BOLOD.MN - Мэдээллийн нэгдсэн сан


» Үндсэн сайт / Desktop хувилбар /
Сүүлийн үеийн 100 мэдээ

Хорвоогийн тоосыг хоосон хөдөлгөхүй

Аливаа улсад “улс төрийн нэр хүнд”, “ерөнхий имиж” гэж байхаас гадна “эдийн засгийн нэр хүнд” гээч юм байдгийг монгол тархи ухаж ойлгохгүй. Энд гурван ойлголт нэрлэчихлээ. Эхний хоёр нь лут. Авилгалыг давхар тооцчихгүй бол Монгол бол Азийн цээжин дээр ардчиллыг цэцэглүүлсэн үлгэр жишээч орон. Зун наадмаа хийж, баярлан цэнгэж байгаагаар нь гадаад улсууд биднийг үнэхээр “Монголчууд үнэхээр омогшил, бахархал дүүрэн ард түмэн юм билээ” гэж үнэлдэг нь “ерөнхий имиж”. Онгон байгаль, ардын урлаг, шашин, цам, энтертайнмент гээд 


 

бүгд манай зөв имиж. Харин “эдийн засгийн нэр хүнд” гэдэг дээр очоод бид улсаараа паг суучихдаг. Тэр тухай л өгүүлэх гэж байна. Монголчуудын олонхи нь (лав тал нь) хорвоогийн тоосыг хоосон хөдөлгөж яваагаас болоод улс маань нэг л сэхдэггүй, өөдөлдөггүй, дэлхийн өрсөлдөөнд бүү хэл гадаад ямар ч улсад, бүс нутагтаа ч эдийн засгийн нэр хүндтэй байраа эзэлж чадахгүй будилж яваа. Эдийн засаг нойл, хүн ард нь ядуугаараа байгаад байвал нэр хүнд дагалдаад нойл. 
 
Ядуу доройг хүн ойлгоно, хайрлана, хүндэлнэ гэсэн тэнэг гэнэн ойлголтоосоо бид хэзээ салдаг юм бол, бүү мэд? Бид үргэлж зарц гуйлгачин шиг явж яавч болохгүй цаг үе шүү дээ. Монгол хүний нэрэнд даанч муухай юм. Гэхдээ тэр муухайг гаднынхан биш, бид монголчууд өөрсдөө санаатай санаагүй үйлдэнэ. Бид дэндүү цөөхүүлээ. Хэрсүү, ажилсаг, хөдөлмөрч ард түмэн болж төлөвшихгүй бол оройтлоо. Монгол хүн өөрөө чанга нягт бай гэсэн санаа юм.
Аль 100 жилийн өмнө Ц.Дамдинсүрэн гуайн туурвисан “Гологдсон хүүхэн” зохиолд гардаг даа. Хожим кино болгосон. Данигай өвгөн, Долингор нарын яриа: - Монголд цэрэг хэрэгтэй юмсан даа. Манай Монгол чинь олон өлөн чонын дунд байгаа ганц явган бадарчин шиг болж байна. Тэр бадарчинд барих таяггүй бол яахав? Чи бод! Чононд л баригдана даа, хөөрхий. Манай Монгол тийм болоод байна даа. Тэгэхэд тэр амь хамгаалах итгэл нь болсон цэрэг нь ингээд тарж байх гэж дээ? XXI зууны ширүүн өрсөлдөөн, хурдны эринд манай Монгол яг өнөөдөр Данигай өвгөний дүрсэлсэн шиг тийм байдалд байж байна. Нууц биш. Ядуурлаасаа салах гэж улс эх орон ба тусгаар тогтнолоо нулимахад яг бэлтгэгдчихсэн. Нийгмийн сэтгэхүйгээр нь ярьж байна. Ардчиллыг учиргүй муулаад, ядуурлаа ардчиллаас боллоо гээд үглээд эхэлбэл тэр нь явж явж ядуурлаас гаргах ид шидтэнийг хайхад хүргэж, нөгөөх нь хилийн чанадад байж таарч, мөнгө төгрөгөөр цутгаж, ард түмнийг амаржуулах тухай үлгэр нийгмээр хэрэн тэнэж, УИХ-ын ба Ерөнхийлөгчийн сонгуулийг өнгөлдөг дээрээ байна. Олон жил тийм байлаа даа. Мөнгө л олдвол ард түмэндээ тараачих гэсэн сайхан сэтгэл!
Данигайн зөвлөлгөө: Зам буруулж, амь зулбаж яваа үед чинь тарган морь, торгон дээлнээс хавчиг үүрэг, мурий зах хэрэг болдог юм даа Долингор минь – Бас л өнөөгийн Монголд үнэ цэнэтэй зөвлөлгөө байна. Ядуу доройгоороо дэлхий дахинд өрөвдүүлж тусламж хүртэнэ гэсэн монгол сэтгэхүй өнөөдөр амь бөхтэй байгааг Данигай өвгөн өвөрмөцөөр хэлчихжээ. 
 
