхол, ашиг нь ижил бус. Ц.Элбэгдоржийн хувьд Ерөнхийлөгчийн сонгуульд дахин нэр дэвшихэд нь нам дотроо Э.Бат-Үүл л гай болох магадлалтай гэдгийг намынх нь нөхөд хэлээд байгаа юм.

Харин З.Энхболдынх арай өөр. Дүнжингаравын нээлтэд очсон нь хамгийн товч хариулт. Өөрөөр хэлбэл, Мон Ураны Б.Наранхүүтэй ингэтлээ ханьсах болсон нэг шалтгаан байдаг тухай улс төрийн хүрээнийхэн жиг жуг гэдэг. Яг ийм сэжмээр Ерөнхийлөгч Ц.Элбэгдорж ч Б.Наранхүүтэй холбогддог гэх юм билээ. Тодруулбал, Б.Наранхүүг сонгуулийн өмнө МАН-аас татгалзсан хариу сонсчихоод явж байхад нь ивээлдээ авч намдаа элсүүлэн, улмаар хэдхэн цагийн дотор гишүүдийнх нь хүсээд ч хүрч чаддаггүй ҮЗХ-ны гишүүн болгож, УИХ-д нэр дэвших эрхтэй болгосон эрхмүүд бол тэднийг гэдэг.

Татгалзахын аргагүй санал гэдэг шиг бултах аргагүй шалтгаантай хойно тэд Б.Наранхүүгийн бизнесийг нурааж, Дүнжингараваар нь оролдож эхэлсэн Э.Бат-Үүлтэй “тэмцэх”-ээс өөр аргагүй.

Б.Наранхүү ч энэ байдлыг сайтар ашиглаж, том эрх мэдлийн далбаанд байгаагаа ухаарчихсан, улс төрийн нөлөөг бизнестээ хэрглэсэн шиг сууж буй.

Бай нь мэдээж Э.Бат-Үүл. Дүнжингаравын нээлтийн үеэр “Э.Бат-Үүлийг гадаа хэдэн цаг зогсоож зовлон ойлгуулах юм сан” хэмээн тавлаад авснаа сонорт нь хүрсэнгүй гэж бодсон уу, үгээ улам чангаруулж үзэв.

Саяхан тэрээр нэгэн телевизийн ярилцлагад уригдаж “дотроо онгойтол” ярьж харагдав. Энэ үеэрээ Б.Наранхүү “Дүнжингаравын хувьд бол сая Бат-Үүл гарч ирээд зөвшөөрөлгүй болгоод байна. Би ирээд үзээчээ л гэж байна. Ямар хятад хүн байгаа биш. Энэ залуу юу хийснийг ирж нүдээрээ үзээд, өөр болж байгаа юм байна, урагшилж байгаа юм байна гээд хараасай гэж хүсч байна. Алийн болгон гадаа зогсох юм бэ. Өөрөө хотын гоё байшинд байдаг. Тэгэхэд гадаах захад 70-80 мянган хүн зогсож байна. Өөрөө ирээд нэг үзэх л ёстой. Түүний дараа шударга ёс гэж ярих хэрэгтэй шүү дээ. Энэ нь болохгүй байна аа, Нараа гээд хэлэх ёстой. Цэвэр ус хуримтлуулдаг газар 100 мянган га, тэгэхэд манайх зуугаад га газар. Мянганы нэг нь. Харин хамгийн аюултай зүйл болох гэр хороолол, тэдний нойл, муу ус бүгд газар руу нэвчиж байгаа. түүнийг эхэлж шийдэх ёстой. Манайд /Дүнжингарав/ бол ямар ч хөрс бохирдуулах зүйл байхгүй. Бид ганц дусал зүйл ч хөрс рүү хийгээгүй. Хүчингүй болгосон захирамжийг авчрах гэж байгаад мартчихжээ. “Ирээдүйд барилгажуулах талбайг тэр чигээр нь нэг хүнд өгсөн байна” гэсэн утгатай. Хотын дарга ярихдаа цэвэр усны нөөц гэж яриад байгаа. Гэтэл захирамж нь бол яваандаа барилгажих талбайг Наранхүүд өгчихжээ л гэсэн байгаа” гэж ярив.

