буй сургаар ченжүүд машины үнийг нэмжээ. Өөрөөр хэлбэл эл өдрүүдэд малчид ойр зуур унах суудлын машинаас авахуулаад ачааны портер машин ихээр худалдан авдаг. Үүнтэй холбоотойгоор автомашины үнэ дахин нэмэгджээ.  Иргэд хөл дүүжлэх унаатай болох аль эсвэл унасан унаагаа “томруулах”-аар автомашины зах, төвүүдийг зорих нь элбэг. Зарим нь бэлтэй харагдах алхмаа автомашин болгодог гэхэд ч хилсдэхгүй. Тэгвэл эрэлт эхэлсэн байх ёстой энэ үеэр автомашины худалдан авалт, үнэ ханшийн үзүүлэлт ямар байгаа талаар сурвалжиллаа.

иргэдийн халаас өдрөөс өдөрт нимгэрч байхад, автомашины үнэ нь тэнгэрт хадаж буй дүр зураг нүднээ  эл харагдаж байлаа.

Да хүрээ захад хаврын хавсраг нүдэж, тоос тортогтой холилдсон ченжүүд машинаа өндөр үнээр зарчих санаатай байна. Харин тэдний үнийг сонссон худалдан авчид“ Пүү паа” хэмээн буцаж буй. Зах автомашинаар “хахсан” хэдий ч эзэнгүй худалдааны талбай. Худалдан авагч бага байгаагаас автомашин борлуулагчид ч нам гүм. Эгнэн байрласан автомашинуудад  “Хаврын урамшуулал 1.5 хувийн хямдрал” хэмээх бичгийг өлгөсөн байх. Урамшуулал, хямдрал зарласан ч худалдан авалт тааруу байгааг хэлж байлаа. Тэдний ярьж буйгаар өнгөрсөн хавар өдийд автомашины борлуулалт сайн байсан гэнэ. Мөн лизинг худалдааг олон төрлийн сонголт боломжоор гаргаж байгаа ч авах хүн олдохгүй байгаа сурагтай. Харин унаж байсан автомашинаа зарах гэсэн иргэдийн хөл тасрахгүй байна. Үүнээс гадна автомашин худалдан авахаар ирж буй иргэдийн 80 орчим хувь нь арилжааны банк болон ББСБ-ын нөхцөлөөр автомашин худалдан авч байгаа талаар худалдаачид хэлж байна. Мэдээж эдийн засгийн хүнд нөхцөлд бэлэн мөнгөөр автомашин худалдан авах иргэд барагтай байхгүй. Аймгийн ойн баяраар шинэ машин унах санаатай яваа иргэнээс тодруулахад “Энэ зун манай аймгийн ойн баяр болно. Тиймээс шинэ унаа авчих санаатай энд ирээд байна. Хөл дүүжлэх унаатай болохоор шийдэж, автомашин худалдааны төвийг зорьж ирээд байна. Автомашины үнэ ч тэнгэрт хадчихжээ. Аймгийнхаа наадамд очих тул жижиг ч болтугай унаа авъя гэж санаалсан юм. Сайн үзэж байгаад л худалдаж авахыг бодно доо. Байгаа мөнгөндөө л тааруулаад машин хайж байна. Ер нь бол ченж нар өөр өөр л үнэ хэлж байна. Болохгүй бол дахиад өөр автомашины зах орж судална даа" гэв.

Харин автомашин худалдаачдын хувьд автомашины үнэ нэмэгдсэнийг тээврийн зардал нэмэгдсэнтэй холбон тайлбарлаж буй. Ийнхүү иргэдийн халаас өдрөөс өдөрт нимгэрч байхад, автомашины үнэ нь тэнгэрт хадаж буй.

Автомашины худалдан авах гэж буй хүний тоо цөөрч, үнэ ханш өссөн талаар "Да хүрээ"-д тэвштэй автомашины худалдаа эрхэлдэг 50 орчим насны эрэгтэйгээс асуухад тэрбээр “Портер үйлдвэрлэсэн оноосоо хамаараад янз бүрийн л  үнэтэй байна даа. Манайх энэ жил 1999-2005 онд үйлдвэрлэгдсэн автомашинуудыг худалдаалж байна. Энэ портер гэхэд 1999 оных 14 сая төгрөгөөр зарагдаж байгаа" гээд хажуудах автомашинаа зааж байна. Тэрбээр үргэлжлүүлэн "Автомашин оноосоо шалтгаалж, үнийн хувьд 500-800 мянган төгрөгийн зөрүүтэй байдаг. Өмнөх хэдэн өдөр хүний хөл хөдөлгөөн тасардаггүй, орлого ч сайн байсан. Харин энэ жилийн хувьд худалдан авалт эрс муу байна. Тээвэрлэлтийн зардал өссөний улмаас нэг автомашин үнэ гэхэд л 1-1.5 сая төгрөг нэмэгдсэн. Өссөн үнэ нь зөвхөн тээврийн зардлын өртөг. Түүнээс бус худалдаачид зохиомлоор үнийн хөөргөдөл үүсгэсэн зүйл байхгүй” гэв.