 
Манай эх орон 30 жилийн турш ядууралд хав баригдлаа. Үндэсний статистикийн хороо, Дэлхийн банк хамтран “Монгол Улсын хүн амын ядуурлын түвшин 2018 – судалгаа” гэдгийг гаргажээ. 2002 оноос өрхийн орлого зарлага, амьжиргааны түвшинг судалж иржээ. Монголд  904 000 иргэн ядуу гэх  ангилалд байгаа аж.  2016 онд  нийт хүн амын 29.6 хувь буюу 907.5 мянган хүн ядуу амьдарч байсан бол  2018 онд 28.4 хувь буюу  904 мянган хүн  болж, тоо нь тун ялимгүй буужээ. Хоёр жилд нэг хувиар буурдаг ядуурал гэхлээр ерөөсөө ажил хийж өгдөггүй, хийх хүсэлгүйгээсээ ажилгүйдээд ядуураад байна хэмээн гадаадын захын энгийн иргэнд ойлголт төрөхөөр. Ийм олуулаа ажилд бэлтгэгдээгүй байж байна гэхийг ойлгохгүй л дээ. Насанд хүрээ л бол амьдралын хариуцлага гээч юм гадаад ажилсаг ард түмнүүдэд байдаг бол манайд үхэн үхтэл нь амьдралын төлөөх хариуцлага байдаггүйг би дээр “хорвоогийн тоосыг хоосон хөдөлгөж явдаг” гээд нэрлэчихсэн.
Монголд амьжиргааны баталгаажих түвшнээс доогуур орлоготой өрхийн тоо дэндүү олон. Нийгмийн дундаж давхарга үгүй болсон, баян ба ядуу гэсэн хоёрхон давхаргатай болчихсон. Дэлхийн Банкны судалгаагаар манай хот суурин газруудад ядуурал нэмэгдэж, хөдөө орон нутагт ядуурал буурчээ. Орон нутагт 2016-2018 онд ядуурал 4.1 пунктээр буурсан бол хотод эсрэгээрээ 0.1 пунктээр нэмэгджээ.  Хот суурин  газарт амьдарч буй ядуусыг эзлэх хувиар нь авч үзвэл  2016 онд 62.1 хувь байсан бол 2018 онд 63.5 хувь. Нөгөө хүн амын 3/1 нь ядуу гэдгээс хол давчихаж. Нөгөө 904 мянган ядуусын 378.2 мянга нь Улаанбаатар хотод байна гэснээр бол 4/1 нь болчихно. Ядуурлын түвшнээр аймгууд жагсаж байна. Ядуурал хамгийн ихтэй нь Говьсүмбэр аймаг бөгөөд хүн амын талаас илүү хувь нь буюу 51.9  хувь нь ядуу. Гэтэл хөрш зэргэлдээ Өмнөговьд ядуурал хамгийн бага буюу 11.8 хувьтай. “51:11” гэдгийг харьцуулбаас хөрш зэргэлдээ говийн хоёр аймагт нэгд нь дан тэнэг, арчаагүйчүүд аж төрдөг, нөгөөд нь ухаантнууд соруудыг шилээд авааччихсан аятай. Гадаадын хүн тэгж л ойлгоно.
 
