Ч.Суурьтогтох нар “Дайны эрсдэлийн даатгалын мөнгө” гэгчийг бий болгон их хэмжээний мөнгө угаасан хэрэгт холбогдон шалгагдаж эхлээд байгаа билээ.

Өнгөрөгч өдрүүдэд энэ хэргээр улстөржих хэсэг нь улстөржиж, хэрэгт холбогдсон гэх нөгөө хэсэг нь хэвлэл мэдээллээр өөрсдийгөө хамгаалах гэж оролдон дуулиан шуугиан тарьж буй. Хэргийн талаар анх хэвлэл мэдээллээр цацагдаж, дараа дараагийн эзэн холбогдогч болон хууль хяналтынхан төдийгүй бусад хүмүүсийн мэдээгүй байсан олон ноцтой асуудлууд мөн л хэвлэлээр дамжиж олон нийтэд ил тод болоод байгаа нь улс төрийн сонирхол, улстөржилт орсон байх гэсэн таамаглалыг дэвшүүлэхэд хүргэж байна.

Ер нь Ц.Чимэдцэрэнгийн хэргээс өөр иймэрхүү том хэрэг олон нийтэд ил болж байгаагүй бөгөөд А.Гансүх сайдын хэлсэнчлэн төр солигдож байж томоохон авлигын хэргүүд илэрч эхэлсэн байхыг үгүйсгэх аргагүй. Татвар, Гааль, Ашигт малтмалын газар зэрэг томоохон байгууллагуудын удирдлагууд авлига, мөнгө хувьдаа завшсан гэх хэргүүд ар араасаа олон нийтэд ил болж, хэргийн эзэд хариуцлага хүлээхэд хүрч байна. Гэхдээ энэ бүхэнд нэг алдаа ажиглагдаад байна. Өөрөөр хэлбэл, томоохон авлигын хэргийн цаад эзэн, хэргийг өдөөсөн захиалагч нь уснаас хуурай гарч чаддаг гаж тогтолцоо өмнө нь ч байсан, одоо ч байх бололтой. МИАТ-ийн хэргийн цаад захиалагч нь мөн л уснаас хуурай гарахаар оролдож байгаа гэдгийг өнгөрсөн долоо хоногт хийсэн Ц.Орхоны мэдэгдлээс харж болохоор байна.

Х.Тэмүүжин сайд энэ хэрэгт улс төрийн нөлөөлөл оруулахгүй гэж мэдэгдсэн. Тэгэхээр энэ хэрэгт холбоотой гэх улстөрчид, цаад захиалагчдын нэрийг илрүүлэхийн тулд Ч.Хоролсүрэн, Ц.Орхон нарт ял оноохыг урьтал болгох бус харин тэдэнтэй хамтарч ажилламаар байгаа юм. Ц.Орхон мэдүүлэг өгөхдөө “Миний эхнэрийг сулла. Энэ хэрэгт хамааралгүй хүн. Харин дараа нь би мөнгө угаасан хэрэгт холбогдсон 20 улстөрчийн нэрийг олон нийтэд зарлана” гэсэн байна. Бүр 20 хүн гэж байгаа. Тэгэхээр энэ хэргийн хохирол хоёр оронтой тэрбум бус хэдэн зуун тэрбумаар тоологдох нь тодорхой. Хууль хяналтынхан мэдүүлэг өгөөгүй хэмээн эрс эсэргүүцэж байгаа ч хэвлэлээр илэрсэн хэрэг, гарсан баримт худлаа байгаагүйг МИАТ-ийн хэргийн үнэн баримтууд харуулсан.

Ц.Орхоны цаана байгаа 20 улстөрчийн нэр сонирхол татахын зэрэгцээ мөнгө угаасан хэрэгт хэн, хэн холбогдсон бэ гэдэг ч сонирхол татаж эхлээд байна. Эх сурвалжийн мэдээллээр энэ хэрэгт холбоотой гэх улстөрчид хөдөлгөөнд орж эхэлсэн бололтой. Өөрөөр хэлбэл, тухайн үед төр барьж байсан Ардын намын нөлөө бүхий эрхмүүдийн нэр дуулдаж эхэлжээ. Ц.Орхоны мэдэгдэл тэднийг түргэн авахуулахад хүргэж ойрын үед гадаадын улсад болзоо товлон, байн байн уулзах болсон тухай бор шувуу ч нисч эхэлж. Өмнө нь буюу нэгдүгээр сарын 17-ноос 25-ны өдрүүдэд МАН-ын дарга Ө.Энхтүвшин, М.Энхболд хоёр чуулганы хуралдаанаас чөлөө авч Солонгос улсыг зорьсон бол, Су.Батболд УИХ-аас томилолт авч Солонгос явсан.

Харин Солонгост эхнэрээ эмчлүүлж байгаа У.Хүрэлсүх тэднийг угтаж, С.Баяр цаанаас нисч ирсэнээр МАН-ын удирдлагуудын хурал БНСУ-д болсон гэдэг. Тэднийг ийн түргэн авч хуралдах болсон өөр нэг шалтгаан бол АМГ-ын дарга асан Д.Батхуягийн хэрэг. Хууль бус, хугацаа нь дууссан 109 лиценз ганц хүний гараар хийгдсэн ажил биш. Энэ хэрэгт хамгийн түрүүнд холбоотой гэж яригдаж байгаа хүн бол мөн л Ерөнхий сайд асан С.Баяр. Албан бус мэдээллээр 6.6 жилийн ял авсан Д.Батхуяг уснаас хуурай гарахаар оролдсон захиалагчийнхаа хүсэлтийг үл хэрэгсэж, нэлээд олон хүний нэрийг хууль хяналтынханд нэрлэсэн тухай хэн хүнгүй ярьж байна.

