учраас уншигчдад дуулгах нь зүйтэй болов уу гэж бодлоо. холбогдогч нь жирийн нэг эр юм. Төрийн албанд зүтгэдэг, нийтийн байранд ганц өрөө хөлслөн аж төрдөг хүн л дээ. Нас дөч шүргэж яваа, нийгэмд хортой зүйл хийе гэх бодол төрөх нь бүү хэл зүүдлэхээргүй нэгэн л дээ. Хамт олон хийгээд найз нөздийнх нь тодорхойлолт ч үүнийг нь гэрчилнэ. Одоо болсон явдлыг нэмж хачирлалгүй хүргэе.

Болдоо дүүргийнхээ нэгэн хороонд нийгмийн ажилтан тул тэр хавийнхаа айл өрхүүдийн сайн сайхан, хүн ардын амьдрал ахуйд санаа зовдог ажилтай гэхэд хилсдэхгүй л дээ. Ажил, гэр хоёрынхоо хооронд шогшдог, илүү дутуу зангүй хүмүүс байдаг даа. Яг тийм нэгэн байж. Гэр нь буюу амьдардаг байр нь “Мамба дацан” хийдийн ойролцоо ажээ. Хааяа Хүнс, хөдөө аж ахуйн яамаар орж элдэв сургалт, семинарын мэдээ, жижиг дунд үйлдвэрийн асуудал гээд л хорооныхоо иргэдийн төлөө явдаг юм байх. Хийдэг ажил нь ч тийм юм чинь. Нэг удаа яг тийм асуудлаар семинарт суучихаад харихаар гарчээ. Ажил тарахтай зэрэгцээд семинар өндөрлөсөн тул тэгээд ч дүн өвөл болохоор гадаа аль хэдийнэ харанхуй болчихож. ХХААЯ-ны автобусны зогсоолын дэргэдүүр өнгөртөл буудлын сандал дээр нэгэн эмэгтэй мэгших мэт сонсогджээ.

Ажвал 19-20 орчим насны охин суугаад уйлаад байх шиг харагдсан байна. Ажил мэргэжлийн онцлог нь тэгж нөлөөлсөн үү, угаас хүнлэг хүн учраас тэгсэн үү, инээхийг бүү асуу гэдэгчлэн яагаад ийнхүү суугааг нь сонирхжээ. Хориод насны туранхай өндөр охин бөөн зовлон тоочсон байна. Бор-Өндөрийнх. Хотод хамаатан садан байхгүй. Таньдаг нэг айлд байснаа хөөгдөөд явж байна гэжээ. Болдоо ч олон юм бодсонгүй. Юуны өмнө дулаан газар бараадъя гээд нэгэн цайны газар оруулан халуун хоол, цай авч өгчээ. Охин нэлээн өлссөн бололтой идэж, уужээ. Ингээд хэрхэх тухай ярилцаад, “Юутай ч өнөөдөртөө манайд оч. Ах нь ганцаараа байдаг юм. Айлтгүй” гээд дагуулж харьжээ. Халуун хоол, цай идэж, уусан охин хэл ам ороод ирсэн байна. Хувцас хунарыг нь харвал тийм ч их ядарсан нэгэн бус бололтой байжээ. Гэртээ ч халуун кофе уулган чихэр, жимсээр дайлаад зурагтаар дуртай нэвтрүүлгээ үзэхийг зөвлөөд компьютерийнхээ ард суун ажлаа амжуулж эхэлжээ. Ингээд амрах болсонд газраар ор засч өгөөд өөрийнхөө ажлыг танилцуулан “Чи маргаашдаа гэр эзлээд, зурагт үзээд, дуртай хоолоо хийж идээд амарч бай. Итгэл даавал ах нь ч итгэж болно. Гэр орноос алга болоод байх юм үгүй. Санаа зоволтгүй” гээд 5000 төгрөг өгөөд унтсан байна. Өглөө нь илүү түлхүүрээ охинд үлдээгээд ажилдаа явжээ. Өдөр цайны цаг дөхөж байтал өнөө охин утасдаад “Ах аа, ирж хоол ид. Би хоол хийчихлээ” гэжээ. Хүрээд ирвэл үнэхээр сайхан хоол хийчихсэн байжээ. Ингээд ажилдаа буцаж яваад орой ирэхэд халуун, хоол цайтай угтжээ. Бараг ийм юм үзээгүй эр хүн баярлалгүй яахав. Мөхөөлдөс, шоколад авч өгч нэгёсондоо баярласнаа илэрхийлжээ. Охин ус цасанд орчихсон, үс гэзгээ янзалчихсан байж. Ингээд зурагтаар дуртай нэвтрүүлгээ үзээд жигтэйхэн гэнэ.