Газрын хэвлийгээс ухаад гаргаад ирсэн байгалийн баялгаа хувааж идээд баян ядуугаараа хуваагдсан нь нэн харамсалтай, бүр эмгэнэлтэй. Өмнөговьд уул уурхай байгаагүй бол Говьсүмбэрээс бүр дордох байсан уу? Ядуурлын шугамаас дөнгөж дээгүүр түвшинд дэнжигнэж байгаа, няслаад унагачихад тун амархан ядуус хүн амын 15 хувь, тэр нь бараг хагас сая (475 000). Эднийг нөгөө 904 000 дээр нэмчихэд алга урвуулахын дайтай, нэг үгээр манай улс нурж унахад тун ойрхон байгаа мэт. Бүр гамшиг гэж үзэхээр тоо баримт: ажлын ид тэгширсэн насны 30-39 насныхан ядууралд гүн шигджээ. Ажилгүй гурван хүн тутмын хоёр нь 40-өөс доош насны бие эрүүл, ухаан саруул идэрчүүд. Амьдралын баталгаажих түвшнээс доогуур иргэдийг залуус манлайлж байгаа нь манай нийгмийн хамгийн том эмгэнэл мөн. Aлбан ёсны статистикт итгэхэд бас бэрх. Ажилгүй ба ядуу иргэдийг яг нарийвчлан тоолсон уу гэвэл худлаа. Ядуурлын бодит байдал хавьгүй их байх магадлалтай.
Яагаад?
Уул уурхайгаас өөр ажлын шинэ байр бий болгох салбар байхгүй, харин тэр нь хүн амдаа хэт цөөн, нийтээрээ хүртэх боломжгүй, улирлын чанартай; 
Хотын төвдөө газар наймаалцан эзэнгүй шилэн байшин босгохоос өөр бүтээн байгуулалт байхгүй, нийтээрээ хүртэх боломжгүй;
Жижиг дунд бизнес эрхлэгчид нь өрхийн жижиг наймаа, нийтийн хоол (хуушуур), ахуйн үйлчилгээ, хувийн таксигаар дагнасан, бие биеэ дууриасан, ЖДҮ зээл нь улстөржөөд алга болсон;
Хүн амын орлогын албан татвар нэн доогуур учраас ажил эрхлэхгүй байхад алзахгүй, хэн ч татвараар дарамтлуулахгүй тул ажил эрхлэх сонирхол бага; 
Эхийг нь эцээхгүй тугалыг нь тураахгүй монгол ахуйн ухаанаар хэдэн биенээ тэтгээд үхүүлчихгүй, өлсгөчихгүй, толгой хоргодуулаад байдаг тул өөдөлдөггүй борчуудаар нийгэм дүүрсэн, тэднийг ядуу гэнэ. 
Энд нийтээрээ хүртэх боломжгүй гээд байгаа нь эдийн засагт хүртээмжтэй өсөлт байхгүй байнаа л гэсэн үг шүү дээ. Үндсэндээ соёлжсон, ном журмаараа, зах зээлийн эдийн засгийг бид 30 жил хүлээж байна. 
Ядуурлыг бууруулах гол арга нь 904 000 иргэнээ цалинтай орлоготой болгох гэсгээд улс төрчид ба миний үзэл бодлын зам сална. Төрийн хайр ивээлээр нийгмийн халамж-асрамжаар амьдардаг бүхэл бүтэн арми–давхарга буй болчихсон, ингэж амьдарч болдог гэсэн сэтгэлгээг дараа дараагийн үедээ уламжлуулчихсан байгааг гунигт ирээдүй гэж би хардаг. Халамж-асрамжийг нь ажваас нийгмийн зах зээлийн эдийн засагтай баймааж нь хүртээдэг хуультай. Түүнийгээ бий болгоогүй байж халамжлаад эхэлбэл эдийн засагт өсөлт хэзээ ч ирэхгүй. Нийгмийн зах зээлийн эдийн засгийг II дайны дараахи Германд хэрхэн бий болгосон тухай сурч судлах шаардлагатай.
Төр засаг, улс төрчид нь тэр “904 мянга”-даа гүн итгэж ямагт хайрлах бас ажилгүй ядуу байгаагийн бурууг улс төр рүү тохдог бол би өөрсөд рүү тохдог. Ажиллаж амьдарч болоод байгаа цаана нь 2 сая хүн байхад тэр 2 саяасаа юугаараа дордчихоод, хэн юуг нь булааж дээрэмдчихээд, ямар эрхтэн нь дутуу төрчихөөд ядуурчихсан юм бэ? Ид тэгширсэн насны 30-39 насны залуус яагаад арчаагүйтсэн юм бэ? Төрийн хайр ивээлийг гуйвуулаад “Нийгэмд шударга ёсыг тогтоож дуустал ажил эрхлэхгүй, хөгжихгүй” гээд гэдийгээд хэвтчихсэн олонхитой болчихгүй юмсан!
 