Гэхдээ 6.6 жилийг ядахдаа тэнсэн харгалзах болгох, эс бөгөөс багадаа хоёр жил болгох тохироо хийсэн гэх. Монголын ард түмнийг хэдэн үеэр нь тэжээх 100-гаар тоологдох уул уурхайн тусгай зөвшөөрлийг ганцхан хүний гараар бус хэд хэдэн нөлөө бүхий “тул”-уудын гар хөлөөр үрэн таран хийсэн гэдгээ хүлээн зөвшөөрчээ. Д.Батхуяг “багийн алуурчин” болж, бусад тоглогчдоо нэрлэсэн нь С.Баяр нарыг хөдөлгөөнд оруулж, дээгүүр доогуурх холбоо сүлбээгээ ашиглахаар Монгол руу анхаарлаа хандуулж эхэлсэн гэнэ. С.Баяр нэг хэсэг гадаадад тун нам жим амьдарсан. Түүнийг Оюутолгойтой хийсэн гэрээнийхээ хувиас авсан мөнгөөрөө гадаадад тансаглаж байгаа тухай ч саяхан хэвлэлээр яригдлаа. Бүр намын нөхөддөө заавал гэрээг үзэглэх ёстой гэх дарамт учруулсан гэж яригдаж эхлээд байна.

Өнөөдөр Оюутолгойн гэрээ монголчуудад ашгаа өгөхөөсөө илүүтэй алдагдалд оруулж, эргэж нягтлах, эрсдэл дагуулсан үйлдэл болчихоод байна. С.Баярын балаг үүгээр дуусаагүй. Мөн Д.Батхуягийн олон зуун лицензийн хэрэгт холбогдож байгаа Канадын хөрөнгө оруулалттай “Саусгоби Сэндс” гэх компани мөн л С.Баяртай холбоотой. Ашигт малтмалын газрын дарга асан Д.Батхуяг гэх сэргэлэн нь дэндсэн энэ эр “Саусгоби Сэндс”-ийн хүчингүй болгох таван лицензийг эрх мэдлээ ашиглан сэргээсэн. Ингэснээр энэ компани Монголын төр засгаар тоглож, хууль бус үйлдэл нь хэрээс хэтэрч, монгол ажилчдаар тоглоом тохуу хийж, хэдэн зуун тэрбумын авлигын хэрэгт холбогдсон. Өнөөдөр мөн л шалгагдаж байгаа. Энэ хэрэгт холбогдуулан С.Баярыг шалгах тухай ч яригдаж байгаа. Монголд ирвэл хэрэгт татах нь нэгэнт тодорхой болсон. АМГ-ын дарга асан Д.Батхуяг бол С.Баярын гарын хүн гэдгийг улс төрийн хүрээнийхэн мэднэ.

Мөн МИАТ-ийн гүйцэтгэх захирал асан Ц.Орхон ч бас түүний томилсон хүн аж. Энэ хэрэгт холбогдсон Р.Бат-Эрдэнэ гэх зэрэг хүмүүсийг мөн л С.Баярын заавраар томилсон гэх яриа явагдаж байна. Тиймээс ч С.Баяр нар МИАТ-ийн хэрчмээс овоохон авсан гэх яриа байгаа юм. С.Баяр ба МАН-ынхан яагаад хөдөлгөөнд орж эхэлсний шалтгаан нь МИАТ, Д.Батхуяг, “Саусгоби Сэндс”, Оюутолгой... Одоо араас нь Татвар, Гааль гээд олон асуудал сөхөгдөх бололтой.

ЭХ СУРВАЛЖ: http://amur77.miniih.com/index.php/home/post/1645

С.Баяр яагаад хөдөлж эхлэв
Tweet
Bolod.mn

Сэтгэгдэл (7)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Яагаад ямарч хамаагүй юманд Баяр даргын нэрийг холбож бичиж байгаа бол. Ерөнхийлөгчийн сонгууль ойртсоны шиннж дээ.Эрчүүд минь эвтэй гавтай байж бие биендээ муу юм хийхгүй шударга өрсөлдөөчээ

2013-02-05 | 20:47:34 | 175.112.1.9 |

Зочин
дараагийн сонгуулидаа бэлдэж бга ухаантай юм байхдаа Баурийн эсрэг мэдээлэл стастагдаж эхэллээ зугээр бга хунийг ях гээв болиоч эээээээээээ

2013-02-05 | 20:46:56 | 175.112.1.9 |

Зочин
энэ бузарыг алах хэрэгтэй

2013-02-04 | 20:29:46 | 103.9.88.116 |

Зочин
монголоо зарж идэж ард түмнээр тоглож байсан нь илт шүү дээ дэмждэг байж болно тэгэхдээ чамас өөр өмөөрөх ухангүй монгол ховор л болвуу даа 20 жилийн турш хурган дараас авхуулаад том дарга хуртэл хэзээ дээ шоронгийн хаалдийг татаж байсан юм надад хэлэч гэмэр байна шүү Бүгд ялаа үүрээсэй

2013-02-04 | 16:17:15 | 59.177.201.251 |

Зочин
баяр шорох луугаа марш

2013-02-04 | 15:16:36 | 182.160.52.63 |

Зочин
муу луйварчид бугд ялаа внаа

2013-02-04 | 12:04:22 | 199.40.204.245 |