  "Да хүрээ" төвийн хашаан дотор "Ямар машин сонирхож байна", "Сайн яриад өгнө шүү" гэсэн олон ченж угтаж байна. Нэг нэгнээсээ ам "уралдаж", хариу хэлээгүй байхад нь л машин руугаа оруулж, суулгачих гээд л зогсож байх. Тус төвөөс сүүлийн жилүүдэд иргэдийн түлхүү сонирхох болсон "Aqua", "Prius-20", "Prius-30", "Harrier" зэрэг автомашины үнийг сонирхвол

“Aqua” 14-19 сая төгрөг

 

“Toyoto Harrier” 47-88 сая төгрөг

 

“Toyota Pruis 20” 17-23 сая төгрөг

       

“Probox” машин орж ирсэн оноосоо хамаарч, “Да хүрээ” захад 10-14 сая, “Үнэгүй.мн”-д 7-14 сая төгрөгийн үнэтэй

          "Да хүрээ" захын зогсоол дээр ченж нар зарж буй автомашинаа тавихаас гадна машин авахаар ирсэн хүмүүс тээврийн хэрэгслээ байршуулдаг аж. Автомашин тус бүрээс 2000 төгрөгийн хураамж авах бөгөөд төлбөрөө төлсөн автомашины эзэн тухайн өдрийн турш нэмэлт төлбөр төлөлгүйгээр машинаа байрлуулж болдог гэнэ. Цаг алдалгүй хэдэн тийш гүйж, захын талбай руу орж байгаа автомашинаас төлбөр авч буй үүдний жижүүр “Өнөөдөр үйлчлүүлэгчдийн тоо харьцангуй бага байна. Хүмүүс манай захыг амралтын өдрүүдээр амардаг гэж боддог учир үйлчлүүлэгч цөөн байдаг. Харин автомашинаа бусдад шилжүүлэх, даатгалд бүртгүүлэх гэж ирж байгаа улс их байна даа” гэв. 

           Иргэдийн хамгийн их сонирхдог “Prius 20” маркийн автомашин нь орж ирсэн оноосоо хамаарч, “Да хүрээ” захад орж ирсэн нь 16-19 сая бол Монголд явж байсан нь 12-15 сая байна. Харин “Үнэгүй.мн”-д 13 сая төгрөгийн дундаж үнэтэй байгаа юм. Үүнээс гадна хөдөө орон нутгийн иргэд түлхүү сонирхдог, түлшинд хэмнэлттэй “Probox” машин орж ирсэн оноосоо хамаарч, “Да хүрээ” захад 10-14 сая, “Үнэгүй.мн”-д 7-14 сая төгрөгийн үнэтэй байв. Мөн “Harrier” маркийн автомашин “Да хүрээ”-д 35-86 сая, “Үнэгүй.мн”-д 33-90 сая төгрөгөөр худалдаалагдаж байна.  

Цар тахлын үед хил хааснаас үүдэн автомашины үнэ нэмэгдсэн. Харин хил нээж олон улсын худалдаа наймаа чөлөөтэй болсон ч автомашины үнэ буурах нь бүү хэл цагаар өсөж байна гэхэд болно

          Автомашины үнийн хөөргөдөл амьдралд нийцэхгүй болжээ. Хамгийн багадаа үйлдвэрлэгдээд 5-10 жил болж байгаа машинууд монголын зах зээлд асар үнэтэй зарагдаж байна. Үйлдвэрлэгдсэн он нь таван жилээс доош болоод ирэхээр үнэ нь хэд дахин нэмэгддэг. Цар тахлын үед хил хааснаас үүдэн автомашины үнэ нэмэгдсэн. Харин хил нээж олон улсын худалдаа наймаа чөлөөтэй болсон ч автомашины үнэ буурах нь бүү хэл цагаар өсөж байна гэхэд болно. Хөл дүүжлэх унаатай болох гэсэн иргэдэд автомашин авна гэдэг мөрөөдөл болжээ.

 

https://ergelt.mn/news/125/single/31698