“Цалинтай орлоготой болгох” гэдгээ улс төрчид “яаж хэрхэн” гэдгээр тайлбарлаж үл чадна. Ерөөл магтаал, уриалга, хийрхэл голлоод хоосон ятгаад нэмэргүйг 30 жилийн гашуун түүх харууллаа. Цаашаа шал өөр шийдэл хүлээж байна. 
Ямар шийдэл? Эхийн хэвлийд байхаасаа ажил хөдөлмөрт бэлтгэгдэх гэж дэгсдүүлэхгүйгээр ярья. Хүн төрлөө, эцэг эх нь гардаж авлаа, өсгөлөө, ажлын байранд, амьдралын нугачаанд монгол хөвгүүд охидыг бэлтгэх ажил нойл заачихснаас дээрхи “904 мянга” буй болчихсон юм. Би энд дээд боловсролын тухай огт яриагүй байна.
Дэлхийн эдийн засгийн форумаас 2017 онд гаргасан “Дэлхий дахины хүний капиталын илтгэл” гэх баримт бичиг сайтад байна. “The Global Human Capital report” гээд бичихэд л олоод үзчихнэ. Оюуны чадавхи буюу онцгой чадамжтай хүний нөөцөөрөө манай Монгол дэлхийд 11 дүгээрт эрэмбэлэгджээ. Гайхалтай. Түүнийгээ ашигладаг талаар нойл. “Ноу хау” буюу тэр их чадамжаа “чулуу” болгож байгаагаараа дэлхийн 130 орноос 111-рт оржээ. Бөгс рүү бичигджээ.
Энд “чулуу болгох” гэдгээр бараа бүтээгдэхүүн, үйлчилгээндээ мэдлэг шингээж экспортод гаргаж эх орныхоо баялгийн санг арвижуулахыг хэлж байна. Нэг үгээр манай монголчууд оюуны өндөр потенциалтай, харин түүнийгээ цааш нь хөгжүүлж хэрэглэх асуудал дээрээ нойл, мэдлэг шингээсэн бүтээгдэхүүн үйлдвэрлэлээр дэлхийд хоцрогдож яваа гэсэн үг юм.
Энэ талаар төр уриалга их хийдэг ч зохиосон ажил алга. Тэгэхдээ энд дан хар барааны тухай өгүүлээгүй. Маргах хүн гараад ирвэл бид 30 жилд хөгжсөн гэе. Үгүйсгэх юм алга. Энэ олон шилэн барилгууд, энэ их машин, хүн бүр гар утастай, дэлхийгээр монголчууд холхиж байна, дэлхийн олон улстай харилцаж байна, нээлттэй байна, хүний эрхийг дээдэлсэн, ардчилсан сонголтуудаа хийж байна, хүн ам өсч байна, мал сүрэг 70 сая хүрлээ гээд. 
Харин эдийн засаг нь технологийн хөгжил талаасаа урагш ахисангүй. Явж явж улсаараа хамаг үйлдвэрлэл аж ахуйгаа зогсоогоод уул уурхай шүтсэн “ганц эдийн засаг”-тай болчихсон. Өмнөговиос нүүрс хил давж л байвал улс нь орлоготой, тэр нь бүү тасраасай гэсэн бүх нийтийн хүлээлт догдлол, бараг маани мэгзэм уншдаг байх. Үлдэх эдийн засаг нь дэлгүүр-лангуу-зах. Насанд хүрэгчдийн ихэнхи нь тэгэхээс тэгэх гэж худалдагч, борлуулагч, эсвэл хувийн тэрэгний жолооч, тэднийг тойрсон элдэв үйлчилгээ эрхэлнэ.  
“Монголын ээдэмцэрийн холбоо”-ноос aвcaн мэдээлэл байна: Монголын хөдөөд жилдээ 900 сая литр сүү сааль авах бололцоотой ч ердөө 4-хөн хувийг авдаг. Үнээгээ саадаггүй аймаг, сум, баг тоймгүй олон. Үнээ саах гэдгийг тархинаасаа гаргаад хаячихсан нутаг орон ч байдаг бололтой. Ийм дээрээ тулсан юм бол Монголд саальчин, үхэрчин гэх мэргэжлүүд бараг устаж үгүй болж байгаа юм байна. Сүүний уураг гэдгээр дэлхийд толгой цохих боломжтой, хуучин цагт уургийг Зөвлөлт рүү экспортлоод, тэрийг нь Япон руу гаргадаг байсан гэлцдэг. Одоо тасарсан, учир нь манайх сүү, уургаа гаргахаа больсон, японы тал Орост асуудал тавьдаг, Монголоос авахаа больсон гэдэг, гэтэл Япон нь манайхаас шууд авъя гэлээ, манайх паг. Японд монгол уургаар тавин хэдэн нэр төрлийн бүтээгдэхүүн гаргаж дэлхийн зах зээлд нийлүүлдэг гээд бичвэл бидний арчаагүй, ажилгүй, мал сүрэг нь 70 сая болчихсон, гээд байж байгаа үхлийн царай нь тэр үү гэсгээд орхиё. 
 