Мөн санал асуулга явуулаад олны эсэргүүцэлтэй тулсан буруу талдаа жолооны хүрдтэй автомашиныг хориглох тухайд дуугүй байсангүй. “Ядаж 20 сая хүн амтай байсан бол яахав. Хөөрхий хэн нэгэнд тэр чинь амьдрал нь байгаа. Өчнөөн жил ажиллаад эхнэртээ, хүүхдэдээ аав нь машин авлаа гээд үзүүлж байсан тэр аз жаргалыг нь хураана гэхээр надад бол биш л санагдаж байна. Магадгүй Бат-Үүлд юу ч биш байх. Гэхдээ энэ хэрэг дан ганц Хотын даргын ажил биш л дээ” гээд авна лээ.

Ер нь л Хотын дарга Э.Бат-Үүлийн шийдвэрийг хүчингүй болгуулж, Дүнжингараваа хэвийн ажиллуулна гэдэгтээ итгэлтэй байгаа, тийм бяр суусан гэдгээ хэлчих шиг болсон.

Б.Наранхүүгийн ам нэлээд халж, урьд өмнөх газрын асуудлаасаа ч хуучилж өгөв. Тэр УИХ-ын дарга М.Энхболдыг Хотын дарга байхад дөрвөн газар авсан гэдгээ хэлсэн. “Урд нэг том газар буюу Дүнжингарав захынх. Ер нь зөндөө газар авах боломж байсан. Газрын мөнгөө төлөхгүй бол хураана гээд хөлсөө гоожуулаад, өр тавиад зөндөө гүйдэг байсан. Хүмүүс тэрийг ойлгодоггүй. Мөн Бөмбөгөр, Баганатын газрыг авсан” гэв.

Мөн Б.Наранхүү өнөө хэр нь УИХ-ын гишүүн, төрийн түшээ болсон гэдэгтээ өөрөө ч итгэдэггүй бололтой юм. Хэдэн сарын өмнө Иргэний танхимд орчихсон “Манай “Мон Уран” компани бол...” гээд зогсч байсан энэ эрхэм ийн телевизийн ярилцлагад орохдоо ч “Энэ улс төр, бизнесийнхэн л...” гэж ярьсан шиг сууна. За энэ ч яахав, түүнийг төрийн түшээ гэхээсээ компанийн захирал, морь уядаг гэдгээр нь таньдаг хүн олон. Ярилцлагад урьсан сэтгүүлч нь ч хууль тогтоомж, төрийн ажлын талаар нэг ч асуулт тавиагүйг бодвол дээрх тодорхойлолт хэр зэрэг оносныг илтгэнэ.

Юутай ч Ерөнхийлөгчөөр “баруун гар”-аа, УИХ-ын даргаар “зүүн гар”-аа хийчихсэн нөмөрт нь тарвалзаж буй Б.Наранхүү гэдэг УИХ-ын гишүүн хэзээ, хэнд хэрэгтэй ямар хууль санаачилж, хэний эрхийн төлөө тэмцэх вэ гэдгээ бус, зөвхөн Дүнжингарав хэмээх худалдааны төвөө хаалгахгүйн тулд Э.Бат-Үүлтэй хэрхэн тэмцэж, ноцохоо төсөөлөн сууж байгаа юм байна аа гэдэг нь түүний ярианаас тод томруун ойлгогдохоор байна билээ. Их хурлын гишүүн ард түмний элч төлөөлөгч байна гэдэг Үндсэн хуулийн заалтыг соёмботой тэмдэг энгэртээ зүүчихээд зургаан сар болчихоод ойлгоогүй хэвээрээ яваа аж. Гишүүн гэдэг нэрэндээ дасч, түмнийхээ төлөө ажиллах гэсээр байтал бүрэн эрхийн хугацаа нь дуучихсан байх вий дээ.

Эх сурвалж: Polit.mn

Мэдээний линк: http://polit.mn/Show.aspx?category=1203&code=906

АН-ын томчууд Б.Наранхүүгийн даалгавраар Үүл баатрын эсрэг хөдлөв үү?
Tweet
Bolod.mn

Сэтгэгдэл (11)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
З.Энхболд гэж өчүүхэн жижиг биендээ багтахгүй ******** энергитэй, хорон үйлдэлтэй хилэнц хорхой юмаа!!! АН энэ золигоос л болж ялагдсан!!!