Болдоо хийдгээ хийгээд амрах болжээ. Энэ үеэр охин нэгэн санал тавьсан аж. “Боогий ах аа, би танайд яг долоо хоноод явья, тэгэх үү? ” гэжээ. Боогий ч олон юм бодолгүй “Өөрөө л мэдэхгүй юү” гэсэн байна. Ингээд Болдоо нэгэн сайн дүү охинтой болжээ. Өдрийн хоолоо ч гадуур идэхээ больжээ. Орой халуун хоол, цайтай угтдаг сайн дүүгээ гэр рүгээ явахад нь олигтойхон явуулна ч гэж бодож, төлөвлөж байсныг хэлэх нь зүйтэй болов уу. Цалингаа аваад зарим нэг хувцас хунарыг нь солиод, замын зардал, ойр зуурын юмыг нь хангалттай бэлдэж өгөөд үдэж мордуулъя даа. Хүний охин хүүхэд гадуур явбал балрана, хөөрхий гэх зэргээр бодож явсныг нь яана. Охины ярьсан долоон хоног дуусах дөхжээ. Дөхөх ч юу байхав. Тохирсноор бол нөгөөдөр явна гэсэн үг. Болдоогийн цалин маргааш буух тул санаа зовох зүйл ч байсангүй. Гэртээ харьж халуун, хоол цайгаа идэж, уусан шиг амаръя гэж санаад иртэл юу болсон гэж санана. Хорооны цагдаа, нэг эмэгтэйтэй түүнийг хүлээгээд сууж байжээ. Охин хувцаслаж орхисон огт танихгүй нэгэн мэт болчихсон байжээ. Цагдаа байрандаа очиж ярилцахыг хүсээд тэднийг дагуулан одсон байна. Болдоо замдаа охиноос “Ахын дүү, юу болоод байна даа? ” гэсэн авч охин хариулсангүй. Цагдаа өрөөндөө ороод дуугаа өндөрсгөн “Иргэн Болдоо, та яахаараа энэ охиныг гэрээсээ гаргалгүй хэд хоносон юм бэ?

Өнөө өглөө боломж гарсан тул эхтэйгээ холбоо барьснаар бид танайхаас оллоо. Гачууртын охин гэрээс гараад хориод хоног алга болсныг эрэн сурвалжилж байтал танайхаас олдсон нь энэ” гэж ирээд л ярьжээ. Бөөн маргаан дэгдэлгүй яахав. Болдоо болсон бүх явдлыг үнэнээр яривч охин үгүйсгэх тул яаж ч чадсангүй. Гэхдээ хүчирхийллийн ул мөр шууд харагдаагүй тул цагдаа Болдыг хорьж барихыг урьтал болгосонгүй. Гадуур байцаажээ. Жинхэнэ баларсан юм болсон байна. Дүүргийн шүүхийн мөрдөн байцаагч харин туршлагатай нас тогтсон хүн таарчээ. Эх нь гэх эмэгтэи харин хашгичиж гуугчаад, шорон оронд хатаана гэх зэргээр авирласан нь мэдээж. Адгийн зарга арван хоногтой нь ч биелжээ. Болдоо ганцхан зүйл дээр алдсан байв. Уг нь тэр дор нь цагдаад мэдэгдэх юм уу ядаж л байрны эзэн, ажлынхаа хэн нэгэнд тэр талаар түрүүлээд мэдэгдсэн бол болох байж. Аз болоход охинд хийсэн шинжилгээгээр 72 цагийн дотор бэлгийн ажил хийгээгүй гарчээ. Тэгээд ч туршлагатай мөрдөн байцаагч таарсан нь аз болсон гэхэд хилсдэхгүй. Болдоогийн байр байдал, үг ярианаас яавч тийм юм хийх хүн биш нь ил байжээ. Ингээд охинтой тулж яриад “Ээжээсээ айхдаа худал хэлсэн”-ийг нь хүлээлгэсэн байна. Ингэж нэг юм хэрэг төвөг бололгүй салсан хачин хэрэг гарсныг сэрэмжлүүлэх, бусдыг аливаад бодолтой байхыг ойлгуулах үүднээс товчлон хүргэв. Эр нэг энддэгийн үлгэрээр ганц бие эр хүн ганц удаа “Юу яачихсан” бол балрах байсныг л хэлэх гэв. Хүнлэг сэтгэл гаргаад хүчингийн хэрэгт холбогдох шахсан нэгэн түүх ийн буюу.