 
Монголд эдийн засгийн дэг журам, сахилга, зохицуулалт нэн үгүйлэгдэж байна. Эдийн засаг дээр ямагт будилж яваа. Эдийн засгийг технологижуулах талаар дорвитой ахиц алга. Гэхдээ байх нь байна. Нэвтрүүлээд хэрэглэчихнэ гэхэд баахан хүн ажилгүйдчихдэг. Газар тариалангийн аж ахуйд хүчит техник нэвтрээд газар хагалах, тариалах, боловсруулах, хураах бүх үйл ажиллагаа цахимжиж эхэлж байгаа нь сайн боловч хөдөөд газар тариалан бараадан аж төрж байгаа үй түмэн хүн ардыг яах вэ? Хариулт ба сонголт байхгүй.
Өрхийн жижиг аж ахуй руу татан оруулж, эх орноо эрүүл хүнсээр хангуулах, хөрш орнууд руугаа экспорт хийлгэх бүхэл бүтэн нийгмийн давхарга бэлэн байж байна. Тэднийг тэгдэг болгож бэлтгэх хэрэгтэй мэт. Төр энэ дээр л төмөр нүүрээ харуулмаар байна.
Нүүрс ухаж гаргаад 120 км үргэлжлэх ачааны машины цуваанд найдаад суух биш, эдийн засгийн бусад бүх салбартаа мэдлэг-технологи, техникийн боловсролын (дэлхийн энтэй) томхон өөрчлөлт хийх хэрэгтэй. Энэ талыг ямагт хойшлуулж, аргацааж, зүрхшээж ирснээс болж бид цаг үеэсээ хоцроод явж байна. Технологийн хөгжлийг зөв ашиглаж чадвал манай мэт жижиг улсад маш олон салбар хурдацтай хөгжиж, мөнгө олох ба амжилт олохыг хослуулах боломжтой. Нураах босгох нь тун энгийн, хялбар эдийн засагтай айл шүү дээ.
Дэлхий дахинтай мөр зэрэгцэн хөгжихөд оюунлаг иргэдийг олноор бэлтгэж, гадны томоохон их дээд сургуулиудад сургах, сургаснаа авчирч итгэл өгч ажиллуулах хэрэгтэй. Сургаж бэлтгэсэн боловсон хүчнээ эргүүлэн эх орондоо авчирч ажиллуулахад төрийн уужим, хатуу бодлого үгүйлэгдэж байна. Улс дамнасан нийгмийн сүлжээг бий болгож, гадаадад байгаа монгол хүмүүсийг авьяас чадварыг ашиглах тогтолцоог бүрдүүлж чадвал улсын хөгжилд нэмэртэй. Оюунлаг хүмүүс гадагш гарахыг оюуны алдагдал гэж бүү тооц. Тэд явна, тэд ирнэ. Ганзага хоосонгүй. Харин тэднийгээ яаж зөв ашиглах тал дээр анхааръя. 
 
Олон улсад мэргэжлийн өрсөлдөх ур чадвараараа Монгол Улс 76 дугаар байрт эрэмбэлэгддэг. Хоёр зуу гаруй улсаас гэж үзвэл муугүй үзүүлэлт. УИХ-ын дарга Г.Занданшатар Шинжлэх ухааны академи болон зарим их дээд сургуулийн эрдэм шинжилгээ, судалгааны байгууллагуудад хандаж:–Ирээдүйн хөгжил тийрэлтэт өсөлттэй байна. Одоогийн шугаман тогтвортой хөгжил биш болж байна. Хөгжлийн өсөлтийг тааварлахад технологийн хөгжил бидэнд том боломжуудыг өгч байна. Аж үйлдвэрийн IV хувьсгалын энэ цаг үед бид зөвхөн хөрөнгө оруулалтын асуудлыг хөндөхөөс гадна инновацын эко-систем гэх ойлголтыг онцгойлон анхаарах шаардлагатай.  Инновацын эко-систем бол хоёр өөр “эдийн засаг”-аас бүрддэг. Нэг талаас суурь болон хавсарга судалгаагаар дэмжигдсэн судалгааны эдийн засаг, нөгөө талаас зах зээл, үйлдвэрлэлээр тодорхойлогдох арилжааны эдийн засаг юм” гэжээ. 
 