2016-11-29 | 20:49:02 | 103.26.194.3 |

Зочин
Улс эх орноо хөгжүүлье гэсэн хүн ********ор ихэнх нь өөрийнхөө бизнесийг дэмжих гэж, хийсэн булхай луйвараа дарагдуулах гэж улс төрд орж байгаа хулгайч нар даа. Наранхүүгийн ард маш их гэмт хэрэг, луйвар, газрын наймаа, хүчингийн хэрэг байгаа. 1000 сэтгүүлч аваачиж 100-г нь Хайнан явуулсан гэхээр ойлгомжтой юм. Нарантуулын сарын 80000 ийн түрээс төлдөг наймаачид яаж 2500000 аар лангуу түрээслэх вэ дээ. Нарантуулын наймаачидад энэ зах ямар ч хамаагүй болж таарч байгаа юм. Тэгэхээр нарантуул, дүнжингаравыг хооронд нь харьцуулах ямар ч хэрэггүй шүү.

2013-06-08 | 18:13:18 | 122.201.18.138 |

Зочин
жижигхэн мортлоо турээс ондор ум билээ

2013-06-06 | 22:20:02 | 122.201.18.15 |

Зочин
хөдөөний ******** ж********гархаг сэтгэлгээтэй луйварчин эх орон гэж юу болохийг ойлгохгүй л байгаа юм даа.

2013-03-27 | 12:49:21 | 184.96.233.253 |

Зочин
Наранхүү чи 500$ охидийг бузарлаад бултсан ..... давраад байна уу .

2013-03-27 | 12:47:18 | 184.96.233.253 |

Зочин
Энэ залуугийн барьсан дүнжингарав худалдааны төв нь хүний хашаа бөгөөд ямарч хөгжилтэй орны худалдааны төвөөс дутахгүй. Харин Сайхансамбуугийн Нарантуул бол малын саравч. Хичнээн жил хичнээн хүн бөөр бөгсний өвчтэй болов. Малын саравчинд байгаа хүмүүс хэдэн бор төгрөг олж амьдрахын эрхэнд эрүүл мэндээ худалдаж байна. Энэ бол гэмт хэрэг. Энэ сайхансамбуу төрийн газрыг эзэмших нэрээр түрээсэлж маш их ашгийг хүний эрүүл мэнд хохироох замаар олж байна. Наранхүү бол жинхэнэ үндэстний хөрөнгөтөн мөн. Сайхан самбуу эхнээсээ төрөөс төрсөн тэрбумтэн мөн. Дүнжингаравт өөрсдөө ороод үз. Юм хийдэг хүнээ гоочилохоо больж, гадны цөөврүүдийг хөөж гарга. Тэднээс хахуул авахаа боль. Д.Ганхуяг

2013-02-16 | 13:23:39 | 203.194.114.209 |

Зочин
Бат-Үүлийг ерөнхийлөгч болгоё. Тэр үнэхээр бусдаасаа өөр байгаа.

2013-01-14 | 16:02:05 | 202.9.47.131 |

Зочин
Луйварчин Наранхүү Дундговийг бусниулаад одоо АН ыг бусниулах гэж байна Яг үнэндээ Дундговь одоо олтол даргагүй байгаа нь наад муу луйварчин Наранхүүтэй нягт холбоотой Дундговийнхон

2013-01-14 | 15:24:05 | 202.180.220.77 |

Зочин
Бат-Үүл ерөнхийлөгч болох ёстой. Одоо цаг нь боллоо. Наад муу жижиг гарын Наранхүү гвм нуусан буутай юугаа ярих вэ? дээ. М.Энхболдын морин жолооч байсан хөдөөний маанаг.

2013-01-14 | 15:16:30 | 182.160.8.41 |

Зочин
бат-үүлийг энэ асуудал дээр 100+% дэмжинэ шүү.

2013-01-14 | 13:50:24 | 202.170.68.72 |

Зочин
муу газрын наймаачин, Энхболдын бууны нохой,

2013-01-14 | 11:41:48 | 122.201.18.190 |