У.МИЧИД

Хүнлэг загнаад хүчингийн хэрэгт холбогдох дөхжээ...
Tweet
Bolod.mn

Сэтгэгдэл (12)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
сайхан сэтгэл заримдаа дэмий.

2014-05-14 | 14:57:10 | 216.160.135.15 |

Зочин
МАЛАА иНГЭЖ Т1ТЭЖ Т1ТЦХЭЭД СУУЛД НИ МАН ЛУЙВАРДЛАА ГЭД УЙЛАН ДОНГОДООД БАЙДАГ СХУУ. ЫАЛАГДЛАА ХУЛЭЭЖ СУРААРАЙ

2012-06-14 | 08:35:55 | 202.131.231.26 |

Зочин
хаха үнэн бичих юмаа олж ядаа шивдээ, муу тэнэг сэтгүүлч гөлөг минь чи хийх ажилгүй гөлөг үү, чи аягүй муу арын хаалга авилгалын дурак байгаа даа, чам шиг малнуудаас болоод сэтгүүлч нарын нэр хүнд унаж байгаа юм. зайлаач муу новш

2012-06-14 | 00:53:00 | 202.21.106.5 |

Зочин
МОНГОЛ ТВ ЭЭР ГАРГАЖ БАЙСАН КИНОГ ХААНА ГЭДЭГ ЧИНЬ АРАЙ ДЭНДЭЖ БАЙНА. МАН БОЛИИИ. САНАЛАА ЯАСАН Ч ӨГӨХГҮЙ ДЭЭ

2012-06-13 | 22:59:02 | 182.160.7.228 |

Зочин
сайхан сэтгэлтэй л залуу юм , жаахан болгоомжтой бай, гэхдээ ингэлээ гээд сайхан сэтгэлээ өөрчлөх хэрэггүй

2012-06-13 | 18:47:28 | 86.47.118.81 |

Зочин
БОЛДОО ХИЙДГЭЭ ХИЙГЭЭД АМРАХ БОЛЖЭЭ ... гэж, кк

2012-06-13 | 15:08:42 | 202.21.113.202 |

Зочин
ШИНЭ МОНГОЛ ТЕЛЕВИЗЭЭР ГАРЧ БАЙСАН СОЛОНГОСЫН ОЛОН АНГИТ УЛС ТӨРЧДИЙН АВИЛГА ХЭЭЛ ХАХУУЛЬ, ХҮНД СУРТАЛ БОХИР МӨНГӨ УГААЛТЫН ТУХАЙ ГАРЧ БАЙСАН КИНОГ МАН-ААС ДАРАМТ ШАХАЛТ ҮЗҮҮЛСЭЭР БАЙГААД ГАРГАХГҮЙ БОЛЖ БАЙГАА НЬ АРД ТҮМЭНД УЛС ТӨРИЙН ДОТООД АМЬДРАЛ ҮЙЛ ЯВДАЛЫГ ӨӨРСДИЙНХӨӨ МУУ МУУХАЙГ БАГА Ч АТГУГАЙ ХУГАЦААНД ДАЛДЛАХ ГЭСЭН ЯВУУРГҮЙ ҮЙЛ АЖИЛЛАГАА БОЛЛОО ГЭЖ ҮЗЭЖ БАЙНА ЭСЭРГҮҮЦЭЖ БАЙНА. ҮЗЭГЧДИЙГ ҮЛ ХҮНДЭТГЭЖ ЭРХЭНД НЬ ШУУД ХАЛАЖ БУЙ ХЭРЭГ ЮМ.

2012-06-13 | 14:47:28 | 202.70.45.230 |

Зочин
ХУДЛАА ЗАЛААД БАЙГААРАЙ

2012-06-13 | 14:27:26 | 182.160.18.198 |

Зочин
Ха ха ха энэ хархуу ийм мангартаа л 40 шургэм насандаа гологдол болоод ганцаараа яваа биз? Тэр янхан хуухэн эхтэйгээ муудалцаад л гараад тэнээд яваа биз?

2012-06-13 | 14:20:17 | 124.158.71.121 |

Зочин
ха ха сайн залуу

2012-06-13 | 14:18:10 | 124.158.78.115 |

Зочин
Хунлэг биш мангар л залуу байна шуу дээ. Гудамжаар нэг янхан,тэнэмэл хуухнууд байдгийг мэддэггүй мангар л байна. Тэр охин сургалт явуулаад бутсаад явсан байна.

2012-06-13 | 14:15:04 | 124.158.71.121 |

Зочин
охидуудаа яаж хумуужуулэхийг зааж өг.

2012-06-13 | 14:03:57 | 122.201.18.133 |

Мэдээ
Гадаад мэдээ
Видео