Олон улсын харилцааны судлаач, профессор  Д.Баярхүү

 

Хорвоогийн тоосыг хоосон хөдөлгөхүй
Бусад мэдээ ▼

1
05-31
З.Энхтөр "Амэ трейд"-ээр дамжуулан ноолуур авч, Сүхбаатарчуудыг хулхидсан уу?

2
05-31
Б.Дэлгэрмаа: Би эвслээс дэвших нь АН цүнх баригчдыг дэвшүүлэхээс илүү “хар дарсан зүүд” гэж үү

3
05-30
Цар тахлаас урьдчилан сэргийлэх арга хэмжээний талаарх нийслэлийн засаг даргын захирамжийн хугацааг сунгалаа

4
05-30
Швейцарь цагны экспорт 80 орчим хувиар буурч, 20 жилийн өмнөхөд хүрэв

5
05-30
Танилц: Улаанбаатар хотын хүнсний захуудад борлуулагдаж буй махны үнэ

6
05-30
Ээж нь гурван сартай хүүхдээ тэвэрч цонхоор үсэрсэн гэх хэргийг цагдаагийн байгууллага шалгаж байна

7
05-30
Дөрвөн хүүхдийн амь авч одсон “Ханталст” компанийн эзэд болох Ш.Бат-Энх, И.Нарантуяа нараас хариуцлага нэхнэ

8
05-30
Ц.Гомбосүрэн: Эцсийн бүлэгт аль нэг нам, эвсэл л улс орныг хөтлөх бодлогыг барьж хэрэгжүүлнэ

9
05-30
Францад болсон дуудлага худалдаанд 1762 оны коньяк $146,000-аар зарагджээ

10
05-30
Ц.Нямдорж: М.Энхсайханыг ажил хийсэн гэж ялласан нь буруу

11
05-30
Танилц: Хорио цээртэй үед бид ингэж сонгуулиа өгнө

12
05-30
Гүнж Кейт Миддлтон яагаад гурван бөгж зүүдэг вэ?

13
05-30
Хендрик Стрик: Коронавирусийн вакцин хэзээ ч гарахгүй байж магадгүй

14
05-30
Гол зогоох мөнгө

15
05-30
Доналд Трамп: Технологийн компаниудаас АНУ-ын иргэдийн үзэл бодол, үгээ чөлөөтэй илэрхийлэх эрх чөлөөг хамгаална

16
05-30
Мөрөөдөхөд мөнгө төлөхгүй ч солиотууд сонгуульд өрсөлдөх хориотой

17
05-30
Засгаас хариуцлага, залуусаас оролцоо нэхсэн сонгууль айсуй

18
05-30
Н.Энхбаярын шоу явахаа байжээ

19
05-29
Жагсагчид Флойдыг баривчилсан цагдаа нарын ажиллаж байсан цагдаагийн хэлтсийг бүсэлж, галдан шатаасан байна

20
05-29
Хятад, АНУ-ын хэн нь цар тахлыг илүү хүч нөлөөтэй болж давж гарах вэ гэдэг тэмцэл өрнөж байна

21
05-29
Өнөөдөр олон улсын энхийг сахиулагчдын өдөр тохиож байна

22
05-29
Сонгуулийн хууль зөрчвөл 20-200 сая төгрөгөөр торгоно

23
05-29
​СЕХ: Н.Номтойбаярыг хорьсон ч нэр дэвших эрхтэй

24
05-29
Бэлэн мөнгө гардаж авсан бичлэг задардаг шүү, нэр дэвшигчид ээ

25
05-29
“Хар жагсаалт”-ын хортой нөлөө

26
05-29
Юу ч хийсэн сэтгэл дутна...

27
05-28
Австралийн VOICE шоунд шүүгчдийг алмайруулсан монгол залуу

28
05-28
Далай Лам цахим сүлжээгээр дамжуулан Жанрайсиг бурханы авшиг хүртээнэ

29
05-28
БЗД-ийн 16 дугаар хороо Нийслэлийн шилдгээр шалгарлаа

30
05-28
Гэвш лам Дэнгела буяны их үйлээ түгээсээр байна

31
05-28
Зургаан байршилд хурд хэмжиж байна

32
05-28
Б.Баярмагнай: Хэрвээ зэвсэгт хүчинд золиос гэж байх ёстой юм бол тэр нь би байг

33
05-28
Хаалгаа түгжсэн Монгол

34
05-28
УБТЗ-ын ХХН-ийн дарга асан Л.Пүрэвбаатарыг эрүүгийн хариуцлагаас чөлөөлжээ

35
05-28
Хунтайж Харригийн байшингийнх нь дээгүүр дронууд нисдэг

36
05-28
Коронавирусээр халдварласан тохиолдол 161 болов

37
05-28
ЗТХЯ-ыг самарсан Ж.Бат-Эрдэнийн гэр бүлийн орлого жилийн дотор 100 саяас 900 сая болтлоо өсчээ

38
05-28
ЦЕГ: Тогтоол усны гүнийг хэмжиж байна

39
05-28
19 тэрбумын хөрөнгөтэй И.Нарантуяа хатагтайн шунал барагдах болоогүй юу?

40
05-28
АН хүүхдүүдийн үхлээр улс төр хийж байна

41
05-28
Ц.Сандуйгийн НЭР ДЭВШИХ эрхийг хязгаарлах уу?!

42
05-28
АНУ-д цар тахлын улмаас нас барсан хүний тоо 100 мянгыг давлаа

43
05-28
​Ц.Мөнхбаатар: Дөрвөн хүүхэд эндсэн асуудал дээр бүх шатанд хариуцлага тооцно

44
05-28
​Б.Баатархүү: 11-15 насны дөрвөн хүүхдийн хоёр нь нэг айлын хүүхдүүд байсан

45
05-28
Үндэсний цэцэрлэгт хүрээлэнгийн захирал С.Эрдэнэтуулыг үүрэгт ажлаас нь чөлөөлөв

46
05-28
​'Хан талст' компанийн хариуцлагагүй ажиллагаанаас болж дөрвөн хүүхэд алтан амиа алдлаа гэв

47
05-28
​Д.Нямхүү: Нэмж 13 хүнээс коронавирус илэрлээ

48
05-28
Н.Номтойбаяр гишүүн байхдаа Дорнод аймагт ямар бүтээн байгуулалт хийсэн бэ?

49
05-28
​Хүчирхийлэлд өртсөн эмэгтэйтэй ёс зүйгүй харьцсан шүүгчийн шүүх эрхийг бүх насаар нь түдгэлзүүллээ

50
05-28
Генерал Б.Баярмагнай: Улс төрчид Сьерра леонд очоосой, баялгийн балгаас нь суралцаасай

51
05-28
Зээлийн хүүг бууруулах нь гарц мөн үү?

52
05-28
​‘Онон’ Монголдоо эсэн мэнд буцаж ирсэн цорын ганц эгэл хөхөө болжээ

53
05-28
Гаршсан ЖДҮ-чин нэр дэвшиж болох уу

54
05-28
Төгсөрсөн луйварчин О.Магнайгийн маскыг хуулжээ

55
05-28
Тахалтай орнууд хөл хориогоо сулруулаад байх, манайх чангалаад байх аль нь зөв бэ

56
05-27
УИХ-ЫН ГИШҮҮН Н.НОМТОЙБАЯРЫН САНААЧИЛГААР УЛСЫН ТӨСВИЙН ХӨРӨНГӨӨР 2012-2019 ОНД ХИЙГДСЭН БОЛОН 2020 ОНД ХИЙХ АЖЛУУД

57
05-27
Хүүхдийн баярт зориулсан ХӨӨРХӨН ХЯМДРАЛ 50% зарлалаа

58
05-27
ОЛОНТОЙ ХҮН

59
05-27
“Эрдэнэт үйлдвэр” ТӨҮГ хэмнэлтийн бодлого хэрэгжүүлсний үр дүнд уурхайчдын цалин, ахмадуудынхаа тэтгэмжийг нэмэгдүүлжээ

60
05-27
Нийслэлийн ИТХ-ын дарга Р.Дагва барилгын материалын үндэсний үйлдвэрлэгч “Жоби” үйлдвэртэй танилцлаа

61
05-27
The New York Times: Турк улс Ливид гол тоглогч болж хувирсан нь

62
05-27
Ц.Мөнхбаяр, П.Шинжээравдан нарын иргэд Н.Энхбаярыг СЕХ бүртгээгүйг эсэргүүцэж, үймээн үүсгэв

63
05-27
Сонгуулийн солиорол ба тэрбумтан болгох амлалт

64
05-27
Д.Нямхүү: Долоон хүнээс коронавирус илэрч, нийт батлагдсан тохиолдол 148 боллоо

65
05-27
Нэр дэвшигч гэх БИРДҮҮД гарч ирээд хүслээ хэл гэвэл битгий гэнэн байгаарай

66
05-27
В.Путин: Орос хүнсээр өөрийгөө хангаж чадна

67
05-27
Т.Билэгжаргалд 2.8 жилийн хорих ял оноолоо

68
05-27
Ч.Улааны амласан ба улайсан тайлбар

69
05-27
НМХГ:"Сансар" худалдааны төвийн бэлгэнд боосон "Haribo" чихэр шошгын мэдээллийн зөрчилтэй байсан

70
05-27
БНСУ-д амны хаалтгүй иргэдийг нийтийн тээврийн хэрэгслээр зорчуулахгүй

71
05-27
Алтны ханш 1700.60 ам.долларт буюу сүүлийн найман жилд хамгийн өндөр үнэ хүрлээ

72
05-27
Сонгууль явуулах журмаа хэзээ танилцуулах вэ?

73
05-27
Усаа хэмнэх ухаан нь амьдралыг тэтгэх үнэт зүйл юм

74
05-27
Цар тахлын төв дэлхийн бөмбөрцгийн баруун хагаст шилжиж буйг ДЭМБ анхааруулжээ

75
05-27
АНУ-ын хотуудад хөл хорионы улмаас хоол хүнсгүй болсон хархнууд бие биеэ барьж идэж байгааг мэдээлжээ

76
05-27
Мөнгөөр нь биш, мөрийн хөтөлбөрөөр нь сонгоё

77
05-27
Парламентын сонгуулиар хэнийг Ерөнхий сайд болгохоо давхар шийднэ

78
05-26
Нийслэлийн 2020 оны газар зохион байгуулалтын төлөвлөгөөнд нэмэлт, өөрчлөлт орууллаа

79
05-26
Энэ сарын 30-нд нутгийн зүүн хагаст бороо, уулаараа нойтон цас орж, эрс сэрүүснэ

80
05-26
Нийслэлийн ИТХ дахь Ардчилсан намын бүлгийн ахлагчаар М.Тулгатыг сонголоо

81
05-26
Хятадын Засгийн газар ажлын тайлангаа танилцуулжээ

82
05-26
Амжилтын түүх: Кино түрээслэгчээс "Нетфликс"-ийн гүйцэтгэх захирал болсон Рид Хастингс

83
05-26
Наадамлаад өвдөх үү, наадахаас татгалзах уу

84
05-26
Эверест оргилоос харагдах үзэмж

85
05-26
Цэнхэр дэлгэцийн наадам гэж юу байдаг юм бэ?

86
05-26
ОХУ-ын ерөнхийлөгч Владимир Путин Кремльд эргэн иржээ

87
05-26
Монгол Улсаас ОХУ-д 1 сая ам.долларын махны тусламж үзүүлэх гэрчилгээг гардуулав

88
05-26
Гэрээний хүрээнд хүлээсэн үүргээ биелүүлэхийг АНУ-д уриалжээ

89
05-26
ОХУ-д “Ми-8” цэргийн нисдэг осолджээ

90
05-26
Энэ сонгууль миний бодлоор…

91
05-26
Францад трансжендер эмэгтэй анх удаа хотын даргаар сонгогджээ

92
05-26
Салхитын мөнгөний ордын хэргээр шүүгдсэн Ш.Мөнгөншагай нарт 2-5 жилийн ял оноолоо

93
05-26
Д.Цогтбаатар сайд гадаад дахь иргэдийг ОЛИГАРХИ хэмээн доромжлов

94
05-26
Хариуцлага алдсан таван хүний асуудлыг 30 хүнийг халсан болгож дэвэргэжээ

95
05-26
МАН-ын нэр дэвшигчдээс ЖДҮ-гийн зээл авсан нь баримтаар нотлогдсон ганц хүн Х.Нямбаатар

96
05-26
Нийслэлийн 2,000 цэгт хүний нүүр царайг таних боломжтой камер суурилуулахаар болжээ

97
05-26
ОХУ-аас 171 иргэн эх орондоо ирлээ

98
05-26
Шүүхийн ерөнхий зөвлөл Үндсэн хууль зөрчив үү?

99
05-26
Маш ноцтой: “Дуншиж” буй шашны хууль гадаадын захиалгатай гэв үү?!

100
05-26
Шүүхийн ерөнхий зөвлөл Үндсэн хууль зөрчив үү?